 |
هند : ابعد يا عاصى عيب كده
عاصى : وابعد ليه انتى حبيبتى و خطبتى و هبقى جوزك
هند: لاء ابعد برده
عاصى بعد و هند راحت قعدت جنب كريم
عاصى بعد ما مشيت : الحمدلله مشيت
عاصى لمح فيروز و فيروز جريت طلعت اوضتها
عاصى جرى وراها
عاصى : افتحى الباب يا فيروز
فيروز : مش هفتح و طلقنى انا غلطانة انى صدقتك فكرنى عيلة تضحك عليها يا عاصى طالما عايز هند بتعلقنى بيك ليه
عاصى : افتحى طيب و افهمك
فيروز : تفهمنى ايه طب قولت بتعملها حلو علشان متشكش فيك لكن كمان بتحضنها علشان متشكش فيك
عاصى: انتى غبية يا فيروز
فيروز فتحت الباب : يعنى غلطان و تقولى انا اللى غبية
عاصى : تعالى ننزل دلوقتى و انا هفهمك كل حاجة لما يمشوا
رواية صغيرة العاصى بقلم ندى احمد
فيروز نزلت و كانت على آخرها .....العزومة خلصت و مشيوا
فيروز : عاصى فهمنى دلوقتى يا اما بجد طلقنى و سبنى أمشى
عاصى : فيروز هند كانت طلعة اوضتك و عايزة تشوف قسيمة الجواز بتاعتنا
فيروز : و انا المفروض اصدقك و هند اصلا تعرف منين انها فى اوضتى هى مكشوف عنها الحجاب لما تكدب يا عاصى ابقى احترم ذكائى شوية
عاصى : والله بجد انا سمعتها بتتكلم فى الموبيل و بتقولها طالعة اوضتك و هتتاكد بنفسها من جوازنا
فيروز : و هند تعرف منين
عاصى : معرفش
فيروز : و لو هى تعرف انى مراتك ساكتة ليه هتستفاد ايه انا مش مصدقة اللى بتقوله
عاصى : فيروز انا مش بكدب و هى ديه الحقيقة
فيروز : ماشى خلينى معاك لحد الاخر فى كدبك و لو فعلا يا عاصى هى طلعة اوضتى ليه حضنتها
عاصى : كنت عايز اوقفها من غير ما تشك فى حاجة او تلاحظ انى بمنعها
فيروز : بجد والله مفيش اى طريقة تانية غير انك تاخدها فى حضنك .....خليك صريح يا عاصى و لو مرة فى حياتك
عاصى : انا قولتلك الحقيقة مش عايزة تصدقى ليه كل حاجة بعملها علشانك و انتى مفيش حاجة بترضيكى و فتح الباب و نزل
عاصى راح لهاشم قعد معه و حكاله كل حاجة
هاشم : عاصى انا عارف انك قصدك تمنع هند بس اشمعنا بالطريقة ديه اقولك الصراحة اللى انت بتحاول تخبيها
عاصى : ايه
هاشم : انت يا عاصى بتحب فيروز بس هى صغيرة و مش قادر تحس معها بكل اللى نفسك تحس بيه و بالذات انك ليك تجارب قبل كده و فى نفس الوقت قدامك هند صحيح زمان سبتها بس متنكرش انك بتحاول تحس معها اللى مش عارف تحسه مع فيروز بسبب سنها و انها لسه مش فاهمة كل حاجة صح
عاصى : مش عارف بقى انا بحكيلك علشان تخلينى تايه اكتر
هاشم : ديه الحقيقة اللى بتحاول تخبيها
عاصى : بصراحة ببقى ساعات عايز فيروز تكبر شوية انا فاهم انها لسه صغيرة بس فعلا انا مش بشوف غير فيروز حتى هند لو كنت زمان بينى و بينها حاجة بس مكنش حب
عاصى : انا عرفت مين اللى بلغ كريم و قال لهند على القسيمة
هاشم : مين ميسون
و فجأة جيه تلفون من ميسون
هاشم فتح الاسبيكر
ميسون : ازيك يا هاشم انا عارفة انك مع عاصى بس اللى متعرفوش ان يا ترى فيروز مع مين دلوقتى مع كيمو حبيب القلب هبعتلك صورهم و تتفرج و بجد الحسنة اللى فى ضهر فيروز تجنن بس يا خسارة مش هتعرف تروح اصل هى معاه فى اليخت فى عرض البحر و قفلت و بعتت الصور و كانت فيروز لابسة فستان احمر قصير و مسيبة شعرها و قاعدة مع كريم
عاصى عنيه احمرت لما شاف الصور
استوب
تكملة الروايه بعد عمل متابعه من هنا هنا
تعليقات
إرسال تعليق