 |
زوجة زوجي 10_11_12
ــ يوسف بالله ابعد عني عشان أنا قرفانة بجد....
يوسف: في أي يا وتين أي الحركات اللي انتِ بتعمليها دي؟؟؟.
وتين: بعمل أي؟؟!
يوسف: انتِ شايفة طريقتك ازاي؟؟!
وتين: ايوا شايفة يا يوسف عايز أي روح لمراتك تلاقيها مستنياك..
يوسف: ما هو أنا بالفعل هعمل كده دي مش حاجة جديدة بس انتِ بتتكلمي وبتتعاملي بالطريقة دي لي؟؟؟!!
وتين: يوسف أنا بجد قرفت من العيشة دي خلاص زهقت هنتطلق امتىٰ؟؟؟
يوسف: انتِ عاقلة بجد عايزة تتطلقي بعد شهر بس من جوازك الناس هتقول عليكي أي مفكرتيش فيها؟؟؟!!
وتين: ملعون ابو الناس يا يوسف انا مش بعمل حساب للناس ولا يفرقوا معايا اصلًا اهم حاجة اني مش بعمل حاجة غلط ميهمنيش الناس هتشوف أي ولا هتقول أي......
يوسف: ما هو برضوا مش هينفع يا وتين خليكي عاقلة شوية سنة بس استحمليها بحلوها وبمرها وهتعدي وهنتطلق بس انا ميرضينيش حد يجيب سيرتك بحاجة وحشة...
وتين: ماشي يا يوسف مااشي عايز حاجة تانية...
يوسف: افهمي يا غبية انا عايز مصلحتك..
وتين: ياريت متغلطتش و ملكش دعوىٰ بمصلحتي انا عرفاها كويس...
يوسف: لا بصي اتكلمييي معايا عدل إلا وعزة وجلالة الله لهتشوفي وش مش هيعجبك..
وتين: بتهددني!
اعلىٰ ما في خيلك اركبة انا مش بخاف..
يوسف: انا هاخد بعضي وامشي عشان لو وقفت دقيقة هطلع روحي في ايدك..
وتين: يكون احسن ولعلمك محدش يقدر يقبض الارواح إلا ربنا..
يوسف: كمية برود..
ـــــــــــــــــــــــــــــــــــــــــــــــــــــــــــــــ
حور: جو مالك متعصب لي؟؟
يوسف: مفيش يا حوريتي...
حور: لا باين عليك متعصب جامد علفكرا....
يوسف: هو انا من ناحية اني متعصب فأنا متعصب جامد اووي...
حور: لي يا جو أي اللي حصل اتخانقت مع حد في الشغل؟
يوسف: لا مش في الشغل خالص..
حور: خلاص يا حبيبي طالما مش حابب تحكي بس قوم غير هدومك وانا هحط الأكل على السفرة..
يوسف: مش قادر انا جايب اخري من الشغل وتعبان اوي....
حور: سلامتك يا روحي روح بس غير هدومك الأول..
يوسف: متعمليش حسابي في الأكل علشان انا مش هقدر هوصل السرير ومش هتلاقيني تاني..
حور: لا طبعًا اما مأكلتش ومنتظراك عشان ناكل مع بعض يلا بقىٰ بطل رخامة يا جو..
يوسف: حاضر يا عيون جو ثواني واكون عندك..
حور: انتَ وبس حبيبي...
ـــــــــــــــــــــــــــــــــــــــــــــــــــــــــــــــ
سعاد: ما تخلصي يا سما العريس بقالة سنة منتظر ردك مش هينفع كده اتأخرنا علىٰ الناس اوي...
سما: مش عارفة اعمل أي يا ماما...
سعاد: مش عارفة تعملي اي في اي يا بنتي...
سما: مش عارفة اوافق ولا لأ؟؟
سعاد: الراجل أبن ناس ومش هتلاقي احسن منه شريك حياتك وبرضوا الرأي يرجعلك انتِ اللي هتعيشي معاه مش انا..
سما: خلاص يا ماما معلش هستخير مرة كمان وبأذن الله هرد عليكِ..
سعاد: ربنا يريح قلبك يا بنتي عايزة اطمن عليكِ...
سما: اللهم آمين يا ماما بأذن الله هتطمني عليا...
ـــــــــــــــــــــــــــــــــــــــــــــــــــــــــــــــ
ــ بس يا ستي ومحصلش حاجة تانية..
حور: ما هو برضوا يا جو من حقها اكيد زهقت من القعدة وغير كده المفروض انها عروسة..
يوسف بتنهيدة: وانا هعمل أي مش بأيدي حاجة وقلبي عمرة ما هيدق و لا يوجهني لحد غير حوريتي وبس..
حور: بس يا يوسف حرام انتَ بتظلمها اووي..
يوسف: هاتي قلبي اللي انتِ وخداه اللي هو بيدق عشان قلبك بيدق
قلبي مش بأيدي يا حوريتي قلبي معاكِ انتِ وهيفضل طول عمرة معاكِ....
حور: انتَ بجد بتخطف قلبي بكلامك وافعالك انا بحبك اووي واللهِ..
يوسف: روح الروح والقلب بعشقك مش بس بحبك....
ـــــــــــــــــــــــــــــــــــــــــــــــــــــــــــــــ
مازن: عايزة اعرف الملفات راحت فين؟.
ــ واللهِ يا مستر مازن الملفات كلها انا حطاها بأيدي هنا..
مازن: تسنيييييم الملفات مختفتش مع نفسها كده تطلعي تنزلي تطلعي الملفات...
تسنيم: والله يا مستر...
مازن: كفااية حلفاان يا تسنيم واخلصي شوفي الملفات فين يلاااااااااا...
تسنيم: ما انا معرفش انا حطتهم هناا..
مازن: انتِ حطتيهم هنا وجة عفريت اخدهم صح متخلصيييييي يا بنت الناااس..
تسنيم بفزع ودموع: لو سمحت يا مستر مازن متزعقش...
مازن: اخفيييي من وشي دلوقت عشان انا جبت اخرري منك يلااا...
تسنيم: بس هو..
مازن: اخلصي عشان مقولش امشيي من الشركة كلهاا...
تسنيم: ح.. حااضر...
يتبع..........
#رواية_زوجة_زوجي
#البارت_العاشر
#الكاتبة_باسنت_أشرف
أي الصوت العالي اللي تحت ده؟
انزل اشوف في اي؟
ولا انا مليش دعوىٰ.....
" كانت وتين في غرفتها وتحدث نفسها لا تدري ماذا تفعل فهي تستمع إلىٰ اصوات عالية......
تغلب عليها فضولهاا وخرجت من شقتها ونزلت إلىٰ أسفل "
حور: يا طنط بالله عليكِ نفسي اعرف انتِ بتكرهيني لي؟؟
ليلىٰ: وانا قولتلك مش بكرهك....
حور: طنط لو سمحت احنا مش هنضحك علىٰ بعض انا من ساعت ما اتجوزت انا ويوسف وانتِ مش طيقاني خالص ومتضحكيش عليا يا طنط انتِ مش مشكلتك ان انا حصلت معايا مشكلة اتسببت في اني مش هقدر اجيب اطفال لأنك بتكرهيني من قبلها...
ليلىٰ: وانا بقولك مش بكرهك يا حور مش بكرهك...
حور: اومال بتعامليني كده لي حرام عليكِ....
ليلىٰ: لا ده انتِ طالبة معاكِ تمثيل بقىٰ وانا مش فاضية للكلام ده....
حور: بالله يا طنط انا بس عايزة اعرف عملتلك اي بتعامليني وكأني خدامة مش مرات ابنك وكمان فضلتي تلحي علىٰ يوسف لغاية ما اتجوز عليا اتمنىٰ تكوني ارتاحتي كده...
ليلىٰ: اخرسي انتِ بالفعل قليلة ادب ومحدش رباكِ...
حور: مسمحلكيش تقولي كده ابدًا قطع لسان اي حد يتجرأ ويقول كلمة في حقي انا واهلي انا متربية احسن رباية...
ليلىٰ: لا انتِ لازم تتربي فعلًا لما يجي يوسف هقولة علىٰ اللي حصل وهو يجيب حق اهانة امة..
حور: متفكريش اني ضعيفة يا طنط وهخاف من يوسف لا تبقي غلطانة جدًا انا مش ضعيفة ابدًا انا بس كنت بسكتلك زمان احترامًا لسنك كنت دايمًا بعدي واقول لا يا حور دي ام يوسف يعني حماتك لازم تستحمليها لكن بعد دلوقت مش هسمح لحد يهيني ابدًا...
الاء: خلاص يا جماعة استهدوا بالله كده مالكم في اي؟؟
اي اللي حصل لكل ده؟؟
حور: مفيش داعي للكلام يا الاء انا طالعة شقتي..
الاء: اللي يريحك يا حور...
ـــــــــــــــــــــــــــــــــــــــــــــــــــــــــــــــ
وتين: هو انا عارفة ان مليش حق اتدخل وان انتِ مش طيقاني اصلا بس جدعة بصراحة لازم تاخدي حقك...
حور: انا اتعلمت اني لازم اخد حقي فعلًا
وبعدين عادي يعني انا معنديش مشكلة معاكِ..
وتين: هنضحك علىٰ بعض مش واحدة بتحب ضرتها..
حور: وانا مش بحبك ولا بكرهك يعني عادي....
وتين: اشطا يا ضرتي مش هتفرق كتير....
حور: عن اذنك طالعة شقتي..
وتين: معلش كنت عايزة اسأل سؤال بسيط..
حور: اتفضلي
وتين: هو انا ينفع اخرج اروح عند خالتو...
حور: هو عادي بس انتِ لسة متجوزة جديد والمفروض متخرجيش بس برضوا عادي قولي ل يوسف وهو أكيد مش هيرفض
وتين: شكرًا يا حور..
حور: العفو...
ـــــــــــــــــــــــــــــــــــــــــــــــــــــــــــــــ
الاء: اهدي يا طنط مالك بس....
ليلىٰ: مش شايفاها بتتكلم معايا قليلة الذوق...
الاء: اكيد يا طنط هي مش هتقولك كده من فراغ يعني....
ليلىٰ: ايوا يعني قصدك انا الغلطانة صح..
الاء: لا يا طنط مش قصدي حاجة.....
ليلىٰ: لما يجي يوسف بس وانا هقولة علىٰ قلة ادب مراتة....
الاء: مفيش داعي يا طنط نكبر الموضوع مش مستاهلة....
ليلىٰ: اسكتِ انتِ مش عايزة اسمع صوتك...
الاء: حاضر يا طنط ربنا يصلح الحال
ـــــــــــــــــــــــــــــــــــــــــــــــــــــــــــــــ
العريس هيجي النهاردة يا سما...
سما: ماشي يا ماما علىٰ بركة ربنا...
سعاد: سيبيها علىٰ ربنا يا سما وكل حاجة قسمة ونصيب....
سما: بالفعل يا ماما انا متأكدة من كده وان ربنا كاتبلي الاحسن طبعًا...
سعاد: طبعًا يا بنتي ربنا يكملك بعقلك..
سما: يارب يا ماما..
ـــــــــــــــــــــــــــــــــــــــــــــــــــــــــــــــ
مازن برفعة حاجب : أي ده يا تسنيم.....
تسنيم: استقالتي يا استاذ مازن..
مازن: واللهِ استقالتك؟
تسنيم: ايوا استقالتي فيها اي غريب...
مازن: انا مقولتش تمشي..
تسنيم: وانا مش عايزة اشتغل هنا كل شوية حضرتك زعيق واهانة فيا كده حرام انا مش هسكت لحضرتك تاني..
مازن: خلصتي؟؟؟
خدي الاستقالة دي بقىٰ وبليها واشربي مايتها....
تسنيم: لا حضرتك متفكرش أن الناس كلها ماشية علىٰ مزاجك..
مازن: ايوا يا تسنيم العالم كلة ماشي علىٰ مزاجي يلا وريني عرض كتافك وخلصي الورق اللي ادتهولك...
تسنيم: وانا قولت اني مش هشتغل تاني هي عافية....
مازن: ايوا يا تسنيم عافية يلا اخلصي بقىٰ مش بحب اعيد كلامك مرتين...
"خرجت تسنيم من المكتب وهي تسبة بأبشع الشتائم"
مازن: اخلصي يا تسنيم سامعك علفكرا....
تسنيم: هووووف حااضر
ـــــــــــــــــــــــــــــــــــــــــــــــــــــــــــــــ
ــ انا ياستي عمر فخر الدين 27 سنة خريج كلية تجارة بشتغل محاسب في بنك و اموري المادية ماشية الحمدلله اكبر واحد في اخواتي وانا اللي بصرف عليهم بعد موت بابا وماما الله يرحمهم عندي اختي تمارا اصغر مني متجوزه و مسافرة هي وجوزها و اخواتي الصغيرين نهلة ونيرة دول عايشين معايا ولو ربنا وفق وحصل نصيب فَهما هيعيشوا معانا
عندك أي اسئلة تاني...
سما: لا معنديش وبأذن الله ردي هيوصلك مع ماما...
عمر: بأذن الله واتمنىٰ يكون في توفيق من الله وتكوني حرمي...
سما: بأذن الله لو كان في نصيب...
ـــــــــــــــــــــــــــــــــــــــــــــــــــــــــــــــ
يوسف: اي اللي حصل يا ماما بس براحة وفهميني....
ليلىٰ: مراتك يا يوسف بهدلتني..
يوسف: وتين؟
ليلىٰ: وهي وتين بتنطق ابدًا ياريت ااكل زيها اكيد حور هو في غيرها..
يوسف: اي اللي حصل يا ست الكل بس حور عملتلك اي
ليلىٰ: بهدلتني وشتمتني وزعقتلي
يوسف: وه كل ده عملتة حور...
ليلىٰ: ايوا يا يوسف هاتلي حقي بقىٰ..
يوسف: حاضر يا ماما
يتبع...........
#زوجة_زوجي
#البارت_الحادي_عشر
#الكاتبة_باسنت_أشرف
يوسف: اي اللي حصل يا حور؟؟
مزعله ماما جامد اوي كده لي؟؟
حور: انا معملتش حاجة امك اللي كل شوية تجرح فيا بالكلام وتشتمني وانا كل مرة بسكت لكن المرة دي مش هسكت تاني يا يوسف انا كنت بقول دس والدتك ولازم احترمها بس مش بالطريقة دي
دي مش بطيقني يا يوسف....
يوسف: خلاص يا حور اهدي انا عارف ان ماما طريقتها مش لطيفة حبتين
حور: حبتين!!!
يوسف: حبوب يا حور مش حبتين..
حور: ايوا كده مش هنكدب علىٰ بعض ما انا عارفة اللي فيها..
يوسف: يا حورية لازم تكوني اعقل من كده يا حبيبتي....
حور: يوسف لو سمحت متجيش تطلعني انا الغلطانة انا معملتش حاجة غلط..
يوسف: ومين قال انك غلطي بس لازم تستحملي ماما وتعتبريها زي مامتك يا حوريتي...
حور: بعتبرها زي مامتي بس هي مش بتعتبرني بنتها خالص يا يوسف دي مش بطيقني ابدًا واللهِ...
يوسف: معلش يا حبيبي، هروح اشوف وتين عشان كانت عايزاني في حاجة جهزي الأكل لغاية ما اجي عشان عصافير بطني بتصوصو...
حور: حاضر يا جو متتأخرش بقىٰ عشان الأكل جاهز..
يوسف: في أقل من ثانية.....
ـــــــــــــــــــــــــــــــــــــــــــــــــــــــــــــــ
يوسف: ازيك يا وتين عاملة اي..
وتين: بخير
يوسف: كنتِ عايزة حاجة؟؟؟
وتين: ايوا عايزة حاجة واتمنىٰ إنك توافق عشان بجد زهقانة وقرفانة..
يوسف: لو بإمكاني أكيد هوافق اتفضلي..
وتين: أنا عايزة اشتغل وبالله عليك ما ترفض.....
يوسف: تشتغلي!!!!
لا طبعًا تشتغلي اي وبعدين انتِ لسة عروسة جديدة يعني حتىٰ لو كده مش هينفع....
وتين: يوووه متقولش عروسة جديدة دي عشان انا مش عروسة...
يوسف: مش هينفع يا وتين...
وتين: لا هينفع يا يوسف مينفعش لي أن شاء الله.....
يوسف: واللهِ لو انا مش قادر اصرف عليكِ كنت شغلتك لكن انا مش هخليكِ محتاجة لحاجة عشان تشتغلي...
وتين: انا مش عايزة اشتغل عشان كده يا يوسف انا هايزة اشتغل عشان بجد أنا قرفانة جدًا من الحبسة النهار كلة والليل كلة في الشقة هنا لوحدي....
يوسف: وانا قولت لا وخلاص يا وتين متعارضيش كتير....
وتين: لا هعارض يا يوسف وهشتغل برضوا...
يوسف: وانا قولت مفيش شغل وخلص الكلام علىٰ كده....
ـــــــــــــــــــــــــــــــــــــــــــــــــــــــــــــــ
يوسف: يوووووه عايزة اي انتِ كمان...
حور: انتَ بتزعقلي لي دلوقت؟؟
يوسف: حور لو طالبة معاكِ نكد ابعدي عني احسن....
حور: لا مش هبعد يا يوسف وبعدين انتَ بتتكلم معايا بالطريقة دي لي هااا..
يوسف: متعصب ومش طايق نفسي
حور: متطقش نفسك ماشي لكن لازم تطقني انا متعصبنيش عليك يا يوسف...
يوسف: واللهِ هتتعصبي عليا!!!
حور: ايوا خلي في علمك انا بعرف اتعصب جامد جدًا مش انتوا بس اللي تعرفوا تتعصبوا...
يوسف: حاضر خليت في علمي انك بتعرفي تتعصبي كنتِ عايزة اي بقىٰ؟؟
حور: عايزة اسافر
يوسف: تسافري!!!!
حور: ايوا يا يوسف عايزة اسافر فيها اي يعني...
يوسف: عايزة تسافري فين ان شاء الله؟
حور: يعني هسافر فين يا يوسف أكيد المنصورة يعني...
يوسف: مش تقولي من الأول أنك عايزة تروحي عند اهلك...
حور: ايوا بالظبط هو كده...
يوسف: مفيش مرواح.....
حور: أي هو اللي مفيش مرواح ده؟؟؟
يوسف: يعني مفيش مرواح يا حور انا مش بتكلم هيروغليفي....
حور: يوسف أي ده انا بقولك عايزة اروح عند اهلي أي هو اللي مفيش مرواح بالظبط...
يوسف: انا مشغول الأيام دي يا حور
مش هقدر اوديكي....
حور: وانا مش عيلة صغيرة عشان توديني انا بعرف اروح لوحدي مشحوار....
يوسف: وانا قولت مفيش مرواح من غيري يبقىٰ خلص الكلام....
حور: مليش فية انا عايزة اروح عند اهلي.....
يوسف: حاضر يا حوريتي صدقيني هاخد اجازة اسبوع وهوديكي.....
حور: يوسف انا عايزة اخد راحتي عايزة ابعد شوية عايزة اروح عند اهلي اريح نفسي شوية مش اخدك معايا....
يوسف: عايزة تسبيني؟؟؟
حور: مش هسيبك يا يوسف واللهِ بس انا نفسيتي تعبانة جدًا الايام دي حاسة نفسي في صراع يا يوسف افهمني بالله عليك.....
يوسف: انا مش فاهم حاجة غير انك عايزة تبعدي عني
عايزة تسبيني يا حور......
حور: يا يوسف بالله عليك افهمني...
يوسف: لا يا حور مش هفهم حاجة خلص الكلام......
يتبع........ اللي عاوز الباقي يعمل متابعه من هنااااااا
#زوجة_زوجي
#البارت_الثاني_عشر
#الكاتبة_باسنت_أشرف
تعليقات
إرسال تعليق