 |
شكرا على التفاعل يابنات❤️ البارت الثالث
أحمد باحراج : كنت عايز اتقدم لأنسه كارما ده لو مفيهاش مضايقه
كارما ضحكت ببلاهه
سامر بغضب : تتقدم لمين !!!! عايز تتجوز مراتى
أحمد بصدمه : مراتك !!!
سامر ببرود : أيوه مدام كارما تبقا مراتى كتب كتابنا كان من يومين وفرحنا أخر الشهر
أحمد بغيظ : اها اسف مكنتش أعرف ربنا يسعدكم عن أذنكم
مشي وسابهم وكانت كارما واقفه مفيش منها رد فعل
سامر بسخريه : عجبك الحوار مش كده
كارما ببرود : وميعجبنيش ليه أن شاء الله عادي واحد محترم وجه أتقدم ليا اصلا لو مكنتش متجوزاك كنت وافقت عليه
سامر بعصبيه : كاااارما الزمى حدودك معايا انا جوزك ولازم تحترميني شويه
كارما بعند : والله بقا انا حره الأستاذ ال هو انت خاطب أصلا يعني يوم مالجوازه دي تتنيل تتفشكل هتشوف حياتك وانا هقعد اندب على حظى هشتفاد ايه بقا
سامر : ومين قالك بقا أنها هتتفشكل أن شاء الله
كارما : انت مبتحبنيش اصلا ياسامر خليك واقعى شويه ومتضحكش على نفسك
سامر : بس انا فعلا بح
قطع كلامه لم استوعب ال قاله وقال بتوتر : م مش وقته الكلام الخايب ده يلا نروح نجيب حاجتنا قبل الليل
كارما بحزن : مش النهارده معلش أنا فعلا محتاجه ارتاح عن أذنك
سابته ورجعت البيت تاني وهو اتفاجئ من تغيرها المفاجئ وحزنها رجع هو كمان بيته
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
أحمد بغيظ : ده كان هياكلني لما قولت أن عايز أتجوزها
رنا بحزن : يعني هو بيحبها
أحمد : واضح جدا من كلامه متعلقيش نفسك بأمل فارغ يارنا وابعدى عنه
رنا قامت وقفت وقالت : تمام انا ماشيه شكرا يا أحمد انك حاولت تساعدنى
رنا سابته ومشيت
أحمد بتنهيده : اه لو تعرفى أن بحبك يارنا وعملت كده عشان اثبتلك أن سامر مش بيحبك
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
سامر حاول يكلم كارما كتير جدا ولكن مكانش فيه رد خالص ومختفيه بقالها يومين كلم والدتها
مروه بحزن : أيوه يابنى
سامر بلهفه : كارما مش بترد ليه ياطنط هي فيها حاجه
مروه : كارما سافرت الصبح اسكندريه
سامر بصدمه : سافرت !!!!! ومقالتليش ليه !!!!
مروه : مقالتش لحد خالص سافرت لوحدها وسابت ورقه وقالت إن هي فى اسكندريه لكن مقالتش فين بالظبط
سامر بغضب : .........
يتبع
رأيكم فضلا هيغير كتير انتظروا الأخير أن شاء الله❤️ومتنسوش ذكر الله يابناويت🥺❤️
#تزوجت سرسجيه
#بقلمى هاجر العفيفى
دمتم في حفظ الرحمن💙
شكرا على التفاعل ياعسليات❤️ البارت الأخير
مروه : كارما سافرت الصبح اسكندريه وسابت ورقه أنها سافرت بس مقالتش فين
سامر بصدمه : سافرت !!!! ومقالتليش ليه!!!!
مروه : مقالتش لحد خالص سافرت لوحدها
سامر بغضب : دى حسابها معايا كبر اووى طب تمام ياطنط اقفلى انتي وانا هتصرف
مروه بلهفه : ابقى طمنى يابنى بالله
سامر بهدوء : حاضر ياطنط سلام
مروه : مع السلامه يابنى ربنا يهديكى ياكارما يارب
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
رنا باحراج : احم أحمد
أحمد بابتسامه : رنا عامله ايه
رنا : تمام الحمد لله
أحمد : اتفضلى اقعدى
رنا قعدت بهدوء وقالت : كنت جايه اسلم عليك قبل ماسافر
أحمد بصدمه : تسافرى !!!!!
رنا : أيوه عرفت أن ماليش مكان هنا الأحسن ليا أن أسافر لأهلى
أحمد بحزن : طب وأنا
رنا بعدم فهم : انت ايه !!!
أحمد : انا بحبك يارنا تعبت من مشاعرى المكتومه دي دايما شايف حبك لسامر وبتعب أكتر
رنا بصدمه : بتحبنى !!!
أحمد : أيوه يارنا ومش من دلوقتى لاء من قبل مانتخرج بس كنت متأكد أن حب من طرف واحد
رنا : بس انا فعلا اكتشفت أن مكنتش بحب سامر ده كان اعجاب
أحمد بأمل : قصدك ان فى أمل تديني فرصه اثبتلك حبى
رنا بهدوء : اكيد طبعا انت انسان كويس يا أحمد واى بنت تتمناك بس انت متأكد أن هو حب فعلا ولا مجرد اعجاب
أحمد بفرحه : يابنتي بقولك بحبك من خمس سنين ده انا عنست جمبك
رنا بضحك : ياراجل
أحمد : ايوه طبعا ها بقا اكلم والدك امتي
رنا : بابا هينزل كمان اسبوع يشوف الشغل ال فى مصر تقدر تكلمه
أحمد بابتسامه : انا مش مصدق نفسي اخيرا ربنا نصرنى وهفوز بيكى
رنا ابتسمت بخجل واتأكدت أنها كانت هتضيع حب كبير منها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى اسكندريه
كارما كانت قاعده على البحر فى الهوا وسرحانه
: فى بنت محترمه تسافر من غير جوزها مايعرف ياهانم
كارما لفت وراها بصدمه : انت عرفت مكاني ازاى !!!!
سامر قعد جنبها وقال بتنهيده : عشان عارف كل الأماكن ال انتي بتحبيها ولما والدتك قالت أنك فى اسكندريه توقعت انك هنا
كارما بصتله بشرود : ايه ال جابك ياسامر بصراحه
سامر بتلقائية : جاى لمراتى
كارما بغضب : سامر متستعبطش انت اصلا مش مقتنع أن أنا مراتك
سامر : بغض النظر عن متستعبطش دي بس انا فعلا جاي لمراتى وحبيبتى كمان
كارما بصدمه : ها !!! حبيبتك
سامر مسك أيدها وقرب منها وقال : مراتى وحبيبتى وصديقة طفولتى المتشرده
كارما كان هيغمى عليها من الصدمه قالت ببلاهه : سامر انت فى عقلك يعني انت سخن او حاجه
سامر بحب : انا فى كامل عقلى دلوقتى انا بحبك من زمان اووى ياكارما من أيام ماكنا اطفال بنلعب مع بعض
كارما بحزن : انت كنت رافض الجوازه
سامر بغيظ : الصراحه ياروحي كنت رافضها بسبب الفضيحه ال انتي عملتهالي لما قولتى عليا متحر"ش فاكره ولا افكرك
كارما بخجل : انت لسه فاكر قلبك أبيض
سامر بضحك : وانتي كمان قلبك أبيض بقا انا كنت متاكد ان بابا هيصمم أن اتجوزك عشان كده عملت نفسى رافض لكن أنا فى الحقيقه واقع فى حبك ياجميل
كارما : وخطيبتك !!!!
سامر : كله تمثيليه رنا زميلتى وطلبت منها تعمل كده عشان اخليكي تتغاظي مش اكتر
كارما بهمس : اقولك على سر
سامر بتركيز : قولى
كارما بمرح : انا ال قت"ل"ت موفاسا
سامر خبطها على كتفها بغيظ وقال : عيله بارده
كارما : على فكره انت زوج مش جدع فى واحد يضر"ب مراته كده
سامر بنفاذ صبر : بقول بحبك ايه مفيش رد فعل بالغلط حتى
كارما : اقولك على سر
سامر بملل : لاء هتقلشي
كارما بضحك : لاء والله مش هقلش
سامر : طب ايه
كارما بخجل : وانا كمان بحبك ياولا ياجوزى
سامر بصدمه : قولى بالله
كارما بضحك : بالله
سامر مسك أيدها وقال : انا بقول بلاش فرح بقا ونطلع على شهر العسل علطول
كارما بشهقه : نعم ياعنيا الفرح اخر الشهر وهيبقا اكبر فرح اسلامى فى مصر ومن غير اعتراض ها ايه تاني ياسطا
سامر بصدمه : اتجوزت سرسجيه فعلا
كارما ببراءه ودلع : بحبك ياولا
سامر بحب : بحبك ياقلب الولا
تمت بحمد الله
يارب تكون عجبتكم❤️ متنسوش ذكر الله يابناويت 🥺❤️
#تزوجت سرسجيه
بقلمى هاجر العفيفى
دمتم في حفظ الرحمن 💙
تعليقات
إرسال تعليق