 |
وعدي البارت الاول
وعد … انا عايزة انزل البيبي
………………………………………………….
بتخبط على باب شقة بدموع
وعد… محمد افتح يا محمد انا حامل في ابنك ارجوك يا محمد متعملش كده انا لواحدي انا وعد حبيبتك انت عارف اني ماليش غيرك
بتفضل قاعدة جنب الباب و بتعيط بعد شوية بتقوم تقف و بتنزل الشارع تتمشى بتلاقي يافتة دكتور نسا و توليد
دخلت المكان كان فاضي تقريبًا كانت اخر واحدة الممرضة نادت اسمها
… وعد خالد
دخلت بتوتر مع الممرضة للدكتور
الدكتور… مدام وعد
وعد … انا عايزة انزل البيبي
الدكتور بصدمة… نعم … هو حضرتك متجوزة
وعد… ايوا
الدكتور قاسم …. انتى مش عارفة انك حرام تق@تلى روح ملهاش ذنب ده ابنك ازاي هيجيلك قلب تعملي كده
وعد رفعت عنها و بصتله … انا يتيمة و اتجوزت من ست شهور مكانش حد يعرف معملتش فرح يعني لما عرف اني حامل طلقني و انا مش هقدر لواحدي على كل ده مصاريفي و مصاريف البيبي و الدكتور و انا أصلًا مش بشتغل
قاسم بيبصلها بشفقة
قاسم… بصي انتى ممكن تشتغلي سكرتيرة في شركة بابا و لو على الدكتور أنا موجود و مش هتدفعي كشف
وعد… بس ده كتير اوي
قاسم… ده ابنك متفرطيش فيه
وعد بتمشي و هي مبسوطة و بتروح بيتها اللي هو اوضة فوق السطح و بتنام بتصحى بدري و تروح مكان الشركة
بدر… انتى وعد
وعد.. ايوا انا
بدر… قاسم موصي عليكي جامد
وعد… بجد
بدر…. اه ولله… و هتاخدي مرتب مبدئي سبعتلاف جنيه
وعد بصدمة… كام
بدر… ايه صغير
وعد… لا لا ده كبير اوي
و ابتدى يفهمها الشغل و بتبتدي في اليوم و بتروح بيتها
وعد… طب انا هاكل ايه دلوقتي مفيش غير الجبنة دي
دي بايظة دي ولا ايه
و بتشمها مبتقدرش و بتجري على الحمام ترجع الباب بيخبط بتمسح وشها و بتتسند و تفتح الباب
… ازيك
وعد بصدمة… دكتور قاسم
يتبع
وعدي البارت التانى
و بتشمها مبتقدرش و بتجري على الحمام ترجع الباب بيخبط بتمسح وشها و بتتسند و تفتح الباب
… ازيك
وعد بصدمة… دكتور قاسم
قاسم… احم انا جيت جبتلك حاجات التلاجة
وعد… كل ده عشاني هو حضرتك بتعمل كده مع العيانين بتوعك
قاسم بتوتر …. اه
وعد… انت بتكدب و لو حضرتك فاكر اني هجيلك بالطريقة دي يبقى بلاهة احسن و مش عايزة منك حاجة .. و كانت تتقفل الباب
قاسم بسرعة… استنى
وعد.. عايز ايه
قاسم … انا انا مش قصدي حاجة و متزعليش مش هعمل كده تاني بس خدي الاكل ده و اوعدك مش هتشوفيني غير ساعة الكشف
و بيسيب الاكل و يمشي و وعد بتفتح الاكل و بتاكل كتير و بتلاقي ادوية مكتوب بتتاخد امتى فبتاخدها و بتصلي و تنام
عند قاسم
بدر… البنت اللي انت بعتها شغلها كويس واضح انها هتنفعني كتير
قاسم بابتسامة… اه
بدر بخبث …. بس كان شكلها تعبان اوي النهاردة
قاسم بقلق… ايه اللي حصل و عملته ايه
بدر ضحك… اهدى انا بهزر معاك محصلها حاجة …
شكلك حبيتها
قاسم… مش عارف
******
وعد بتدخل الشركة
سامر… مدام وعد
وعد… نعم يا سامر
سامر.. انا خلصت الملف ده حضرتك طلبتيه مني
وعد بابتسامة..تمام يا سامر شكرًا
قاسم بيبقى واقف بعيد و شايفها و بيبص بغيره عليها
بيروح مكتب ابوه و بيقعد معاه شوية و بعد كده بيتجه لمكتب وعد
قاسم … ازيك
وعد… الحمدلله و حضرتك
قاسم… انا تمام
بيسمعوا صوت زعيق برا فبيخرجوا
قاسم… في ايه انت مين
وعد بصدمة… محمد
يتبع
وعدي البارت التالت
بعد اسبوع
وعد بتكون قاعدة في مكتبها و بتعيط و عي بتفتكر الكلام اللي سمعتو من البنات اما كانت في الحمام
.. احم مدام وعد مستر بدر عايز حضرتك
وعد بتمسح دموعها و بتروح لمكتب بدر
بدر… وعد انا عارف ان الموظفين هنا بيتكلموا على اللي حصل
وعد.. انا اسفة اني عملت شوشرة انا هقدم استقالتي
بدر… انا مش قصدي كده انا عايز اريحك انتي ممكن تروحي تشتغلي في مستشفى قاسم في الحسابات انتي كلية تجارة
وعد… تمام مفيش مشكلة
بدر… طب انتي روحي النهاردة افهمي الشغل
وعد بتلم حاجتها و تمشي بتروح على مستشفى قاسم
وعد… دكتور قاسم
قاسم… وعد ازيك
وعد… كويسة
قاسم… ممكن تقوليلي قاسم بس
وعد.. مينفعش
قاسم… لا عادي قولي قاسم
وعد برقة… قاسم
قاسم بيوصل وعد للحسابات
قاسم بغيره… ده استاذ سمير هيفهمك كل حاجة يا وعد
سمير بإعجاب… طبعًا احنا تحت أمر الجميل
قاسم بحدة… استاذ سمير الزم حدودك يا اما هتتفصل و انتي تعالى ورايا
وعد بتدخل اوضة الكشف بتاعته
وعد بغضب… ايه الهمجيه دي
قاسم بغضب و غيره… همجية اه و يعاكسك عادي
وعد… انا كنت هوقفه عند حده و بعدين انت بتعمل كده ليه كل اما تشوفني واقفة مع حد بتدايق
قاسم… عشان بتنيل بحبك
وعد بتوتر… بس انا مش بحبك
يتبع
وعدي البارت الاخير
وعد بتوتر… بس انا مش بحبك
قاسم بصدمة… ايه … طب طب ليه
وعد بتتكلم و بتحاول انها متبكيش و قافلة قبض ايدها جامد … عشان هقدر على كسرة قلب تانية
قاسم… بس انا مش هعمل زيه
وعد.. هو كمان كان بيقولي كده انا عمري ما هضربك عمري ما هغصبك على حاجة و اظن انت فاهم يا دكتور
انت بقت مشوهة من جوايا مش قادرة احب حد
وعد بتخرج و قاسم بيكون مدمع
وعد نقلت شقة بدل الاوضة اللي على السطح و لقت شغل جديد بمرتب حلو و بدأت تعمل مخبوزات و تبيعها لحد ما فتحت مخبز زي كافيه صغير
بيكون بيجري في المطر بيلاقي مخبز شكله انيق بيدخل بسرعة و بيلف بعد اما قفل الباب بيلاقيها خارجة من جوا رابطة شعرها على هدومها حبة دقيق
قاسم بصدمة… وعد
وعد.. قاسم
قاسم بشوق… انتي عاملة ايه كويسة
وعد… الحمدلله اتفضل اقعد هيجيلك حاجة تشربها
قاسم… ده الكافية بتاعك
وعد… اه .. ثانية هخرج الم الكراسي عشان المطرة
قاسم…. لا لا انا هجيبها خليكي بس امسكيه بس
بيلمها و يجيبها هي بتبقى مبتسمة
وعد… شكرًا يا قاسم استنى اجيبلك حاجة سخنة
و بتعمله نسكافيه
قاسم… وحشتيني اوي
وعد بتوتر… ماشي
قاسم… احم المكان بتاعك حلو اوي انشاءالله تفتحي منه فروع كتير
وعد… مش اوي كده
قاسم… انتي تستاهلي كل حاجة حلوة كفايا انك وعد
وعد بخجل… شكرًا
قاسم… في حاجة على خدك قربي امسحهالك
وعد بتقرب قام باسها في خدها
وعد بتوتر.. انت قليل الادب
قاسم بيمسك ايدها… انا لسة بحبك انا مش عايزك تبعدي عني تاتي
وعد بتسكت و بتشيل ايدها
قاسم بآلم… انتي في حد في حياتك … خلاص فهمت
و بيقوم عشان يمشي
وعد… انا كمان على فكرة اكتشفت اني بحبك
قاسم بيلفلها بفرح و بيحضنها و فجأة بتدخل بنت
… يخربيتك يا وعد
وعد… سمر
سمر… انت مين يلا و منين و اتولدت امتى و امك و ابوك اتولدت امتى و انت إزاي أصلًا .. مين ده
وعد… شششش اسكتى ده قاسم
سمر… يعم ما تقول… انا سمر
قاسم… و انا قاسم
وعد… دي سمر صاحبتي و شريكنا في المكان
سمر… قوليلي بقى الفرح امتى عشان اجهز فستان
وعد بتبرق
قاسم بيضحك… ولله هي بس توافق و الفرح يبقى كمان اسبوع
سمر… وافقي و حياة ابوكي
وعد… موافقة
بعد اسبوع
روبا و تحمل ابنها عمره شهور… طالعة زي القمر
وعد… ميرسي يا روبا
سمر… بت يا وعد في مزز في الفرح ؟
وعد… ولله ما اعرف
قاسم بيخبط على الباب و سمر بتفتتحله
وعد.. شكلي حلو
قاسم… حلو بس ده انتي قمر
وعد… بحبك
تمت
تعليقات
إرسال تعليق