 |
البارت التالت والرابع
#لا أدري كيف أحببتها
فاطمه قلعت مريلة المطبخ وراحت فعلا عشان تفتح الباب
وفتحت الباب وكانت في حاله صدمه لأنهم أصدقاء ادم الفا"سدين
_😳😳٠٠٠٠اخيرا فاقت من الصدمه وقالت:اهلاااا
واحد من الشباب مد ايدو عشان يسلم عليها ولكن فاطمه طلعت تجري عالطول
_هي مش بتسلم على شباب ولا اي ؟
_شكلها متدينه
_ده مش لابسه نقاب يعنى عشان تعمل كده
_مش شرط وبعدين انت زعلان ليه احنا هنا عشان نتبسط
_عندو حق يا وائل احنا عشان نتبسط مش اكتر
_واقفين كده ليه اتفضلوا
_مراتك متدينه ولا اي ؟
_ليه يعنى
_مبتسلمش على حد اصلا مديت ايدى عشان اسلم عليها طلعت تجري عالطول
_متزعلش أصلها خجوله شويه
فاطمه دخلت الاوضه عالطول وقالت ببكاء:حيو"ان ازاى يجيب صحابه وانا موجوده
فاطمه كانت متوتره اوى وقالت:معقول يعملوا حاجه انا سمعت قصص كتير ممكن يحطوا حاجه لادم ويفقد الوعى ويعملوا فيا حاجه
_طب اعمل اي دلوقتى ارن على جدي ولا اعمل اي ؟
_فاااااطمه
فاطمه انتهدت عالطول وقالت: اعمل اي يا ربي
ادم دخل وقال:انا بنادي عليكى على فكره
_انت ازاى تجيب صحابك وانا موجوده انت اي ؟
ادم رفع حاجب وقال:واي المشكله
_ده في حد ذاتها مشكله أن حضرتك مش فاهم حاجه
_طب فهمينى ممكن
_مينفعش تجيب صحابك شقتك طالما متجوز ومتنساش أننا مش في القصر
_بصي انا مش فاهم حاجه زي الشاطره كده اطلعى اعملى عصير
_لا مش طالعه
ادم اتحول الى شيطا"ن وقال بكل برود:انا مش هكرر كلامى مرتين ثم كمل: انا هطلع تطلعى ورايا فورااا
ادم كان طالع ولكن كلام فاطمه أوقفه
_هقول لجدي
_اي ؟
_هرن على جدي وهقوله انك جايب صحابك وانا موجوده في الشقه
ادم بكل برود أعصاب:رني
نبضات فاطمه ازدادت وقالت:هرن
_رني !!
فاطمه مسكت التليفون وكانت بترتعش وفجاه آدم مسك منها التليفون ورمي على الأرض لتتخض فاطمه
_بلاش تهددي ادم الانصاري فاااهمه
فاطمه:__________
ادم مسك ايدها جامد اوى وقال:فاهمه ولا لا ؟
الدموع نزلت من عين فاطمه وقالت:فاهمه فاهمه
ادم ساب أيدها وقال بكل برود مصطنع:تطلعى فورااا
ادم طلع ورزع الباب ورا وفاطمه قعدت على السرير وقالت بخوف:اعمل اي ؟
بعد شويه فاطمه قررت تطلع فعلاا وراحت المطبخ وكانت مرعوبه أوى فكلمه مرعوبه شويه
فاطمه خدت نفس عميق وقالت:اهدي خالص وخليكى واثقه من نفسك وبلاش الخوف ده
بعد مرور بضعه دقائق فاطمه كانت خارجه وماسكه الصينيه وبترتعش من الخوف
آدم شاف رعشت أيدها وفرح اوى وقال في سره:انا هعرفك ازاى تتحدي ادم الأنصاري يا بت الانواري
_هي خايفه كده ليه ؟
_مالك يا فاطمه خايفه كده ليه
فاطمه بصت في الأرض وقالت: مفيش
ادم قام وخد منها الصينية وقال:طب اقعدي معانا دول زي اخواتك بردو
فاطمه ببرود أعصاب:معنديش اخوات ومش عايزه يكون عندي اخوات عن اذنكم
آدم مسك أيدها عالطول وقال:ههه بتهزر يا جماااعه صح يا فطومتى؟
فاطمه بابتسامه تحمل الغضب:فعلااا بهزر ثم كملت:عن اذنكم
آدم اتغاظ اوى وقال:طيب يا بت الانواري انا هوريكى هعمل اي ؟؟
_اشربوا العصير يا شباب انتوا في بيتكم ثانيه وراجع
فاطمه دخلت الاوضه عالطول وكانت رايحه تقفل الباب ولكن ادم حط ايدو على الباب وقال: اي اللى قولتى ده ؟
فاطمه بارتباك:قولت اي ؟
_يعنى مش عارفه حضرتك قولتى اي
_لو بتتكلم على موضوع الإخوات فأنا فعلا معنديش اخوات
ادم ضغط على سنانه وقال:اللى برا دول اهم منك ومن اللى جابوكى
وفجاه قلم ينزل على ادم وفاطمه قالت والدموع نازله من عينها: أهلى خط احمر فاهم ولا لا
ادم حط ايدو على خدو وكان في حاله صدمه أن ازاى واحده تضر"ب ادم الانصاري
_اي اللى عملتى ده ؟
_ده اللى كان لازم يتعمل من بدري اوى
ادم مسكها من شعرها جامد اوى وهي كانت بتتا"لم
_اعااااااا
_انتى عارفه ان مفيش حد قدر يمد ايدو على ادم الانصاري لحد دلوقتى ؟
وفجاه فاطمه اتحولت إلى البنت الضعيفه اللى مالهاش غير ربها في الدنيا بعد جدها طبعاا وقالت:انا اسفه !!
ادم سابها وقال:حسابك تقل معايا اوى
وسابها ومشي وفاطمه اترمت على السرير وانهارت من البكاء
_ماما انا محتاجكى اوى
في قصر الأنصاري✨
_انت كنت عند ادم صح يا بابا
_اه يا بنتى كنت هناك في حاجه ولا اي
_لا مفيش بس بسال مش اكتر
_انا عارف انك كنتى رافضه الجواز ده بس والله فاطمه بنت طيبه اوى غير كده انا متاكد انها هتغير ادم
_تغيرو ازاى مش فاهمه ؟
_انتي عارفه ان آدم شاب طايش شويه
_مش هو لوحده يا بابا وبعدين اغلبيه الشباب كده بقوا عايزين يعيشوا سنهم
_بس كده غلط يا ام ادم أوعك تنسي القضيه اللى اترفعت ضد ادم بس محاولته التحر"ش ببنت اتقفلت
_قولتلك ده كدابه وبعدين ادم مستحيل يعمل كده انا عارفه اخلاق ابنى كويس
_انا مش هتكلم بس عايزك تفهمي كويس أنك مش هتلاقي زي فاطمه ابدااا تكون مرات ابنك
ام ادم قامت وقالت:وانا هعمل المستحيل عشان اخلص ابنى منها
_انتى ليه مش عايزه تفهمى أن البنت غلبانه ومالهاش حد غيرنا
_ليه أن شاء الله مش عندها جدها
_عندك حق بس أوعك تنسي بردو أن أهلها كلهم اتو"فوا
_اتو"فوا اتو"فوا مالقوش الا ابننا يعنى ؟
قال بعصبية:الكلام انتهى ومش عايز اسمع ولا كلمه في الموضوع ده تانى فاهمه
_في اي يا جدو
_تعالى يا حنان شوفي امك بتقول اي ؟
_في اي يا ماما ؟
_مفيش يا حنان جدك غاوي نكد مش اكتر
_والله لو فضلت واقف اكتر من كده هتعب انا طالع
_استنا يا جدو طب فهمونى في اي طيب
_مفيش
_ماما استنى!!
عند آدم وفاطمة ✨
الجرس رن وفاطمه مسحت دموعها وقامت عالطول خوفاً من غضب ادم
فاطمه فتحت الباب واتفاجات لأنها بنت وقالت:مين حضرتك
انيا بصت لفاطمه من تحت لفوق وقالت:انتى بقا اللى ادم الانصاري اتجوزها ؟
_ايوه انا عندك مشكله
_لا معنديش بس اول مره اعرف أن زوق ادم وحش كده
_فعلاا ادم لو كان زوقه حلو مكنش عرف واحده زيك
انيا اتعصبت اوى وقالت:ادم فين
_جواا اتفضلي
انيا زقت فاطمه وقالت: بنت تافهه
ادم قام وقال باستغراب:انيا؟
_مفاجاه صح وائل قالى انهم هيسهروا عندك الليله قولت اجى واهو اشوف البنت اللى فضلتها عليا بس الصراحه زوقك طلع بيئه اوى
ادم:__________
_انتي بتقولي اي يا آنيا وربنا مراته احلى من القمر نفسه
انيا اتعصبت اوى وقالت:فاااطمه !!
ادم في سره: يا تري نويه على اي ؟
فاطمه طلعت من الاوضه وبكل ثقه:نعم
_انتى مكسوفه ولا اي تعالى اقعدي معانا
_مش مكسوفه ولا حاجه
_امال قاعده جوا ليه
_اصلا بحب انام بدري مش صح يا آدم
ادم بص ليها وابتسم ابتسامه تحمل الغضب وقال: فعلا
_شكلك عارف عنها حاجات كتير يا ادم صح ولا انا غلطانه
ادم:___________
_ولا يهمك يا فاطمه بس اعتقد لو قعدتى معانا ربع ساعه مش هناخرك ولا حاجه عن موعد نومك
فاطمه ابتسمت وقعدت فعلاا
_بقولك يا فاطمه ؟
فاطمه خدت نفس عميق وقالت: اتفضلى
_انتى حاطه عينك على ادم من امتى
_نعم ؟
_اصلا مستغربه ازاى ادم الانصاري يتجوز واحده زيك
ادم قبض ايدو وقال: آنيا اي الكلام اللى بتقولى ده
_انت اضايقت ولا اي يا آدم ؟
_جوازنا انا وادم تقليدي يا ٠٠٠٠٠ثم كملت: انيا صح ؟
_بس انا مش شايفه كده خالص حاسه انك بتحبي ادم
ادم بص لفاطمه اللى بصتله ايضااا وقالت:اه طبعاا بحبه مش زوجى !!
(طبعااا ادم مفكر ان فاطمه قالت كده عشان انيا متعرفش حاجه لان لو فاطمه قالت لا انيا هتفهم كل حاجه )
انيا قبضت ايدهااا وقالت:ويا تري يا آدم انت كمان بتحبها
_نعم ؟
_اعتقد السوال واضح مش محتاج شرح
ادم محاولا تغير الموضوع:فاطمه اعتقد موعد نومك عدا
فاطمه قامت وقالت:فعلاا عن اذنكم
_لينا كلام مع بعض كتير صح يا فاطمه
فاطمه هزت راسها وقالت:اه طبعاااا
فاطمه دخلت الاوضه وقالت:واحده زبا"له
انيا خدت نفس عميق وقالت: مفيش حاجه نشربها ولا اي ؟
_للاسف لا انتى عارفه ان فاطمه مش بتحب الكلام ده
انيا طلعت ازازه **** وقالت:بس انا هشرب عشان متعصبه اوى يمكن لما اشرب ارتاح
ادم اتعصب اوى وقال: آنيا قولتلك فاطمه مش بتحب الكلام ده
انيا قامت وقالت:وانت بقاا خايف على زعلها ؟؟
_مش قصدي بس مينفعش الكلام ده في شقتى وانا واحد متجوز دلوقتى
_افهم من كلامك انك عايزنى أمشي
ادم قام وقال:اي الكلام ده لا طبعااا
انيا مسكت شنطتها وقالت:لا عايزنى امشي عن اذنك
(والله ما ادم اللى عايزك تمشي انا والفانز اللى عايزين😂)
انيا طلعت وادم طلع وراها عالطول ومسك أيدها وقال:انتى عارفه انى مقدرش على زعلك
_ادم سيب أيدي لو سمحت كفايه كده
آدم مسك أيدها جامد أوى وقال:لا مش هسيبك عشان بحبك♥️ومقدرش على زعلك ابدا وانتى عارفه كده كويس
انيا زقت ادم وقالت:كداب انت بتحبها هي مش انا٠٠٠٠
ثم كملت: كفايه تعبت اوى منك عن اذنك
ادم اخدها في حضنه عالطول وقال:لا محصلش انا بحبك انتى طبعاا
انيا حاولت تبعد عن ادم ولكن كان حاضنها جامد اوى
_خلاص خلاص مصدقك بس
ادم بعد عنها وقال: بس اي ؟
_ اثبتلى الاول
_اثبتلك اي؟
_اه اثبتلى انك بتحبينى انا مش بتحبها هي
ادم بص حواليا وفجاه قرب منها وقبلها من شفايفها
فاطمه كانت قاعده في الاوضه وفجاه تليفون ادم رن
فاطمه مسكت تليفونه وقامت عشان تدي لادم ولكن اترددت وقالت:لاء لاء وبعدين انا مالى
ولكن رجعت وقالت:مش هخسر حاجه يعنى !!
فاطمه طلعت ومالقتش ادم واتكسفت اوى أن الشباب كانوا قاعدين وقالت ووشها كان في الأرض:ادم فين ؟
_براااا
فاطمه طلعت وشافت ادم وانيا وهما في الوضع الم'خل ده
_😳😳
يتبع ٠٠٠
البارت الرابع
#لا ادري كيف أحببتها
آدم قرب من انيا وقب'لها من شفا'يفها وفجاه بعد عنها حين صدر صوت وقوع شئ
التليفون وقع من ايد فاطمه وكانت في حاله صدمه والدموع امتلئت عيونها عالطول
آدم بص في الأرض ومكنش عارف يقول اي او يبرر اللى عمله ازاى ؟
آنيا مسكت ايد آدم وقالت:انا كده اتاكدت انك بتحبينى انا
(آنيا بتحاول اغاظه فاطمه )
كل ده وفاطمه كانت بتبص لادم بصدمه فكلمه مصدومه لا تكافئ ولا تعبر عن الجر'اح اللى بداخلها
_في اي يا فاطمه مالك ؟
فاطمه:___________
( لسان فاطمه عجز عن النطق كأنها طفل صغير لا يستطيع التحدث)
واخيرااا فاطمه فاقت من الصدمه وللاسف مكنش ليها رد فعل ودخلت عالطول
_فآطمه
آنيا مسكت ايد آدم وقالت:انت رايح فين ؟
آدم شال ايد آنيا وحس بالذ'نب إتجاه فاطمه ليس لأنه يحبها بل لأنه جر'ح كرامتها خصوصا انها على ذمته
_آدم انت بتعمل اي ؟
آدم دخل وقال:انا عايز انااام
الشباب قاموا وقال أحدهم:في اي
_تعبان مش اكتر اشوفكم بكره !!
_تمااام
بالفعل طلعوا وآنيا دخلت ومسكت في هدوم آدم وقالت:في اي مالك
_آنيا لو سمحتى أمشي
آنيا انصدمت وقالت:زعلان ولا اي ؟ آنيا مسكت في لياجته ادم اللى كان حاسس انه في عالم اخر وقالت:آدم انا عارفه انك بتحبينى واكبر دليل على انك بتحبينى اللى حصل بنا من شويه
آدم:________
آنيا مسكت شنطتها وقالت:ماشي يا آدم انا همشي بس هشوفك بكره صح ؟
آدم:_______
آنيا باست ادم من خدو وخدت بعضها ومشت ٠٠٠
آدم قعد على الكرسي وحط ايدو على رأسه وقال:انا زعلان كده ليه وبعدين الجوازه ده ولا فارقه معايا
_يمكن عشان جر'حت كرامتها باللى عملته ؟
وفجاه فاطمه طلعت وحامله شنطتها وآدم قام عالطول وقال:انتى رايحه فين
_وده يهمك ؟
_اه طبعااا مش مراتى
فاطمه بضحكه تحمل الوجع:مراتك ثم كملت بهستريه:فعلاا مراتك لو كنت فعلا مراتك زي ما بتقول مكنتش عملت اللى عملتوا
_بس انا مش بحبك ولا انتى وانا اتفقت معاكى على كده ممنوع نتدخل في حياه الآخر
فاطمه مسحت دموعها وقالت:ممكن سوال يا آدم الانصاري
ثم كملت وقالت: لو حضرتك شوفتنى في الوضع ده هتعمل اي مش هتحس باهانه ولا عادي عندك
آدم:_________ (ربما لسان آدم عجز عن الجواب )
فاطمه ابتسمت وقالت:انا كده وصلنى الجواب عن اذنك
آدم مسك أيدها وقال:الوقت متأخر اوى هتروحى فين
_الوقت متاااخر طالما الوقت متأخر جايب صحابك ليه ؟
_متغيريش الموضوع
فاطمه شالت أيدها وقالت:انا مش بغير الموضوع حضرتك اللى بتغير الموضوع عن اذنك
_طب هتقولى لجدك اي ؟
_وانت مهتم ليه ؟ روح البا'ر وأسهر مع البنات وابعد عنى بقاا
آدم اتعصب اوى وقال:أمشي هيكون احسن بردو وبعدين ده حياتى وانا حرا فيها فاهمه
فاطمه طلعت ومردتش عليا ورز'عت الباب وراها
آدم قبض أيدو وكان متعصب اوى ومسك الفازه ورمها على الأرض لتنكسر مليون حته
بعد مرور ربع ساعه تقريبا ✨
في الطريق ✨
_لو كنتى شوفتى وشها كنتى هتمو'تى على نفسك من الضحك
_طب آدم عمل أي
_معملش حاجه ثم كملت: هيعمل اي يعنى وبعدين ادم بيحبنى انا
_ادم مش بيحب يا آنيا ولا عمره هيحب
آنيا ضمت حواجبها وقالت:ليه إن شاء الله
_انتى عارفه ان آدم كل يوم مع بنت شكل ولو فعلا بيحبك مكنش بص لبنت ابدا
_كلامك مش صح وادم بيحبنى وهثبتلك قريب اوى
_انتى فين ؟
_على الطريق وفجاه آنيا داست فرامل وقالت:اي ده ؟
_في اي ؟
_فاطمه
_مالها
_حلو اوى الظاهر اتخانقت مع آدم بسبب اللى حصل
_في اي يا بنتى انا مش فاهمه حاجه
_هكلمك بعدين سلاام
_الوو آنيا
آنيا قفلت التليفون وقالت:ده فرصتك يا آنيا آدم هيكون لوحده وعلى الاكيدا هيكون زعلان اوى لازم اكون جنبه
آنيا ديرت العربيه عالطول متجها إلى آدم
بعد مرور ربع ساعه تقريباً ✨
فاطمه خبطت على الباب والوقت كان متأخر اوى
_بسم الله الرحمن الرحيم مين
فاطمه مقدرتش ترد وجدها فتح الباب وكان في حاله صدمه
_فااطمه
فاطمه اترمت في حضن جدهاا وقالت:مش قادره يا جدو مش قادره
حط ايدو على شعرها وقال:في اي ؟
_آدم عمرو ما هيتغير مهما حصل
_طب تعالى ادخلى وقوليلى اي اللى حصل
فاطمه دخلت وجدها جاب كوبايه مياه وقال:اشربي يا بنتى
فاطمه مسكت منه الكوبايه وجدها قال:في اي ؟
_انا تعبانه وعايزه اناام
_طب مش هتقوليلى في اي
_بكره يا جدو والله ما قادره
_طب اجبلك حاجه تاكليها ؟
فاطمه هزت راسها وقالت:لا مش عايزه أكل تصبح على خير
_تلاقي الخير
جد فاطمه كان مستغرب اوى وقال:يا تري اي اللى حصل وفجاه مسك تليفونه ورن على جد آدم أو بمعنى أصح صديقه
_جابر اخبارك اي وحشنى اوى
_اي اللى حصل يا فاروق ؟
(للتوضيح جابر جد فاطمه و فاروق جد آدم)
_مش فاهم تقصد اي
_الساعه ١١ وحفيدتى جايه ومنهاره من العياط مش عارف حفيدك عمل أي
_طب هي عندك دلوقتى
_اه عندي ودخلت عشان تنام
_طب انا هرن على آدم وهشوف اي اللى حصل وهاجيلك بكره إن شاء الله
_تماام
قفل التليفون وقال:يا تري عملت اي يا حفيدي في البنت ؟
فاروق رن على آدم ولكن تليفونه كان غير متاح لانه وقع من فاطمه لما شافت آدم وآنيا بالوضع الم'خل ده
_وكمان قافل تليفونك طيب !!
عند آدم✨
جرس الباب رن آدم قام عالطول وقال:اكيدا فاطمه رجعت
آدم راح وفتح الباب فعلاا ولكن انصدم لأنها آنيا
_رجعتى ليه ؟
آنيا قربت من ادم وقالت:قولت انك هتحتاجنى قولت ارجع
_آنيا انا قولتلك انى تعبان ومش قادر
انيا حوطت آدم وقالت:وانا هنا عشان اروقك
آدم شال أيدها وقال:الوقت متأخر اوى ولازم تمشي
_بس انا عايزه اكون معاااك
_آنيا انا مش عايش هنا لوحدي انا حاليا متجوز
_واي يعنى وبعدين فاطمه مش هنا
آدم ضمه حواجبه وقال:وعرفتى ازاى
_شوفتها في العربيه اعتقد انكم اتخانقتوا
آدم ببرود اعصاب:حاجه شبه كده
_طب اي هفضل واقفه كتير كده مش هتقولى ادخلى
_آنيا افهمي الوقت متأخر اوى مش هينفع
_هو اي اللى مش هينفع وبعدين هي ده اول مره انت ناسي ولا اي
_تقصدي اي
آنيا حضنت آدم وقالت:دماغك راحت لفين انا اقصد أن مش اول مره اجيلك يعنى
آدم بعد عنها ودخل جوااا وآنيا دخلت ورا وقالت:ما تفك كده وبعدين اللى حصل ده لمصلحتك اهو ترتاح شويه من منظرها
آدم ابتسم وقال:تشربي اي ؟
(الواد آدم ده با'رد اوى وربنا نفسي اقت'له هو والبو'مه بتاعته)
آنيا غمزت وقالت:اي حاجه على زوقك
_يبقا نشرب مشروب من اللى احنا بنحبه
آنيا ابتسمت وقالت: اشطااا
آنيا في سرها: قريب اوى هكون مراتك يا آدم غصب عن عائلتك كلها خصوصا الراجل العجوز اللى اسمه فاروق
_اتفضلى يا ستى
آنيا مسكت ايد آدم وكانت قاصده وآدم سحب ايدو عالطول وقعد
آنيا كانت بتبص لادم بخبث
_اي رايك نخرج كلنا سوا
آنيا رفعت حاجب وقالت:كلنا
_الشله يعنى !!
آنيا قعدت جنب آدم وقالت:وليه منخرجش انا وانت بس
آدم قام عالطول وقال:ثانيه وراجع
_اوك
آنيا بتفكير:ده فرصتي لازم استغلها عشان لو تمت كده ادم هيكون ملكى انا وبس وفاطمه ده هتكون كوره بالنسبة ليا اشوطها زي ما انا عايزه
آدم طلع وقال:بقولك اي يا آنيا ؟
_نعم يا حبيبي
_انا لازم أمشي الصراحه قولت انام الليله في القصر واهو اشوف جدي وماما واختى
آنيا ضغطت على سنانها وقالت بابتسامه خفيفه:طبعاا يا حبيبي
آنيا قامت وراحت عند آدم وقالت:طب ممكن توصلنى الاول
_اه طبعاااا ٠٠٠٠وفجاه انيا وقعت الكوبايه على قميص آدم
_اي ده انا اسفه اوى
_محصلش حاجه ولا يهمك
آنيا حطت الكوبايه على السفره وقالت: أق'لع القميص عالطول والا البقعه ده مش هتروح
آدم فعلاا قل'ع القميص وآنيا حطت أيدها على صد'ره وقالت:انت حلو اوى يا آدم
آدم شال أيدها عالطول وقال:هدخل البس قميص تانى مش هتاخر
آنيا شدت آدم عالطول ليقع عليها والباب كان مفتوح ليدخل جد ادم وكان في حاله صدمه
_آدم
_😳?
يتبع ٠٠٠٠
علشان يوصلكم باقي الروايه لازم عمل متابعه من هنا هنا
روايه لا أدري كيف احببتها ؟
البارت الرابع
بقلمى:دعآآء حجآآج
تعليقات
إرسال تعليق