مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التالت♥️شكرا علي تفاعلكم السكر♥️بقلم سولييه نصار♥️

-انت مريض ...أنا مش قادرة اصدق اني حبيتك ..

صرخت في وشه وانا ببكي فضحك وقال وهو بيلمس خدي وقال:

-لا لا يا قلبي انتي اللي رخي*صة وهبقي مجنون لو مستغلتش ده ...أنا عايزك وهاخدك وهتجوز اختك كمان ما دام أنتي كده كده رخ*يصة يبقي أنا أحق ..

بعد وقال :

-باي دلوقتي يا قلبي هستناكي علي نار بالليل ...

وبعدين مشي وسابني ...

قعدت علي الأرض وانا منهارة ...ده شي*طان فعلا شي*طان يارب أعمل ايه...ايوة أنا غلطت لما بعتله صوري بشعري وهدوم البيت  بس أنا وثقت فيه ...اديتله الأمان وهو كسرني ...بس اللي بيطلبه ده فيه دماري ...ولو مروحتش هيفضحني وبابا ممكن يروح فيها يارب ساعدني مليش غيرك ...

مسحت دموعي وقومت وقررت اروح الشغل واسلم امري لله 

..........

-ها هتيجي النهاردة 

قالها احمد وهو بيبص لصاحبه بخبث ...

بصله حسام بتوتر وقال:

-انت مجنون يا احمد متنساش ان بيت خالد جمبكم وانا متقدم لاخته لو اكتشف اني هاجي عندك هيرفضني ...

-متقلقش يا عم حسام بقولك اهلي مش موجودين والبنت اللي هتيجي مش من المنطقة اصلا واهو ننبسط شوية ها ايه رايك خلينا ننبسط شوية 

بصله حسام بتوتر مكانش عايز يعمل كده ...هو دايما مصدر انه انسان محترم خصوصا لصاحبه خالد لو اتقفش حياته هت*تدمر ...وسمعته هتب*وظ بس حسام قدر يقنعه ما دام واحدة هتيجي ومش ممانعة ليه ميتمتعش ويعتبرها آخر مرة خصوصا انه هيرتبط  بجنا ويتوب ساعتها ويبدأ من جديد ...

بصله حسام وقال:

-طيب تمام اجيلك الساعة كام ..

ابتسم احمد بشر وقاله :

-علي الساعة تمانية بالليل يا غالي البيت هيكون فاضي ومحدش هيحس بحاجة 

-تمام ..

حس احمد بالسعادة ...حسام المغ*فل وقع في فخه وكده هيبقي طربق الدنيا علي جنا لما يشوف حسام ان البنت اللي هتيجي وفاكرها  بنت ليل تبقي هي البنت اللي عايز يتجوزها ساعتها حسام هي*تكسر وجنا هتتف*ضح...ده جزائها ...جزائها انه حبها كان نفسه ترفض انها تكلمه وترتبط بيه عشان تفضل في عينيه محترمة بس لما كلمته نزلت من نظره وقد ما خيبت ظنه فيها كان عايز يك*سرها ويد*مرها ولما عرف انها ناوية تقابل عريس جديد قرر يسببلها فضي*حة كبيرة ...هو مكانش كده بس هي السبب ...ايوة هي السبب لو كانت محترمة مكانش عمل كده...

 ... 

طلعت من الشغل وقعدت في اوضتي وانا براقب الوقت بتوتر ...قلبي كان بينبض بخوف وحاسه اني هن*هار في أي لحظة ...جاتلي رسالة علي الفون فتحتها ولقيت احمد هو اللي بعتها :

-معادنا النهاردة الساعة تمانية في بيتي يا قطة اوعي تتاخري هستناكي علي نار .سلام يا قطتي...

حطيت ايدي علي بوقي وبدأت ابكي يارب ايه اللي انا عملته في نفسي ده ...

خبط باب اوضتي مسحت دموعي بسرعة لقيت اخويا خالد دخل وهو مبتسم وقالي :

-اخبار عروستنا 

بصتله ووقتها محستش بنفسي الا وانا ببكي ..اخويا اتخض ومسك ايدي وقال:

-حبيبتي مالك؟!!

-انا اسفة اسفة يا خالد 

-فيه ايه مالك ؟!!

-انا عملت حاجة وحشة ...أنا خو*نت ثقتكم ...أنا...

يتبع

#براثن_الذئب

#سولييه_نصار

الجزء الرابع♥️شكرا علي تفاعلكم السكر♥️بقلم سولييه نصار ♥️

-خو*نتي ثقتنا ازاي ...

قالها خالد بشك ...فضلت ابكي ومردتش عليه ...قعد يهز فيا وصرخ:

-انطقي يا جنا انتي قصدك ايه ...

حاولت اهدي نفسي وقررت احكي الحقيقة واللي يحصل يحصل 

مسحت دموعي وانا ببص لخالد وقولتله بصوت واطي:

-هقولك 

-ايوة اتكلمي ...حرام عليكي قلبي وقع في رجلي احكي عملتي أيه وخو*نتي ثقتنا ازاي ها...

بلعت ريقي وقولت:

-انا ارتبطت بواحد ...

بصلي بصدمة فكملت بخوف وقولت:

-كنت بكلمه من وراكم ...وبقابله دايما  ..حتي ..حتي 

حطيت ايدي علي بوقي وقولت :

-انا بعتله صوري 

-صور...صور ايه ..

بلعت ريقي وانا بشوف وش اخويا شحب وماسك اعصابه بالعافية عني ...جسمي اترعش وانا بقول :

-صور ليا بشعري وهدوم البيت ..يعني صور وانا لابسة نص كم ..

اخويا بعد عني وهو مصدوم وقال:

-انتي بتكدبي صح ...دي مش تربيتك 

-اسفة ..

قولتها وانا ببكي ...مسكني جامد من ايدي وصرخ:

-اسفة ...بالبساطة دي ...انتي يا جنا ...أنا كنت بثق فيكي ....ليه انطقي ليه عملتي كده ...حرام عليكي ابوكي لو عرف ممكن يموت فيها ...انطقي يا جنا ليه تك*سرينا بالشكل ده..

-لاني حبيته ...وثقت فيه كان بيطلب ولما كنت برفض كان بيتخانق معايا ويبعد عنه وانا ضعفت لاني حبيته ...وعدني بالجواز بس بعدين غدر بيا ...

زقني بعيد عنه وبصلي بقرف وقال:

-نفسي اقت*لك دلوقتي ....

قرب فعلا وكان هيضر*بني بس وقف في اخر لحظة وبصلي بحزن وقال:

-فعلا يا خسارة يا جنا ..خسارة عمري ما هسامحك علي اللي عملتيه فينا. ....من النهاردة لسانك ميخاطبش لساني ولو حاولتي تقربي مني هقت*لك فاهمة ...

بكيت وقربت منه فز*قني لحد ما وقعت علي الأرض ...بكيت وقولت:

-ابوس ايديك يا خالد ساعدني لو مش عشان خاطري ...عشان خاطر سها...

-سها 

قالها بحيرة

هزيت راسي وقولت:

-اللي ارتبطت بيه هو احمد ...

بصلي خالد بصدمة فحطيت وشي في الارض وبدأت احكيله علي تهد*يد احمد ليا ...

.....

بعد شوية كنت خلصت كلامي وانا ببكي ..بعدين مسحت دموعي وقربت من خالد وقولت:

-ابوس ايديك ساعدني يا خالد أنا هتف*ضح ...

بس هو بصلي بقر*ف ومشي وفضلت أنا ابكي ...

......

بعد ساعة تقريبا كنت لسه في اوضتي بفكر هعمل ايه في المصيبة دي لما دخل عليا خالد وقال:

-انا هساعدك ...طبعا مش عشانك بس عشان سها واهلك ملهومش ذنب 

ابتسمت بإمتنان وقولت:

-هنعمل ايه ..

-هقولك...

........

علي الساعة تمانية بالضبط  بلغت اهلي اني هروح اشتري شوية هدوم   صاحبتي مها ووافقوا جهزت وروحت بيت احمد ...جسمي كان بيترعش وانا خايفة من الخطوة دي بس كلام خالد طمني خبطت فتحلي احمد وهو مبتسم وقال:

-ادخلي يا قطة ...

دخلت وانا مرعوبة فقفل احمد الباب وقال:

-اهي جات قطتنا 

ببص اشوفه بيتكلم مع مين ...اتصدمت لما لقيته حسام ....

-جنا انتي 

قالها حسام بصدمة ...ابتسم احمد وقال:

-ايوة يا حسام جنا العروسة المحترمة هي اللي جاية النهاردة عشان تبسطنا مش كده يا قطة ...بصيت لاحمد بكره وقولت :

-انت فعلا حيو*ان 

بعدين بعدت ولسه همشي ...مسكني جامد وقال:

-لا يا قطتي مش دلوقتي ...

زقيته جامد وكنت ههرب بس مسكني وضر*بني بالقلم جامد لحد ما  وقعت دماغي اتخبطت في الترابيزة وحسيت بالسواد ....

-يخربيتك.قت*لتها يا مجنون

صرخ حسام في احمد 

متابعه علشان يصلكم الأخير من هنا 

#براثن_الذئب 

#سولييه_نصار

البارت الاخير من هنا