 |
- يا ست جميلة يا جميله هااانممم
= ايواااااااااااا يا زييييين
- والله وبقيتي تزعقي
= اتعلمت منك
- اتقي الله انا بزعق
= اه فالماتش
ضحكت - ايوا يا مركز
= المهم قول عشان جعانه خالص
- لا لا ناكل الاول
= لا قول
- كنت هقولك تيجي نسافر ؟
= هاه اكيد!!!
- اتفقنا هاتي بوسة بقي
= لاء
- هتديني
باستني على الهوا
- جرا اية يا جميلة
طلعتلي لسانها = هو كدا
- الباب بيخبط
= اكيد الاكل هفتح
- لا استني هفتح انا
روحت افتح الباب ولقيت واحد شكله تقيل اوي
= جميلة موجوده؟
- جميلة ؟ انت تعرفها؟
= ايوا
بارتباك - طب اتفضل
دخل وانا حاسس ان نبضات قلبي بقت بطيئة
- جميلة اطلعي فوق
= ليه
- عشان هنتكلم فى شغل
= طيب
قعد وبصلي بستغراب
- معلش انا مش عايز افاجئها باي حاجه انت من اهلها ولا ؟
= تقدر تقولي قاعده عندك بصفتك اية؟
- انا جوزها
= نعم ؟
- زي ما سمعت !
= وتعرف اهلها عشان تتجوزها؟
- لا معرفش و مش مهم المهم عندي هي
= لا لازم تعرف كويس الي عندك دي بنت مين واهلها يقدروا يعملوا فيك اية وخصوصا بعد ما اتجوزتها كدا
- مش فاهم حضرتك وبعدين احنا اتجوزنا برضاها اكيد مش غاصبها
= دي تبقي ليلي اسر المهدي ولو متعرفش من عيله مين ابقي دور
حسيت ان دماغي وقفت لثواني ومكنتش مستوعب اي كلام
- ايه! بتقول ايه!
= الي سمعته ، واتعرفنا عليها من الصور الي نزلتها وعاوزين نعمل تحاليل DNA عشان نتأكد
اتكلمت بسرعه - ايوا بس جميلة كانت مع ناس قبلي ومخرجتش للشارع لمده 18 سنه عارف دا اثر عليها ازاي جميله محدش بيعرف يتعامل معاها زي وانا مش هقدر اصدمها بالي قولته دا خصوصا ان على حد علمي ان اسر المهدي عمل حادثه هو ومراته يعني ابوها وامها ميتين ..!
= تمام وانت ملكش علاقه بالموضوع مهمتك خلصت لحد هنا
والدها والدتها ماتو وهي لازم ترجع
- اها ماتو وانا مش هسبها لوحدها !
- زين في اية
= جميلة اطلعي
- لاء هو انت زعلان ؟ عمو ده زعلك
بصلها بخبث - ازيك.
= انت مين ؟
- تعالي اقعدي
مسحت على وشي بعصبيه وكنت مخنوق لحد ما قعدت جمبي ومسكت ايدي وبصتلي وهي بتحاول تطمني وكنت بهدي تلقائي عشان هي بس جمبي.
- جميلة قصدي ليلي مش عايزه تعرفي مين اهلك
بصتلي وعيونها بتلمع وردت عليه = ليلي؟ اكيد حضرتك تعرف هما فين؟
- ايوا
= بابا وماما موجودين هشوفهم!!
- لاء هو
مسكت ايديها جامد وهي مكنتش فاهمه وبتبصلي
- هما دلوقتي فى مكان احسن من هنا
= يعني هقدر هشوفهم؟
مقدرتش استحمل اكتر من كدا
- حضرتك ممكن تمشي وانا هاجيلك اديني عنوانك انا هرتب كل حاجه
- جميلة خليكي هنا ثواني
خته عند الباب بعيد عنها - في حاجات كتير محتاجين نفهمها وهي اكتر واحده لازم تفهم عشان تقدر تعدي دا وترضي تعمل التحاليل
= هاجي بكره
مشي وسابلي الكارت بتاعه روحت لقتها متعصبه وباين عليها الزعل
- ليه كدا يا زين ليه
= ليه اية
- ليه بتمشيه انا عايزه بابا وماما
= جميلة اهدي
- لا
قربت وحضنتها = اهدي هفهمك كل حاجه خلاص؟
قعدتها قدامي- مش انتي بتحبي ربنا؟
= اكيد
- طيب تزعلي لو خد منك حاجه
= حاجه اية
- اي حاجه
= لاء انا اعرف ان اي حاجه مع ربنا بتكون كويسه صح
- صح برافو عليكي يعني لو قولتلك مثلا انه ربنا اخد منك حد
= خده خالص يعني مات؟
- ايوا
= لاء مش عارفه هزعل
- ازاي بقي دا كدا ربنا بيحبه عشان يخده عنده فالجنه
فضلت بصالي وهي منتبها
- باباكي ومامتك دلوقتي عند ربنا فالجنه
= انا !
هزيت ليها راسي لان شكلها خلاني مش قادر اتكلم وختها في حضني
= زين لاء!
- جميلة هما عند ربنا وشايفنك مينفعش تعملي كدا لازم تكوني قويه عشان ميزعلوش
= لاء انا لسه مشفتوهمش ليه يمشوا قبل ما اشوفهم!!! انا ملحقتش اسلم عليهم لاء
- طيب اهدي عشان خاطري
= يعني ازاي انا فضلت مستنيا كل يوم عشان اقدر اخرج ولاقيتك عشان تساعدني بعد كل دا خلاص مش هشوفهم لاء يازين لاء
قعدت تعيط وانا واخدها فى حضني مش عارف اعمل اي حاجه ليها
..
- بقت كويسة؟
= عمرها ما هتبقي كويسه يا داده ولا حتي انا
- زين الوضع اختلف دلوقتي اهلها ظهروا!
= يعني اي
- احنا مش عاوزين مشاكل يحبيبي خصوصا انهم طلعوا معروفين كدا
= لسه متأكدناش يا داده وبعدين لازم اعرف ازاي سابوها كدا ليه يحصل فيها كل دا
- يمكن تاهت منهم!
= تاهت وهي عيله المهدي كلها مش هتعرف ترجعها!!، داده انا هنزل شوية ولو حصل اي حاجه كلميني
___________________________
نزلت وكنت فى طريقي للشركه واول ما وصلت لقيت واحد صاحبي واقف بره - زين كويس كنت بكلمك
= معلش مختش بالي في اي
- فى واحد فوق عايزك
= هو انت بتطلع اي حد الشركه؟
- متخفش يا زين اكيد مش اي حد انا سألت وطلع واحد كدا من الارياف ومعرفش ليه مصمم يشوفك
= ودا عايزاني في اية! مش فايق
- اطلع شوفه
= طيب
..
- ايوا يا استاذ
= انت زين؟
- ايوا انت مين
= انا جايلك عشان ليلي اقصد جميلة
- جميلة و ليلي؟
= جميلة دا الاسم الي هي تعرفه في المكان الي كانت فيه
- مش معقول انت تعرف كل دا ازاي
= كنت معاها انا وامي كل الفتره دي وبعدين مشيت
- انتو حبستها 18 سنه بعيد عن أهلها لحد ما ماتو!!
= مش اهلها
- يعني اية
= ام جميلة ماتت اول ما اتولدت وبعدها ابوها اتجوز واحده تانيه ومكنتش قابلة جميلة ولا بتحبها ولما تمت خمس سنين ساعتها مراته التانيه خلفت واول ما جابت ولد كانت عايزه ياخد كل حاجه كانت الغيره عميها انا ابويا كان شغال في الفيلا في يوم اتفقت معاه مرات اسر بيه انه ياخد ليلي ويقتلها
وساعتها مقدرش يقولها لاء خدها فعلا وكل السنين دي فاكرين ان البنت اتخطفت او ماتت وابويا كان مقعدها معانا كل الفتره دي في بيتنا الي فالبلد
- كل دا!!
= كانت عايشة معانا وكانت كويسة عمرنا مخرجنها ومكنش عندنا اجابه على اسئلتها غير ان الشارع مش حلو او خطر لحد ما كبرت وفجأه مشيت ومن كام يوم ابويا عرف شكلها من الصور لما شافها فالفيلا وعرف انهم هيبعتوا حد ليك ويخدوها ومش عارفين ممكن يعملوا فيها اية او يعملوا فينا احنا لو عرفوا الي عملنا وانها كانت معانا
- حد يعرف موضوع القتل دا غير الست الي كانت عايزه تقتلها!؟
= لاء معتقدتش
- يبقي مفيش مصدر هيعرفوا منه غير جميلة
= اها
- ودلوقتي ابوها والي عايزة تقتلها ماتو اعتقد كدا مفيش خطر عليها او عليكوا صح ؟؟
= ايوا بس انت هتسبها؟!
يتبع..
صديق طريقي.♡
البارت السابع💜
-----------
بس كفايه كدا قولولي بقي رايكم ومين كان متوقع ان جميلة وراها كل دا واكمل ولا ايييييييه👀👀❤
تعليقات
إرسال تعليق