 |
#أسر_قلبي
البارت الخامس عشر
الكاتبه : Miyano Shiho (ندى رأفت )
وبعد فتره صغيره جه لفارس تليفون واول ما بص ..راح انبسط ورد وقال : حمد لله على السلامه يا بابا ..
والد فارس : الله يسلمك يا فارس ..العربيات الي انت بعتهم ..وصلولي ..عند المطار..وانا راجع الفله دلوقتي ..
فارس : طب ..كويس ..اوي علشان انا عايز اقولك على موضوع...يهمك تعرفه جداا....
والد فارس : موضوع أيه ..؟!
فارس : لما تيجي نتكلم ..هيبقى افضل ..
والد فارس : تمام ..
وبعد فتره ..
وصل السيوفي بيه الفله ودخل ..
والده فارس : كدا تيجي ..من غير ما تقولي ..
السيوفي : انا قولت لفارس ..وقولت ميجبش لحد خبر لاني كنت عايز اعملهلكم مفاجأه..
عمه فارس : احلى مفاجأه بصراحه ..
لاحظ السيوفي ان نغم واقفه ..وبتبص من بعيد ..
السيوفي : مالك يا نغم واقفه كدا ليه ..مش هتيجي تسلمي ولا إيه..
جت نغم ببطء وخوف هي مش عارفه مصدره وقالت : اسفه ..اصل انا ...
فارس : نغم خطبتي ..فقدت الذاكره يا بابا ..علشان كدا ..هي مش فاكره حضرتك ..
السيوفي : ااه ..كدا يا فارس يحصل حاجه زي دي ومتقوليش ...بس مش مهم ..وبعدها مد إيده لنغم وقال : انا ..رفعت السيوفي ..والد فارس ....
نغم باستغراب : السيوفي ..وفجأه..افتكرت ..(هو دا الي قت"ل اهلي وأهلك يا نغم ...وانا هنتقم منه ..) حست نغم بألم في دماغها جامد وكلمت نفسها وقالت : مين الي قال الكلام ..دا ..مين وحاولت تفتكر اكتر ..ومسكت دماغها من الألم...
فارس بقلق : مالك يا نغم انتي كويسه ..
نغم مكنتش شايفه فارس ..كويس ..
وكانت قاعده تقول : مين ..مين ..السيوفي ..قت"ل ..
بصلها السيوفي بصدمه
وفجأه ..اغمي على نغم ...
فارس بزعيق وخوف رحلها بسرعه وقال : نغم ..انتي كويسه ..نغم ...اتصلوا بالدكتور بسرعه ..
وبعد فتره ....
خرج الدكتور من اوضه نغم ..
فارس بقلق : نغم عمله ايه دلوقتي يا دكتور ..
الدكتور : متقلقش هي كويسه دلوقتي بل في تحسن في حالتها ..كمان ..هي بتحاول تساعد نفسها ..بس متخلهاش تضغط دماغها في التفكير لان دا مش صحي لحالتها ..
فارس بتوتر : حاضر يا دكتور ..اتفضل معايا ..
وبعد ما مشي الدكتور ..
والد فارس : فارس تعالى معايا على المكتب عايزك ..
دخل فارس ووالده المكتب ..
وفجأه قال والد فارس : نغم لازم تمو*ت
انصدم فارس من كلامه جدا وقال : انت بتقول إيه يا بابا ..انا مستحيل اسمح بحاجه زي كدا تحصل ..
السيوفي : نغم عارفه ..إن انا الي عملت كدا في أهلها ..
فارس : ما هو دا الموضوع الي انا كنت هنقشك فيه ..نغم مش هتعرف ..لوحدها ..نغم عرفت لان آسر هو الي قالها ..بس مدخلش نغم في الموضوع ..انا هعرف اتصرف معاها .. ..
السيوفي: وتتصرف معاها ازي بقا ..
فارس : متقلقش ..بس مأتذيهاش ..
والده فارس : طب وموضوع آسر ..
فارس : انا مش هرتاح غير ما اقتل"ه
وفي الاثناء دي كانت هدير معديه بالصدفه من جنب المكتب ..فسمعت والد فارس وفارس ..وهما بيتكلموا على اخوها ..فنصدمت ..
في اوضه المكتب ..
ضحك والد فارس ..
استغرب فارس وقال : انت بتضحك ليه .
.والد فارس : لانك غب*ي ..لما تعوز ..تأذي شخص من غيرمجهود ..امسكه من نقط ضعفه ..فهمتني
وبعد فتره ...
طلع فارس اوضه ..نغم ..وفتح الباب لقاها لسه نايمه ...
فقال : شكلك يا نغم قربتي ..تفتكري ..كل حاجه ..بس انا لازم اخليكي ..ملكي ..وانا هعرف اعمل كدا ازاي...
الكاتبه : Miyano shiho(ندى رأفت )
في فله آسر ...
كان آسر قاعد في اوضته ..
فجأه دخل عليه عمه ..
عم آسر : خلاص هيوقع بكره على الورق ..
آسر : اه خلاص ..
وكان لسه عم آسر هيتكلم ..فجأه تليفون آسر ..رن ..
بص آسر على الرقم فقال : دي هدير ..
ورد بسرعه ..
هدير : الحقني يا آسر ..فارس ..عند نغم في الاوضه ..وقافل الباب ..ونغم قاعده تصو*ت جوا ....
قام آسر بسرعه وقال : انتي بتقولي ..إيه أنا جاي حالا ..
وقفل ...
آسر بعصبيه : فارس الكل*ب...
وكان هيمشي ..
عمه : انت رايح فين ..
آسر : فارس عايز يأذي ..نغم بس انا مش هسمح بكدا ...ونزل بسرعه ...
عمه بزعيق : استنى يا آسر ..متروحش لو رحت هيتكشف كل حاجه...آاااسر ..
نزل آسر ركب عربيته بسرعه ومشي ..
وبعد فتره ...
وصل الفله ...
وطلع بسرعه ..وخبط جامد ..على باب الفله ..فتحتله هدير ..
دخل آسر بسرعه ..
لقى هدير منهاره في العياط ..
آسر بخوف : نغم .. فين يا هدير ...
وفجأه...جه انتين رجاله ..ومسكو آسر بسرعه ...
آسر : انتوا مين سبوني وبعدها قال بزعيق : يا فاااااارس ..انت يا فاااااارس ...
وفجأه....
جه فارس ..ووالده وقفوا قدام آسر ..
فارس : بتزعق ليه ...
والد فارس : بقالي فتره كبيره اوي مشوفتكش يا آسر ...
آسر بعصبيه : نغم فين ..يا فارس ..
فارس : ملكش دعوه ..نغم دي بتاعتي انا وبس ..بس قولي ايه رايك في اللعبه الي لعبناها معاك ..كانت حلوه ..صح ..بس بصراحه مكناش هنعرف ننفذها غير بمساعدة..اختك ..
بص آسر على هدير ..لقاها واقفه بتترعش وبتعيط ..وقالت : كانوا هيقت*لو نغم ..يا آسر ...
فلاش باك بقا علشان نفهم الي حصل ...
(في اوضه المكتب ...
هدير كانت بتسمع ..فارس ووالده كانوا بيقولوا إيه..
فجأه حست ان حد هيخرج من الاوضه ..فرجعت لورا بخوف ..فخبطت في الزهريه ..الي كانت جنبها ..فوقعت ..فتخضت هدير ..وكانت هتمشي ..فجأه لقت إيد بتمس*كها ..بصت ..لقت فارس بيبصلها بصه مرعبه وقال: رايحه فين يا هدير ...
وبعدها دخلها اوضه المكتب ..ومس*كها من شعرها جامد وقال : بقا كدا يا هدير ..بتجسسي علينا ..بقا دا كلام بردوا ..
هدير بعياط وألم: اسفه يا عمو فارس ...اسفه ..خليني امشي ارجوك ...
والد فارس بزعيق : اسمعي يا بت ..انتي هتعملي الي انا هقولك عليه ..دلوقتي ..وإلا اعتبري ..نفسك ..مي"ته ..انتي ونغم ..
هدير بخوف : لا نغم ..لا انا مش هسمح يحصلها حاجه تاني كفايه الي حصلها بسبي ..
فارس : إيه دا ..يعني ..انتي ..السبب دا انتي كنتي هتام*وتيها بس بصراحه بشكرك ..لأن لولاكي ..مكنتش ابقى خطيبها دلوقتي ....
هدير بعياط : ارجوك سيب شعري
فارس ساب شعرها وقال بهدوء : كل الي عايزه منك يا حبيبتي ..انك تحبيلي آسر هنا ..
هدير بخوف : بس آسر مي*ت ..هيجيبوا ازاي
فارس بعصبيه: لا متعمليش فيها مش عارفه ..اومال انتي قابلتي ..مين انهارده بعد المدرسه وكنتي واقفه ..تجسسي علينا ليه ..فالبذوق كدا ..هتعملي الي هنقولك عليه ..مفهوم .....
وبعد فتره ..طلع فارس اوضه ..نغم ..وفتح الباب لقاها لسه نايمه ...فقال : شكلك يا نغم قربتي ..تفتكري ..كل حاجه ..بس انا لازم اخليكي ..ملكي ..وانا هعرف اعمل كدا ازاي.. وبعدها خرج من الاوضه وقفلها بالمفتاح وقال : هتبقي ملكي لما اخ*لص على آسر ..واي حاجه ليها علاقه بيه ........)
آسر بعصبيه : والله العظيم ما هسيبك يا فارس لا انت ولا أبوك........
والد فارس : بص لنفسك يا آسر ..انت دلوقتي لا حول ليك ولا قوه ....فاهدى كدا وخلينا نتفاهم ...بص ..إنت لازم تعرف ....إن احلى يوم في حياتي ..هو اليوم الي قتل*ت فيه اهلك وأهل نغم ..احنا كنا شركاء وانا بصراحه كنت عايز كل حاجه ليا لوحدي..انت فاهمني..بس لازم تعرف ..كمان ان انا معملتش كدا لوحدي ...
آسر: قصدك ايه ...
شاور والد فارس على باب الفله ..
فبص آسر ....لقاه دخل ...وكان بيمشي ..بكل برود ..ووراه رجالته ...
والد فارس : الي ساعدني يا آسر ..هو خالد السيوطي
وقف خالد السيوطي..جنب ..والد فارس وقال : مش انا قولتلك ..إن قلبك هو الي هيضيعك يا آسر ..........
آسر بصدمه كبيره : ع....عمي ............................يتبع
عايزه تفاعل جامد بقااااا
تعليقات
إرسال تعليق