 |
#أسر_قلبي
البارت الحادي عشر
الكاتبه : Miyano Shiho (ندى رأفت )
فارس : ابقى خطيبك يا نغم ..
بصت نغم على الخاتم الي لبسهولها فارس وقالت : بجد ازاي..
فارس : يعني إيه ازاي ..زي الناس الي بتتخطب ..
نغم : لا قصدي حصل امتى دا ..
فارس بتوتر : بصي ..يا ستي والدي و والدك كانوا صحاب ..وانا وانتي أصدقاء من الطفوله فوالدك قبل ما يمو*ت وصاني ..ووصى والدي عليكي انتي وهدير وانا وانتي كنا بنحب بعض جدا فتخطبنا من سنه وخلاص فاضل اسبوع على فرحنا
نغم بحزن : ووالدي ما*ت ازاي
فارس : عمل حادثه هو ووالدتك ونقلناهم على المستشفى بسرعه بس للاسف ..ملحقناهمش ..
نغم : ايه دا هو انتوا كنتوا معاهم وقت الحادثه ..
فارس بتوتر : لا ..
نغم باستغراب : اومال انتو ازاي نقلتوهم على المستشفى..
فارس : قصدي الناس نقلتهم يا نغم ..الناس ..وبعدها احنا عرفنا وكدا ..ورحنا علطول ..
نغم : طب هما ماتو*ا من امتى ..
فارس : ماتو*ا من وانتي صغيره ..وهدير كانت رضيعه ..علشان كدا بابا خدكم تعيشوا معانا في الفله ..
نغم بحزن : ربنا يرحمهم ..
فارس : ..أهو يا ستي قولتلك كل حاجه أهو..ينفع تروحي ترتاحي بقا
نغم : يعني انا وانت فرحنا بعد اسبوع ..
فارس : اه ..تحبي نأجله لو انتي مش مصدقاني
نغم : لا عادي ..
فارس : طب يلا بقا روحي نامي ..وراكي جامعه بكره ..
نغم : بس انا ..
فارس : متقلقيش الشوفير هيوصلك ويرجعك ويعرفك مدرجك فين كمان ..وانا هوصل هدير ..
نغم : ماشي شكرا ..يا فارس ..تصبح على خير .
فارس : وانتي من اهل الخير ..
خرجت نغم من الاوضه ..
وفارس كان في منتهى الفرحه وقال : سمحيني ..يا نغم بس انتي بتاعتي وكنت لازم استغل فقدان الذاكره دا لصالحي ..ومظنش إن الذاكره تلحق ترجعلك في أسبوع..لازم اروح افهم أهلى وهدير على الموضوع ..
وخرج فارس من مكتبه ..
وفي اوضه بسنت ر*مت بسنت الموبيل على الأرض بعصبيه وقعدت تعيط جامد وقالت : ليه يا فارس ..للدرجه ..دي بتحبها ..لدرجه انك تستغل الي هي فيه لصالحك ..حتى بعد ما رفضتك ..ليه هي فيها أيه زياده عني ..وبعدها قالت بسنت بجنون : يمكن ..يمكن ..انت شايف شكلها احلى مني ..طب ماشي يا فارس انا همحي شكلها ..دا من على الوجود ..وهخليك تبصلها تقر*ف منها يا فارس
وجابت بسنت موبايلها من على الأرض بسرعه واتصلت على رقم ..وقالت : الو ..كنت محتجاك في خدمه ...
وفي غرفه ..والده فارس ..
والده فارس بصدمه : عايز تتجوز دي ..يا فارس ..
فارس : ومالها يا ماما نغم ..بتحبني ...وانا بحبها ايه الي يمنع ..
والده فارس: الي يمنع اني مش مواقفه على الجوزاه دي ..
فارس : انا اسف يا ماما ..بس حتى لو موفقتيش الجوازه دي هتم ..
والده فارس : اومال انت جاي تستشرني في إيه بقا ..ما انت واخد قرارك من الاول
فارس : انا مش جاي استشيرك يا أمي..انا جاي اعرفك بس ..وياريت تعرفي عمتي وبسنت بالموضوع ..وانا هقول لهدير عن أذنك يا أمي
ومشي فارس ..
والده فارس كانت مصدومه ..من تصرف فارس جدا لدرجه انها فضلت ساكته ..
وفي فله آسر ..
نور : ها يا آسر هتوضحلها ايه ..
آسر : انا مش فايقلك دلوقتي ..يا نور ..وبعدها خرج وسابها ...
الصبح ..
الكاتبه :Miyano shiho(ندى رأفت )
في عربيه فارس ...
فارس : انا اصريت ان انا الي اوديكي انهارده يا هدير مش الشوفير لاني كنت عايز اناقش معاكي موضوع ..
هدير بخوف : ايه هو
فارس : نغم ..
هدير بخوف اكتر : مالها نغم ..
فارس: متخافيش محصلهاش حاجه ..انا بس عايز اقولك ..إن احنا اتخطبنا ..
هدير بصدمه : اتخطبتوا ازاي ..دا نغم قيلالي من صغري انها مبتحبكش وبتعتبرك زي اخوها وبتحب اخويا آسر
واول ما سمع فارس اسم آسر ..
راح دا*س على الفرامل بعصبيه فوقفت العربيه فجأه بل كانت هتتقلب ..
صوتت هدير ..وقالت : انت كنت هتقلبنا ..
بصلها فارس بمنظر مخيف وقال : آسر ما*ت خلاص ..ونغم بتاعتي انا وبس ومش هسمح لحد يخدها مني ولو آسر دا رجع للحياه تاني ..هق*تله ..هو واي حد يفكر يقرب منها انتي فاهمه ..
هدير بخوف ودموع حركت راسها بسرعه ..
فارس : برافو عليكي..الي كنت عايز اقولهولك ان فرحي انا ونغم بعد اسبوع ..ولو جت سألتك..عني قوللها ..إن انا وهي ..كنا بنحب بعض جداا واتخطبنا من سنه ..وإن انتي اختها ..ومفيش حاجه اسمها آسر ..يعني متجبيش سرته في اي حديث بينك وبينها .. ولو حويلتي يا هدير ..تعملي حاجه غير كدا فأنتي متعرفيش الوش التاني لفارس فهمتي يا حبيب*تي ...
هدير بخوف وبتعيط : ماشي ..هقول كل الي قولت عليه
قرب فارس إيده وكان هيمسح لهدير دموعها ..فبعدت هدير من الخوف ..
فارس بحنيه فجأه : متخافيش يا حبيبتي ..همسحلك..دموعك ..
هدير : لأ شكرا همسحها انا ..
فارس: طب خلاص انزلي يلا ..وصلنا مدرستك ..سلام يا حبيبتي ..نزلت هدير ..بسرعه ودخلت مدرستها وفارس مشي ..
وعند نغم في الجامعه ..
نفين (صحبتها ): يا نغم يا نغم ..
نغم : حضرتك تعرفيني ..
نفين : حضرتي ..مالك يا نغم في إيه أنا نفين صحبتك ..كنتي مبتجيش الجامعه ليه كل الفتره الي فاتت دي..وبنادي عليكي مبترديش ليه
نغم : اسفه يا نفين ..لاني مردتش ..أصل انا ..وحكت لنفين كل الي حصلها ..
نفين : بقا كل دا يحصلك وانا معرفش ..
نغم : ما أنا قولتك اني مش فاكره حاجه . .
نفين : اه صح ..الا ايه الخاتم الحلو الي في ايدك دا يا نغم انتي اتخطبتي ولا إيه..
نغم : ايه دا انتي متعرفيش دا انا مخطوبه من سنه لفارس ..وهتجوز بعد اسبوع ..
نفين باستغراب : من سنه ..
نغم : ايه دا هو انا مقولتلكيش ..
نفين : لا مقولتليش ..لانك مبتحبيش ..تحكي عن حياتك الخاصه ..كتير...
نغم : ااه ..طب هتيجي على الفرح طبعا ..هستناكي ..
نفين بفرحه : طبعا يا حبيبتي هاجي .. والف مبروك
نغم : الله يبارك فيكي ..
نفين: طب تعالي بقا المحاضره لسه فضلها نص ساعه ..
في محلات قدام الجامعه ..فيها فساتين جميله اوي ..وسعرها معقول ..تعالي شوفيهم يمكن يعجبك واحد ..
نغم : ماشي ..
وطلعت نغم ..من الجامعه ..هي ونفين ..ووقفوا قدام المحل وقعدو يتفرجوا ..على الفساتين ..
وفي ظل الوقت دا كانت في عربيه واقفه من بعيد بتراقب نغم .. واول ما شافوها طلعت من الجامعه ..
واحد من الرجاله الي كانت جوا العربيه طلع موبيله وقال : الانسه نغم ..قدامي دلوقتي ..يا نبيل بيه ..
ماشي ..يا نبيل بيه ...وبعدها قفل ...
عند المحل ...
نفين : انا هخش اسأل عن الأسعار وكدا هتيجي معايا ..
نغم : لا انا هصور شويه منهم وابعتهم لفارس ويقولي اني احلى ..
نفين : ماشي ..يا ستي ....ودخلت ...وبعد فتره طلعت نفين وملقتش نغم ..
نفين : نغم ..نغم ...هي راحت فين ..؟!!
وفي المصنع المهجور ...
نغم بزعيق : ينفع افهم انا هنا ..ليه ...
وبعدها علطول ..دخل نبيل للمصنع..وقال : مالك يا نغم اهدي ..واول ما نغم بصتله ..راحت قلتله بعصبيه : انت هنا ليه ..وزقته وقالت : امشي يا كدا*ب يا خاي*ن ..امشي ..
نبيل : اهدي يا نغم ..انا هفهمك ...
نغم : تفهمني ايه انت مين ..
نبيل : يعني إيه انا مين يا نغم ..انا آسر حب*يبك ..انا عايز اوضحلك موقف جوازي ..من نور ..
نغم : جواز ايه وح*بيبي مين ..انت مين اصلا ..
آسر بصدمه : يعني ايه يا نغم .. انا مين ..انا آسر يا نغم مالك ..
نغم : آسر مين ..انا معرفش حد بالأسم دا وحبيبي مين ..انا ح*بيبي فارس ..لانه خطيبي ..
آسر بصدمه وعصبيه ومسكها من كتفها وقال : انتي بتقولي ..إيه..خطيبك ازاي ..
نغم : ابعد عني .. والا هقول لفارس ويوريك ..
بعد آسر عنها علشان ميتهورش ..وقال بعصبيه : خطيبك ازاي ....
ورته نغم الخاتم وقالت : اهو خاتم الخطوبه ..أهو وانا وهو مخطبين من سنه وهنتجوز الاسبوع الجاي ..
آسر : انتي بتقولي ايه نغم ...
نغم : ايه الي بقول أيه وانت عرفني انا وفارس ازاي ..
آسر : هو ايه الي عرفت ازاي ..نغم لو انتي زعلانه مني ..وبتعملي كده خلاص كفايه ..
نغم : زعلانه منك ايه ..وكلام فارغ ايه ..وكانت هتمشي ..راح مس*ك نبيل إيدها وكان لسه هيتكلم
فجأه جه واحد من رجاله نبيل وقال : عم حضرتك ..عايزك ضروري يا نبيل بيه ...
ساب نبيل إيد نغم وقال لواحد من رجالته : رجعها الجامعه بتاعتها ..
نغم : انا مش هرجع مع حد ..
نبيل وبيحاول يتمالك عصبيته : مش هتعرفي ترجعي لوحدك ....
وبعد فتره.....
رجعت نغم الجامعه وطمنت نفين وبعدها ..خدها الشوفير للفله .....
وفي فله آسر ..
في اوضه عمه..
عم آسر بعصبيه : روحت قبلتها ..ليه ..
آسر : وإيه الي هيحصل يعني لما اقبلها ..
عم آسر بزعيق : يعني إيه هيحصل ايه ..لنفترض راحت قالت لفارس ...
آسر : مستحيل نغم تعمل كدا ...
عم آسر : ومستحيل ليه انا عرفت ..إنها فقدت الذاكره ....فا ايه الي هيخلي دا مستحيل بقا ..وهي اصلا متعرفكش ولا فكراك ......
آسر بصدمه : فقدان ذاكره ..
بليل ...
في فله فارس ..
نغم من جوا نفسها : انا لازم اقول لفارس على الي حصلي انهارده.....واقوله على الراجل الغريب دا ..هو كان اسمه ..إيه اه ..آسر ..
وبعدها خبطت نغم على فارس ..في مكتبه ..
فارس : ادخل ..
ودخلت نغم ..
فارس : في إيه يا نغم ..
نغم : كنت عايزه اقولك على حاجه غريبه حصلت معايا انهارده ..........................يتبع
اللي عاوز البارت 12 يعمل متابعه من هنا
تعليقات
إرسال تعليق