 |
#طفله الفهد
سمر ضر"بت مالك قلم جامد اوى ربما هز اركان الاوضه
مالك حط ايدو على خدو وقال بصدمه:اي اللى عملتى ده
الدموع نزلت من عين سمر وبدات ترتعش ومالك خدها في حضنه وقال: طالما مرتاحه كده خلاص مش مهم
_انا اسفه مش عارفه عملت كده ازاى
مالك بعد عنها وقال: اهم حاجه انك راضيه والنا"ر اللى جواكى طلعت
سمر حطت ايدها على خد مالك وقال بحزن:خدك احمر انا اسفه اوى
مالك ابتسم وقال: الوجع اللى كان جوايا مش زي وجع القلم ده
سمر حضنت مالك وقالت:أوعك تعمل كده تانى
مالك ابتسم وقال:بوعدك مش هشك فيكى تانى ولا اهين كرامتك
(ولو عملت كده مش هسيبك ولا انا ولا عائلتى التانيه♥️)
سمر بحزن: كل مره بتقول كده واتفاجا من اعمالك
مالك ضم حواجبه وقال: اعمالك
سمر هزت راسها وقالت: اه اعمالك
مالك زقها وقال: طب أمشي من قدامى
سمر حضنت مالك وقالت: خلاص ولا تزعل نفسك
مالك باسها على رأسها وقال بوعد: مش هسيب اميره خالص
_مش مهم اللى حصل حصل
مالك بغضب: اي اللى بتقولى ده دي كانت عايزه تفرق بنا
_وكانت هتنجح من قله ثقتك فيااا
مالك بغضب طفولى: خلاص بقااا
_لا مش خلاص وتخدنى مشوار بكره
مالك بص في عيونها وقال:ما اخدك رحله كده احسن
سمر بفرحه: يا ريت
مالك شال سمر وقال: اشطااا
سمر حاولت تنزل وقعدت تضر"ب في مالك وقالت: انا قولت رحله يا حيوا"ن
_ما ده رحله بردو
سمر بغضب: مالككك
مالك حطها على السرير وقال: النهارده انتى بتاعتى فاهمه
سمر كانت قايمه ولكن مالك حوطها بايده وقال: مفيش هروب النهارده
سمر بارتباك: طب انا مش مسمحاك ابعد عنى بقااا
مالك قاطع سمر بقبله طويله لحد ما استجابت معاا وراحوا في عالمهم الخاص
فهد فتح الباب ودخل وزينه كانت قاعده منتظره
قامت عالطول وقالت: كنت فين لحد دلوقتي ورنيت عليك تليفونك غير متاح ومتقولش كنت في الشركه عشان رنيت عليك وحسام قالى انك طلعت من الصبح
_خلصتى
_اه خلصت ممكن اعرف كنت فين
فهد قلع الجاكيت واترمى على السرير وقال: اليوم كان شاق اوى
زينه كانت متعصبه اوى وقالت: مردتش يعنى كنت فين
_زينه مش قادر اطلعى من دماغى
_طب ما تقول كنت فين وتريح نفسك
قهد اتعدل وقال: كنت بجيب سمر
سمر جرت عند فهد عالطول وقالت بفرحه: ووافقت تيجى معاااك
فهد هز رأسه وقال: اه وافقت
زينه حضنت فهد وقالت: حبيبي يا ابن الكيلانى
فهد زق زينه وقال: اطلعى من دماغى بقاا
_اسكت وربنا فرحانه اوى اخيرااا
فهد بص ليها بتعجب وقال: أما تافهه بشكل
زينه دخلت في حضن فهد وقالت: بلاش افرح يعنى ما حضرتك بتفرح لما مالك يعمل حاجه حلوه
_وده حاجه حلوه
_اه طبعااا ده كانت رافضه ترجع خالص
_واهو وافقت نامى بقاا
زينه حضنت فهد جامد اوى وقالت: تصبح على خير
فهد باسها على رأسها وقال بحب:وانتى من أهل الخير
في صباح اليوم التالى
تشرق الشمس معلنا يوما جديدا مليئا بالتحديات على ابطالنا
كانت نايمه في حضنه فهذه كانت اول ليله ما بنهم
فتحت عينها وقالت: صحيت امتى
_منمتش خالص
سمر بكسوف: ليه
مالك باسها من خدها وقال: كنت سرحان في جمال صغيرتي
_طب انا عايزه اقوم
مالك بخبث: ما تقومى
سمر بارتباك: اصلا اصلا
_اممم خلاص اهدي مش بحب الخوف ده
زينه نزلت ولقت العائله كلها متجمعه ماعدا مالك وسمر
فهد بص ليها وقال: تعالى يا زينه
كانت خايفه اوى واخيراا وصلت عند فهد وقالت: اي
_كده البنات بقوا ثلاثه غير سمر طبعااا
زينب بفرحه: هي سمر رجعت
فهد هز راسه وقال: مش موضوعنا دلوقتى المهم بتعرفوا تلعبوا سله
زينه بصت لبتول باستغراب وقالت: ليه
_انا ومالك هنلعب ضدكم انتى وبتول وشيري وسمر
زينه رفعت حاجب وقالت: انا مش بعرف العب سله اعلن انسحابي من دلوقتى
شيري بفرحه: مش مهم لما نبقا ثلاثه احسن
زينه بغيظ: موافقه طبعاااا
شيري باستغراب: ما كنتى رافضه اي اللى حصل
زينه مسكت فهد من دراعه وقالت: غيرت رايي يا شيري عندك مانع
شيري بابتسامه صفره: لا معنديش
_في اي هنااا
_تعالى يا مالك
مالك وصل عند فهد وقال: في اي
_مش كنت عايز تلعب سله
مالك بحماس: اه طبعااا
_مش هروح الشغل النهارده واي رايك نتنافس مع البنات
مالك همس في ودن فهد وقال: انا ما صدقت ان العلاقه اتحسنت مش عايز لعبه تخلينا نبعد عن بعض تانى
فهد همس في ودن مالك أيضا وقال: متخافش هنحط قوانين
مالك بصوت عالى المره ده: طالما في قوانين ابقاا موافق
_كده تمام بس مين اللى هيبقا الحكم
الكل بص لزينب اللى قالت بارتباك: انا مالى محدش يبصلى
فهد راح عند زينب وقال: انتى الحكم يا ماما
_اشمعنا اناا
فهد مسك ايد زينب وقال: عشان بتحبي العدل ومستحيل تظلمى حد
زينب بكبرياء: لا انا مع البنات والقرارات هتكون في صالحهم
فهد ومالك بصوا لبعض وقالوا بصوت واحد: الحكم وظيفته العدل يا ماما
زينب بتفكير: خلاص ماشي موافقه
سمر كانت نازله على السلم وزينه جرت عليها عالطول وخدتها
في حضنها وقالت:انا فرحانه اوى انك وافقتى ترجعى
سمر بابتسامه: اخبارك اي دلوقتى
زينه هزت راسها وقالت: بخير المهم في منافسه النهارده
سمر بعد فهم: منافسه اي
زينه همست في ودنها:مالك وفهد عايزين يعلموا علينا
_ازاى مش فاهمه
_هنلعب سله ضدهم انا وانتى وبتول والزفته اللى اسمها شيري
_ازاى واحنا منعرفش اي حاجه عن اللعبه ده
_مش مهم نعرف المهم نكسب باي طريقه
_وده ازاى
زينه غمزت لسمر وقالت: كله بالحب
سمر ضحكت وقالت: يا بت المجنونه
فهد بص لزينه وسمر وهمس في ودن مالك وقال: عايز قلبك قاسي النهارده اوى
مالك باستغراب: ليه
_زينه وسمر على الأكيدا بيخططوا لحاجه
مالك بص ليهم أيضا وقال: تفتكر بيقولوا اي
_هنعرف بين الأشواط
فهد بصوت عالى: زينه سمر تعالوا مش عايزين تعرفوا القوانين
زينه وسمر راحوا فعلاا وفهد قال: طبعا كره السله كل فريق بيتكون من خمس اشخاص احنا هنغير القاعده ده يعنى انا ومالك عليكم انتوا الاربعه
_بس كده مفيش عدل يا فهد
_ليه يا زينه
_المفروض انت ومالك تكونوا ضد بعض حرام نلعب ضدكم انتوا الاتنين واحنا كد كده خسرانين
فهد بص لزينب اللى هي الحكم وقالت: لا يا زينه انا عايزه البنات لوحدها عشان نثبت اننا الاقوي
زينه بصت لسمر اللى هزت راسها وقالت: خلاص موافقين
_المهم مينفعش تمسكوا الكوره في ايديكم وتجروا بيها
زينه رفعت حاجب وقالت: امال نمسكها منين يا حبيبي
_لازم تحركوا الكوره من خلال تمريرها عن طريق المراوغة
_مش فاهمه
فهد بعصبية: هو مفيش إلا انتى ولا اي يا زينه
_بس زينه بتتكلم صح يا فهد احنا مش فاهمين
مالك حط ايدو على كتف فهد وقال: اي رايك نلعب شوط وبالمره يشوفوا
فهد خد نفس عميق وقال: ماشي
كانوا قاعدين في الصاله الرياضيه بتاعت البيت
_ركزوا ومش عايز اسئله كتير سامعه يا استاذه زينه
زينه بعصبية: سامعه
فعلا بدأوا يلعبوا لحد ما خلصوا وقال فهد بصوت متقطع: اتمنى تكونوا فاهمتوا حاجه
زينه بضحكه كاتمه: اه فهمنا بعد التعب ده كله مش عايزنا نفهم
فهد بص لزينه وقال: مفكره أننا تعبنا ده لعبتنا يا زينه
زينه قامت وواقفت قصاد فهد وقالت: طب لو كسبنا يا مغرور بيه
فهد حط ايدو في جيبوا وقال: ساعتهم تقدروا تطلبوا كل اللى عايزينوا
زينه بصت لفهد وقالت بابتسامه: موافقين
_واحنا لو كسبنا
_تقدروا تطلبوا اللى انتوا عايزينوا
_حلو اوى يلاا الكل يجهز
الكل طلع على اوضته عشان يغيروا هدومهم
زينه كانت واقفه قدام المرايا وبتربط شعرها وقالت: هنكسب أن شاء الله
طلع من الحمام وقال: في حلمك يا زينه
زينه راحت عند فهد وقالت: ليه يعنى
فهد شد زينه من خصرها وقال: انا بلعب اللعبه ده انا و مالك واحنا صغار
زينه حوطت فهد وقالت: وانا اقدر افوز بطرقتى
فهد ضم حواجبه وقال: ازاى
زينه قربت من فهد وقبلته وقالت: كده
فهد قعد يضحك وقال: مكنتش اعرف أن عقلك صغير كده
زينه بحزن: ليه
فهد شد زينه من خصرها جامد اوى لتلزق في صدره وقال: انا لو عايزك هاخدك يا زينه
نبضات زينه ازدادت اوى وقالت بارتباك:طب طب
فهد بعد عن زينه وقال: الفكره ده تمشي معايا اكتر
فهد غمز لزينه ونزل عالطول
قعدت على السرير وقالت بتفكير : اعمل اي انا عايزه اهزم غروره ده
كانت الاخري تفكر ماذا ستفعل
قامت من على السرير وقالت: مالك انا اول مره اطلب منك طلب
مالك بص ليها وقال: عارف طلبك ولا
سمر حضنت مالك وقالت: هتزعلنى وانا عروسه جديده
مالك رفع حاجب وقال: عروسه جديده
سمر بخجل: اول مره نقرب من بعض امبارح ابقا عروسه جديده
مالك ضحك عليها وقال: متحوليش عشان الفوز لينا
سمر بغيظ: ماشي يا بارد
بعد مرور عشر دقائق تقريباً
الكل وقف في الصاله وكانوا على اشد الاستعداد
_المباره هتكون من اربع اشواط كل شوط ١٠ دقائق
الكل: تماام
فهد ومالك بصوا لزينب إللى قالت: لسه مخدتش قرار ضدكم عشان تبصولى كده
قعدوا يضحكوا على شكل زينب وفهد قال: لا يا ماما انتى فهمتي غلط
_امال بتبصلى ليه انت ومالك كده
_اعملى القرعه عشان نشوف مين اللى هيبدا الاول
زينب قامت وقالت: طالما كده ماشي
زينب مسكت جنيه وقالت: هااا اختاروا
فهد وزينه بصوت واحد: ملك
زينه بصت لفهد وقالت: انا قولت الاول يا فهد
_خلاص يا زينه اهدي كتابه يا ماما
زينب رفعت الجنيه لفوق والكل رفع عينيا لفوق لحد ما نزل الجنيه تحت
زينب بصت على الجنيه وزينه بفرحه: ملك ملك
فهد بص لزينه وقال: مالك يا روحى نظرك ضعف ولا اي ده كتابه
زينه بصت وقالت: كان ملك من شويه
_ماما قولى لزينه بلاش غش
زينب غمزت لزينه وقالت: بلاش الغش يا زينه عيب
_حاضر يا ماما
فهد مسك الكوره وبص لزينه وقال: جاهزه
زينه بغرور: جاهزه
فهد عطى الكوره لمالك اللى جري عالطول وسجل الهدف الاول
زينه وسمر بصدمه: اي ده ؟
مالك وقف جنب فهد وقال: هدف
_ده غش مش هدف اتكلمى يا ماما
زينب كانت قاعده وبتنقي الرز وقالت: في اي يا سمر
سمر برقت ليها وقالت بعصبية: هو ده وقت الرز يا ماما ما في خدامين جواا
_قولت بدل القعده ده اجيب شويه رز انقيهم
سمر بصت لزينه اللى قالت: الهدف مش محسوب
_ليه
_مالك طلع يجري عالطول مستناش نتحرك حتى
_ما المباراه بدات كان لازم تتحركوا
زينه بعصبية: الهدف مش محسوب انتهت
فهد ضحك وقال: خلاص يا زينه أوعك تولعى بس
زينه بعصبية: مش هولع يا فهد بيه
_اتمنى
زينب مسكت الصفارة وقالت: ابدأوا
مالك عطى الكوره لفهد اللى وقف وقال: أبدا يا زينه
زينه جرت عليا وحاولت تاخد الكره لكن معرفتش لحد ما وصل عند الشبكه وحطها
مالك وفهد ضر"بوا كف وقالوا بصوت واحد:الهدف الاول
زينه مسكت الكوره وبصت لفهد بتحدي وقالت: تعالى خد الكوره بقاا يا ابن الكيلانى
زينه جرت وفهد مسكها من خصرها وبصت لزينب عالطول وقالت: ماماااا مخالفه
زينب مسكت الصفاره وقالت: مخالفه استوب
فهد بتعجب: اي ده بقااا ممكن افهم هي كل ما زينه تقول مخالفه تروحى ماسكه الصفاره وتقولى خطأ
زينب بلعت ريقها وقالت: اخر مره اخر مره
زينه بصت لزينب وقالت بزعيق: مامااا
_خليكى انتى في المباراه يا زينه وبلاش الغش
زينه عطت الكوره لسمر اللى مرارتها على الأرض
مالك غمز لسمر اللى سابت الكوره خالص ومالك خدها وسجل جول
_سمررررر
_معلش يا زينه احنا كده كده خسرانين
زينه بتحدي: مش هستسلم يا سمر وهسكب
فهد ومالك بصوا لبعض وقعدوا يضحكوا
قعدوا يلعبوا لحد ما الشوط الأول خلص ومالك وفهد متقدمين 0:7
فهد وقف قدام زينه وقال بتريقه: عشر دقائق بس وجبنا سبع اهداف
_لسه في تلت اشواط يا بيه
فهد قرب من زينه وهمس في ودنها وقال: اعترفي انك خسرانه يا زينه
زينه زقت فهد وقالت: معنديش حاجه أسمها مستحيله المستحيل في قاموسك انت
_والله وبتعرفي تتكلمى يا بت
_اتعلم عن اذنك
كان واقف بيشرب مياه
_واد يا مالك حرام كده يااض حن شويه
مالك بص ليها وقال: حاضر
سمر بفرحه: بجد
مالك غمز ليها وقال: احن عليكى انتى بس
سمر راحت عند مالك وقالت: يعنى هتسبنى اسجل اهداف براحتى
_مين قال كده
_انت لسه قايل كده
_لا انا مقولتش كده
_لا والله قولت
مالك قعد على السفره ومسك تفاحيه وقال: انا والله ما قولت كده
سمر مسكت صوبع موز وكانت ومتنرفزه اوى وبدأت تاكل
مالك قرب من سمر ومسك ايدها وكل من الموزه وقال: تسلم يا حب
سمر ضر"بت مالك وقالت: بارد اوى
مالك قام وقال: يلا سلااام
سمر رمت قشر الموز على الأرض ليقع مالك عالطول
_اعاااااااا
_ينهااار اسو"د اي اللى عملتوا ده
كانت واقفه وبتفكر تعمل اي عشان تكسب فهد وتتغلب على كبرياءه
زينه بفرحه: لقتها
زينه طلعت تجري عالطول لحد ما دخلت في فهد اللى مسكها عالطول وقال: في اي بتجري زي الهبله كده ليه
_كنت بدور عليك
_ليه
زينه بصت لتحت وقالت بتمثيل: نفسي افرح يا فهد مش عارفه افرح
فهد ضم حواجبه وقال: تفرحى
زينه مسكت في لياجته فهد وقالت:لو كسبت هفرح اوى
فهد بابتسامه: قولى كده بقااا اي لزوم اللف والدوران اي
_ما انا عايزه اكسب
_لاء ولازم اكسب التحدي
_طب لو قولتلك عشان خاطري
_بردو لاء
_ارجوك انا اول مره اطلب منك حاجه
فهد مسك ايد زينه وقال: هو انتى بتسبينى في حالى
_طب اي
_اي ؟
زينه حضنت فهد وقالت: عشان خاطري
_عايزه تكسبي ليه يا زينه
_عشان اثبتلكم أننا اقوي منكم بكتير
_ما لو فوزتى بالطريقه ده مش هتحسي انك اقوي مننا
_ازاى
_يعنى لو كسبتى هتكسبي بمزاجي مش اكتر فين مجهودك انتى
_مش مهم
_لا مهم عشان الفوز يكون طعمه احلى
_انت شايف كده
فهد هز راسه وقال: اه وهحاول اكون لطيف معاكى هحاول
زينه بفرحه: ماشي
تفتكروا مين اللى هيفوز ؟
ده اللى هنعرفوا في البارت القادم
يتبع اللي عاوز الحلقاتاالأخيره يعمل متابعه من هنا وهنزله بعد قليل محدش ينااااام 😂😂😂😂😂😂🤣
تعليقات
إرسال تعليق