 |
البارت الثالث والرابع ❤️
ملك بهمس : بقولك جت عندى استغلى انتى الفرصه يا ميرهان وقربى منه
وعد رجعت لورا بصدمه وقالت : لاء لاء معقول ملك !!!!؟
دخلت الأوضه بسرعه واتأكدت أن هما بيعملوا خدعه كبيره علي سيف وقررت انها تنقذه عشان محدش يضحك عليه جهزت هدومها وخرجت
ملك بتوتر : و وعد راحه فين
وعد بابتسامه مزيفه : راحه عند بنت خالتى كلمتني وقالت إنها عايزانى معاها يومين وهرجعلك تاني
ملك : ط طب ليه يابنتي هتسبينى كده انا ماصدقت انك وافقتى تكوني معايا
وعد : معلش هجيلك تاني يلا سلام
خرجت وعد وملك بصتلها بقلق وتجاهلت ودخلت الاوضه
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
وعد رجعت البيت ومكانش فى حد خالص دخلت وضبت البيت وجهزت عشا رومانسي ولبست واتشيكت
سيف داخل البيت متضايق ومهموم بس اتفاجأ بالضلمه والمكان هادى دخل وشغل النور واتفاجأ بالشقه متروقه والسفره عليها شموع وعشا
دخل بدهشه وفجأه شاف وعد خرجت من الأوضه وكانت غايه فى الجمال قرب منها بلهفه وشوق وحضنها
سيف بلهفه : وحشتيني اووى اووى ياوعد كده تسبينى وتمشى
وعد استغربت من لهفته عليها وقالت باستغراب : وحشتك !!!!؟
سيف مسك وشها بأيده بحب وقال : وحشتينى اكتر مما تتخيلى انا خوفت عليكي اووي
وعد بابتسامه جذابه : طب بلاش النكد ده وخلينا ننسى ال فات شويه
سيف بحب وابتسامه :ياريت يعني بصي هدخل اغير هدومي واخد شاور وبعدين هخرج ونكمل سهرتنا مع بعض
وعد : ماشى ياحبيبى
دخل سيف الأوضه ووعد قعدت على الكرسى بحزن وحطت أيدها على وشها وقالت فى نفسها : لازم احافظ عليه انا مليش غيره فى الدنيا عمي مش عايزنى وحتى اقرب صديقه ليا طلعت خاينه يمكن سيف مبيحبنيش بس أنا أقدر اخليه يعشقنى
خرج سيف وهو بيدندن وقرب عليها وقفها وقال : زعلانه ليه ياحبيبتى ؟؟؟
وعد بابتسامه مزيفه : مفيش بس فرحانه أن احنا من بعض
سيف قرب عليها اكتر وقال : يلا نرقص
وعد بابتسامه : يلا
فضلوا يرقصوا مع بعض وقت طويل وفى الاخر قعدوا يتعشوا
سيف بحب : موافقه تكونى مراتى فعليا
وعد بخجل : موافقه
ابتسم وقرب منها وذهبوا فى عالمهم الخاص
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
فى الصباح
صحيت وعد من النوم وكان سيف لسه نايم قامت دخلت اخدت شاور واتوضت وادت فرضها وقعدت فى الصاله
سيف صحي وقام مخضوض فاكر أن هي مشيت تاني خرج لاقاها بره ارتاح وراح قعد جنبها
سيف بابتسامه : صباحيه مباركه يا أجمل عروسه
وعد بخجل : الله يبارك فيك
لسه هيقرب منها جرس الباب رن
سيف : انا هقوم اشوف مين
قام فتح الباب وكانت ميرهان
ميرهان دخلت حضنته بدلع وقالت : وحشتنى ياسيفو
سيف زقها بعنف وقال : عايزه ايه ياميرهان
ميرهان باستغراب : انت بتعاملنى كده ليه ياسيف و
قاطع كلامها لما شافت وعد واقفه وراه وبصلها بتحدي
ميرهان بسخريه : اااه ده عشان ست الحسن والجمال هنا ياترى قالتلك هي كانت هربانه مع مين
قاطعها صف"عه قو"يه من سيف وهي اتصدمت
سيف بغضب : والله العظيم لو جبتى سيرة مراتى على لسانك تانى لا هيكون ليا تصرف تاني معاكي ماشى
ميرهان بصدمه : انت بتضربنى عشان دي !!!؟
سيف : ال بتتكلمي عليها دي احسن منكم كلكم بس انا ال كنت مغفل لما ضيعتها من ايدي ومش هكرر غلطى تانى يلا اطلعي بره
ميرهان قالت بتوعد : ماشى ياسيف هخرج بس مش هسيب حقى
خرجت ميرهان وسيف قفل الباب ده كله تحت صدمة وعد ال فرحت جدا بكلامه واتمنت فعلا أن يكون كلامه كله حقيقى
سيف قرب منها ومسك ايدها بحب : مالك ياوعد
وعد بصت فى عينه وقالت : أنت بتحبنى بجد
سيف : امممم سيبى الاجابه دي لأن هثبتهالك أفعال مش كلام ممكن
وعد : بتمني
سيف شالها ودخل بيها الاوضه الخاصه بيهم
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ميرهان بغضب : اومال انتي قولتى ليه أنها عندك ياملك
ملك بتوتر : والله كانت عندي فعلا م وقالتلى أنها راحه عند قريبتها مجاش فى دماغى أنها هترجع لسيف تاني دلوقتي خالص لانها مكانتش طيقاه
ميرهان بشر : خلاص انا عرفت هعمل ايه
ملك : ايه
ميرهان : هق"تلها وأحزنه عليها
البارت الرابع
وعد بابتسامه هاديه : سيف رايح فين
سيف وهو بيرتدى ملابسه ابتسم وقال : رايح الشغل ياحبيبتى مش هتأخر عليكي
وعد بصتله بحزن وسكتت وهو لاحظ وقرب منها وقال : مالك ياوعد
وعد ابتسمت : مفيش ياسيف يلا عشان متتأخرش على الشغل
سيف قلع الجاكيت وقال : يو"لع الشغل مش هروح النهارده بس مشوفش الحزن ده فى عيونك
وعد بضحك : يمكن ده كان سبب زعلى
سيف رفع حاجبه بدهشه : الشغل !!!
وعد اومأت برأسها بمعني ايوه
سيف بضحك وغمزه : مجنونه بس خلاص هو الشغل هيطير يعنى انتي اهم حاجه تكوني مبسوطه
وعد بطفوله : نفسى اروح الملاهي اووى ياسيف
سيف بحماس : طب يلا
وعد بدهشه : يلا فين
سيف : على الملاهى النهارده هيكون ليا انا وانتي وبس هنروح كل مكان بنحبه مع بعض
وعد بابتسامه : هكون جاهزه فى خمس دقايق
قامت تجرى وهو ابتسم على افعالها الطفوليه
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ميرهان : هو ده ال لازم يحصل
ملك : تق"تليها انتي مجنونه
ميرهان بشر : ال ياخد حاجه تخصنى يبقي جزاته المو"ت
ملك : طب فكرى فى طريقه تانيه بدل التهور ده
ميرهان : ده اخر كلام عندي سلام
قفلت فى وشها السكه وقالت بشر : وانتي كمان هخلص منك بعدها علطول
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد يومين
وعد كانت فى الأوضه بتقرأ روايه وفجأه جالها ماسدچ على الفون وكان فيها صوره لسيف وهو حاضن ميرهان ومكتوب فى الرساله ( جوزك بيخونك معاها لو فاكره أن بقا بيحبك تبقي غلطانه)
وعد قفلت الرساله وهي فى صدمه بس قررت تتحكم فى عقلها وتروحله الشغل بنفسها وتواجهه لان وارد جدا ان حد عايز يضحك عليها ويوقعهم فى بعض
جهزت لبسها ونزلت تجرى وركبت تاكسى وطلعت على الشركه ال فيها سيف وطلعت سألت على مكتبه ودخلت بدون استأذان ولقت بالفعل سيف حاضن ميرهان
وعد دموعها نزلت بصدمه وقالت : سيف !!!!!
سيف بعد عن ميرهان وقال بصدمه : وعد !!! وعد صدقيني انتي فاهمه غلط انا
منتظرتش رده ونزلت تجرى بسرعة البرق ودموعها منشفتش وهو كان بينادي عليها وجرى وراها ومش لاحقها
ميرهان بخبث : اول خطوه تمت
وعد كانت نازله تجرى وفجأه لقت فى عربيه سوده وقفت قدامها وحد شدها وبعدين محستش بأي حاجه خالص وفقدت الوعى أثر مخدر
يتبع
متنسوش ذكر الله يابناويت🥺❤️
#زواج بالإجبار
بقلمى هاجر العفيفى
دمتم في حفظ الرحمن 💙
تعليقات
إرسال تعليق