 |
الاخت الكبيرة
|6|
سيد : انا هديكوا فرصة اخيرة
علي: تحت امرك يا بيه
سيد : انت بكرة هتروح تعمل.....ولا اقولك الموضوع ده مش هيخلص الا لما انا اخلصه بنفسي روح انت
مر الليل بسرعة في صباح اليوم التالي في فيلا سارة
سيد : صباح الخير يا خالد سارة عامله ايه
خالد : صباح النور اهي نايمة فوق
سيد : ربنا يقومها بالسلامة ممكن اطلع اشوفها واطمن عليها ده بعد اذنك طبعا
خالد : اه طبعا اتفضل البيت بيتك
اوصله خالد للغرفة
يارا : بابا ممكن دقيقة
خالد : جاي حاضر ....سيد البيت بيتك ادخل لسارة وانا دقيقة وجاي وراك بعد اذنك
سيد بفرح : اتفضل انا مش هطول هطمن عليها وامشي على طول
خالد : براحتك
طرق سيد الباب ودخل وجد سارة مسطحة بالسرير
سيد : اخيرا هخل'ص منك تعبتيني يا شيخة من يوم ما عرفتي حقيقتي وانا بحاول اخل'ص منك باي طريقة وانت زي القطط بسبع اروا'ح
امسك مخدة صغيرة ووضعها على وجهها يحاول خن'قها فامسكت سارة يده
سيد بصدمة وهو يرجع للخلف: ازاي انتي ...انتي فوقتي امتى؟
سارة وهي تقوم من السرير : ايه كنت عايز تخل'ص عليا بنفسك مش خطر عليك كدا يا سيادة اللواء
سيد : انا ...انا كنت بحاول احجب النور عشان تعرفي تنامي
سارة : والله ...ما بلاش شغل الطيبة ده وندخل لبعض على المكشوف
سيد وهو يغلق الباب بالمفتاح : وماله
سارة : انا عرفت كل حاجة عنك
سيد وهو يضع كاتم الصوت للمسد'س الخاص به : وانا عارف انك عارفة كل حاجة
سارة : يعني انت معترف انك جا'سوس وبعت البلد
سيد : بلد مين يا ام بلد البلد دي للي معاه فلوس وانا بقا معايا فلوس وفلوس كتيير اوي بس اللي زيك هما اللي بيحق'دوا علينا وعايزين يد'مروا حياتنا وانا مش هقبل بكدا اتشا'هدي على نفسك
خالد : بتعمل ايه يا سيد انت فاكر اني هسمحلك تق'تل بنتي في بيتي
اشرف : سلم نفسك يا سيادة اللواء
سيد : انت ات'جننت يا اشرف انا معملتش حاجة
خالد : انا عارف كل حاجة وكل اللي انت قولته متسجل صوت وصورة
سيد بتوتر : عارف... عارف ازاي
فلاش باك
قبل كام ساعة كانت سارة قاعدة في اوضتها بتفكر تعمل ايه
سارة : الساعة اتنين دلوقتي اكيد الكل نام
ذهبت لغرفة والدها وطرقت الباب ففتح لها خالد
خالد بنعاس : سارة ؟ مالك يا بابا انتي تعبانة اجبلك الدكتور
سارة : انا كويسة يا بابا بس عايزاك في موضوع
خالد : الموضوع ده ميستناش للصبح
سارة : ده انسب وقت عشان اكلمك فيه مش لازم حد يسمعنا
خالد : طب ادخلي
سارة : لا تعالى الجنينة عشان محدش يتصنت علينا
خالد : يلا
نزلوا للجنينة وجلسوا على تربيزة وكانت سارة تنظر حولها بخو'ف
خالد : في ايه مالك متوترة كدا ليه
سارة : بابا بسبب اللي حصل انا قولت لازم تعرف كل حاجة عشان لو حد نجح في اذ'يتي تعرف تتصرف
خالد : محدش هيقدر يقر'ب منك طول ما انا عايش
سارة : انا حاولوا يقت'لوني بدل المرة اتنين مش كل مرة تسلم الجرة
خالد بعملية : قولي اللي عندك
سارة : اللواء سيد
خالد : سيد!! ماله
سارة : طلع جا'سوس
خالد بصدمة : اية؟؟ ازاي ده بيحب البلد زي عينه
سارة : انا اتصدمت كدا زي حضرتك لما عرفت
خالد : وعرفتي ازاي
سارة : حضرتك عارف اني في الفترة اللي فاتت كنت ماسكة قضايا حساسة جدا كانت في معلومات كتير بتتسر'ب كنت انا قائد الفريق كنت اي معلومة اوصلها كان لازم ابلغه بيها وهو كان يصمم اني ابلغ بيها الفريق كله مع ان ده كان ضد القوانين ولما اقوله كدا يقولي لازم الفريق بتاعي يكون على علم بكل جديد عشان يعرفوا يتصرفوا في اي موقف مفاجئ لما المعلومات اتسر'بت انا شك'يت في كل الفريق شك'يت حتى في نفسي مع البحث اتأكدت انه محدش من الفريق هو اللي الخا'ين اللواء سيد كان برة دايرة الش'ك في سمعته بيتكلم في التليفون عن القضية اللي كنا شغالين عليها في وقتها بدأت اتابعه وادور وراه لحد ما عرفت انه جا'سوس من زمان وانه بيتحول على حسابه مبالغ كبيرة جدا كل فترة هو عرف اني بدور وراه وهد'دني اكتر من مرة بطرق مباشرة وغير مباشرة وانا متأكدة انه هو اللي حاول يقت'لني المرات اللي فاتت
خالد : انا مش قادر اصدق اللي بسمعه معقولة سيد اللي كلنا بنحلف بوطنيته يعمل كدا
سارة : انا مش هقول كلمه غير لما يكون معايا دليل عليها
خالد : فين الدليل ده
سارة : دي فلاشة عليها ادلة كتير تدينه انا عملت منها نسختين واحدة معاك والتانية هتكون معايا ..بس ناقص حاجة
خالد : ايه
سارة : اعتراف بصوته
خالد : وده انتي هتعمليه ازاي
سارة : هو مش قالك انه هيجي البيت
خالد : اه
سارة : خلاص يبقى جاي لنها'يته
باك
سارة : وكل اللي حصل من ساعة ما دخلت لحد دلوقتي كان حسب الخطة
سيد : متقدرش تقب'ض عليا غير باذن نيابة حتى التسجيل اللي معاكوا مالوش لازمة لانه اتسجل من غير اذن نيابة
اشرف : انا معايا امر بالقبض عليك
سارة : عيب يا سيادة اللواء ده انا تلميذتك معقولة تفوتني حاجة زي دي
سيد : انا مش هروح واحدي انتي كمان هتروحي معايا
سارة : انا معملتش حاجة ا'تحبس عشانها
سيد وهو يرفع المسد'س : انتي هتروحي مكان تاني
ضغط على الز'ناد وانطلقت الرصا'صة لتستقر في كتف اشرف فضر'ب خالد سيد او'قعه ارضا وق'يد يده
سارة بخوف : اشرف انت كويس
اشرف با'لم : انا كويس الرصا'صة في كتفي
سارة : طب قوم معايا نروح المستشفى
خالد : انا هروح معاه خدي انتي سيد للقسم وخدي معاكي ناس لاحسن يغدر بيكي
سارة : ماشي ...خدوه
سيد : انا مش هسيبك والناس الكيبرة مش هتسيبني انا هخرج تاني بس انتي اللي ايامك في الدنيا بقيت معد'دوة
نقل سيد للمركز
سارة للعسكري : افتح الحب'س الانفر'ادي يا ابني
العسكري : تمام يا افندم
سيد بتهكم: فاكرة لما تحب'سني انفرا'دي مش هخرج ..هه ده بعدك
سارة : طول ما انا عايشة مش هرتاح غير لما تاخد اعد'ام
ضحك سيد بقو'ة فد'فعته سارة بقو'ة للداخل
سارة : محدش يدخل عنده غير لما اكون موجودة فاهم
العسكري يؤدي التحية العسكرية: تمام يا افندم
ذهبت سارة لمكتبها في انتظار نقل سيد لعرضه على النيابة سمعت طرق على الباب
سارة : ادخل
اشرف : السلام عليكم
سارة : عليكم السلام ايه اللي جابك
اشرف : الاصا'بة سطحية فجيت عشان اكون معاكي لما ننقل سيد للنيابة
سارة : ممكن تروح ترتاح وانا هخلص كل حاجة
اشرف : انا كويس متخافيش ....احم كنت عايز اتكلم معاكي في موضوع
سارة : اتفضل
اشرف : طبعا انتي عارفاني من حوالي سنتين
سارة : اه
اشرف : عارفة طبعا ظروفي واني الحمد لله مرتاح ماديا وعارفة اخلاقي كويس
سارة : شخص محترم جدا بصراحة بس انا مش فاهمة انت بتقولي الكلام ده ليه
اشرف : انا عايز اخطب ومش عارف هتوافق عليا ولا لا
سارة : اكيد هتوافق انت شخص محترم وابن ناس ومركزك كويس
اشرف : يعني اتكل على الله واكلمها
سارة : من غير تردد
اشرف : طب ايه رأيك تكلميها انتي
سارة : اكيد لو اعرفها مين هي ؟
اشرف :انتي
سارة : اعتبر الموضوع خلص انا هكلم....مين؟
اشرف : انتي انا بحبك وعايز اتجوزك
سارة :*******
نكمل بعد قليل
عايزين سارة تتجوز مراد ولا اشرف ؟
وبتحبوا مين اكتر شخص في الرواية؟
تعليقات
إرسال تعليق