 |
البارت الثامن والتاسع والأخير 🔥
مصطفي اخويا ظهر عليه علامات الإدمان وبقا سلوكة وحش اوي وعربجي ومش بيحس
وعنده لا مبالاة راهيبة.. مش بني آدم يعني
قالو هيجوزوه يمكن يعقل وربنا يهديه وفعلا خطب وحده
ياعيني غلبانه بريئة تستاهل حد ملاك زيها مش عديم
الاحساس والمسئولية ده ..كنت عايز اقول ل اهلها ازاي
تسلموها ب ايدكم للجحيم والهلاك ب ايدكم ده انتو لو سالتو
اي حد في المنطقة أو عند المحل عنده
هيقولكم أنه مش راجل ولا بني آدم اصلا وشمام
اتجوز وبعد 4 شهور المشاكل ابتدت مصطفي بقا يضرب
ويشتم مراته ب اقزر الالفاظ وبقا بيبيع في الدهب بتعها
والمحل خرب بسبب أنه مبقاش ينزل قاعد طول اليوم في
الشقة يأكل ويشرب ولازق ل مراته
مصطفي باع العربية وكان كل ما ابويا ولا امي يسألوه
يقولهم انها في التوكيل بتتصلح
وشوية يقولهم أنه ماجرها لحد ما اكتشفو أنه بعها من واحد صاحبه
اختي طلبت الطلاق اكتر من مره وكان الحوار ف انها تتنازل
عن حاجتها وامي كانت بترفض وهو كان يحاول ويرجعها
وكانت بترجع لحد ما في مره لقتها جايه وشايله ابنها وشنط
كتير اوي اووي وقالت ل امي انها اتطلقت منه واتنازلتله عن
كل حاجه واخدت ابنها امي قعدت تلطم وتصوت لحد ما
أغمي عليها وابويا واقف ساكت خالص اكنه صنم
معرفش ايه التعوير الكتير الي في جسم اختي دي خرابيش
لما هديت اقسمتلي بالله أنها كانت حالة نفسية بتجلها
بتخليها تعمل كده غصب عنها بسبب الضغط العصبي الي كان
جوزها معيشها فيه
امي تعبت اوي بعد طلاق اختي انكسرت شوية
ابويا الي بقا صامت خالص لا بيهش ولا بينش
لقيته بيصحيني الصبح الساعة 10 سحبلي الفلوس وكلم
الموظف أنه يفتحلي حساب ويحطهم ب اسمي قولتله مش
عايزة وبجد مش عايزة
بصرف النظر اني ده حق اخواته ومش حقي
بس أنا بقا شايفة كل الي اخد من الفلوس دي حصله ايه
المهم اخدتهم وقالي متعرفيش امك ده حقك قولتله ماشي
قولتله واحنا في التاكس ما تيجي نروح نزور ستي ونقرلها
الفاتحة قالي والله نفسي ارحلها وسرح وراح في دنيا تانية
لحد ما وصلنا ونزلنا
بسبب الحالة الي امي فيها وبقت بتخرج كتير تروح ل
مصطفي علشان عامل مشاكل كل شوية مع مراته واهلها الغلابة
حتي لما بترجع البيت بتحب تقعد لوحدها وتقفل عليها بقيت
سهل انزل عادي
نزلت مره قبلت ايهاب واتمشينا واتفق معايا انه هيكلم ابويا
ويطلبني منه وكلمه فعلا وبابا قاله موافق وامي كلمت ايهاب
وقالتله الي في دماغ ده مش هيحصل يا ابن كمال
تاخد بنتي علشان تلوي دراعي بيها ده بعدكم
قالها والله أنا وحنان ملناش دعوه بالمشاكل الي بينكم وبين بعض دي
قالتله البنات ع قفا من يشيل موقفتش ع بنتي يعني قالها
بحبها قالتله حب غيرها ياعنيا
روح ياحبيبي اعمل الشويتين دول في حته تانيه .
.وهو ابوك وامك مطلبوهاش ليه قالها هما علشان عارفين انك
هترفضي ومش عايزين يحرجو نفسيهم ..قالتلي طب والله
ناس محترمة وعندهم دم وانتي ياحبيبي مش طالع ليهم ليه .
.فضلت بعدها اسبوع محبوسة لحد ما اختي تعبت وامي
واخدتها وراحت اتحجزت بيها في المستشفي
وانا طلعت ع البنك وسحبت الفلوس ورحت ل عمي كمال قولتله خدهم
قالي اي ده ياحنان قولتله ده نصيبي الي ابويا ادهولي قالي
ومختهوش ليه زاي اخواتك قولتله والله مش عايزه الفلوس
دي في لعنة بلله عليك لتخدها اديهم لعماتي لعمامي خدهم
انت المهم مرجعش بيهم فضل يطبطب عليا ويقولي اهدي
ويمسحلي دموعي ولما هديت قالي العيب مش في الفلوس
العيب في النفوس يابنتي امك هي اوس البلاوي قولتله والله
صح ياعمي ابويا ده غلبان خالص وطيب قالي هعرفيني ع
اخويا يابت ربنا يهديه ويفك كربه قولتله عرفت منين أنه في
كرب قالي الي يتجوز ست بصفات امك دي يعيش حياته في
كرب وهم تعرفي ابوكي ده الي كان ع الحجر الدلوعة بنسبة
ل امه كانت تيجي علينا كلنا بسببه
كلنا نلبس في العيد الكبير نفس الطقم بتاع العيد الصغير
الا ابوكي كانت امي تجبله طقم جديد كنا بنغير من حب امي ليه الزيادة
كانت بتعمل كده معه علشان كان اطيب وأغلب واحد فينا
وكنا كلنا نروح ونيجي الا هو لازق فيها لحد ما كان قرب
يتجوز ومكنش بيسبها ..بس الي هيجنني امي أنا كلمتها عن
الأرض وكانت رفضه تقسمها وهي عايشة أو تبعهالي وقالت
ابقو اعملو فيها الي عايزينه بعد ما اموت قولتله ياعمي امي
السبب زاي ما انت قولت والله لقيته انتبه لكلامي وقالي هااا كملي
وزاي الي عارف بس محتاج يتأكد بس هو حاسس اني ابويا
مضها غصب عنها أو وهي مش حسه
حكتله ولقيت دموعه بتنزل وعمال يقول ياحبيبتي يامه
الف رحمه ونور تنزل عليكي ياامي حقك عليا أنا ياحبيبتي
عمي دموعه غرقت وشه لما خلصت كلامي لف وشه عني
ومسح دموعه وقالي خلي ايهاب ولا اسماعيل يوصلك أو لو
عايزة تقعدي مع بنات عمك اقعدي ده بيتك ياحبيبتي طلعت وسبته لما حسيت أنه عايز يبقي لوحده
يتبع ..
البارت قبل الأخير
رحت قعدت معاهم ..مرات عمي قالتلي هي امك طالعه فيها ع ايه
ده ابن عمك يعني مش حد غريب علشان امك تقعد تبيع وتشتري فيه
ايهاب قالها مش وقته وخدني ع جنب وسألني كنتي بتتكلمي
مع ابويا في ايه وماله وشه اتقلب كده ليه
حكتله كل حاجه وقولتله اني خايفة أنه يعرف حد وانا مش
ناقصة قالي لا أنا عارف ابويا هو كان نفسه يرتاح من الشك
الي كان في دماغه
وصلني.. وبعد اسبوعين خدنا مصطفي مصحه يتعالج واخد
فلوس كتير ع العلاج وياريت نفع اول ما طلع رجع تاني
للمخدرات وبقي اقوي من الاول وبقا يضرب امي وياخد منها
فلوس وابويا كان ياخد بعضه وينزل ويسيبهم ياكلو في بعض
لحد ما اخويا بقا يسرق دهب امي ويبيعه وسلم المحل
لصاحبه وباع الحاجة الي فيه بتراب الفلوس واختي اتعرفت
علي واحد من الفيس وكنت بشوفها تتكلم بصوت واطي معه
ولنا تشوفني مركزه معها متتكلمش وتفضل تسمعه بس وترد
ب اه صح طيب ماشي كده مش فاهمه حاجه بس مش
مرتاحه ليها...لحد ما صحيت وشوفت سريرة متغطيه
بالبطانية افتكرتها نايمة كنت متعوده بسمع صوت ابنها الصبح
حتي لو هي نايمه
امي سالتني عليها قولتلها نايمه قالتلي ادخلي صحيها علشان
نروح المستشفي دخلت فضلت انادي عليها رجعت ولعت النور
وبشيل الغطا ملقتهاش حطه مخدات فضلت وقفه متنحة
ونديت ع امي تيجي تشوف اول ما شافت المنظر فصلت
تشتم عليها وعليا وبتضربني وبتشدني من شعري اووي
وبتقولي انتي عارفه لو مقولتيش اختك فين أنا هكلك بسناني
قولتلها والله ما اعرف فضلت تضرب ومش مصدقاني وكلمت
خلااتي يمكن رحتلهم مفيش
الدهب بتاع امي كله اتسرق واخر غويشتين وخاتم
امي كانت مخبياهم ومحدش عارف مكانهم غير اختي
خدتهم هي كمان وهربت
امي تعبت وخلااتي جابو شيخ يقراء بيقولوا اني الحسد يعمل
اكتر من كده بعدها اختي كلمتني وقالتلي انها خايفة تيجي
وانها هربت مع واحد وعدها أنه بيحبها وعايزها هي وابنها
وهيعوضها عن كل الي شافته وبعد اسبوع طردها في الشارع
قولتلها انتي فين دلوقتي وانا اجي اخدك قالتلي انها
اسكندرية قولتلها طب اركبي وتعالي اقعدي عند عمك كمال
متخفيش والله منه روحي ومتجبيش سيرة لحد وهما كده
كده محدش منهم يعرف انك سبتي البيت وهربتي ولا اكلملك
ايهاب يجي يخدك قالتلي هشوف واكلمك تاني ..فضلت
استني انها تكلمني مفيش
واتصلت بيها كتير ردت وقالتلي انها مش هتعرف تيجي
النهارده وسمعت صوت راجل بيكلمها وقفلت في وشي ..
.بقيت عماله اتفرج ع مصطفي الي أمه
قدامه بتموت وبوقها اتعوج ولسانها تقل اوي
وهو مش راحمها وشغل تهزيق فيها واهانه وهي تصوت
وتقوله بالعافيه اجبلك فلوس منين روح ل ابوك خد منه
وقالتله أنه معه فلوس في البنك فضل يتكلم مع ابويا
بزعيق ويكسر في أبواب الغرف ويكسر في العفش وابويا
بيبصلو وساكت وانا واقفه بيكي ..لحد ما مصطفي مسك
ابويا وقاله انت راجل بارد وانا مش هحل امك النهارده غير
لما اخد الفلوس بتاعتي
قاله لو راجل يا مصطفي خش هات سكينه وموتني وريحني
قاله هموتك بعد ما اخد منك فلوسي ومسك هدومه وعمال
يشده جامد منها محستش بنفسي غير وانا بزهقه ابعده عنه
لقيته وقع وقام ساب ابويا ومسكني بقا يلطش فيا زقيته
تاني لقيته وقع ع الأرض مع اني مزقتوش جامد قام
وقربلي لقيته مفهوش صحة اصلا من اقل زقه ببعده وبيقع
مسكته فضلت اضربه وهو يضربني لحد ما طلعته برا الشقة
وقفلت الباب قعد يشتم ب اقذر الالفاظ ويشتم امي وابويا
عايز احط ايدي ع ودن ابويا علشان ميسمعش الشتيمة دي
ويبطل يبكي بالحرقة دي قلبي وجعني عليه اوي
رحت جبت ل ابويا مايه يشرب والجيران اخدو مصطفي
وطلبو الحكومة ليه علشان البهدلة الي عاملها
واتصلت ب ايهاب جيه وخدنا ابويا ورحنا المستشفي
نشوف ماله ايهاب كلم أبوه قاله
يتبع ..🤚
النهاية
وانا مشغولة ب ابويا بعمله اشاعات وتحاليل دخل العناية
وايهاب قالي عماتك وعمامك كلهم برا يا حنان
طلعت لقتهم كلهم كانو وحشني اوووي جريت عليهم وفضلت
ابكي وكلهم حنو عليا وفضلو يطبطبو عليا وانا ماسكه في
هدومهم مش عايزة اسيبهم عمي التاني فضل يطمني ويقولي
متخفيش هيبقا كويس ياحبيبتي قولتله والله أنا ما اخدت
حاجه ولا عايزة غيركم وسبت حقي عند عمي كمال قالي
عارف ياحبيبتي علشان خاطري بطلي عياط بقا وخدني من
أيدي طلعني برا علشان اهدا
خالتي كلمتني وقالتلي اني مصطفي طلعوه من القسم وجيه
تاني هنا وامك تعبانه اوي قولتلها أنا مش راجعه تاني .
.لا أنا ولا ابويا وان شاء الله تموت ولا تتحرق بجاز هي
السبب في الي حصلنا كلنا
قالتلي عيب يابت في وحده تقول كده علي امها
قولتلها دي مش ام ولا بني ادمه وانا بتمنا من ربنا أنه يخدها
علشان نرتاح من شرها واذيتها وقفلت وعمي قالي عيب
ياحنان قولتله لا مش عيب وفضلت ابكي وقولت يارتني
كنت قولتلها كده من زمان وكنت قولتلكم ع الي حصل مكنش
هيحصل كل ده
قالي خلاص ياحبيبتي الي حصل حصل
ابويا فاق الحمد لله بس الدكتور قالهم لازم يجي متابعة كل
اسبوع ويمشي ع العلاج وممنوع حد يزعله أو تعرفوه اي
اخبار مش كويسة بقا يتخانقو مع بعض مين ياخده يقعد معاه
وأخواته البنات الي بتبوس في رجله والي تبوس أيده وعمي
دموعه عماله تنزل لوحده من زعله ع أخوه الي مش قادر
يتكلم بيبصلهم بعنيه بس ويبكي ..
مصطفي اخويا باع عفشه كله وطلقته رفعت عليه القايمة
وبقا يخاف يروح شقته وبقا مرمي جنب امي هناك لحد ما
خلااني ضربوه ومشي ومحدش بقا يعرف حاجه عنه
ابويا مات بعد خطوبتي من ايهاب كان عنده ورم في المخ
وجاتله جلطه
وفضلت قاعدة معاهم لحد ما عدت سنة ع موت ابويا وعمي هو الي جهزني واتجوزت
وعيشة بفضل الله احسن عيشة في وسط اهلي الطيبين الي
بيحوني وبحبهم ومع ابن عمي حبيبي ..وامي نفسها بس
تشوفني امنيت حياتها تشوفني ولو من بعيد حتي
وانا رفضه وكرهتها مش قادرة اسامحها علي الي عملته فيا وفي اخواتي وابويا
ووصيت ايهاب اني لو مت قبلها متخلهاش تمشي في جنازتي ولا تقف علي غسلي 🤗
انتهت ....محدش يعلق 🤚
تعليقات
إرسال تعليق