 |
شكرا على التفاعل ياعسليات❤️ البارت السابع
ثائر كان ماشى بالعربيه وشاف حور ماشيه وكان معاها بنتها وخالد وسمر اتجنن وقرب منهم بالعربيه ونزل منها
وقال بصوت غاضب : حوووور
حور اتصدمت وقالت : ثائر !!!!
ثائر راح عندها ومسكها بغضب وقال : اهلا بالهانم ال مقضياها
خالد زقه بغضب وقال : انت مين ياجدع انت وازاى تتكلم معاها بالطريقه دي
ثائر بغضب وسخريه : انا جوز الهانم ال مش لاقيه حد يلمها
حور بغضب وانفعال : اخرر"ررس ياحيو"ان انا اشرف منك ومن عشره زيك ومش هسمح انك تقول عليا كلمه زياده ابدااا
ثائر بغضب : انتي مجنونه ازاى تتكلمي معايا كده ليكي عين اصلا
حور أعطت بنتها لسمر ووقفت قدامه وقالت : تصدق بالله انا كل مره اندم على اختيارى ليك
ثائر حاول يهدأ من نفسه وقال : حور انا ماسك اعصابي عنك بالعافيه قوليلي مين دول وانتي بتعملى ايه معاهم
حور بسخريه : وانا خوفت منك كده صح انت ملكش أنك تعرف حاجه عني تاني عشان احنا بينا الطلاق وكمان عايزاك تعرف أن بقيت أكر"هك ياثائر عارف يعني ايه بكر"هك وابعد عن طريقي عشان وربى هصوت واقول عليك عايز تخطفني
ثائر بصلها بغضب وقال : ماااشي ياحور انا هعرف اخدك بطريقتي وصدقيني هتندمي
حور بسخريه : وانا عايزه اندم
ثائر رفع أيده ولسه هيضربها كانت ايد خالد مسكته
خالد بابتسامة برود : كفايه بقا عشان الصراحه رجولتك بقت فى الأرض هتنزل من نظرنا ايه اكتر من كده
ثائر ضر"به لك"مه فى وشه وسابهم ومشي ركب عربيته
حور بخضه : انت كويس
سمر بقلق : فيك حاجه ياخالد
خالد بوجع وهو ماسك وشه : لاء لاء متخافوش انا كويس يلا نمشي
حور بحزن واحراج : انا اسفه انا السبب
خالد بابتسامه : متخافيش انا كويس ويلا بقا عشان نجيب هدوم لست ميان قبل ماتزعل
حور ابتسمت على كلامه بس من جواهاا خوف شديد من ثائر وعارفه أن مش هيسيبها
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووووا
ثائر طلع على بيته وابتدي يك"سر فى كل حاجه حواليه ومسك تلفونه وطلب رقم نبيله وبعد وقت ردت عليه
نبيله بخبث : ايوه ياجوز بنتي مستقبليا
ثائر بجمود : بنتك هتررجع امتي
نبيله بفرحه : بكره هتيجي بكره
ثائر : تمام اعملي حسابك أن هنتجوز أول ماهي ترجع وياريت تديني عنوان حور ال هي موجوده فى حاليا عشان هبعتلها محضر بطلب الطاعه
نبيله بصدمه : ننننعم انت مش هطلقا وتخلصنا منها هتجيب لبنتي ضره
ثائر بخبث : لاء طبعا أنا هجيبها عشان أذلها وبنتك بنفسها هي ال هتقوم بالمهمه دي
نبيله بخبث : كده تعجبني ياجوز بنتي تمام هبعتلك عنوانها
ثائر : ماشي
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
نادين بنت نبيله نزلت المطار وشافت والدتها مستنياها وكان معاها ثائر
نادين بفرحه : مااااما
نبيله حضنتها بفرحه : وحشتيني ياحبيبتى
نادين : وانتي اكتر ياماما
ثائر : حمد الله على سلامتك
نادين بفرحه : الله يسلمك ياثائر
نبيله بخبث : عملالك حتة مفاجأه
نادين بحماس : ايه هي
نبيله : احنا دلوقتي مش هنروح على البيت هنطلع على المأذون عشان هتتجوزى انتي وثائر
نادين نطت بفرحه وقالت : بجد انا مش مصدقه طب والزفته حور راحت فين
نبيله بهمس : لاء ده هيمرمطها فى المحاكم هبقا احكيلك بعدين
نادين بخبث : ماشي ياماما ياقمر
ثائر بضيق : مش يلا بقا عشان متتأخرش
نبيله : يلا طبعا
والتلاته ركبوا عربية ثائر وطلعوا على المأذون
(ملحوظه نادين مش اخت حور هي بنت مرات ابوها عشان ميحصلش معاكم لغبطه)
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
حور كانت بتلاعب بنتها هي وسمر وكان خالد مش موجود وفجاه جرس الباب رن
سمر بابتسامه : ده اكيد خالد
قامت تفتح واتصدمت لما شافت محضر
سمر بقلق : خير حضرتك
المحضر : انتي مدام حور محمد الصاوى
سمر : لاء بس هي موجوده حور ياحوور
حور جت من جوه باستغراب وقالت : فى ايه ياسمر
المحضر : انتي مطلوبه فى بيت الزوجيه بطلب السيد ثائر المحمدي
حور وسمر : اييييه !!!!
حور مسكت راسها بتعب وقالت : لاء لاء أكيد مش صح
يتبع
معلش كان هيكون ده الأخير بس مكنش ينفع أسرع فى الأحداث عشان كله ياخد حقه بس ال جاي هو الأخير أن شاء الله❤️ ومتنسوش ذكر الله يابناويت🥺❤️
#ندم العمر
بقلمى #هاجرالعفيفى
دمتم في حفظ الرحمن💙
تعليقات
إرسال تعليق