 |
أمواج الحب 20_21
فريال بخوف:ورد انتِ كويسه مالك ايه اللى حصل
سندتها وهى خايفه جداً ورد فضلت تتوجع ونسمه معاهم
ورد بألم:تعبت فجأه ومش قادره أتحمل يا فريال الوجع لا يطاق
فريال بمواساه:معلش يا حبيبتى جوزك جاى دلوقتى وهيوديكى المستشفى
ورد حاولت تهدى وتاخد نفسها وفريال خايفه...سليم وصل وطلع بسرعه ودخل لقاها بالحاله دى راح وقعد جنبها وخدها من فريال وهو بيحاول يهديها وبيرجع خصلات شعرها لورا
سليم بتهدئه:بس أهدى مفيش حاجه
ورد بدموع وألم:مش قادره أتحمل يا سليم حاسه أنى همو*ت
سليم بلهفه وخوف:بعد الشر يا حبيبتى متقوليش كدا يا ورد عشان خاطرى..يلا هوديكى المستشفى انا كلمت الدكتوره وطلبت منى نروح المستشفى لأنه طلق
فريال:طب ثوانِ هجيب شادى وأجى معاكوا
سليم برفض:لا يا مدام فريال انتِ معاكى طفل صغير وحرام يتبهدل معاكى خليكى وهبقى أطمنك عليها
فريال بنفى:لا ولا بهدله ولا حاجه انا خمس دقايق بالظبط وهكون عندكوا مش هتأخر
فريال قامت وراحت شقتها ونسمه فضلت معاهم
سليم:سيف جاى بالعربيه دلوقتى وهوديكى على طول
ورد مقدرتش ترد عليه من التعب اللى هى فيه وسليم خدها فى حضنه وباس راسها وبعد شويه فريال جت ومعاها شادى وسليم كان لبس ورد إسدالها ومستنيها
فريال:انا جيت أهو يلا
سليم لقى سيف بيتصل بيه رد عليه وقال:أيوه يا سيف
سيف:انا تحت أنزل يلا
سليم:ماشى نازلين أهو
قفل معاه وخد الشنطه وقال لنسمه:معلش يا نسمه نزليها هتلاقى سيف واقف مستنينا قدام باب العماره
نسمه خدت الشنطه ونزلتها لسيف وسليم سند ورد وقال:هتقدرى؟
ورد بتعب:هحاول
فريال:هتتعبى أكتر يا ورد
سليم شالها وطلع ووراه فريال اللى قفلت باب الشقه وراها ونزلت وراهم
سيف كان واقف مستنيهم بعد ما خد الشنطه من نسمه ولقى سليم بيقرب منهم فتح باب العربيه وسليم دخل ورد بهدوء وفريال كانت جنبها وسليم قعد جنب سيف قدام اللى أتحرك على المستشفى بسرعه
بعد مرور الوقت وصلوا وسليم خد ورد ودخلوا ووراهم فريال وسيف اللى دخلوا وراهم الدكتوره شافت ورد وراحتلها
الدكتوره بأبتسامه:أهلاً بالقمر
سليم شاورلها وقال بأبتسامه:خلصانه
الدكتوره بأبتسامه:جاهزه ولا لا؟
ورد بخفوت وأبتسامه باهته:جاهزه
الدكتوره:طب تعالى يلا نجهزك
الدكتوره خدتها وراحوا عشان يجهزوها وسيف راح وقف مع سليم ومعاهم فريال
سيف:ربنا معاها وتقوملك بالسلامه
سليم:يارب يا سيف
سيف:بقولك ايه عاوزك ثانيه
فريال قعدت على الكرسى وسليم راح مع سيف
سليم بتعجب:ايه يا سيف!
سيف:مش ناوى تقول لمامتك؟
سليم بضيق:سيف لو سمحت
سيف:سليم لو سمحت انتَ...مهما كان اللى حصل مينفعش دا حفيدها ولازم تشوفه
سليم سكت ومتكلمش بس بان عليه الضيق فسمع سيف بيقول:خليك انتَ الأحسن يا سليم معلش
سليم بأستسلام:ماشى يا سيف..حاضر هقولها
سيف أبتسم وطبطب عليه ورجعوا تانى وبعد شويه ورد خرجت وكانت رايحه أوضه العمليات سليم راحلها ومسك إيديها وباسها وقال بأبتسامه:متخافيش...مش هتطولى بس نتحمل عشان نشوفه وتاخديه فى حضنك زى ما انتِ عايزه
ورد بخوف:سليم انا خايفه
سليم بأبتسامه:متخافيش...صدقينى هتخرجى بسرعه
ورد كانت خايفه وهو طمنها والممرضين خدوها ودخلوا وهو سند على الحيطه وجنبه سيف وفريال
فى شقه حمديه
حمديه كانت قاعده ولقت فونها بيرن برقم سليم أتنهدت وردت عليه
حمديه:خير
سليم بعد الفون وبص لسيف بيأس ورجعه ورد عليها
سليم:ازيك يا ماما
حمديه بضيق:كويسه
سليم بأبتسامه:مش ناويه تيجى تشوفى حفيدك ولا ايه؟
حمديه بسخريه:وهو فين حفيدى دا...حفيدى أمه المعفنه دى
سليم أستغفر ربنا وحس بضيق فجأه قال بغضب مكتوم:ماما مش وقته انا بكلمك عشان حاجه وانتِ بتقولى حاجه تانيه خالص
حمديه بسخريه:مبروك
سليم بترقب:مش هتيجى؟
حمديه ببرود:لا...شالله تغو*ر فى دا*هيه ونرتاح منها
أتفاجئ بأنها قفلت الخط فى وشه وهو أتصدم ومكنش متوقع الرد دا منها حس بالدموع بتتجمع فى عنيه بشده وجنبه سيف اللى بصله وعرف أنها قالت رد وجع سليم طبطب على كتفه بمواساه وحضنه وهو بيهديه
سيف بمواساه:ولا يهمك يا صاحبى أخوك معاك ومش هيسيبك...متزعلش نفسك انتَ عملت اللى عليك خلاص...أهدى عشان كلها لحظات وتستقبل أبنك
سليم ببكاء:مكنتش متوقع الرد دا منها يا سيف...مهما حصل بينا مينفعش دا يكون ردها
سيف بمواساه:هون على نفسك يا صاحبى...حاول تهدى
طبطب عليه وأتنهد ومش عارف يعمل ايه عشان يهون عليه
فى شقه شيرين
شيرين:أيوه جايه أهو ياللى بتخبط
راحت فتحت لقت زياد ووجيده قدامها اللى قالوا مع بعض فى صوت واحد:ورد بتولد
شيرين أتخضت وقالت:ايه ياض منك ليها خضتونى فى ايه
زياد:ورد بتولد بنقول
شيرين بذهول:انتَ بتقول ايه؟
وجيده بعجله:يلا يا ماما بسرعه سليم كلمناه وعرفنا منه أنها بتولد
شيرين بعجله:طب أستنوا انا خمس دقايق وهكون عندكوا
زياد بصوتٍ عالِ:بسرعه يا شوشو
وجيده ضحكت وقالت:مكنتش متوقعه منها رد الفعل دا
زياد بتنهيده:بس عشان فى خناقه هتقوم بسبب الأسم
وجيده بأبتسامه:انا شايفه أن الأسم اللى ورد أختارته حلو وشيك
لوى زياد شفتيه وقال:وليه ياختى ميكونش الأسم اللى انا وسليم أخترناه
وجيده:عشان الأسم اللى انا وورد أخترناه أحلى
زياد بغرور:عمتاً هنشوف
شيرين رجعت وهى بتقول:يلا انا خلصت
زياد بذهول:بسرعه كدا
شيرين:هو انا هقعد ساعتين ألبس انا رايحه مستشفى مش رايحه فرح
وجيده بضحك:يلا يا ماما فكك من زياد
خدتها ومشيوا ووراهم زياد اللى راح وراهم
فى المستشفى
كان سليم قاعد مستنى ورد تخرج ومعاه سيف وفاروق ومصطفى اللى جم أول ما عرفوا من سيف وكانوا جنب سليم
ومش سايبينوا نهاد ومحمود جم فجأه وسليم مكنش واخد بالوا منهم مصطفى أتفاجئ بس فرح أنها جت
وقفت ورا سليم وقالت:أزيك يا سليم
سليم لف وبصلها وأتفاجئ بوجودها أبتسمت هى وقالت:لو أمك مش هتبقى معاك وجنبك انا هكون معاك وجنبك وسند ليك..انتَ مش لوحدك يا سليم..وعارف أن انتَ ابنى زى مصطفى بالظبط ومعذتك عندى زيهم بالظبط...أجمد ومتتضعفش يا سليم عشان ميستغلوش ضعفك لصالحهم يا ابنى
سليم حضنها وحاسس أنه مش قادر
سليم بتعب:انا مش قادر يا عمتو...مش هقدر أكمل خلاص تعبت
نهاد بحنان:لا يا سليم مش انتَ سليم اللى أعرفه سليم اللى أعرفه أقوى من كدا بكتير
سليم بحزن:تعبت يا عمتو خلاص ومبقتش قادر
نهاد:لا يا سليم أجمد عشان خاطر تكون جنب مراتك وأبنك خلاص كل حاجه هتتغير وحياتكوا هتكون أحسن مين عارف يا سليم
سليم بيأس:مش للدرجادى يا عمتو انا يأست خلاص
نهاد بتشجيع:لا نجمد كدا وهتقدر انا عارفه سليم كويس ومش جديد عليا
مصطفى:انا شايف أن ماما معاها حق
سليم خرج من حضنها وبصلهم
سيف:كلامها صح يا صاحبى مفهوش غلط
سليم بهدوء:حاضر...هحاول عشان خاطرك
نهاد بأبتسامه:لا عشان خاطر مراتك وأبنك هما محتاجينك دلوقتى
سليم بأبتسامه خفيفه:حاضر
نهاد بأبتسامه:حضرلك الخير يا حبيبى..ربنا يطمنك عليهم
شيرين وصلت ومعاها زياد ووجيده وراحولهم
شيرين بلهفه:ايه يا سليم طمنى ورد كويسه
سليم بتهدئه:أهدى يا ماما ورد لسه مخرجتش ومحدش يعرف حاجه لسه
زياد:بقالها قد ايه
سليم بجهل:مش عارف
نهاد:مش مهم يا جماعه المهم أنها تقوم بالسلامه
عدى وقت وسمعوا صوت عياط طفل جوه سليم قلبه دق بعنف وحاسس بمشاعر كتير وحاسس بفرحه مش طبيعيه كلهم فرحوا وهنوا بعض وهما مبسوطين جداً
سيف بأبتسامه:مبروك يا صاحبى
فاروق بأبتسامه:يتربى فى عزك يا صاحبى..أخيراً أتدبست
سليم كان مبسوط جداً بصلهم وقال بسعاده:الله يبارك فيكوا انا بجد مبسوط جداً
نهاد بأبتسامه:ربنا يديمها عليك نعمه يا حبيبى
عدى وقت والممرضه خرجت ومعاها الطفل وقالت بأبتسامه:مبروك يا أستاذ سليم ولد زى القمر
سليم خده منها وهو بيبصله بسعاده وحب مشاعر كتير مش قادر يفهمها بس كل اللى يعرفه أنه مبسوط
شيرين:طب وورد...ورد كويسه
الممرضه بأبتسامه:كويسه وزى الفل متقلقيش هتخرج دلوقتى وهتروح أوضه عاديه
سابتهم ودخلت تانى وكلهم أتلموا حوالين سليم اللى كان شايل أبنه وبيبصله بسعاده وفرحه
فى شقه حمديه
واحده من جيران حمديه كانت واقفه قدام باب الشقه وبتخبط على الباب بس مكنش فيه رد الست أستغربت وقالت:مالها مبتفتحش ليه دى؟
رجعت خبطت تانى بس أقوى بس بردوا كانت النتيجه هى هى بتزق الباب لقته أتفتح أستغربت وفتحت الباب وأول ما أتفتح لقت حمديه مرميه على الأرض والد*م حواليها
#أمواج_الحب 20
أمواج الحب 21
فى المستشفى
سليم دخل لورد وهو فرحان ومش مصدق أنه بقى أب خلاص قرب من ورد ولقاها لسه بتفوق باس راسها بحب وقال:حمدلله على سلامتك يا قلب سليم
ورد بصتله وأبتسمت وقالت بخفوت:الله يسلمك يا حبيبى...هو فين؟
سليم شاور على السرير الصغير المخصص للأطفال وقال بأبتسامه:أهو
ورد بصت للمكان اللى سليم شاور عليه وقالت:انا عاوزه أشوفه يا سليم
سليم بأبتسامه:من عيونى
سليم قام وراح لسرير أبنه وبصله شويه وهو مبتسم وفرحان شاله بحذر وباسه بحب وكبر فى ودنه وبعدين بصله وقال بأبتسامه:نورت الدنيا يا حبيبى
راح لورد والباقى دخلوا وهما عاوزين يشوفوه
وجيده بمرح:لا لا ايه يا سليم أحنا متفقناش على كدا
سليم بضحك:أسف بس للأسف جيتى متأخر
ورد بعدم فهم:انا مش فاهمه حاجه
سليم بأبتسامه:وجيده كانت عاوزه تشوفه وتشيله قبلك
وجيده:طبعاً عشان الخاله والده بردوا
زياد بضحك:أحسن واحده تغير
وجيده:ليه يا حبيبى مهو زى ما الخال والد الخاله بردوا والده
زياد:ولما الخال والد والخاله والده عيله الأب دورها ايه فى الموضوع
وجيده:ملهمش دور لمؤاخذه يا سليم
سليم بضحك:لا وعلى ايه انتِ خليتى فيها لمؤاخذه
وجيده بحرج:واضح أن انا أڤورت شويه
زياد بضحك:وجيده انتِ تسكتى خالص وتقعدى ساكته
شيرين راحت تساعد بنتها وعدلت من وضعيتها وخدت الولد من سليم وبصتله بسعاده وحب ودموع ومكانتش مصدقه أنه فى حضنها خلاص بصت لسليم وقالت بسعاده ودموع:دا حلو أوى يا سليم...شبهك
سليم بتكبر:طبعاً لازم يكون شبهى
زياد:وميكونش شبهى ليه
سليم:هو انتَ أبوه ولا انا؟
زياد:وميكونش شبهى ليه
سليم:عشان انا أبوه وهيطلع شبه أبوه انتَ بقى هياخد منك ايه؟
زياد بغرور:الوسامه
مايا بسخريه:وواثق أوى من نفسك وانتَ بتقولها ليه؟
زياد:قصدك ايه؟
سليم أتدخل وقال:بس أحنا فى المستشفى...هارى بوتر أهدى شويه وبلاش الحمقه بتاعتك دى أديك أتكسفت
زياد:دى بتهبد يا عم مفيش الكلام دا هى متجوزانى عشان انا أمور وعايزه عيالها يطلعوا قمامير زيى كدا
شيرين:وانتَ عاوز تفهمنى أن أبوك كان أوسم رجل فى العالم وانتَ طلعت شبهو؟
زياد:لا طبعاً انا أحلى انتِ بتقولى ايه
سليم بص لورد وقال:فكك منهم وقوليلى نسميه ايه
وجيده:عامر
زياد:وليه ميكونش فريد
وجيده بحده:عشان عامر أحلى
زياد:وانا بقول فريد أحلى
وجيده بضيق:عامر
زياد بتحدى:فريد
مصطفى أتدخل وهو بيقول:بس بس انتَ وهى هو مين فيكوا أبوه وأمه؟
وجيده:انا وورد متفقين على عامر
زياد:وانا وسليم متفقين على فريد
وجيده بعند:عامر يلا سميه عامر يا ورد
زياد بإغاظه:فريد يا سليم
ورد بحده:بس انا صدعت منك انتَ وهى
شيرين:أريحك انتَ وهى سموه لؤى
ورد:بس انا عاوزه عامر يا ماما
شيرين:هتقوم خناقه صدقينى سميه لؤى وناديه عامر مش مشكله
سليم:طب وانا؟
شيرين:وانتَ ايه؟
سليم:عاوز أسميه فريد
نهاد:ما تعملوا قرعه وخلصوا نفسكوا المستشفى أتفرجت علينا
وجيده:فكره حلوه والأسم اللى هيطلع هيكون أسمه من غير أعاده
وجيده كتبت الأسمين ولغبطتهم وقالت:مين اللى هيسحب ويضحى
شيرين:انا
سليم:فريد يا ماما ها
ضحكت شيرين وقالت:انتَ وحظك
ورد:هيطلع عامر إن شاء الله
سليم:بلاش العشم
ورد:طب ما تقول لنفسك
شيرين سحبت ورقه وكانوا مستنيين يعرفوا الأسم ايه
زياد:يلا مبحبش التشويق دا
شيرين بصتلهم وقالت بأبتسامه:عامر
ورد فرحت ووجيده زيها وبصت لطفلها بأبتسامه وقالت:عامر سليم نور الدين
سليم بأبتسامه:أحلى عامر فى الدنيا كلها
الباب خبط ودخل سامر وهو بيقول بأبتسامه وفرحه:عمو وصل يا حاره
سليم مكنش مصدق نفسه وقام سامر دخل وحضن سليم بسعاده وسليم كذلك كان مبسوط أنه رجع
سليم بأبتسامه:حمدلله على السلامه يا حبيبى ايه المفاجئه الحلوه دى
سامر بأبتسامه:محبتش أقولك وأفاجئك
سليم بأبتسامه:أحلى مفاجئه فى الدنيا والله كنت محتاجك جنبى
سامر بأبتسامه:حقك عليا يا حبيبى انا معاك خلاص ومش هسيبك
سليم بعد عنه وبصله بأبتسامه وقال:شوفت عامر
سامر بأبتسامه:لا دا انا جايله مخصوص
راح مع سليم بعد ما سلم عليهم..سليم خد عامر من ورد وأداه لسامر...سامر خده منه وبصله بأبتسامه وهو بيقول بمرح:ما شاء الله الواد دا أبنك بجد
سليم بضحك:اه والله
سامر بص لورد وقال بأبتسامه ومرح:ألف مبروك يا مراه أخويا..دا أحلى من أخويا نفسه
سليم بتحذير:سامر
سامر ضحك وأداه لورد وهو بيقول:مبروك يا سليم يتربى فى عزك
سليم بأبتسامه:الله يبارك فيك
قعدوا شويه مع بعض وبعدها سامر قام وخد معاه سليم بره وسابوهم مع بعضهم
سليم بتعجب:فى ايه يا سامر واخدنى على فين!
سامر وقف وبصله وقال:ايه اللى حصل
سليم بتعجب:فى ايه!
سامر:سليم...ايه اللى حصل
سليم أتنهد وحكى كل حاجه حصلت لسامر اللى كان واقف بيسمعه وهو مصدوم ومش مصدق...سليم خلص وسامر كان باصلله وهو مصدوم سلم عنيه دمعت بس حاول يمسك نفسه سامر طبطب عليه وقال:ولا يهمك...انا موجود ومعاك
سليم هز راسه وقال:انتَ جيت أمتى وعرفت منين
سامر:كنت بكلم مصطفى وبتابع معاه...وأتفقت معاه أن انا هنزل مصر يوم ولاده ورد
سليم:هترجع تانى ولا هتقعد
سامر سكت شويه وبعدين قال:والله يا سليم ما أعرف بس بعد اللى قولته دا وأنك لوحدك انا هقعد ومش هرجع عشانك
سليم أبتسم وحضنه وقال:ربنا يخليك ليا يا سامر
سامر أبتسم وطبطب على ضهره بمواساه وبعدها بعد عن سليم اللى كان فونه بيرن برقم مجهول
سامر:مين اللى بيتصل؟
سليم بتعجب وهو بيبص للرقم:مش عارف
رد عليه وهو بيقول:ايوه مين معايا
_حضرتك سليم
سليم بتعجب:ايوه مين معايا!
_والده حضرتك فى المستشفى وبين الحياه والمو*ت
سليم بص لسامر وقال بصدمه:ايه
فى مستشفى تانيه
سليم وسامر وصلوا وجريوا على الأستقبال
سليم:لو سمحتى فى حاله لسه جايه أسمها حمديه فتحى
_ايوه يا فندم فى العنايه المركزه الدور التالت
سليم وسامر طلعوا جرى عليها وكان فى الوقت دا الدكتور خارج من عندها سليم وسامر راحوله ووقفوه
الدكتور:أيوه
سليم بقلق:لو سمحت يا دكتور طمنى عليها هى كويسه
الدكتور:أنتوا ولادها؟
سامر:ايوه
الدكتور:أدعولها حالتها خطيره
سامر:هو ايه اللى حصل
الدكتور:الحاجه جايه وهى مضر*وبه بالسكي*نه والحاله حرجه لأنها نز*فت كتير ومحدش لحقها من الأول وقعدت فتره بتنز*ف
سامر وسليم أتصدموا وبصوا لبعض بذهول وهما مش مصدقين اللى بيسمعوه الدكتور سابهم ومشى وهما فضلوا واقفين بيبصوا عليها من بره
عدى أسبوعين وسليم وسامر جالهم خبر وفاه حمديه اللى كانت صدمه بالنسبالهم ومكنش الموضوع سهل عليهم لأن مهما كان هى أمهم
ورد دخلت لسليم اللى كان قاعد فى أوضه طفله وسرحان قعدت قدامه وقالت بحزن:سليم...سليم عشان خاطرى بلاش تعمل كدا...راحت عند الأحسن مننا كلنا متعزش عن اللى خلقها
سليم بتوهان:بالرغم من دا كله انا بحبها...وحشتنى أوى
ورد بتهدئه:معلش يا سليم متغلاش عن اللى خلقها يا حبيبى
سليم حضنها وحط راسه على كتفها وقال بتوهان:انا تعبان أوى يا ورد...تعبان ومحدش حاسس بيا...مهما حصل بينا انا بحبها
ورد طبطبت عليه وسكتت بحزن مش لوحده اللى زعل عليها هى كمان زعلت لأنها مهما حصل هى حماتها وأمها التانيه
بعد مرور ست سنين
فى شقه سليم
سليم دخل ولقى أبنه بيجرى عليه وبيقول أسمه بصوت عالى سليم شاله وهو بيضحك وبيبوسه من خده
سليم بأبتسامه:وحشتنى يا شقى
عامر بصوت طفولى:وانتَ كمان وحشتنى أوى
سليم دخل لورد وهو شايل عامر بدراع والدراع التانى شايل بيه الشنط كانت ورد بتجهز الغدا
لفتله وقالت بأبتسامه:حمدلله على السلامه
راحت خدت منه الشنط وهو قال:الله يسلمك
ورد:ينفع كدا يا عامر مش بابا لسه جاى وتعبان
سليم بأبتسامه:ملكيش دعوه يعمل اللى هو عاوزه
ورد بصتله وقالت:ايه دا بقى ينفع كدا..وبعدين أستنانى هنا خلينى أشوف الحاجه كامله ولا لا
سليم أفتكر أنه نسى يجيب حاجه وقال لعامر:طب يلا بينا بقى أحنا يا عمورى
لف وكان هيخرج بس وقفته ورد وهى بتقول:الفلفل فين يا سليم؟
سليم بصلها وهو بيقول بتعجب مصطنع وبيبص لعامر:ايه دا هو فى نوع خضار أسمه فلفل! دا جديد أول مره أسمعه
عامر ضحك بصوت طفولى وورد ربعت إيديها وقالت:لا والله متعرفش حاجه أسمها فلفل بيتحط فى الأكل! عموماً مش هعملك الكبده اللى هتمو*ت عليها لحد ما تفتكر تجيب فلفل يا سليم
سليم بقله حيله:ورد طبيعى أنسى وبعدين مصعباها ليه عندك بتوع خضار بيبيعوا تحت يا حبيبتى
ورد:مليش دعوه هتجيبه بردوا
سليم بص لعامر اللى كان بيضحك أكتر وقال:مبسوط انتَ صح
عامر بضحك:اه
سليم:ماشى عمتاً هجبهولك يا ورد لما أنزل...وبسرعه يلا عشان جاى جعان ومش قادر
خرج بعامر وهى بصتله بقله حيله وقالت:طب سيب عامر وروح غير هدومك انا أساساً خلصت وبسرعه عشان الأكل ميبردش وترجع تقولى انتِ السبب يا ورد عملاه بدرى
سليم ضحك وخرج لقى باب الشقه بيخبط راح فتح ولقى سامر ومصطفى وزياد قدامه
سامر:فينك يا عم
مصطفى:محدش سامعلك صوت ليه
زياد بإعجاب:الله فيه ريحه أكل حلوه دا نفس أختى عالأكل أوعى كدا
زقه ودخل لورد ووراه سامر ومصطفى سليم أتصدم من جرائتهم وقال:خد ياض انتَ وهو
قفل الباب ودخل لقى مصطفى وسامر قاعدين على السفره وزياد مع ورد جوه
سليم بغيظ:همك على بطنك دايماً يا زياد...وأنتوا داخلين على السفره على طول
زياد بصوت عالى:خليك فى حالك يا سليم وملكش دعوه
مصطفى بإعجاب:أصل الريحه حلوه أوى وانا جوعت
سليم ضحك وقعد وقعد عامر على رجله وبدءوا يتكلموا مع بعض فى مواضيع مختلفه بس سمعوا صوت ورد وهى بتصر*خ
لتكملة الروايه عمل متابعه من هنا هنا
#أمواج_الحب 21
#بقلمي_بيسو_وليد
البارت 22 الأخير من هنا
تعليقات
إرسال تعليق