 |
-هجوزهولك يعني هجوزهولك ،ومفيش مفر يابت عبدالله
- يا مُرك يازينب يامُرك أنتِ وبتك
- اخرسي اياكي اسمعلك صوت اخرسي ،وشويه هتكتب الكتاب
- ليه يا جلال تعمل فـ بت اخوك كده ليه
- غوري من وشي
______
- ابوس على راسك يما مشيني من هنا
- قومي لمي هدومك فشنطه وهكتبلك عنوان جدك توفيق اللي فمصر وتروحيله قومي بسرعه
"وقفت الم هدومي بسرعه مكنتش حاسه بـ اي حاجه حواليا ،بحط الهدوم وانا ايدي بتترعش ،بصيت على صوره العيله على الكوميدينو،حطيتها فالشنطه وقفلتها"
- خدي يا زينه اهو العنوان والفلوس دي بتاعتك ،روحي لجدك يا زينه واتاحمي فيه انا مش بقيالك العمر كله يابتي
- متقوليش كده يما
" اول ما طلعت من البيت ونسمات الهواء على وشي،حسيت كأني اتولدت من جديد ،لاول مره اطلع من البيت بعد اربع سنين ،مكنتش اعرف حد غير عمي جلال ،وامي ،واسماء صحبتي ،كنت عايشه ما بين أربع حيطان ،عمي جلال كان حابسني خايف حد يشوفني ويتقدملي ،مش عايز يجوزني عشان الورث،بس كان هيجوزني لواحد قده ،وهيخليني اتنازل عن حقي ،فالحقيقه انا مش عايزه حاجه غير اني اكون مطمنه"
- انتي راحه مصر يا بتي
اتكلمت بتوتر لاول مره اكلم حد معرفوش - اه يا خاله
- ومش معاكي حد ليه يابتي ،انتي تايهه
اتكلمت بسرعه- لا لا لا أنا رايحه عند جدي فمصر
- ربنا معاكي يابتي
"محسيتش غير ب ايد بتتحط على كتفي "
- اصحي يا بتي احنا وصلنا مصر
"ياه أخيراً اتحررت من السجن اللي كُنت فيه،بتمني من ربنا يجعل ايامي الجايه سعادة وراحة،راحه وبس "
وقفت ست معرفهاش- لو سمحتي هو فين العنوان ده
- ده عنوان ڤله الاستاذ توفيق المحلاوي مدير شركه المحلاوي
- طب ممكن توصليني ليه
- اه طبعاً أنا بشتغل عنديهم فالبيت ،بس هو انتي تعرفيه من فين
اتكلمت بتوتر- اصل الحج توفيق ده جدي
بصتلي بخضه- ازاي الحج توفيق أحفاده كلهم عايشين معاه واولاده كمان
-لا ما هو انا من الصعيد،بنت ابنه المرحوم عبد الله
بصتلي بفرحه-انتي بنته ،ده هو من زمان قالب عليكي الدنيا ،هيفرح لما يشوفك اوي،بس ماشاء الله عليكي جمال وحلاوه زي جدتك
- هي جدتي عايشه
- اه طبعاً ربنا يديها الصحه وطولت العمر هي والحج توفيق
- هو انتي بتشتغلي اي عنديهم
- انا بشرف على عمال البيت،اهو وصلنا
" ماشاءالله البيت كبير خالص ،بيت ايه ده قصر ،كان كبير جدا وعليه حراس كتير وقدامه عربيات ولا قصر الرئيس"
- اي مالك سرحتي ليه يلا ندخل
- يلا
- لي كل ده يا مني ،ومين القمر اللي معاكي دي
- دي الحجه امنه ،ودي بنت ابنك المرحوم عبد الله
بصتلي بصدمه- زينه
بصيت بفرحه- ايوة زينه يا جده انتي عرفتيني
"خدتني فحضنها وقعدت تطبطب عليا وتعيط ،اتصلت على جدو وقالتله ييجي بسرعه "
- بتعيطي ليه يا جده
- من بدري يا زينه بندور عليكي ومنعرفش انتي فين
"جدو دخل هو وخمس شباب "
- في ايه يا امنه بتعيطي ليه ،ومين دي
- في اي يا تيتا مالك
- تعال يا توفيق شوف دي زينه بنت عبدالله
بصلي بصدمه واخدني فحضنه- زينه ،كنتي فين ياحبيبة قلبي ،يابنت الغالي
"كنت قاعده معاهم مبسوطه الدنيا ضحكتلي أخيراً مش هنام مضروبه ولا هنام معيطه وهخاف من عمي جلال"
- احكيلي يا زينه كنتي فين واي حصلك
"حكيت لجدو حصل ايه بعد ما خالي اخدني انا وامي من بيت بابا بعد العزاء وجوزها لواحد من البلد وحكيتله على كل حاجه وأنه حبسني،وانه كان هيجوزني لواحد قده"
- بس ده اللي حصل
جدتي اتكلمت - ياحببتي يا زينه شُفني ايام سوده،بس هنعوضك
اتكلم واحد من اللي واقفين- ايه ده طلع لينا بنت عم قمر كده
-بس يا بكاش،دي زينه بنت عمكم عبدالله
اتكلم واحد من اللي واقفين بغرور- انتي زينه
- ايوة
- ده يونس ابن عمك ماجد،وده البكاش زياد اخوه،ودول عمر وامير اخوات بن عمك رشوان،وبنات عمك راحو الجامعة وهييجو
- تشرفنا
"ياه عيله ودفا وناس حلوة"
-اي ده زينه
- يوسف
بصو لبعض- انتو تعرفو بعض؟
#بقلم_اسمـاء_الجميل
#زعيم_قلبي
Part1🪶💙
- هتتجوز زينه يا يونس
بنظره غير مفهومه- وانا موافق يا جدو
- بس انا مش عايزه اتجوز دلوقتي يا جدي
- اللي قولته هيحصل ماشي
- حاضر
____قبل يومين
- يوسف
- انتو تعرفو بعض
- ايوه اعرفه اخو اسماء صحبتي ،بس هو بيعمل ايه هنا
- يوسف بيشتغل معانا فقسم الحسابات
- عامله ايه يا زينه وازاي قدرتي تخرجي من عند جوز امك
يونس بصوت عالي- انتو هتقفو كده مع بعض ،يلا يا استاذ يوسف شوف انت كنت جاي ليه
- حاضر يا استاذ يونس
- يامني يامني
- ايوه يا استاذ توفيق
- خدي زينه لاوضتها ،وانتي يا زينه روحي معاها ونامي واستريحي،تعبتي اوي النهارده
- حاضر يا جدي
"ياه أخيراً ،انا حاسه اني طايله العالم كُله من الفرحه ،زي ما يكون كُنت طَير محبوس واتفتحله باب القفص عشان يطير،زي ما يكون كنت عاميه وفتحت وبشوف الدُنيا بكُل الحلو اللي فيها ، انتو متخيلين الفرحه اللي انا فيها انا مش متخيله الصراحه"
صحيت على خبيط على الباب - مين
- انا ممكن ادخل
- اه طبعا ادخلي
- اي القمر ده انتي بنت عمي عبدالله
- ايوه انا ،وانتي مين؟
- انا هايدي اخت يونس ،بنت عمك ماجد،كُل ده نوم يا غيبوبه
- انا ليه نُمت قد ايه
- انتي من امبارح نايمه
- يمُري انا نمت كُل ده
- اهدي بس عادي بتحصل،بس انتي لهجتك حلو اوي
- الله يخليكي
- طيب يلا قومي عشان ننزل تحت يا زينو
- حاضر،هاخُد دُوش وانزل
- خلصانه هستناكي
"قمت استحميت ،واتوضيت وصليت ياه على الراحة اللي انا فيها،نزلت لاقيتهم كُلهم متجمعين مع جدي وجدتي"
- صباح الخير
- صباح الورد والخير كُله تعالي يا حبيبة جدك
روحت قعدت جمب جدي- انتي زينه
- ايوه
- باين عليكي فلاحه اوي
" حسيت زي ما يكون نزل عليا تلج ،وحسيت بغليان من جوايا محسيتش بنفسي غير وانا برا البيت،لاقيت مكان فيه زرع وشكله جميل اوي قعد فيه "
-زينه يا زينه
- نعم
- متزعليش من مياده هي كده دبش
قمت زعقت فيها- حتي لو هي كده دي واحده قليلة الربايه ،قللت مني قدام الكُل ومش عايزاني ازعل
- حقك عليا انا
- انا اللي اسفه عشان هبيت فيكي كده
- لا عادي كُله بيهب فيا ،يلا بينا نرجع عشان يونس لو شافنا هنا هموتنـ*ا
"اخدتني ورجعنا البيت "
جدو اخدني فحضنه- روحتي فين يا حبيبه جدك
- مطلعتش بعيد
- لو حصل ايه اياكي تطلعي من البيت ده ،البيت ده بيتك واللي مش عاجبه يمشي
- قصدك ايه يا جدو
- اللي بقوله يا مياده ،بس الظاهر كده محدش عرف يربيكي
- جدو يا جدو الحق
- في اي يا زياد
- في واحد بره بيقول أنه ابو زينه
دموعي نزلت من الخوف- جلال جه تاني ،هرجع اتضرب منه ،بالله عليك يا جدي متخليهوش يدخل
- بس اهدي يا يا زينه ،انا هربيه، امنه
- نعم
- خُدي زينه واطلعو
- انا عايز زينه هي فين
- جلال هو طلعت انتَ
- ايوه انا يا توفيق بيه
- يا خسارة تربيتي فيك ،عايز اي يا جلال وراجع من تاني ليه
- عايز زينه
- وبـ اي وش جاي تطلب بكده
- اني جوز امها
- انتَ مكفكاش اللي عملته زمان مع اخوك ،ولا كمان اتجوزت مراته ،امشي يا جلال امشي مفيش بنات ليك هنا
- انا عايز زينه لجوزها
- جوز مين ،زينه اتجوزت يونس ابن ماجد،امشي يا جلااااال
- اي الكلام اللي قولته بره ده يا جدو
- هتتجوز زينه يا يونس
بنظره غير مفهومه- وانا موافق يا جدو
- بس انا مش عايزه اتجوز دلوقتي يا جدي
- اللي قولته هيحصل ماشي
- حاضر
- المأذون بره ياجدي
الكل بصدمه - نعم؟!!!
#بقلمـي
#اسمـاء_جميـل
#زعيم_قلبي
Part2🪶💙
تكملة الروايه من هنا هنا
تعليقات
إرسال تعليق