 |
#طفله الفهد
كان مكان هادئ جداا يوحى إلى الطبيعة الخلابة
فهد كان نايم وواخد زينه في حضنه وبيتاملوا في خلق الله عزوجل
_عارفه يا زينه اي اجمل حاجه في الحياه
زينه بصت في عيون فهد وقالت:اي هي اجمل حاجه يا ابن الكيلانى
فهد ابتسم وباس زينه على رأسها وقال:الطبيعه الخلابه والتامل في الكون
زينه بغضب:فعلاا عندك حق
فهد رفع حاجب وقال:مالك يا بت
زينه حضنت فهد جامد وقالت:مفيش يا قلبي
فهد قام وقال:طب يلااا
زينه بحزن:ما لسه بدري
فهد مسك ايد زينه وشدها ليا وقال:الساعه ١٠ يا طفلتى واحنا راجعين مصر بكره
_اه تصدق نسيت
_وافتكرتى
زينه هزت راسها ومسكت ايد فهد وقالت: اليوم ده كان أحلى يوم في حياتى
فهد قبل ايد زينه وقال بحب:وانا بوعدك يا طفلتي أن حياتك الجايه كلهاا هتبقا حلوه
زينه حضنت فهد وقالت:اتمنى يا فهد بس خايفه اوى
فهد ضم حواجبه وقال:خايفه وانتى في عرين فهد الكيلانى
_والله ما بهزر انا بتكلم جد
فهد انعدل وقال:خايفه من اي يا طفلتي
زينه بصت في الأرض وبصوت خافي جداا:جمال
فهد رفع راسها لفوق وقال:جمال في السجن يا زينه ومستحيل يطلع طالما محمود موجود
زينه بخوف:هيطلع يا فهد ممكن يدفع فلوس ويطلع وبعدين جمال مش ممسوك في حاجه خطيره
فهد مسك ايد زينه وقال:بوعدك يا زينه أن جمال هياخد اعدام قريب اوى وبعدين انا جنبك محدش يقدر يلمس شعره منك طول ما انا جنبك
_كداااب انت ساعات بتلتهي بشغلك وبتنسا انك متجوز اصلا
_ما ده مسئوليات بردو يا طفلتي
_ماشي بس انا ليا الحق فيك بردو ولا شغلك اهم منى
فهد شد زينه من خصرها وقال:وقت فهد الكيلانى كله ملكك يا زينه
_كلام وخلاص ومفيش أفعال
_طب اعمل اي عشان تصدقي
زينه بتفكير:متروحش الشغل خالص
فهد قعد يضحك وقال:واجيب لطفلتى مكسرات ومقرمشات ازاى
_الا صحيح فين الشوكولاته والمكسرات والمقرمشات
فهد رفع حواجبه وقال:بنتكلم في اي وحضرتها بتتكلم في اي
_ليه يا حبيبي هو انا غلطت في امك
_😳😳
زينه بصت في الأرض وبصوت واطي جدا ربما مش مسموع:اي اللى قولتوا ده
_زينه انتى عارفه انى مش عايز اتعصب عليكى ومقدرش اشوف دموعك
زينه بحزن:انا اسفه والله ما عارفه ازاى قولت كده طلعت غصب عنى انا اسفه اوى
فهد حط ايدو على خدها وقال:ممنوع تقولى كده تاني
زينه:______
_زينه بصيلى انا مش زعلان بس عيب اوى الكلام ده
زينه رفعت وشها لفوق لتبان عيونها الجميله وتقول:انا اسفه والله ما هقول كده تانى
فهد ابتسم وقال:انا شايف انك مكبره الموضوع اوى
_عشان مينفعش اغلط في زوجى حبيبى وخالتى زينب اللى بحبها أوى
فهد اخدها في حضنه وقال:ولا يهمك يا قلبي
زينه بصت لفهد وقالت:هو انا ممكن اقول هو انا غلطت في ابوك
فهد ابتسم وقال:عيب بردو يا زينه احنا متربين صح ولا انا غلطان
_بس جمال شرير ومينفعش نتكلم عنه حلو ابداا
_لا يا زينه مينفعش تقولى كده وبعدين الكلمه الطيبه صدقه
زينه هزت راسها وفهد شالها مره واحده
_اعااااا
_لو فضلنا نتكلم كده مش هنروح انا عايز اناام
زينه حضنت فهد وقالت:طيب
فهد وصل عند العربيه ونزل زينه بكل حب وفتح الباب وقال:اركبي يا طفلتى
زينه ركبت وفهد ركب أيضا ومشواا
في المستشفي ✨
مالك بعد عن سمر بكل حب وسمر كانت مكسوفه أنها استجابت معاا
سمر مكنتش عارفه تقول اي ومكسوفه اوى من نظرات مالك ليها خصوصاً أن الابتسامه مش بتفارق وشه
سمر بارتباك:انا هروح الحمام وراجعه
مالك هز رأسه والإبتسامة مش بتفارق وشه بردو وكانت السبب في هروب سمر منه
الدكتوره:مالك بيه ممكن ثانيه
مالك كان واقف ومش مصدق أن اخيراا سمر اعترفت بحبها
الدكتوره:مالك بيه
مالك فاق عالطول من عالمه الخاص وقال:حضرتك بتكلمينى
الدكتوره بصت حواليها وقالت:ايوه بكلمك
_اتفضلى!!
الدكتوره:الكلام اللى هقوله مش هينفع هنا ممكن تتفضل معايا
مالك راح معها والدكتوره قالت:اتفضل
مالك قعد وكانت دقات قلبه سريعه جدا خوفاً من خبر لا تستطيع سمر تحمله
الدكتوره:ام سمر كبيره جدااا اقصد سنها كبير وصعب جدآ انها تتعالج
مالك بعصبية:نعم
الدكتوره:اهدا يا مالك بيه انا بقولك اللى فيها وحرام المستشفي تاخد منك كل الفلوس ده ومفيش امل اصلا أنها تعيش
مالك قام وحط ايدو على المكتب وقال بصوت جهوري:دخلتى علم ربنا يا حضرت الدكتوره ؟
الدكتوره بصت في الأرض وقالت:ونعمه بالله العلي العظيم بس انا قولتلك الحقيقه الكلام ده مش من عندي الكلام ده بينقال بناءاً على التحليلات والفحوصات
مالك خد نفس عميق وقال بكل هدوء:عايزين كام وبلاش مقدمات
الدكتوره بصدمه:حضرتك بتقول اي الحكايه مش حكايه فلوس ولو حضرتك مركز في كلامى كنت عرفت انا بقول اي
مالك قعد على الكرسي وقال:دكتوره انا طالب من حضرتك طلب
الدكتوره هزت رأسها وقالت:اتفضل
_اعملوا اللى عليكم وسبوها على ربنا وان شاء الله مش هيخذلنا ابدااا وخالتى هتبقا بخير
الدكتوره هزت رأسها وقالت:هنعمل كل اللى نقدر عليا يا بيه
_في حاجه كمان طالبها منك
الدكتوره:اه طبعا اتفضل
_مراتى متعرفش بالكلام ده
الدكتوره:اطمن يا بيه مش هتعرف باي حاجه
مالك بعصبية:زي المره اللى فاتت صح ؟
الدكتوره:غصب عنى يا بيه لأن ورق العمليه كان قدامها واكيدا مراتك بتعرف تقرا كانت هتعرف لوحدها
مالك قام وقال:ممنوع المره ده تعرف مااشي
سمر وقفت عند الباب وقالت:اعرف اي يا مالك
_😳😳
سمر دخلت وقالت:قولى أن ماما بخير
مالك حط ايدو على خد سمر وقال:بخير يا قلبي متخافيش
الدموع نزلت من عين سمر عالطول وقالت:بس انت قولت ممنوع المره ده تعرف
الدكتوره ادخلت عالطول وقالت: هو كان يقصد على فلوس العمليه يا سمر
مالك خد نفس عميق لأن لسانه عجز عن الجواب من الخوف اللى سيطر عليا
سمر بصت لمالك وقالت:انا بوثق فيك وعارفه انك مش هتكدب عليا قولى الدكتوره بتقول الحقيقة ولا لا
مالك بلع ريقه ومسك ايد سمر وقال:اه يا سمر بتقول الحقيقه وخالتى بخير متقلقيش
_مصدقك يا مالك بس وربنا لو طلعت بتكدب عليا زي المره اللى فاتت مش هسمحك
مالك بص في الأرض وقال:وانا بقولك الحقيقه
_طب بصص في الأرض ليه ممكن اعرف
مالك رفع وشه عالطول وقال:اهو يا ستى ولا تزعلى نفسك
_مش زعلانه بس لو طلعت بتكدب عليا مش هسمحك صدقنى
_وانا مش بكدب عليكى
سمر هزت راسها وقالت:انا مراهقه اوى هدخل انام جنب ماما
الدكتوره:مينفعش يا سمر
_ليه ؟
الدكتوره:غرفه والدتك تم تعقمها ومينفعش تدخلى الا بعد العمليه لو
مالك قاطع كلام الدكتوره وقال: خلاص يا سمر اي رايك نروح ونيجى بكره
سمر هزت رأسها وقالت:ماااشي
مالك نظر للدكتوره بنظره توحى إلى الغضب الشديد
_يلاااا
سمر ومالك فعلا طلعوا وركبوا العربيه متجهين إلى قصر الكيلانى الذي يحمل لهم مفاجاه من العيار الثقيل
عند بتول ✨
كانت واقفه مصدومه والعربيه كانت بتحتر"ق قدام عينها
وفجاه الناس كلها اتجمعت وقالت:في اي
بتول وقعت على الأرض والصمت كان عنوانها
واحد من الناس:رنوا على الإسعاف والمطافي فوراا ممكن يكون في حد في العربيه لسمح الله
بعد مرور ربع ساعه تقريبا
بتول كانت لسه واقعه على الأرض ومصدومه وعربيه الإسعاف وصلت والمطافي أيضا غير الشرطه طبعاا
محسن نزل من العربيه عالطول وقال:في اي هناا ؟
_العربيه وقعت من على الجبل وبعدها انفج"رت
محسن شاف بتول وقال في سره:ينهار اسو"د هي بنت جمال بيه كانت راكبه مع محمود
محسن خد نفس عميق وقال:طب كويس أنها بخير لو كان جرالها حاجه كان زمانى مد"فون دلوقتى
(محسن اللى عمل كده في عربيه محمود للأسف)
بعد مرور ربع ساعه وتحديداً في المستشفي
بتول كانت قاعده على الكرسي وخايفه اوى وبتدعى ربنا ميكنش حصل حاجه لمحمود
_بتول
بتول قامت عالطول وقالت:خالتى
مكنتش قادره تاخد نفسها من الخوف على ابنها وقالت وهي بتنهج:ابنى ابنى مالو يا بنتى
بتول بصت في الأرض وقالت:عملنا حادثه يا خالتى والعربيه انفج"رت ومحمود كان فيها والشرطه عثرت عليا وهو حاليا في اوضه العمليات
وقعت على الأرض وقعدت تصرخ بأعلى صوت فهى ليس لها ضهر هي وبنتها غير ابنها
_ساره
ساره مسكت ايد بتول وقالت:اخوي بخير صح ؟
بتول هزت راسها وقالت:مش عارفه يا ساره
ساره قعدت تعياااط وبتول خدتها في حضنها وقالت:اشش أن شاء الله هيبقا بخير
ساره بعياط: أن شاء الله
_اختى !!
_زينب ابنى جوا ومش عارفه اذا كان بخير ولا لا
زينب حضنتها وقالت:اهدي يا قلبي أن شاء الله هيبقا بخير
جمال كان واقف على جنب وقال بفرحه:اخيراا هسمع اخبار حلوه بقاا
وفجاه تليفون جمال رن
جمال طلع التليفون وقال:الوو
محسن:اي رايك بقاا
_شاطر يا ولد
محسن ضم حواجبه وقال:ولد انا مش ولد انا راجل
_وسيد الرجاله كماااان بس يا رب يمو"ت بس
_هيمو"ت يا بيه ده كان عباره عن ج''ثه محر''وقه
_يعنى مفيش امل ؟
_تؤ مستحيل يعيش وعلى مسئوليتى
جمال فرح اوى وقال:لو ما"ت فعلاا لينا إحتفال كبير اوى يا محسن
_طبعا يا بيه !!
جمال قفل التليفون وقال:يلاا بقا ليه التاخير انا عايز اسمع خبر وفا"ته بقاا
في قصر الكيلانى ✨
مالك وسمر رجعوا فعلاا واتفاجوا أن مفيش حد في القصر
_جااسر
_مفيش حد هنا ولا اي ؟
_مش عارف ؟
مالك طلع تليفونه ورن على امه ولكن سمر لقت التليفون على الكنبه وقالت:تليفون خالتى هنا
مالك بدأ يخاف وقال:طب راحوا فين بس
_طب رن على عمو جاسر
مالك هز رأسه ورن على جاسر اللى كان تليفونه غير متاح
_مالك بيه
مالك بانتهاد:سناء
_في اي يا ابنى
_ماما فين حتى بتول مش باينه
_مش عارفه يا بيه جالهم مكالمه من ربع ساعه كده وطلعوا عالطول
_متعرفيش مين اللى رن عليهم
_بتول رنت على المدام زينب وبعدها طلعوا عالطول
مالك ضم حواجبه وقال:طلعوا هما مين اللى طلعوا
_مدام زينب وجمال بيه
_اي؟؟
عند فهد وزينه ✨
زينه كانت واقفه قدام المرايه وبتدهن المرهم وفهد كان حاطط ايدو على خدو ومش شايل عينه على طفلته
زينه شافت فهد من المرايه وابتسمت
_في اي يا ابن الكيلانى
_في قمر قدامى
زينه اتكسفت اوى وقالت:والقمر ده بيحبك اوى
فهد بص لتحت وقال:تعرفي ماما ومالك وبتول وحشونى اوى
زينه قامت وقعدت جنب فهد وقالت:وانا كمااان نفسي اشوف ماما زينب وبتول
فهد حط ايدو على كتف زينه وقال:حاسس بشعور غريب اوى
زينه حطت أيدها على خدها وقالت: حاسس باي يا حبيبي
_مش عارف بس حاسس ان في حاجه منتظرنا في مصر
_زي
_بردو مش عارف اللى عرفه أن الحاجه ده هتقلب حياتى من تحت لفوق
زينه حطت أيدها على فم فهد وقالت بغضب:اي الكلام ده والله ازعل منك
فهد مسك ايد زينه وقبلها وقال: حاااضر يا زينه مش هقول كده تانى
زينه حضنت فهد وقالت:ربنا يخليك ليا
فهد باسها على رأسها وقال:ويخليكى ليااا
زينه ابتسمت وراحت فى عالم أحلامها عالطول
فهد حط دماغها على المخده وكان قايم ولكن زينه مسكت ايدو وقالت بنوم:رايح فين ؟
فهد أبتسم وقال:هغطيكى
زينه غمضت عينها عالطول وفهد غطاها فعلاا ووقف في البلكونه
_يا رب انا اول مره اطلب منك طلب متبعدش طفلتى عنى ابدااا انا من غيرها ولا حاجه
وفجاه الجو اتغير والرياح بقت قويه اوى لدرجه الورق اللى موجود في الاوضه طار كله
زينه قامت عالطول وفهد دخل وقفل البلكونه
_في اي
_مفيش يا روحى
زينه قامت ولمت الورق مع فهد وقالت:اي الهوا ده
_مش عارف الجو اتغير مره واحده
فهد خد من زينه الورق وحطوا في الدرج وقال:نامى يا روحى متخافيش
زينه مسكت ايد فهد وقالت:وانت مش هتنام
_شويه كده !!
زينه حضنت فهد وقالت:وانا هقعد معاك
فهد باس زينه وقال:مش عايزه تنامى
زينه هزت راسها وقالت: كنت دلوقتى لاء
فهد ضم حواجبه وقال:اشمعنا
_عشان انت صاحي
_طب انا هنااام
زينه ضر"بت فهد على كتفه وقالت:طب انااام
فهد شد زينه وحط ايدو على خصرها وقال:طب مش عايز انام
زينه لاحظت نظرات فهد الخبيثه وقالت:انا هروح انام انا تصبح على خير
ولكن فهد مسك ايدها ونبضات زينه ازدادت اوى وقالت:فهد انا عايزه انااام
فهد قرب منها وزينه كادت أن تقع على الأرض من الخوف
_خايفه منى ليه
زينه بخجل:مش خايفه ثم كملت:ده انا مرعوبه
فهد ابتسم على منظر طفلته وقال:المره ده هسيبك بمزاجى بس المره الجايه
زينه قاطعت فهد وراحت نامت عالطول
_بت يا زينه خلينى اكمل كلامى
زينه بتمثيل:انا عايزه اناااام والله
_طب تصبحي على خير
زينه بحب:تلاقي الخير يا حبيبي
بعد شويه فهد نام على السرير وخد طفلته في حضنه
زينه دفنت وشها في حضنه ونامت
في قصر الكيلانى ✨
مالك فاق من الصدمه وقال:انتى بتقولى اي يا سناء
_والد حضرتك طلع من السجن يا بيه
_طب ماما وبتول فين
_زي ما قولتلك يا بيه بتول رنت وزينب وجمال طلعوا عالطول
مالك حط ايدو على دماغه وقال:ازاى طلع ؟
سمر حطت أيدها على كتف مالك وقالت:اهدا اكيدا في حاجه غلط
مالك بعصبية:اهدا ازاى مش سامعه قالت اي
سمر خافت اوى من غضب مالك وقالت:انا اسفه
مالك خد نفس عميق وخد سمر في حضنه وقال:انا اسف مكنش لازم اكلمك كده
_ولا يهمك !!
في المستشفي ✨
كانوا قاعدين برا وخايفين اوى وفجاه الدكتور طلع من اوضه العمليات بعد وقت دام اكتر من ساعه
والده محمود قامت عالطول وقالت:دكتور ابنى بخير صح ؟
الدكتور:ابنك قال إنه بيعتذر منك اوى أنه مقدرش يوفي بوعده ليكى
_مش مهم المهم أنه بخير
الدكتور:للاسف ده اخر جمله قالها ابنك في ذمه الله البقاء لله
وفجاه عم السكوت أرجاء المكان وأخيرا صدر صوت صريخ
_اعاااااااا
يتبع ٠٠٠
تكملة الروايه بعد عمل متابعه من هنا هنا
تعليقات
إرسال تعليق