 |
11_12_13_14
زواح في بيت العيله
الجزء الحادي عشر/بقلمي لمياء رفعت
طارق : وقف مصدوم لم سمع هاله وعينيه كلها كانت بتلمع من الدموع بس مقدرش يتماسك نفسه ونزلت دموعه غصب عنه
هاله : دموعها نزلت وجريت على طارق واترمت في حضنه وبقت تعيط
هاله : (بدموع)طارق انا سمعت كلامك مع رزان غصب عني لم قولتلها انك مريض
طارق : بعد عنها ....علشان كده كنتي بتشفقي عليا
هاله : انااااااااااا ياطارق ....انا عمري ماحبيت حد غيرك ولا في يوم هاحب حد زي ماانا حبيتك انت بقيت بالنسبالي إدمان انت فاهم ...ارجوك بلاش تبعد عني وتكسرني
طارق : قرب منها واخدها في حضنه...بس أهدي
هاله : طارق انا بحبك ومش عايزه ابعد عنك
طارق : لمصلحتك ياهاله لازم نبعد انا هموت عارفه يعني ايه هموت مش هتفضلي طول عمرك في عذاب مره من جوزك القديم ومره تبقي ارمله
هاله : (بدموع ) بعد الشر عليك أن شاء الله هاتبقى كويس وهاتبقى احسن من الأول
طارق : افهمي ياهاله انا المرض بتاعي نادر اوي ومالهوش علاج وسافرت بره كتير وقالولي حالتك ميؤوس منها وانا مش معترض ده حكم ربنا وانا راضي بقضاء الله وعايز كمان اقولك حاجه انا في الأول الموضوع كان ايوه مزعلني بس ماحستش بوجع الفراق غير لم شوفتك ياهاله ودخلتي بيتي
هاله : انهارت من العياط ....كفايه ياطارق انا مستعده اعيش جنبك اللي فاضل ليك من عمرك وهدعي ربنا انه يجعل يومي قبل يومك
( تليفون طارق رن)
طارق : الووو
لينا : ------------------------
طارق : انا جي حالا
هاله : في ايه ياطارق
طارق : جوزك اتهجم على الفيلا وعايز ياخد الولد يلا علشان نمشي
هاله : (بخضه) جريت وركبت العربيه مع طارق
هاله : انا خايفه اوي
طارق : ماتقلقيش الأمن اللي على الفيلا منعوا من الدخول مايقدرش ياخد الولد أهدي
طارق وصل ونزل من العربيه هو وهاله
محمود طليق هاله : اهلا باللي هربت ب ابني
طارق : شد محمود من القميص بتاعه...كلمني انا ماتكلمهاش هي ....انت جي هنا ليه وعايز ايه
محمود : انا جي عايز ابني
طارق : انت تقدر تشوفه وتقعد معاه لكن تاخده لا
محمود : انت هاتمنعني اخاد ابني
طارق : ايوووووه بمنعك واللي بينا الحكومه لو تقدر تاخده بالحكومة ف الولد انا اللي هسلمه ليك...انا ماكنتش حابب اعمل اي مشكله بس مدام اتجرأت على بيتي ف هتشوف مني وش تاني
محمود : انت بتهددني
طارق : لا تبقى غلطان انا معرفش التهديد انا بنفذ على طول
محمود : ماااشي
طارق : اتفضل بقى امشي بدل ماقول للأمن ياخدك دلوقت على الشرطه
محمود : انا ماشي بس برضو ابني هاخده
طارق : أعلى مافي خيلك اركبه
محمود : مشي
هاله : (كانت واقفه فرحانه) ب كلام طارق
طارق : يلا ياهاله ادخلي
هاله دخلت اخدت ابنها من لينا وحضنته
طارق : اخد الولد وشاله...تعرفي ابنك شبهك اوي ياهاله
هاله : عارفه ...اصلي كنت ببص لنفسي كتير
طارق : هههههههه طيب ماكنتي بصيتي ليا انا
هاله : ياريتني كنت شوفتك من زمان ياطارق
طارق : هاله تتجوزيني
هاله : آآآآآآه موافقه والله
طارق : مش هتندمي على قرارك ياهاله
هاله : والله لا ياطارق انا اصلا عمري ماكنت احلم اتجوز واحد زيك
طارق : اخدها هي وابنها في حضنه
طارق : يعني ايه اجيب المأذون
هاله : وشها ف الأرض آآآآآآه
طارق : انا آسف مش هعمل فرح ياهاله
هاله : فرحتي اني اكون مراتك وعلى اسمك ياطارق صدقني انا حاسه اني بحلم
طارق : ليييييييييه
هاله : علشان انت كتير اوي عليا
طارق : بلاش تقللي من نفسك ياهاله انتي عندي حاجه كبيره اوي ياريتني كنت قابلتك من زمان
هاله : دموعها نزلت
طارق : كفايه بقى مش عايز اشوف دموعك وربنا يقدرني واقدر اعوضك عن الايام اللي عدت من عمرك وشوفتيها في حياتك
هاله : انا فرحانه اوي ياطارق دي دموع الفرح
لينا دخلت : اجهز العشا ياطارق بيه
طارق : خليها كمان شويه يالينا ولم تحبي تسألي بعد كده اسألي المدام ...انا رايح اجيب المأذون
لينا : (بفرحه) ربنا يتمم ليكم بخير ياطارق بيه ...الف مبروك ياهانم
هاله : الله يبارك فيكي يالينا تسلميلي
طارق : (مسك قلبه) آآآآه
هاله : (بخضه) مالك ياطارق
هنزل البارت الثاني عشر لو لقيت تفاعل على البارت
الجزء الثاني عشر/بقلمي لمياء رفعت والثالث عشر
طارق : مسح وشه بالمنديل من العرق ....لا لا ماتقلقيش اطمني انا بخير ده بس إرهاق من الشغل
هاله : انت متااااكد ياطارق
طارق : صدقيني انا كويس ...انا ماشي دلوقتي هجيب المأذون ولا تحبي تيجي معايه ونكتب عنده؟
هاله : زي ماتحب
طارق : طيب تعالي
هاله مشيت مع طارق وركبت معاه العربيه ووصلوا عند المأذون
(فلاش بااااك )
منصور : عملت ايه يامحمود
محمود : الواد جوزها يابا واصل ومن الناس اللي مش شويه في البلد يعني مش هعرف هعمل حاجه
منصور : مفيش حاجه اسمها مش هتعرف بكره الحكومه ان شاء الله تحكم انك انت اللي تاخد الولد وساعتها اوعى تخليها تشوفه
محمود : بس اوصل بس يابا للولد وبعدين يحلها ربنا
جرس الباب رن
محمود : فتح الباب : ايوه
اللي واقف على الباب : انت محمود منصور
محمود : ايوه انا
المحضر : ده طلب استدعاء من النيابة العامة ولازم تحضر بكره
محمود : (بخضه) انااااااااااا.....استدعاء من النيابة العامه طيب ليه
المحضر : معرفش....امضي على الورقه دي ولازم تحضر بكره
محمود : ماااشي
المحضر : مشي
منصور : في ايه يامحمود حصل ايه
محمود : مش عارف يابا مطلوب في النيابة بكره ولازم اروح
منصور : ياترى في ايه انت عملت ايه
محمود : والله يابا ماعملت حاجه هكون عملت ايه
منصور : خير ياابني ان شاء الله بكره نعرف في ايه
(فلاش بااااك)
طارق وهاله : كتبوا الكتاب وخرجوا من عند المأذون
طارق : وقف قدام العربيه بتاعته .... الف مبروووك ياحببتي وباسها من خدها
هاله : الله يبارك فيك ياحبيبي
طارق : أتمنى ياهاله ماتندميش على قرارك ده
هاله : دموعها نزلت واخدته في حضنها...طارق انا لو ماكنتش اتجوزتك صدقيني هو ده اللي كنت هفضل اندم عليه طول عمري...طارق انا محتاجه انك تساعدني محتاجه توافق على كلامي وتسافر وتتعالج بره وتسمع كلام الدكتور وتبدأ علاج
طارق : (بدموع)افهمي ياهاله انا اكتر واحد في الدنيا دي متمسك بالحياة ونفسي اعيش زي اي حد انا مش عايز أموت بس انا حاولت كتير جداااااا وسافرت بره كتير وكلهم اجمعوا على قرار واحد اني مش هعيش اكتر من شهور
هاله : (بدموع) هم مش ربنا... ربنا وحده اللي عالم ايه في الغيب وصدقني انت هتعيش ياطارق اثق فيا
طارق : يلا ياهاله علشان ابنك
هاله : ركبت العربيه بس حزن الدنيا كلها كانت في عينيها على طارق
وبعد وقت نزلوا من العربيه
لينا : الف مبروك ياطارق بيه...الف مبروووك يامدام هاله
هاله : الله يبارك فيكي يالينا
طارق : راح الاوضة بتاعته وكان حزين من قلبه ....دخل اخد شاور وغير هدومه وقعد على السرير وبقى يفتح الصور ويتفرج على صورو مع والده وولدته ويفتكر لم اتوفوا بحادثة عربيه وهو صغير
وانه عاش طول عمره وحيد ومحروم من الأب والأم
هاله : نيمت ابنها واخدت شاور وغيرت هدومها----- لبست بنطلون جينز وتيشرت وسابت شعرها ونزلت عند لينا
هاله : لينا
لينا : امرك ياهانم
هاله : كنت عايزه أسألك سؤال ممكن
لينا : اتفضلي
هاله : بس ممكن يكون بينا
لينا : امرك
هاله : هو في حاجه بين طارق بيه ورزان....قصدي يعني كانت بتيجي هنا كتير
لينا : والله ياهانم طارق بيه محترم جدا وكويس ومن يوم مادخلت الفيلا ماشوفتش منه غير كل خير وبالنسبه لست رزان ف هي بصراحه اللي حاولت كتير مع طارق بيه يتجوزو وهو اللي كان بيرفض ولم كانت تيجي هنا الفيلا كانت بيتعمد يخرج او يقعدو في الجنينة بره ...مفيش غير حضرتك اللي دخلت الفيلا وعاشت فيها
هاله : ماشي يالينا شكرا بجد
لينا : تحت امرك بعد اذنك
هاله : اتفضلي
هاله : طلعت فوق عند طارق وخبطت على الباب
طارق : ادخل
هاله : دخلت عند طارق وقعدت جنبه على السرير
طارق : (بص ل هاله وابتسم)
هاله : خبطته بالمخده....هو انت بتضحك على ايه
طارق : اصلي لا أول مره أشوف شعرك وقرب منها ورفعلها شعرها لفوق
هاله : وانت كنت عايز تشوف شعري قبل كده ولا ايه
طارق : (بخبث) وهشوفه ليه ....ماانا كل يوم في المصنع أهو وشايف البنات كلها قدامي بشعرها
هاله : بقى كده ...وجات تقوم
طارق : شدها من ايدها وقعدها جنبه واخدها في حضنه....وقرب من ودنها واتكلم بشويش....هو ايوه البنات كتير وكلهم بشعرهم لكن مفيش بنت قدرت تخطف قلبي ولا عقلي غير هاله
هاله : (ابتسمت بااحراج وبصت في الأرض )
طارق : بحبك
هاله : طارق تعرف انا عمري ماكنت مبسوطه في حياتي قد مابقيت معاك بجد انا عديت مرحلة كلمه اني اقولك بحبك
طارق : ده انا على كده جامد بقى ومش سهل اللي خليتك تقعي فيا كده
هاله : هههههه شوفت بقى
طارق : شوفت ياهاله
هاله : شوفت ايه بقى عايزه اعرف
طارق : انك خطفتي قلبي خلاص
هاله : اترمت في حضن طارق
(فلاش بااااك )
في الصباح
محمود : دخل النيابة
وبعد وقت خرج
منصور : في ايه يابني حصل ايه
محمود : مش قولتلك يابا الواد واصل ومش هعرف اخاد ابني
منصور : ايه اللي حصل فهمني
محمود : مضوني على قرار تعهد اني مقربش لا ابني خالص
منصور : لدرجه دي ...بنت الكل**ب هي وقعت في واحد واصل لدرجه دي
محمود : اظاهر يابا اني غلط جامد في حق هاله وابني علشان كده ربنا عوضها بالأحسن مني لأني ظلمتها
منصور : انت بتقول ايه ياض
محمود : هي دي الحقيقة يابا انا ماحستش بنفسي الا متأخر اوي بعد ماخلاص خربت بيتي ومدفعش التمن غيري انا ياريتني ماسمعت كلامكم وخربت بيتي
(فلاش بااااك )
طارق : فاق من النوم واخد شاور ولبس البدله ورفع شعره لفوق
وقعد جنب هاله على السرير وباسها من خدها
هاله قامت من النوم : صباح الخير
طارق : صباح الخير
هاله: وهي نايمه شدت طارق واخدته في حضنها....رايح فين
طارق : الشغل هيكون فين
هاله : ممنوع
طارق : طيب ليه
هاله : هو انا مش عروسه في نظرك خالص انك تنزل الشغل واحنا متجوزين امبارح
طارق : ياحبيبي انتي احلى عروسه في الدنيا كلها وحاضر متزعليش نفسك مش ماشي وقلع جاكت البدله
تليفونه رن
طارق : باشاااا معاك
المتصل : ---------------------
طارق : تمام ...مش عارف اشكرك ازاي
المتصل : -------------------
طارق : حبيبي ....وقفل التليفون
طارق : (غمز ل هاله بعينه)في خبر حلو اقولوا ولا بلاش
هاله : قول
طارق : لا مش هقول
هاله : بالله قول ده الدكتور او وصلت لحاجه لعلاجك
طارق : الوجع والحزن ظهر على وشه وحاول يداريه... قدرت اخلي محمود طليقك يمضي على إقرار عدم تعرض ليكي ولا ابنك
ليصلك اشعار بالبارت الثالث عشر لاف وعشرين كومنتالجزء الثالث عشر/بقلمي لمياءرفعت
هاله : (بفرحه) انت بتكلم جد ياطارق
طارق : آآآآه ياحببتي ماتقلقيش اطمني ابنك محدش هاياخده منك ابدااااااا يلا بقى انزلي علشان نفطر
هاله : طيب هاخد شاور واغير وانزل
طارق : تمام هستناكي تحت
هاله : ماشي
طارق نزل في الفيلا تحت
لينا : صباح الخير ياطارق بيه كويس ان حضرتك نزلت
طارق : في حاجه لينا اتكلمي
لينا : الطفل ساخن وتعبان
طارق : بقلق ده من امتى
لينا من شويه وحاولت معاه كتير حاجات تنزل السخونة مفيش فايده
طارق : طيب تعالي معايه نروح بيه لدكتور
لينا : طيب والمدام
طارق : لا بلاش تعرف علشان ماتقلقش
مشي طارق ولينا عند الدكتور
هاله اخدت شاور وغيرت هدومها ونزلت مالقتش لينا ولا ابنها ولا طارق
طلعت بره مالقتش عربية طارق واقفه
اتصلت عليه
هاله : الووووووو انت فين ياطارق وابني ولينا
طارق : بنشتري حاجات وقولت اخاد لينا معايه وهي مردتش تسيب الطفل لوحده
هاله : طيب انتوا فين دلوقت
طارق : خلاص جايين اهو في الطريق
هاله : ماشي ياحبيبي
(وبعد وقت)
نزل طارق ولينا بالطفل واشتروا ملابس لطفل كتير
هاله شافت كمان علاج
هاله : علاج ايه ده
طارق : أبدا بس الطفل كان ساخن شويه والدكتور قال برد يعني كويس مفيش حاجه واخد حاليا حقن والسخونة نزلت
هاله : اخدت ابنها في حضنها طيب ماقولتليش ليه
طارق : ماحبتش اقلقك عليه
هاله : ابتسمت...هو انا اللي فيه ده كله حلم
طارق : ليه بقى
هاله : ان حد يحبني بالشكل ده وبالأخص لم يكون حد زيك انت
طارق : لدرجه دي انا جامد هههههههه
هاله : ولدرجه دي واخد كلامي هزار
طارق : علشان انتي دايما بتشوفيني حاجه كبيره بالنسبالك مع اني انا الا شايف انك كتيره عليا ياهاله وربنا عوضني بيكي واخدها في حضنه وباس على رأسها
(فلاش بااااك )
منصور : محمود مراتك الجديدة رفعت قضية عليك بالنفقه وكمان طالبه الطلاق
محمود : حقها يابا انا اصلا ماينفعش اكون زوج انا خلاص حياتي ادمرت حتى سفري راح عليا ومبقاش ينفع اسافر ومراتي اخدت ابني وهربت بسبب اللي عملتوا فيها
منصور : فوق لنفسك يامحمود واتعدل هي مين دي اصلا
محمود : دي اللي استحملت غربتي واتبهدلت معاكم في بيت العيلة دي اللي استحملت من غير جنيه واحد كنت مش ببعته ليها دي اللي كانت عايشه معاكم بلقمتها وبس دي اللي اضربت واتهانت من الكبير والصغير عرفت هي مين دي يابا وراح سابه وخرج
(وبعد مرور شهر )
طارق : نزل من العربيه ودخل الفيلا
طارق : لينا فين المدام
لينا : المدام مانزلتش من لم حضرتك نزلت الشغل ياطارق بيه
طارق : طلع فوق....وقعد جنب هاله على السرير ورفعلها شعرها من على وشها....مالك ياهاله انتي كويسه وشك متغير ليه كده
هاله : تعبانه شويه
طارق : طيب ليه ماكلمتنيش
هاله : ماحبتش اتعبك
طارق : طيب يلا اوديكي ل دكتور قومي غيري هدومك
هاله : مش قادره ياطارق دايخه اوي بجد
طارق قام من على السرير وفتح الدولاب واخد ملابس ل هاله غيرلها هدومها ولبسها طرحه على شعرها وسابها على السرير ونزل ركب العربيه وراح جاب دكتور ل هاله
وبعد وقت وصل طارق والدكتور الفيلا
طارق : اتفضل يادكتور فوق
الدكتور دخل عند هاله الاوضة وكشف عليها
طارق : طمني يادكتور هي كويسه
الدكتور : آآآآه كويسه ياابني....الف مبروووك المدام حامل
هاله : فرحت اوي
طارق : الدموع كلها اتكونت في عينيه
الدكتور : بعد اذنك وراح ماشي
هاله : اخدت طارق في حضنها....نفسك بقى في ولد ولا بنت
طارق : (بحزن)خايف اقولك نزليه تزعلي واكون بقتل روح حرمها ربنا
هاله : ليه كده ياطارق هو انت مش عايز تخلف مني انا قولت انك هاتفرح
طارق :(بدموع) وذنب الطفل ايه يتولد يتيم من غير اب ويتحرم من ابوه العمر كله ومايشوفهوش وياجي الدنيا من غير ضهر وسند ليه وذنبك انتي ايه تعيشي عمرك كله تربي في الاولاد وتشيلي مسؤالية لوحدك
هاله : (انهارت من العياط ) كفايه ياطارق وقربت من طارق وجات في حضنه...ماتقولش كده محدش هيربي ابنك غيرك وهاتفرح بيه وتجوزو كمان
طارق : انا نازل ياهاله دلوقتي
هاله : رايح فين ياطارق
طارق : محتاج اقعد مع نفسي شويه
ليصلك اشعار بالبارت الرابع عشر لاف وعشرين كومنت
الجزء 14 /بقلمي لمياء رفعت
هاله : لو خرجت هخرج معاك
طارق : (ابتسم) هو انتي صغيره ؟ انا عندي مشوار دلوقتي هخلصه وارجعلك
هاله : فين
طارق : بعدين ياهاله ...يلا سلام
طارق نزل الفيلا وركب عربيته وراح عند الدكتور
طارق : ازيك يادكتور
الدكتور: اهلا طارق بيه اتفضل ياابني
طارق : انا تعبان اوي والمرض مسيطر عليا من امبارح وكل مااقاوم مش قادر
الدكتور : علشان كده ياابني قولتلك خد العلاج علشان تعبك
طارق : يادكتور العلاج ده ليه ...مسكن للألم فقط صح؟
الدكتور : للأسف ايوه ياطارق بيه
طارق : مفيش امل اني اعيش يادكتور
الدكتور : دموعه نزلت وحاول يداريها
طارق : قام مشي وعينيه كلها دموع وركب العربيه وسافر بلد هاله
وقف قدام بيت هاله وضرب الجرس
والدة هاله : مين انت ياابني اتفضل
والد هاله : انت جي هنا ليه وعايز ايه
والدة هاله : مين ده انت تعرفه
طارق : طيب ممكن ادخل
والدة هاله: اتفضل ياابني
طارق دخل البيت وقعد
والد هاله : ده جوز بنتك هاله
طارق : طيب كويس ان حضرتك عارف انها مراتي يبقى حضرتك فين اللي مزعلك وفين الغلط في اللي انا عملته مش فاهم
والد هاله : بنتي جبتلي العار في البلد احنا بلد ارياف زي ماانت شايف وهي هربت ب ابنها من جوزها
طارق : ياعمي هاله اتبهدلت كتير ولم هربت ..ف هي هربت بعد العذاب اللي اتعرضت ليه ومالقتش حد يقف جنبها
والدة هاله : (بدموع) طمني عليها ياابني هي بخير
طارق: الحمد لله هي بخير
والد هاله : طيب انت جي هنا ليه
طارق :(بدموع) ومقدرش يتماسك انا جي أقولك ياعمي واستاذنك تروح انت وحماتي وتعيشوا مع هاله ....انا أيامي خلاص في الدنيا معدوده ومريض
والدة هاله : حبيبي ياابني لا حول ولاقوة الا بالله
والد هاله: دموعه نزلت....قرب منه وحضنه ...بعد الشر عليك ياابني متقولش كده
طارق: دي الحقيقه ياعمي انا جتلك بس علشان اقولك تخلي بالك من هاله ومن أولادها هاله كمان حامل ب ابني ياعمي ارجوك بلاش تتخلى عنها هي مالهاش حد بعد ربنا غيركم دلوقتي ...وراح خارج من البيت وركب عربيته
طارق : اتصل بالمحامي
المحامي : ------------------------------
طارق : انا كنت عايز اعمل تنازل بكل مااملك لمراتي
المحامي : ---------------،،،،،-
طارق : تمام عدي عليا في الفيلا
المحامي : ----------------------
وبعد مرور وقت وصل طارق الفيلا في نفس وقت المحامي ودخلوا الفيلا في المكتب
طارق : الورق جاهز
المحامي : آآآآه ياطارق بيه بس ليه هتعمل تنازل خصوصا انها الوريثة الوحيدة هي مراتك
طارق : محدش ضامن ظروف الدنيا جايز حد يظهر ليه قرابه ليا
المحامي : مفيش مشكله...الورق كله اهو وحضرتك امضي عليه كله بالتنازل
طارق : اتنازل عن جميع مايملك ل هاله
هاله دخلت المكتب : طارق بتعمل ايه
المحامي : بعد اذنك ياطارق بيه
طارق : اتفضل
هاله : مالك ياطارق وشك متغير ليه كده (بدموع) قولي مالك انا مش قادره استحمل اشوفك كده
طارق : هاله انا اتنزلت ليكي على كل مااملك دلوقتي
هاله : لسه هتكلم ....
طارق : اسمعيني ياهاله الأول....خلي بالك من نفسك ومن الأولاد وابقي عرفي ابني واحكيله عليا دايما اني كان نفسي اشوفه واشيلوا وافرح بيه زي اي اب قوليله ابوك عاش في الدنيا كلها وحيد ومريض قوليله اني ماظلمتكش لم اتجوزتك انا بس حبيتك وكان نفسي اكمل بقيت عمري معاكي ....اشتغلي وشغلي الشركه والمصنع وعيشي حياتك بس اوعي ياهاله تنسيني
هاله : (انهارت من العياط) كفايه ياطارق علشان خاطري كفايه
طارق : انا مش قادر اخاد نفسي هخرج في الجنينة شويه بره
هاله خرجت معاه
طارق: قلع جاكت البدله وفك الكرفته وبقى حاسس بضيق نفس والحزن والوجع والمرض سيطرو عليه في وقت واحد
هاله : طارق ماتقلقنيش عليك ياطارق مالك ياحبيبي فيك ايه ...اكلملك الدكتور
طارق: لا لا انا هابقى كويس ...هاله
هاله : نعم ياحبيبي
طارق : خديني في حضنك انا بردان اوي
هاله : اخدت طارق في حضنها وبقى الرعب والخوف مسيطر على قلبها ومره واحده طارق بقى محمل عليها وايده نزلت جنبه
هاله : (عرفت ساعتها انه مات وبقت تترعش وقعدت بيه على الأرض وبقت منهارة ومابقتش قادرة تصرخ على حبيبها اللي اتحرمت منه وراح منها
#لو الرواية عجبتكم اتفاعلوا ب اكبر كومنتات ولايكات وهنزلكم رواية جديدة
تعليقات
إرسال تعليق