 |
البارت 11✨
زين: طيب وعارفه إني بحبك ولا لأ؟؟
خديجه بصدمه: ايه!!!
زين: إيه
خديجه: إيه إللي انت قولته ده هااا
زين: مش احنا اتفقنا نبقا صحاب
خديجه: حصل
زين: انا بقا حبيتك كصديقه
عندك مانع
خديجه بتوتر: لأ معنديش... تصبح على خير
جريت علي شقتي هو هيهزر ولا إيه!!! ياخوفي يا يجي يوم ويقولي بحبك زي اختي!!! تبقا كملت بقا
عقلي: طب وانتي خايفه ليه؟؟ اومال انتي عاوزه يحبك ك إيه بالظبط هاا
خديجه: لأ خلاص مش عاوزه حاجه، انا هنام
يمكن لو حد اخد رأيي في الموقف ده كنت قولت عشرين حل وكذا تفسير لكن باجي عند نفسي واستووووب شد اللحاف ونام
______________________________
كنت قاعده بذاكر وبفكر ياتري خطه خديجه هتنفع ولا هتغرقني فوقت من تفكيري علي خبطه الباب فقومت فتحت
منار: عبدالله!!!!!
عبدالله بهزار: إيه الصدمه دي، امشي طيب ولا إيه
منار: لأ طبعاً مش قصدي اتفضل
حسيت انه خرج من دماغي ووقف قدامي... إنك تفكر في حد وفجاءه تشوفه قدامك او يكلمك دي بتصدم برضو... بس احلي صدمه
عبدالله: عارف إن خالي أجازه انهارده فقولت اجي اقعد معاه شويه
كريمه: نورتنا والله يا عبدالله
لازم تتغدا معانا انهارده
عبدالله: لأ لأ مش هينفع
كريمه: انت عاوز تكسفني ولا إيه
هو انت بتيجي عندنا كل يوم يعني!!!
ايوه كده جدعه يا ماما اضغطي عليه اوعي يفلت منك
دخلت جبتله العصير منغير اي سؤال
عبدالله: مبقتيش تعمليلي النسكافيه ليه؟؟
منار: هو انت طلبته؟
عبدالله: لأ
منار: اتعودت معملش حاجه مطلبتش مني، علشان مفرضش علي اللي قدامي حاجه مش عاوزه
عبدالله: بس انتي عارفة اني عاوزه
منار: مين قالك إني عارفه؟؟
انا كلامي مكنش علي النسكافيه وكده انا كان قصدي علي حبي واهتمامي بيه كنت بتكلم وبتمني أنه يكون فاهم قصدي ويعرف اني مش هديله الحب طالما هو مش هيطلبه بشكل رسمي وواضح
عبدالله: انتي شيفاني ازاي....
قصدي يعني ك مميزات وعيوب ك شاب عاوز يتقدم ل بنت
منار: طبعآ انت اكتر من اخويا يا عبدالله
قولت الجمله دي وانا بشتم خديجه في سري لأنها قالتلي متبقيش مدلوقه..... ياشيخه حسبي الله
عبدالله: يعنى انتي مش شايفه فيا عيوب؟؟
منار: مين قال كده؟؟؟ انا عارفه عيوبك كلها
عارفه امته بتحب تقعد لوحدك ومبتحبش حد يكلمك
عارفه إنك بتكره الصوت العالي والكركبه
عارفه إنك مش عصبي لكن لما حاجه بتستفزك اوي مينفعش حد يتناقش معاك
عارفه إنك بتحب شغلك اكتر من اي حاجه
عبدالله بإبتسامة: وبتكرهي العيوب دي
منار بتلاقئيه: هكرها ليه وانا بعرف اتعامل معاها
مميزاتك بنسبالي مغطيه علي عيوبك
مش عارفه قولت الكلام ده ليه بس لما شوفت إبتسامته ولمعه عينه فقدت السيطره علي كلامي وعلي دقه قلبي اللي حسيت أنه سمعها
تحس أن شعورك بيخرج من عينيك قبل لسانك..... ده أنا حافظه تفاصيله ازاي مش هكون عارفه عيوبه؟؟؟
بابا جيه من برا وسلمو علي بعض وقعدو يتكلمو وانا سبتهم ودخلت
منار: ساعه بيتكلمو!!! ليه كل ده؟؟؟
عبدالله: طيب يا خالي انا لازم امشي دلوقتي علشان عندي شغل وهستني ردك
علي: ماشي يا حبيبي...مع السلامه
منار: هو هيستني ردك علي إيه يابابا
علي بكل هدوء: وانتي مالك
منار: ليه الكسفه دي طيب
علي: بقولك اية ادخلي اعملي شاي وسبيني مع نفسي شويه
منار: ماشي ياحج ماشي
______________________________
زين: عندك بطاطس؟؟
خديجه: عاوزها ليه؟
زين: عاوزه الصراحه
خديجه بضحك: اه
زين: عاوز اشرب معاكي شاي فكنت بتحجج بإي حاجه
خديجه: طالما قولت الصراحه يبقا احلي كوبايه شاي في البلكونه
هو الصراحه الاكتر بقا أن انا إللي كُنت مستنياه بس علشان عارفه ان باله مشغول اليومين دول ف مرضتش اقتحم تفكيره
عملت الشاي وقعدنا في البلكونه بصيت للسما وسألته منغير ما أبصله: إيه الحاجه اللي بتفرحك
او بمعني أصح ايه الحاجه اللي بتعملها علشان تكون مبسوط
زين: انا مش بستني حاجه كبيره تحصل علشان أفرح.... الإنسان لو فضل قاعد مستني السعاده يبقا مش هيفرح
ف انا دايما إللي بسعي للسعاده انا اللي بزرعها جوا عقلي
خديجه: ايوه إزاي برضو
زين: يعني مثلآ يا ستي اتفرج فليم كوميدي او اكشن
او اخرج مع صحابي نلعب بلايستيشن
او بتمشي علي البحر واجيب لنفسي حاجه بسيطه بحبها اللهم إني اغير يومي ومودي ومبسيبش الحزن يينتصر عليا
خديجه: كلامك حلو وواقعي بس يعني ايه مبتسيبش الحزن ينتصر عليك؟؟
زين: احب حاجه للشيطان أن يخلينا نحزن ويسود كل حاجه في عنينا
وربنا نَهنا عن الحزن والرسول عليه افضل الصلاة والسلام استعاذ من الحزن
ف انا بعتبر الحزن ده عدو لازم انتصر عليه
خديجه بإبتسامة: كلامك سلسل كده و
يفرح القلب
زين: والله أنتي إللي وجودك بيفرح القلب
سكتت وفرحت ومعرفتش ارد ولا تكلم
بس هو خفف الموقف شويه لما قال : قصدي يعني أن وجودك خفيف وبيخلني اقول كلام عارفه بس محتاج اسمعه تاني علشان برضو استفيد
قعدنا كلملنا كلام وهزار مبحسش بالوقت في وجوده.... ولقيت عبدالله رن عليا
خديجه بهزار: يا مرحب يا مرحب
عبدالله: خديجه انتي لازم تيجي بسرعه لو عرفتي تيجي بكرا يبقا احسن
خديجه.........
البارت 12✨
عبدالله: خديجه انتي لازم تيجي بسرعه و لو عرفتي تيجي بكرا يبقا احسن
خديجه: ما تقولي في إيه بدل ما اشغل دماغي واتوقع أنا
زين: لا متشغليش دماغك هاتي اكلمه انا
خد التليفون وبعد عني شويه وكلمه: قولي حصل إيه!!
عبدالله: أمي تعبت اوي والضغط والسكر مش راضين يتظبطو وهي عاوزه خديجه
زين: بإذن الله هتكون الصبح بدري هنتحرك ونيجي
عبدالله: انت هتيجي إزاي وتسيب شغلك؟
زين: مش مهم الشغل يا عبدالله.. مش هينفع اسيبها تيجي لوحدها.... يلا سلام دلوقتي
خديجه: في إيه؟؟ حصل حاجه صح
زين: اديني فرصه اتكلم طيب
خديجه: أهو سكت
زين: مفيش اي حاجه تخوف
مامتك ضغطها مش مظبوط وانتي وحشتيها وعاوزه تشوفك
خديجه بشك: بس كده؟
زين: حاجه بسيطه وانا وانتي هنسافر بكرا
خديجه: طب وشغلك؟؟
زين بهزار: مشاء الله نفس تفكير اخوكي
ياستي انتي أهم من أي شغل تمام كده!!
خديجه بإبتسامة: طب يلا علي شقتك بقا علشان عاوزه انام
زين بهزار: انا حاسس إنك تطرديني
خديجه بضحك: احساسك صح.. اتفضل بقا
مجرد ما عرفت إنها هيسافر معايا اطمنت وحسيت إن مفيش حاجه تقلقني وهو موجود
جهزت شنطتي بسرعه لأني عارفه إني مش هقعد كتير هناك علشان الكليه وخلصت الشنط ونمت وانا دماغي شغاله برضو
زين: ها حضرتي شنطتك
خديجه: اه حضرتها بليل
شكلها بيقول انها منمتش كويس وقلقانه ف غير الكلام علشان تضحك
زين: لالا مفيش داعي تحضريلي الشنطه لا لا متضغطش عليا يا ديجا
خديجه بضحك: خلاص اعتبرني عزمت عليك وانت رفضت
زين: وانا موافق.... واصلا انا حضرتها بليل
خديجه: طالما كده بقا يبقا هعملك قهوه معايا
بيخرجني برا دايره التفكير ويخليني اركز معاه واضحك علي طريقه كلامها وملامح وشه
لبست وجهزنا وحط الشنط في العربيه وفضلت ساكته وهو بيكلم ناس في الشغل
زين: كده كل حاجه تمام في الشغل
قولتي لحد من زمايلك يسجلك المحاضره او اي يتابعو معاكي؟؟
خديجه: اه
وكمان أميره قالتلي هتسجلي المحاضرات وتكلمني
زين بصوت واطي: يبقا عليه العوض في المحاضرات
خديجه: بتقول ايه؟؟
زين: أجيبلك إيه من الاستراحه
خديجه: بيبسي وشيبسي وشكولاته واي نوع بسكوت ساده
زين:..........
خديجه: قليل صح؟؟
ابقي هات معاك باتيه وكده بقا
زين: اييه يا حبيبتي احنا طالعين رحله!!
لو طلعين رحله قوليلي متتكسفيش
خديجه: دي حاجات بسيطه علشان الطريق طويل
زين بهزار: عندك صح
اصل انا متعود اسافر لوحدي ف كنت متعود اجيب اي بسكويت وخلاص
خديجه: ده قبل ما اظهر في حياتك يا بشمهندس
زين بضحك: لأ شيلي الألقاب بقا
خديجه: ماشي يا زيزو
زين: طب ممكن نرجع الأقالب تاني معلش
_______________________________
منار: مالها عمتي يا عبدالله حصلها إيه
عبدالله: قلبها تعبها مع السكر والضغط مش مظبوطين
منار بقلق: طيب والدكتور قال إيه
عبدالله: زود جرعه السكر ولازم تظبط اكلها ومتتعصبش
منار: بإذن الله هتكون كويسه
عبدالله بحزن: يارب
حببت تخفف عنه شويه: اوعي تكون انت إللي بتعصبها
ابويا لو عرف إنك السبب في تعب اخته هيزعل ويجيب ناس تزعل وهيزعلنا كلنا
عبدالله بضحك: ده كده هيلم القهوه كلها بقا
منار: ويخلوك تعملهم انت الشاي بقا
تخيل تفضل تعمل قهوه وشاي طول اليوم
عبدالله: لأ مش انا السبب في تعبها والله
منار: متقلقش هتكون كويسه وخديجه هتيجي تخليها تقوم تجري في البيت
عبدالله: هي من ناحيه هتخليها تجري ف هي هتجري وراها من كتر عنادها
منار بضحك: ربنا يسترها علينا بقا
عبدالله: هو خالي مالكيش حاجه؟؟
منار: حاجه ايه
عبدالله: مسألكيش عن حاجه يعني؟؟
منار: لأ
واحنا واقفين الباب خبط ودخل صاحبه ف انا دخلت الاوضه
احمد: إزيك ياعبدو....مبروك علي خبر الخطوبه ياعم
عبدالله بصوت واطي: انت مين قالك
احمد: صحابنا كلهم عارفين اصلا
عبدالله: ده انا قولت ل خالد بس
أحمد بضحك: كأنك قولت في ميكرفون الجامع بالظبط
منار بصوت واطي: ده انا هخليهم يصلو عليك في ميكرفون الجامع قريب
_______________________________
ياسمين: حمزه انا عاوزه اسافر
حمزه: إن شاء الله
ياسمين: انا بتكلم بجد...انا زهقانه
رد عليها وهو مشغول في ورق الشغل: ربنا يسهل
ياسمين بعصبيه: ركز معايا شويه انت جاي تشتغل في البيت كمان كده كتير بقا
حمزه: بلاش اخلص شغلي يعني؟؟
لما اكون فاضي هسفرك، خلاص كده؟؟
ياسمين بعناد: لأ مش خلاص
حمزه: انتي عاوزه تنكدي وخلاص!!
ياسمين: قصدك اني نكدية، صح؟؟
حمزه: لأ كده مش نقاش
كده قلب تربيزه
ياسمين: ماشي ياحمزه انا سيبهالك خالص
____________________________
زين: ينهار مش فايت، كل ده حصل امته؟؟
#...........
زين: سلام سلام انا هتصرف
منار هتعمل مع عبدالله ايه؟؟
ياسمين هتسافر لوحدها ولا هتقعد؟!
زين حصله ايه؟؟
تفاعل حلو وهنزل بارت جديد بكرا يا قمرات💙
#يتبع
#موني
#لعبه #القدر
Omnia hatem
أزال أحد مشرفي المدونة هذا التعليق.
ردحذف