مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-مبروك يا عموري علي خطوبتك 

قولتها وانا بقرب من جوزي وبحضنه ...اتوتر عمر وبعدني عنه ...بصتلي خطيبته بصدمة وصر*خت :

-مين دي يا عمر 

بصتلها من فوق لتحت وقولت:

-انا مراته يا عمري 

بعدت شوية وعيونها دمعت وبصت لعمر وقالت:

-انت متجوز يا عمر ...متجوز ومقولتش ...خد*عتني 

-انتي اللي مسألتنيش يا هايدي .

-لا مدام مسألتيش يبقي عموري عداه العيب انتي اللي غلطانة يا هايدي ..

بصلها عمر وقال :

-عديها وحياة ابوكي وخلينا نكمل الخطوبة وبعدين افهمك 

-يا بحاجتك يا اخي ...

صرخت فيه وبعدين مسكت التورتة الصغيرة اللي جمبها ولبستها في وشه ....

ضحكت وانا بقول :

-خسارة التورتة والله ...

......

-انتي مش هتبطلي حركاتك دي ...ضيعتي مني البنت اللي بحبها 

صرخ فيا عمر بعصبية بعد ما حفل خطوبته باظت ...بصتله ببراءة وقولت:

-الله ما انت اللي معزومتنيش علي خطوبتك ...لو كنت صريح مكانش ده حصل ...

بصلي بغيظ وقال :

-ما تخلي عندك كرامة ونتطلق ها ...الحب مش عافية يا حسناء وانا عندي امو*ت ولا احبك ...لو عندك كرامة اتنازلي عن المؤخر اللي جدي دبسني فيه أو تاخدي نصه وتسيبيني في حالي ...

حسيت بو*جع بسبب كلامه بس ابتسمت بإستفزاز وانا بقوم واقوله:

-لا يا عمر انت ملكي بس مستحيل اخلي اي واحدة تاني تاخدك مني ...

مسكني وقعد يهز فيا ...

-انتي ايه معندكيش كرامة خالص بقولك مبحبكيش ولا عمري هحبك ...وبالطريقة دي محدش هيحبك يا عديمة الكرامة ....حسيت أن عيني هتدمع بس مسكت نفسي كويس وقربت منه وقولت وانا ببتسم:

-هتحبني يا عمر صدقني ...هتيجي في يوم وتترجاني اني اكمل معاك وانا عشان بحبك هوافق ..

اتغاظ ومشي ..وانا قعدت علي الانتريه وانا بمسح دموعي عمر يبقي حب حياتي ...حب الطفولة ...جده كان يعرف واهلي وبعد موت اهلي قرر يجوزني حفيده واللي عرفته بعد فرحنا أنه انغصب علي الجوازة دي ....وطبعا المؤخر اللي خلاه جده يمضي عليه كبير عشان يضمن أنه مش هيطلقني ...بعد فرحنا حاولت اخليه يحبني بس فشلت كنت مصممة أنه يحبني عمري ما فقدت الامل ...كنت عارفة أنه مش معتبرني مراته وده مخليه يقابل بنات تاني بس كل مرة كنت بخر*بها عليه بس فجأة حسيت اني تعبت ....حسيت اني هستسلم ....عمر بقا صعب ...بقا يجر*حني وانا صعب استحمل ده كله ....اتصلت بجد  عمر 

-ازيك يا حسناء وصلي اللي عملتيه في خطوبة عمر بجد برافو أنا كنت عارف انك الوحيدة اللي هتقدري تسيطري عليه ...

سكت شوية وانا بحاول اتماسك وقولت:

-بس أنا تعبت ...تعبت يا جدي من الجري وراه ...تعبت من كلامه الجا*رح من ك*سره ليا...خلاص أنا هستسلم

-لا لا يا مجنونة ...استني بس استسلام ايه ... اهدي يا حسناء انتي كده ماشية صح 

-مش باين 

-طيب اهدي أنا هقولك تعملي ايه !!!

......

بالليل كنت مستنية عمر عشان ننفذ خطة جدي لما لقيته داخل عليا بواحدة ...

-مين دي يا عمر 

ابتسم وقال:

-حسناء احب اعرفك بشاهي مراتي التانية 

-ويا شاهي دي حسناء مراتي الأولي هتعيشوا مع بعض !

يتبع

الجزء التاني♥️شكرا علي تفاعلكم السكر ♥️بقلم سولييه نصار♥️

-ايه ؟! 

قولتها وانا مصدومة وعينيا اتملت دموع بصلي عمر ببرود وقال:

-سمعتي يا حبيبتي أنا وشاهي اتجوزنا النهاردة عايزة تبقي علي ذمتي ماشي ...عايزة تتطلقي الباب يفوت جمل ...

دموعي نزلت وحسيت هيغمي عليا ...بصيت لعمر بحزن حسيته اتأثر للحظات بس هو مسك ايد شاهي وقال :

-عن اذنك يا حبيبتي أصل النهاردة ليلة دخلتنا وانتي عارفة بقا ...

وبعدين اخدها من قدامي ودخل ....قعدت علي الانتريه وانا مش قادرة انطق للحظات...عمر عملها واتجوز....عملها وك*سرني للدرجادي أنا قللت من نفسي عشان يحبه ...للدرجادي كر*هته فيا للدرجة دي ..كنت زعلانة علي نفسي اووي ...

.... 

في الاوضة

-حرام عليك والله يا عمر البنت بتحبك شوفت ك*سرتها؟!!

قالتها شاهي وهي قاعدة علي الانتريه بحزن

-عارف

قالها عمر بتعب 

-اومال ايه بتعمل كده ..أنا وافقتك علي التمثيلية السخيفة دي عشان انت ساعدتني كتير لكن كده حرام يا اخي احنا بنك*سر قلب واحدة ملهاش ذنب الا انها حبتك...مش هتلاقي حد يحبك زيها

-عارف 

-طيب طالما أنك عارف ليه بتعمل كده 

-لاني  مش قادر انسي اني اتجبرت عليها يا شاهي...وغير كده هي رامية نفسها عليا والرجالة مش بتحب كده ...حسناء جميلة ولطيفة ...دمها خفيف بس متخلية عن كرامتها وعايزاني احبها بالعافية وده مش هيحصل الرجالة مش بتحب الست اللي تترمي عليهم بيحبوا الست اللي تطنشهم ...تديهم علي دماغهم ...فهمتي ليه

-اه فهمت 

......

-بقولك اتجوز يا جدي اتجوز عليا 

،-اهدي بس يا حسناء 

-لا مش ههدي أنا هطلب منه يطلقني خلاص كفاية كده كرامتي مش ممسحة عند حفيدك أنا غلطانة اني اتنازلت عشان خاطره ...

-طيب اهدي واسمعيني بس لاخر مرة ...

........

في اليوم التاني 

كنت بعمل الفطار لما لقيت عمر ماسك ايد شاهي وداخل عليا ..حسيت اني هنف*جر من الغيرة بس كتمت في نفسي وقربت من شاهي وحضنتها وقولت:

-صباحية مباركة يا عروسة ..

بعدت عن شاهي وبصيت لعمر المصدوم وتجاهلته وانا بمسك ايديها. بقول :

-اسفة امبارح معرفتش ارحب بيكي مضبوط بس كل اللي اقدر اقوله أننا هنتفق مع بعض كويس اوووي 

اتصدم عمر وحتي هي اتصدمت بس اتغلبت علي صدمتها وقالت:

-اووي اووي يا حبيبتي ...

وبعدين عملتلهم الفطار وانا بكلم شاهي بس وكأنه مش موجود ...كنت حاسة اني لو كلمته بس هبكي كنت بم*وت من جوايا وانا بكلمها بس بتحمل ...بس دي كانت آخر محاولة ليا وخلاص كنت همشي .....

مرت الايام وانا بتعامل مع شاهي عادي ومتجاهلة عمر تماما ...كل يوم بطلع وابص في وشهم  واعمل نفسي سعيدة بس طول الليل ببكي علي حظي ...الحب من طرف واحد لعنة اتمنيت لو مكنتش حبيت عمر وفي يوم حصل اللي خلاني اقتنع اني مليش مكان في حياة عمر وكانت أول حاجة اعملها اني روحت لعمر وقولتله:

-عمر طلقني وانا هتنازل عن المؤخر!!

يتبع

الجزء التالت♥️شكرا علي تفاعلكم السكر♥️بقلم سولييه نصار♥️

-ايه ؟!

-سمعتني بقولك طلقني وانا هتنازل عن المؤخر 

اتصدم عمر وقال:

-فجاة كده 

هزيت راسي وانا بمنع دموعي بالعافية :

-ايوة فجأة كده مش انت كان نفسك في كده ...أنا لها بحقق اللي انت عايزه طلقني يا عمر وخليك مع اللي بتحبها ...أنا خلاص هختفي من حياتك ومش هزعجك تاني 

-يا سلام 

-ايوة وعد مني هخرج من حياتك ومش عايزة حاجة تاني 

-ماشي حاضر هطلقك 

-شكرا ...

موافقته السريعة ك*سرت قلبي ...كنت اتمنى ان يتمسك بيا اكتر من كده بس يظهر اني فشلت خلاص ...في سبيل اني اخد حبي خسرت  كرامتي ...هو مش غلطان لان الحب مش عافية ....

جريت علي اوضتي وقفلت علي نفسي وقعدت ابكي ...أنا خسرت كنت فاكرة ان اهتمامي بيه هيخليني احبه بس لا ده نفر مني اكتر ...يارب أنا ايه عملت ...ليه رخصت نفسي كده ...مش قادرة انسي كلامه ....هو اللي قال ان الحب مش عافية وآني مش هحبه بالطريقة دي ...تليفوني رن وفتحت لقيت جده بيتصل 

-صحيح الكلام اللي سمعته هتتطلقوا

-ايوة 

-جاكي اوه ...بتقولي ايه يا بنت انتي 

-بعد اللي عرفته مستحيل ابقي معاه ...خلاص مليش في حياته مكان

-وايه اللي عرفتيه

-هو هيقولك بنفسه أكيد 

-يا حسناء اسمعيني 

-لا يا جدي اسمعني انت كفاية قلة قيمة كده حرام اخنقه هو مش عاوزني خلاص كده كفاية حرام يا جدي سيبه يختار اللي عاوزها الحب مش عافية ...أنا بسبب اصراري اذ*يته واذ*يت نفسي ...واذ*يت نفسي اكتر لان حاسة اني ر*خصت من نفسي ...بقيت اشوف نفسي قليلة يا جدي ...

قعدت ابكي ...سكت جدي ومعرفش يقول ايه اتنهد وقال أخيرا:

-اللي انتي عايزاه اعمليه يا بنتي عندك حق 

-شكرا ليك ....

.....

بعد يومين كنا خلاص هنروح المأذون ...قعدنا قدام المأذون وبعد محاولات منه أننا نتراجع رفضنا وتم الطلاق ....مسكت دموعي بالعافية وخرجنا ...قبل ما امشي اداني عمر شيك. قال بحزن:

-ده يبقي نص المؤخر اصبري عليا وهجيبلك الباقي ..ولو عوزتي...

-لا خليه معاك ولو عوزت حاجة مش هلجأ ليك أنا وعدتك اني هختفي من حياتك وهختفي فعلا ...

سكت شوية وقولت:

-بس عايزاك تعرف اني فعلا حبيتك ...حبيتك اووي ...حبيتك وافتكرت أنك هتحبني بس للأسف أنا خ*سرت ...بتمنالك السعادة يا عمر وانا أكيد هلقي سعادتي سلام ....

مشيت وانا بمسح دموعي ...خلاص قصة حبي الوردية انتهت ...وانا اللي خسرت وفهمت ان الحب مش عافية ....

......

-ايه طلقتها؟!!

صرخت شاهي وكملت:

-حرام عليك يا عمر والله هتندم 

بصلها عمر بضيق وقال في نفسه :

هتندم ؟!!

-خلاص يا شاهي كده التمثيلية خلصت شكرا ليكي 

......

روحت بيت اهلي وحبست نفسي ...عشت اسوء ايام حياتي ...قضيت فترة عدتي وانا حابسة نفسي. ...استنيت كتير يتصل يسأل بس للأسف ...

.....

مر سبع شهور ...

كان قاعد عمر في الشركة لما دخل جده عليه وقال:

-ها هتيجي معايا

-اجي معاك فين 

-خطوبة حسناء 

-ايييييه

يتبع

الجزء الأخير♥️شكرا علي تفاعلكم السكر♥️بقلم سولييه نصار♥️

-ايه...تتخطب بالسهولة دي ؟!!

بصله جده بخبث وقال:

-وانت مالك ..

وش عمر حمر وقال:

-ولا يهمني طبعا بس مش علي أساس بتموت فيا ايه اللي حصل 

-عادي قدرت تتخطاك وحبت واحد تاني 

-حبته امتي ان شاء الله ...جدي اوعي تكون بتكدب عليا ...

-واكدب عليك ليه يا حيلتها دعوة الخطوبة  اهي  لو مش مصدقني ...

مسك عمر الدعوة وحس اني هتجيله سكتة قلبية.....وقال في نفسه:

-ياااه يعني تقولي بتحبيني وبتتخطبي لغيري ...بس أنا ولا يهمني تو*لعي ..

-ايه هتحضر 

-لا مش فاضي...

-ليه وراك ايه يا اخويا ...اهي يا عبيط اللي انت عملت عليها تمثيلية وقولت أنك اتجوزت عشان تبعد عنها هتتخطب وخليك انت زي البومة في وشي وبعدين مشي جده وهو حس انه هيتشل ...قعد عمر يلف حوالين نفسه وهو بيقول :

-هتتجوز ...هتتجوز!!طب وانا ليه متضايق ولا يهمني خالص تتجوز ربنا يسهلها. ...الله يجحمها كانت بتقول انها بتحبني ...بس برضه خلاص ربنا يسعدها أنا مالي ....شاهيييييي

.......

-ايه يسطا فزعتني ؟!

قالتها شاهي وهي داخله مكتبه 

-هتتجوز يا شاهي هتتجوز

-مين دي

-حسناء من غيرها ..

ضحكت شاهي وقالت:

-بجد ألف مبروك الله يسعدها عايزة اروح اباركلها ...

قرب عمر منها وقال بغيظ:

-عايزاني اخن*قك يا بت انتي 

بصتله شاهي بخبث وقالت:

-الله انت متضايق ليه يا عموري 

سكت عمر فقامت شاهي وقالت:

-الله الله انت بتغير....وقعت يا باشا خلاص ...

-قصدك ايه

قالها عمر بتوتر 

قربت شاهي منه وقالت بلطف:

-يعني انت حبيتها يا باشا ومش من قريب انت حبيتها من زمان ....لما عشت معاكم شوفت ازاي عينيك عليها ...ولما طلقتها شوفت حزنك الكبير عليها وهمت نفسك أنك حبيت غيرها بس لا انت محبيتش غيرها المشكلة أنك اتجبرت عليها وده اللي مضايقك !! ...انت بتحبها 

سكت عمر وابتسم بحزن وقال:

-طب أعمل ايه 

-روحلها 

-وخطوبتها

-وده هيمنعك يعني 

لمعت عيونه وقال :

-لا سلام ...

جري عمر علي برا وبعدها دخل جد عمر وقال:

-برافو يا شاهي 

ضحكت شاهي وقالت:

-عشان تعرف بس ...بس ليه مقولتش لحسناء 

اتنهد الجد وقال:

-حسناء اصلا بتجاهد عشان تنساه ...اكيد لما اقولها علي خطتي هترفض...

مسكت شاهي الدعوة وقالت:

-بس ايه رايك في دعوة الخطوبة الفخمة المزيفة دي 

-حلوة يا شاهي عقبال ما تصممي دعوة فرحنا أنا وانتي 

وغمز ليها ضحكت شاهي. وقالت:

-يا عم انت قد جدي جييلي واحد صغير كده

-يا بت اسمعي الكلام مش هتلاقي اجمل مني 

-حصل 

قالتها شاهي وضحكت 

.........

في المقبرة بتاعة عيلة حسناء ...

قريت الفاتحة لاهلي وقومت وانا بمسح دموعي وبودعهم ...وحشوني اووي بعدهم قولت هيبقالي عيلة مع عمر بس للأسف عمر مكانش عايز كده ...يالا ربنا يسعده ....

طلعت وانا بوقف تاكسي فجأة حسيت بحد مسكني من ورا وحط علي مناخيري منديل واغمي عليا ...

.....

بعد شوية 

صحيت لقيت نفسي في بيتي أنا وعمر ...قومت ولقيت عمر قدامي ...

-فيه ايه ايه اللي جابني هنا 

-انتي محبوسة 

قالها عمر ببرود 

-ايه ليه؟!!

قرب مني وقال:

-عشان سرقتي قلبي 

أنا سمعت صح ....لا أكيد أنا بحلم...رفعت كفي وقعدت اضرب وشي واقول بصوت واطي:

-اصحي يا حسناء ابوس ايديكي ..

بصلي عمر بحيرة وقال:

-بتعملي ايه ؟!!

-انت بتكلمني 

-اومال بكلم مين

-يعني أنا مش بحلم صح ...انت بتقول اني سرقت قلبك 

-وكمان أنا بحبك ...

حسيت دماغي لفت وكان هيغمي عليا ...

مسك هو دراعي وقربني منه وقال:

-انا بحبك سامعه ...ولو فكرتي تتخطبي لغيري هك*سر راسك واقتلك فاهمة 

-اتخطب لغيرك؟!!

قولتها بحيرة ..فبصلي وقال:

-هي مش النهاردة خطوبتك 

-لا خالص....

-ولا بكرة

-انا مش هتخطب اصلا مين قالك كده ...

-يا جدي يا ابن....

قالها عمر بصوت واطي ...وبعدين بصلي وقال:

-جدي لعب عليا ولاول مرة اكون ممتن ليه ...المهم آني بحبك 

سكت بحزن وقولت:

-مش هينفع 

حاولت ابعد فمسك أيدي وقال:

-تقصدي ايه ؟!!

-مراتك حامل ...انت ليك حياتك و...

-استني استني انتي بتقولي ايه مين دي اللي حامل

-شاهي مراتك 

-مين قالك الكلام الفارغ ده 

-محدش أنا شوفتها بترجع ومعروف ان دي اعراض الحمل 

-متمشيش معاكي اعراض برد مثلا ...

قالها عمر وبعدين ضحك حضني وقال:

-يا عبيطة ...شاهي اصلا مش مراتي

-ايه مش مراتك ...اومال ايه 

-انا عملت المسرحية دي عشان تسيبيني ...بس اكتشفت اني بحبك يا اجمل قلب شوفته ♥️

قالها وهو بيبصلي  بحب..بصتله بغيظ وقولت :

-انا هوريك يا ابن صفية ...

روحت زقيته لحد ما وقع علي السرير ...

-بسم الله الرحمن الرحيم مالك يا حسناء !!!

روحت هج*مت عليه وقعدت اضر*به

-اه....خلاص والله أنا آسف متضر*بنيش ....أه يا بت العضا*ضة ....امشي مش عايزك خلاص 

-لا يا حلو خلاص وقعت 

وبعدها عمر رضاني وروحنا المأذون واتجوزنا  ودوقت طعم  احساس الحب من طرفين وكان  اجمل احساس♥️

تمت 

#عشقها_رغما_عنه

#سولييه_نصار