 |
رواية يومين في الحرام الجزء الخامس
للكاتبة/حنان حسن
قبل ما ابدء الرواية عايزة اقول ملحوظة
لاصدقائي وحبابيي
انا عارفة ان الجزء صغير
بس انا بكتب دلوقتي ووبعاني من دور برد فظيع حرارتي تقترب من الاربعين بس انا كتبت الجزء ده عشان متزعلوش مني...
ارجوا التماس العذر والدعاء ليا بالشفاء
يومين في الحرام
بعدما كنت هموت...
والنسوان هيقطعوا جسمي بالحتة..
انقذني صوت امراة ...جاي من مكان قريب
وسمعت الصوت
بيقول..
تبقي واحدة فيكم تقرب منها...
وشوفوا هعمل فيها ايه؟
فا بصوا الجميع ...باتجاه الصوت
وبعدها طلعوا كلهم يجروا... وهربوا من البيت
بما فيهم مراة ابويا
ولما بصيت باتجاه الصوت
عشان اشوف
هما خافوا من اية ؟
خلاهم خرجوا كلهم ؟ ...
اتفاجئت ادامي
( بالقط الاسود)
واستغربت... ازاي القط كان بيتكلم؟
لكن ...
بعد شوية
لقيت واحدة ست بتخرج من ورا الباب بتاعة الاوضة
وبتاخد القط الاسود في حضنها
ووقفت تبصلي
فسالتها
انتي مين؟
لكن هي فضلت تبصلي بدون ما تجاوب
وفهمت ساعتها
ان الصوت الي كلهم سمعوة..
مكنش صوت القط
وان الصوت... كان صوت الست
الي واقفة ادامي دلوقتي
ومعني كده
ان النسوان ر بطوا بين القط.. والصوت ...
لما سمعوا صوت الست الي كلمتهم
وشافوا القط الاسود ادامهم
عشان كده
خافوا وطلعوا يجروا كلهم بما فيهم مراة ابويا
وده طبعا مطمنيش خالص
عارفين ليه ؟
لان الست الي اخدت القط في حضنها ووقفت ادامي
كانت..
هي نفسها
الست الطيبة الي ماتت محروقة من عشر سنين
ووقفت ابص علي الي بيحصل وانا مزهولة
و حاسة اني بحلم
لكن.. الي فوقني لنفسي
هو ..اني لقيت الست الطيبة جاية عليا
وبتهمس في وداني
وبتقولي...
لو عايزة تعيشي في امان...
في ثلاث حاجات حاذاري تعمليها
اولهم...
حاذري تسيبي البيت هنا تاني ..ولا تخرجي منه
الا ...للضرورة
ولو خرجتي من البيت
لسانك ميتكلمش مع حد
لغاية ما ترجعي للبيت تاني
فا قاومت خوفي والرعب الي كنت فيه
وسالتها...
وقلت...
وليه مش عايزاني اخرج؟
فا قالت..
ولازم تعرفي ...
ان بره البيت ده
هتلاقي الشر متربص بيكي في كل مكان
قلت..حاضر
فا كملت الست الطيبة باقي المحظورات
وقالت...
وثانيهم...
حاذري.. تخرجي سر البيت
لاي حد
ولا تقولي لحد علي الي بيحصل هنا
وثالثهم..
حذاري تمنعي نفسك عن جوزك تاني
وفي اللحظة دي
رديت تاني وانا برتعش
وقلت...
تقصدي اقبل ان فرغلي يجي يعيش معايا هنا
بصتلي الست الطيبة بغضب
وقالتلي...
فرغلي مش جوزك
فرغلي اتحرم عليكي خلاص
من يوم ما اتجوزتي (العاشق)
فسالتها
قلت ..وفين العاشق ده؟
بصت الست الطيبة للقط بدون ما تتكلم
وبعدين سابت القط من ايدها
وفي ثواني دخل القط يجري جوه البيت
بدون ما ترد علي سؤالي
لكن..
قالتلي جملة اخيرة
وهي...
لازم تحذري
لان مخالفة الاوامر هيبقي فيها الهلاك
وبعدما قالت جملتها الاخيرة
سابتني وخرجت من باب البيت...
وقفلت عليا الباب لوحدي
وانا قعدت افكر في كل الي قالتهولي ..
لكن بصراحة
كنت تقريبا مقتنعة بمعظم كلامها..
لاني في البيت هنا فعلا انا
لقيت حماية
من فرغلي وامة...
وكمان ...موضوع ان فرغلي اتحرم عليا ده كمان
كان حقيقي
لاني بعد الي جري من فرغلي
وامه
مبقاش ينفع ارجعلة تاني
وبعدين دي كلها ايام ...
والمحكمة تحكم..
بالخلع
و اتحرم عليه نهائي
لكن المشكلة دلوقتي
في الطلب الاخير
الي طلبتة مني
وهو اني ممنعش نفسي عن الجن العاشق
طيب ازاي؟
..وايه الجنان والرعب ده؟
ووقفت ابص حواليا
وانا حاسة ان العفاريت حواليا في كل مكان
وهما كلهم شايفيني...
وانا بس الي مش شايفاهم
وسالت نفسي
وقلت..
طيب اروح للشيخ جلال ...واقولة
يجي يحصني من الجن العاشق؟
بس هخرج ازاي؟
دي الست الطيبة حرمت عليا الخروج
وقالتلي...
ان مخالفة اوامرهم فيها هلاكي
وفضلت افكر
في كل الي حصل وانا حاسة اني هتجنن
لغاية ما جالي صداع فظيع
ودخلت اوضتي...ونمت
لكن في الليلة دي
محصلش اي حاجة
ولا حتي شوفت القط الاسود خالص
وبدات اخد علي البيت واحده واحده...
وقومت حضرت الفطار... وعملت الشاي... وفطرت
وقومت كمان نضفت البيت
وبعدها عملت الغدا ...
واتغديت...
وانا بتفرج علي التليفزيون..
وبعدها بكام ساعة
اتعشيت
ودخلت نمت
وبرضوا مشوفتش القط الاسود
ولا حسيت بان في حد جه جنبي
واستمر الامر علي كده
لدرجة اني نسيت موضوع الجن العاشق
فا خرجت... وروحت سحبت فلوس
وبعدها ...روحت اتسوقت
ومليت الثلاجة اكل ...
وبدات اعيش حياتي في البيت عادي
وفضل الامر علي كده
لغاية ما في ليلة
كنت ممدة علي السرير في اوضتي
لكن كنت صاحية مش نايمة
وبتفرج علي التليفزيون
وفجائة النور قطع...
وسمعت نفس الخطوات
الي كنت بسمعها
وبعدها...
حسيت ان في حد جنبي علي السرير
وشميت نفس الريحة
الي شمتها قبل كده...
ولما سمعت انفاس بتلهث جنبي و بتقرب مني
حاولت اهرب ...واجري من الاوضة
لكن ...
رجعت اشعر اني اتقيدت تاني وكأن حد مكتفني
وحسيت كاني في حلم
مكنتش قادرة اصحي منه
ولا اوقفة
وبعدما
حصل الي حصل...
النور رجع للاوضة
فاقمت الملم في نفسي
وادور حواليا علي الي عمل كده معايا
لكن...
مكنش في اثر لوجود اي حد في الاوضة
ولا حتي القط الاسود
وكنت هتجنن...انا ايه الي بيحصلي ده؟
وليه؟...واشمعني انا؟
وياتري الي بيحصلي ده بيحصل بجد؟
ولا ده حلم؟
لكن ...موصلتش لاجابة
واتكرر الامر اكتر من مرة
وكل مرة...
كنت بحاول اهرب لكن مكنتش بقدر
ومر اكتر من شهرين
علي الوضع ده
وكل مره
كنت بنوي اروح للشيخ جلال واقولة
علي الي بيحصل
لكن... كنت بخاف من التحذير الي سمعتة
وفضلت عايشة مرعوبة... وحزينة... ومكتئبة..
من الي بشوفة كل ليلة...
لدرجة انه اثر علي صحتي
ومبقتش قادرة اقوم ...
ولا اتحرك ...
والاغرب ان معدتي مكنتش بتقبل اي اكل
وكل شوية كنت بتقيئ
وحسيت اني تعبت جدا
وكنت تقريبا بموت...
فا خرجت من البيت
وانا بتسند علي الجدران
وقولت...لازم اروح اكشف عن اي دكتور في البندر
المهم..ركبت وروحت لدكتور باطنة
وبعدما كشف عليا
لقيتة بيقولي...
انا كتبتلك علي علاج ...ونظام غذائي
لازم تمشي عليه
فا قلتلة...
نظام غذائي ايه يا دكتور؟
انا معدتي معدتش بتقبل اي اكل
وبرجع باستمرار
وحاسة اني هموت
رد الدكتور
وقالي.. انا مش عايزك تقلقي
مهو الترجيع في حالتك دي طبيعي جدا
وهينتهي بعد الشهور الاولي ما تعدي
قلت...معلش يا دكتور طيب ممكن تقولي
ايه هي حالتي بالظبط؟
وليه انا معدتي مقلوبة وبرجع باستمرار؟
رد الدكتور ...وصدمني باخر شيئ كنت اتوقعة
وقال....
عارفين الدكتور قال ايه.....؟
لو عايز باقي احداث الرواية
صلي علي رسول الله وطبعا مش هننسي نضع عشر ملصقات مع
متابعة للمدونه
تكملة الروايه من هنا
تعليقات
إرسال تعليق