 |
#عشقت_حورية
11
بقلم/ يوستينا سامي
في الصعيد في بيت اهل جاسر
عمته / اي يا ولدي .. يعني انت لحجت تجعد معانا علشان تمشي بالسرعة دي
جاسر وهو بيبوس ايديها / حقك عليا يا عمتي بس انا عندي شغل كتير جوي و لازم ارجع مصر علي الفجر
عمته / ربنا معاك يا ولدي ..وانت يا حياه يا بتي خلي بالك من زوجك ده انتوا مالكوش غير بعض
حياه بصت لجاسر بغدر و جاسر بصلها بلا مبالاة و اخدها و مشيوا ...
__________________بقلم✍️✍️💥 يوستينا سامي
في الاوضة عند اسد و حور
حور بخوف / مين دول اللي اتفقوا علي موتك ..طمني يا اسد ابوس ايديك و قولي انك بتهزر معايا
اسد اخدها في حضنه / متخفيش عليا يا جميلة أنا محدش قدر يقربلي ..بس للاسف دي الحقيقة اللي أنا لحد دلوقتي بحاول اقنع نفسي بيها
حور / مين ده اللي عايز يقتلك ..والنبي قولي
اسد / حسام ..أيوة بعتلي رجالة وحاولوا يقطعوا عليا الطريق بالعربيات بتاعتهم ...
فلاش بااااك ..
اسد. رجع من الشركة للفيلا ..وهو في العربية اتفاجاه بعربية بتحاول تقطع عليها بس هو كان بيحاول يسرع بالعربية و اتصدم اول ما شافهم بيضربوا عليه ناار ..
وفعلا اسد مقدرشي يكمل بالعربية بس اخد سلاحه و نزل و حصلت معركة بينهم ...
اسد مستخبي ورا عربية ليه بيضرب عليهم نار وفعلا صاب فيهم اكتر من واحد / والله ما سيبك يا ابن ..الكل.ب
وفعلا اسد استخبي و استغل انشغالهم بالتدوير عليه و جري علي واحد فيهم و حط المسدس علي رأسه ..
اسد بعصبية / انتوا مين ...انطقواااا
بااااك
اسد بتعب / وعرفت أن حسام هو اللي حدفهم عليا علشان يقتلني .. عمره ما تغير عمره 😔😔
حور / طب هو بيكرهك ليه كدة بس ..ما تفهمني بقي
اسد / أنا مش قادر اتكلم دلوقتي نهائي ..أنا كل الي عايزه انك تاخديني في حضنك بس يا جميلة
حور بحب / حاضر يا حبيبي..وفعلا اسد حضن حور و نام و حور كان متابعة ملامحه و وجعه اللي مرسوم علي وشه
و نامت جمبه ..
________________________________________
في شقة مراد ..
حسن بحدة / ما تقعد بقي يا مراد ..مكنتشي خناقة يعني
مراد بعصبية / انت بتسمي اللي حصل ده ..مجرد خناقة
عادي كدة يضربني بالقلم قدام الموظفين ليه .فاكر نفسه مين
ماشي يا اسد يا عقاد أنا كان موتك علي ايديا أنا مبقاش أنا مراد
حسن / بطل كلام انت مش قده ..واترزع قدامي و بعدين حقك و هيجيلك وانا وعدتك وانا مش هعدي الموضوع بالساهل كدة.
بس تعالي هنا ..أي حوار انك مش هترجع الفيلا و لا الشركة ده انت عبيط ولا ايه ده بيت جدك
مراد / وانا مش هقدر اشوفه هناك تأتي يا حسن ..كل ما اشوفه هحس باهانتي قدام الموظفين و كرامتي اللي اتبعترت دي
حسن بعصبية / ما عاش ولا كان يا حسن ..وصدقني القلم اللي ضربهولك هيترد ..وهيترد بالقوي كمان
مراد / وانا بقي مش هستني حد يجيبوه ..أنا هاخده بدراعي
حسن / ولااااا ..اسمع انت لو فكرت تقرب من اسد بالسوء انت هتزعل مني ..سامع
و فاجأه حسن لقه تليفونه بيرن و اسد هو اللي بيرن عليه ..
حسن بستغراب/ اي ده ..اسد معقووول
مراد / هات اكمله انااااااا
حسن بشك / لا اكيد في حاجة ..أنا قلت بجد
وفعلا حسن رد 😳😳😳😳
________________________________________
جاسر وصل بحياه البيت اللي قاعد فيه مع حسام علشان مكنشي قائل لحد من عيلته اللي في مصر أنه اتجوز حياه
جاسر بعصبية/ مالك واقفة كدة ليه ما تدخلي ..هو انا هتحايل عليكي مثلا
حياه دخلت الفيلا منغير حتي ما ترد عليه و هو قفل الباب بس اتفاجائوا هما الاتنين بحاجات بتتكسر جامد
حياه بخوف / اي ده ..هو البيت ده ملبوس ولا ايه
جاسر اخدها ورا ضهره ..و دخل بيها بس لقت حسام عمال يكسر في كل حاجة قدامه فجري ناحيته
جاسر / حسام مالك يا أبني ..انت كويس ..يخربيت ام غبائك انت متعور يا اخي
يا دادة انعااااام يا دادة ...
انعام جات بخوف لانها كانت مستخبية خايفة من جنان حسام / أيوة يا جاسر يا ابني ..كويس انك جيت والله
جاسر بحدة / ازاي ألامن اللي برا مسمعوش صوت التكسير ده ..ازاي تسيبوه يعمل كدة ..روحي بسرعة هاتي اي حاجة نطهر بيها الجرح
انعام / حاضر ..يا ضنايا يا ابني
زكريا تجيب علبة اسعافات علشان جرح حسام ..
حسام بتعب بيبعد جاسر عنه / ابعد عني يا جاسر أنا مش طايق نفسي ..ابعد يا اخي
جاسر بصوت عالي فزع حياه / لا مش هبعد ..وبس بقي
انت اتجننت ولا ايه ..ايديك بتنزف وحالتك زفت و البيت متكسر انت اتجننت يا حسام ولا ايه ..ليه بتعمل كدة رد عليا
حسام / مامتشي ..أيوة برضوا ما عرفتش اموته
أنا بجد فاشل اوي يا جاسر ..عملت كل حاجة علشان اموته بس مش بيموووووت ....ليه
و مسك فازة وحدفها منغير ما ياخد باله جمب حياه و حياه صرخت جامد .. وجاسر جري عليها
جاسر بخوف / حيااااه ..انت كويسة ..مجتشي فيكي حاجة صح ..
حياه بخوف / أيوة أنا كويسة .بس ده مجنون يا جاسر
ابعد عنه ..
جاسر / متخفيش ..اطلعي انت فوق علشان متجيش فيكي حاجة ..
فعلا حياه طلع الدور التاني ..
جاسر قرب من حسام / اي بقي ... حاولت تقتله تاني يا جاسر ..حرام عليك ..كفاية بقي دم ..كفاية . انا تعبت بجد
حسام بشر / عمري ما هسيبه غير لما اشوفه غرقان في دمه
او أنا اللي غرقان في دمي
جاسر بتعب حط رأسه بين أيده / يبقي سيبلي أنا الموضوع ده يا حسام ..
حسام / هتعمل ايه ما تفهمني ..
جاسر بحدة / هقتله ..هقتله علشان كفاية بقي لحد كدة ..وهو لو مات
احنا هنقدر نعيش حياتنا بجد ..وانا تعبت بقي ..
وسابه وطلع أوضته ....
________________________________________
تاني يوم الصبح ...
في المستشفي .. عبدالرحيم وصل المستشفي ومعاه الرجالة( بالجلاليب )
عبدالرحيم واقف متعصب اوي / يعني اي مافيش واحدة كانت هنا اسمها حور ..انا متاكد انها كانت هنااا وخرجت امبارح
الممرضة بخوف من شكلهم / والله يا حج ما اعرف حاجة ..حتي شوفوا سجلات المستشفي لو مش مصدقيني مافيش واحدة اسمها حور
عبدالرحيم بعد ما فاض بيه طلع صورة حور من معاه / طيب بصي كويس في الصورة دي .. حققي فيها شوفتيها هنا في المستشفي ولا لاء
الممرضة مسكت الصورة بخوف / أيوة . أيوة انا شوفتها هنا مع واحد
عبدالرحيم مسكها من ايديها بعصبية / واحد مين .انطقي بدل ما اكوخك عيارين
الممرضة بخوف /. وانا مالي بس يا بيه ..هي جات وكانت متصابة في دماغها . وكان معاها واحد كان معروف اوي. لانه من ساعة ما دخل المستشفي والناس كلها كانت خايفة منه و قال إنه جوزها
عبدالرحيم بصدمة / انت متأكدة من كلامك ده .. الكلام ده يطير في رقااب .خدي بالك زين انت لو طلعتي كدابة هقتلك
الممرضة بدموع / والله يا بيه ما بكدب انا شفتها بيعنيا و ممكن تسال الدكتور كمان اللي كشف عليها
عبدالرحيم. بتوعد / حلو الكلام ده ..انا عايز اعرف عنوان الراجل اللي بيقول انها مراته ده .. اجيبه ازاي
تعرفي طريقة ولا لاء
الممرضة / أيوة هو كان سايب بيناته علشان المحضر ..شوف في الشؤون اللي في المستشفى
عبدالرحيم شدها من ايديها بحدة / طيب تعالي معايا .قوليلي اعمل ايه ..تعالي
وفعلا اخدها وهي كانت خايفة اوي منهم...
_______________________بقلم ✍️يوستينا سامي
في الشركة مراد دخل و طلب رقية تدخل مكتبه ..
وفعلا دخلت ولقت مراد واقف ومديلها ضهره
رقية/ خير يا مستر مراد حضرتك كنت عايزني .
مراد لف و في عزم قوته ضربها بالقلم ..
استوووووووب..تفتكروا مراد عمل كدة ليه بقي
#عشقت_حورية 🤎💥
12
بقلم ✍️💥 يوستينا سامي
في الشركة عند مراد
مراد ضرب روقية بالقلم جامد علي وشها. مسكها من شعرها واتكلم بعصبية / بقوا انتوا عايزين تقتلوا اسد العقاد ..ده انا هدفنك مكانك هنا لو ماقلتليش فين حسام دلوقتي. . انطقي
روقية بدموع وخوف / حسام مين .
هو حضرتك بتتكلم عن ايه اصلا يا مستر مراد ؟
مراد ضربها تاني بالقلم ومسكها من شعرها / وحياة ام.ك انت هتعمليها عليا أنا ده أنا مراد العقاد ..انطقي يا رقية صدقيني محدش هيلحقك مني ..فين حسام ؟؟
رقية بوجع/ و الله ما اعرف هو فين بالضبط بس ممكن اقولك علي الشقة اللي كان بيقابلني فيها ..بس والله العظيم انا معرفش مكانه الأساسي فين ..صدقني
مراد بعنف / طب هو كان بعتك هنا الشركة ليه ..كان عايزك يوصل لايه عن طريقك . اتكلمي بسرعة
روقية / كان عايز يعرف كل صفقاته وشغله.و حتي اوقات سفره برا مصر علشان يخلص عليه . وهو اصلا حاول يخلص عليه لما كان في المانيا بس معرفشي ..
. سيبني بقي أبوس ايديك انا ماليش دعوة بكل ده
مراد ساب شعر رقية واتكلم بوجع وصدمة
مراد / للدرجة دي القساوة ملت قلوبهم هما الاتنين ..
وبص لرقية / انت هتفضلي معايا لحد ما أوصل لحسام انت فاهمة ولا لااء .. قومي معايا ...
فعلا مراد اخدها وراح بيها شقة ليه ..
في الشقة .🏫
مراد بحدة / الشقة دي انت هتتنيلي تقعدي فيها لحد لما
الاقيه ..ويلا كدة زي الشاطرة اكتبيلي الاماكن اللي كنتوا بتتقابلوا فيها و رقم اللي كان بيكلمك منوا
وفعلا رقية كتبتله كل حاجة في ورقة وهو أخدها منها وقفل الباب عليها ونزل
______بقلم ✍️✍️يوستينا سامي_________
في الفيلا عند اسد ..
حور قاعدة جمبه علي السرير وبتعمله كمدات و حسن قاعد علي الكرسي ..
حور بصت لحسن بس لقيته نايم قامت من جمب اسد وراحتله ..
حور / حسن ..قووووم
حسن بتعب وخضة / احم .اي يا جميلة اسد تعب ولا ايه
حور / لا خالص ..اهدي
اسد اصلا نايم .. ادخل نام يا حسن في اوضتك أنا هفضل جمبه متخفشي عليه .
حسن بتعب / لا أنا قاعد لحد ما يقوم علي رجليه متعودتش اشوفه بالشكل بتاع امبارح ده ..صحيح مراد فين.
حور / لا معرفشي هو راح فين ..هو قالي أنه وراه مشوار مهم ..وان هيبقي يتصل علشان يطمن علي اسد .
حسن / ربنا يستر ..طب بقولك
روحي انت نامي في أي اوضة تانية وانا هفضل جمبه .
حور / أنا مستحيل اسيبه يا حسن .. بس هو في حد هنا عرف حاجة .
حسن / اصلا جدي و جدتي سافروا امبارح بليل
حتي نور بايتة عند صحبتها .. بس متخفيش أنا موجود
أنا هسيبك ترتاحي شوية جمبه وانا هدخل اوضتي بس مش هنام ..ماشي ..باي.
وفعلا خرج حسن و حور قعدت جمب اسد تاني و حضنته جامد / أنا خايفة اوي عليك يا اسد ..أنا ماليش غيرك .
و نامت في حضنه و هي بتدعي انه يقوم كويس.
____________________________&&&
في اوضة جاسر و حياه ..
حياه كانت نائمة في حضن جاسر علي السرير ..
حياه بتفتح عينيه بس انصدمت من النوم دي فقامت جري من جمب جاسر وضربته مكان جرح بطنه
حياه / يا جليل الرباية ..أنا ايه اللي جابني اهنااة
جاسر بعصبية وهو ماسك بطنه / اي يا غشيمة انت .حد يضرب حد كدة في الصبح ..شكلك وحشك الحزام و التلطيش بتوع امبارح
حياه بغيظ / طبعا هتجول ايه غير أكده ..ما انت اللي زيك مش بيتعامل مع ناس بيتعامل مع بهايم .
جاسر / صح ..تصدقي اوي مرة تقولي كلمة صح .
أنا فعلا بتعامل مع بهايم اللي انت منهم ..واوعي من وشي يا حياه و أما والله أكون رنك علقة ..متنسيهاش باقي حياتك.
و فعلا حياه بعدت عن طريقه و هو قام ياخد شاور
وهي نزلت تحت ...بس لقت حسام قاعد مضايق اوي
و بيتفرج علي صور مع صحاب ليه
حياه / احم صباح الخير ..كيفك دلوق .
حسام رفع وشه / عايزة أي .
حياه / أنا هعوز ايه منك يعم ..بس انا كنت بطمن عليك
حالتك كان صعبة جوي امبارح .
حسام / متخديش في بالك أنا كويس .. انت كويسة مع جاسر ..علفكرة هو طيب اوي بجد .
حياه / يابوووي يا اخي اتفكرلنا حاجة زين
وبعدين ده شخص لا يطاق .
حسام ضحك بتعب / طب انت عارفة بقي أن لو حد فكر بس أنه يضايقك هيعمل فيه ايه ... امبارح لما رميت الفازة ناحيتك و هو جري عليكي ..كان خايف عليكي اوي علفكرة
حياه ابتسمت لانها افتكرت خوفه عليها ..
فلاش بااااك ..لما طلع ليها الأوضة امبارح وكانت قاعدة علي السرير و ماسكة ايديها بوجع
جاسر بلهفة / مالك أنت بتعيطي ولا اي ...انت كويسة .
حياه / أيوة بس يدي وجعاني شوية ..
جاسر بحدة/ أيوة يعني من اي وجعاكي ..ما تفهميني .
حياه / وااه يعني مش عارف يا ابن الفيومي
.كله منك انت ..ما أنا ربنا اداني راجل أيده مرزبة .ثور في صورة بني ادم .
جاسر بعصبية. / بقي أنا ثور ..هو انت لسانك ده طويل ليه كدة ..وبعدين وريني دراعك كدة .
حياه / اوعي يدك عني يا ابن الفيومي .
جاسر / وربنا لو مهدتيش عليا لأكون ضربك بالجزمة دلوقتي
اترزعي اقعدي .
حياه خافت منه و قعدت فعلا وجاسر جاب كريم و بدأ يدهن ايديها بيه ..
بااااك
حسام / اي يا بنتي سرحتي في ايه ..أنا بكلمك بقالي ساعة .
حياه / هاااا معلشي سرحت في حاجة..جولي انتوا تجربوا لبعض ايه انت وجاسر .
حسام / اخوات ..اينعم لا من آلام ولا من الاب .. بس اخوات
بقولك ايه ما تيجي نرخم علي جاسر .
حياه / ازاي يعني ..
وفجاه حسام شاف جاسر نازل فعلي صوته علي حياه
حسام / قولتلك غوري اعملي اكل..انت هنا مجرد خدامة مش اكتر ..يلا غوري من وشي .. زغمزلها .
جاسر بعصبية جري علي حياه و مسك أيديها / حسام انت اتجننت ولا ايه !!!😳..مين دي اللي خدامة ..مرآة جاسر الفيومي خدامة لا دي ضربت منك علي الاخر
تعالي معايا يا حياه انت مش هتقعدي هنا تاني .
حسام ضحك / استني طيب .أنا كنت برخم عليك يعني كنت عايز اتسلي شوية ..وعلفكرة هي عارفة اني بهزر اصلا.صح.
حياه ابتسمت / أيوة .
جاسر بعصبية/ أيوة في عينيك .انت رايحة بتتفقي معاه ضد جوزك وبعدين قاعدة معاه ليه لوحدكم .. وأزاي اصلا تخرجي من الأوضة منغير اذني يا هانم .
حسام / اوبا هي وصلت لكدة .. طب يا اخي قولها الكلام ده من ورايا مش قدامي كدة ..غبي اوي
أنا طالع الجنينة ..وانت خف شوية علي البت .
وفعلا خرج حسان برااااا ..
جاسر / كنتوا بتتكلموا مع بعض في ايه يا بت انتي .
حياه / مالكش صالح بيا ..وبعد يدك دي عني
جاسر بعصبية / متخليش امد ايدي عليكي .انطقي كان بيقولك ايه وانا مش موجود
حياه /.هيجولي ايه يعني .كان بيجولي انك زين و طيب
هااا خلاص ..سيب يدي بجااا اروح اعملك تاكل ..اوعي
وفعلا حياه راحت المطبخ تساعد الدادة في الاكل
____________________________________________
حسن في اوضته حزين و مخنوق اوي فاجأه لقه باب الأوضة بيتفتح عليه و دخل مراد ..
حسن بعصبية/ انت كنت فين .أنا بقالي كتير برن عليك قلقتني يا اخي حرام عليك .
مراد بستغراب/ في أي يا حسن ..من أمتي وانت قلبك ضعيف كدة .
حسن / شوفت اسد كان عامل ازاي .. أنا أول مرة اشوفه في حياتي كلها ضعيف كدة .
.شوفت حسام اللي كنت شايفه مظلوم كسره ازاي ..أنا عايز حسام من تحت الارض يا مراد ..أنا لازم اشوفه .
مراد / هيحصل يا حسن ..بس لو سمحت اهدي شوية
و علفكرة بقي أنا قررت قرار و مش هرجع فيه ابدا .
حسن/ قرار اي ده اللي انت اخدته ده .
مراد/ بعدين يا حسن تعاالي اقعد علشان افهمك اي اللي حصل بالضبط .لاني عرفت مكان حسام خلاص
_______________________________________
اسد صحي من النوم و لله حور نايمة جمبه ..
اسد بتعب / حور ..قومي ..يا بنتي انت مكتفاني ليه كدة
حور فاقت / اسد انت فوقت اخيرا .ده أنا كنت هموت من الخوف عليك يا حبيبي .
و حضنته جامد و اسد بعدها عنه بعدم فهم .
اسد / خوفتك عليا ..ليه هو ايه اللي حصل بس
حور / اسد انت نسيت انت عملت ايه امبارح
انت فضلت تصرخ طول الليل باسم واحد .حسام و نيرة
هما مين دول يا اسد و عايزين يموتوك ليه
اسد بعصبية / بس اخرسي شوية بقي . وبعدين انت مالك هو انت هتصحبيني .انت مالكيش دعوة بيا خالص
سامعة .انت مجرد خدامة هناااا و بس
حور اتعصبت اوي و اتفاجات / لا بقي أنا مش خدامة هنا
أنا مراتك ولو كنت ناسي أنا هفكرك .أنا مش ذنبي ان كل ما حد يضايقك نتطلع عصبيتك فيا أنا ..أنا مالي انك ضعيف اوي كدة .
اسد ضربها بالقلم جامد / أنا عمري ما كنت ضعيف
و انت مش مراتي اصلاااااااا
حور 😳😳😳😳
______________________________________
في الصعيد عند علي ..
علي / أيوة يا عيشة احنا لازم نهرب من اهنااااا ..اسمعي كلامي .امي مصممة تجوزك عوض زي ما جوزت حياه
عيشة بعياط / أيوة يا علي بس عمتي ممكن تجتلنااا
لو هربنا زي حور .. ..
نعمة بضحك / طب والله طلعتي بتفهمي يا بت اخوووي ..
عيشة و علي 😳😳
استوب التفاعل وحش اوي وانا حقيقة زعلت 😭
أنا عايزة تفاعل جامد و كومنتات علشان اتاكد بجد أن القصة حلوة و عجباااكووووو
#عشقت_حورية
13
في الفيلا عند حسام ..
حسام بعصبية / يووه ما تردي بقي يا رقية . ايه التوتر اللي الواحد فيه ده .هو انا ناقص يعني .
جاسر /مالك يا أبني متعصب اوي ليه كدة . هو أنت بتكلم حد ولا ايه .
حسام / اه بكلم رقية بس مش بترد عليا وانا فعلا بدأت اقلق تفتكر يكون حد عرف انها معايا .
جاسر / يا نهار مش فايت لو اتعرف هتبقي مصيبة .
حسام / أنا مش قادر استني .أنا هروح البيت اطمن عليها .
وفعلا نزل حسام راح الشقة بتاعة رقية بس ملقاش حد فيها فبدا يتأكد أن اسد عرف انها شغاله معاه .
__________________________________________
في اوضة اسد و حور .
حور بدموع / ما ترد عليا يا اسد ..يعني ايه أنا مش مراتك .
اسد اتوتر اوي / انت بتعيطي ليه . أنا قصدي .
وفجاه الباب اتفتح ودخل مراد ..
مراد / احم .معلش أنا قولت لازم ادخل لأن في خناقة جامدة هنا .وكمان يوسف تحت مستنيك يا اسد .
اسد / اصبر أنا جاي معاك ..
حور / انت رايح فين لسه مخلصناش كلمناا .
اسد / بعدين يا جميلة ...بعدين .
وفعلا اسد نزل مع مراد و ساب حور في الاوضة مصدومة من كلمته و مش فاهمة معناها ...
_____________________________________
في الجنينة ....
اسد بفرحة / اخيرا يوسف المنشاوي🤔 بنفسه في فيلتي
لا ده النهاردة عيد وانا معرفشي بقي .
يوسف ضحك / ازيك يا اسد. بصراحة أنا كنت جاي اتخانق معاك.. أنا من امبارح يا ابني مش عارف اوصلك علفكرة
بس مراد قالي انك كنت تعبان شوية . الف سلامة عليك.
اسد بحزن / الله يسلمك بس انا كويس ما فيش حاجة
طمني انت بس اخبار علي و امير ايه و فهد كمان والله كلهم بجد وحشوني. .
يوسف / لا والنبي وانت اللي بتسال اوي .عموما كلهم كويسين .أنا جيت علشان اجيبلك الورق اللي طلبته مني
..علفكرة البنت اللي اديتني صورتها اسمها حور عبدالقادر
و كل المعلومات هتلاقيها مكتوبة .
اسد بفرحة / أنا بجد مش عارف اشكرك ازاي يا يوسف .بس انت كنت واثق أن مافيش حد هيعرف يوصل لكل المعلومات دي غير يوسف المنشاوي..
يوسف ضحك / طيب يا سيدي .ياريت ندخل في المفيد علطول .. حسام كلمني وطلب مني ادورله عن موظفة شغالة عندك و علفكرة شاكك انك انت اللي خطفتها .
اسد / موظفة عندي اناااا ..مين دي يا يوسف .
يوسف / اسمها رقية تقريبا .. هو انت تعرف مكانها يا اسد فعلا .. الموضوع ممكن يقلب قضية خطف .
اسد / لا خالص والله .وبعدين هو حسام ليه علاقة برقية السكرتيرة بتاعتي انااا .
يوسف / يظهر كدة... عموما أنا لازم امشي يا اسد .أنا ورايا شغل كتير. و النهاردة في خروجة للعيال و دي بقي لو اتاخرت عليها الأستاذة دنيا هتولع فيا .
اسد بضحك / معاذ و دنيا بجد زي القمر ربنا يحميهم لك يا جو و تفرح بيهم هما و النونو الجديد ...هي نور هتولد أمتي صحيح
يوسف / نور هتولد بعد شهرين ادعيلي احسن أنا قربت اتجنن والله
وكمان نفسي الاقي عريس لدنيا لاني خلاص اطمنت علي معاذ مسيطر علي بنت فهد سيطرة مش طبيعية بجد ..و كارما مستسلمة تماما .
اسد / ههههه والنبي سلم عليهم اوي و علي نور كمان .
يوسف / تمام. يلا سلااام ..
و فعلا مشي يوسف و اسد قرر يطلع لحسن ومراد علشان يفهم موضوع رقية ..
النهاردة كان فيه ضييييييف .. اللي عارف مين يقوولي 🤣
و حابين يظهر تاني عندنااااااااا 🤎🤎
__________________________بقلم✍️ يوستينا سامي
في الصعيد. في المخزن ..
وفاجاه دخلت نعمة ورجالتها المخزن
نعمة بتريقة / هتخدها فين يا علي ..اي يا عين امك هتهربها من المخزن وهتهرب معاها ..اي فاكرني هسيبك انت وهي عايشين علي وش الدنيا ...
علي بعصبية / انت عايزة مننا ايه ..ماتسيبينا نغور من هنا ..ابوس ايديك ياما سيبينا نمشي من اهنا وانا اوعدك أننا مش هنعتب البلد دي مرة تانية
اعتبرينا موتنااااا
نعمة ضحكت بستهزاء / اسيبكوا ...ههههه انا اه كنت عارفة انك شبه ابوك في خيبته و فقره بس ابوك عمره ما كان غبي كدة ..
وبصت لعيشة بتحدي / اما انت بجي فانا هعطف عليكي وعلي شكلك اللي بقي شبه المساجين ده من قلة الاكل والشرب .. و هخرجك من المخزن ده بس علشان تستعدي يا عروسة علشان فرحك بكرة علي عوض
عيشة الكلام وقع عليها بانهيار وقربت منها ونزلت علي ركبتها قدامها / لا يا عمتي ابوس ايديك متعمليش فيا كدة .انت عايزة تجوزيني عوض اللي متجوز تلاتة و مخلف عشر عيال ..ابوس ايديك لا ..طب اقولك انا هبعد عن علي والله هبعد عنه ومش. هيبقي ليا صالح بيه .. وهعيش خدامة عندك ..بس بلااش تبعيني لعوض يا عمتي ..
نعمة بتريقة وهي بتزقها بعيد عنها / أبيعك اي يا بت ..ده انا بستر عليكي ولا انت فاكرة أن في حد غير عوض هيبصلك
وبصت للرجال. / يلا خودوها علي اوضتها واقفلوا عليها كويس وهاتولي المفتاح
علي بحدة / علي جثتي لو حد قرب نواحيها سامعين ولا لاء .. خليهم يبعدوا عنها يا نعمة ..
نعمة بصدمة / نعمة ..انت اتجننت يا واد انت ولا ايه
علي بوجع وصدمة منها ومن تصرفاتها / من الليلة دي انا ماليش أم انا امي ماتت..ولو صممتي علي اللي انت عايزاه ده ..والله العظيم هتبقي انت عدوتي وساعتها مش هتردد ثانية اني اخد حقي منك
نعمة بعصبية و حدة / ماشي يا علي ..هاتوهاااا
واحبسوها في الاوضة أما هووو فاحبسوووه هنا في المخزن ده ..واوعي حد يدخله بووق مائة واحد
وفعلا اخدوا عيشة منه وهو كان بيحاول يضربهم بس مقدرشي عليهم وفعلا اخدوا عيشة و حبسووه علي في المخزن .
________________________________________
..
عبدالرحيم بيتكلم في تليفون / أيوة يا حاجة ..احنا عرفناااااه خلاص بس لسه هنسال عن الفيلا بتاعة. اسد العقاااد و هنروحلهم علطول .
نعمة / يعني هربت مع واحد بجد .. احكيلي عرفت ازاي
عبدالرحيم / هجولك يا حاجة ....
فلاش باك ..
عبدالرحيم دخل عند الاوضة بتاعة الشؤون ومعاه الممرضة.
عبدالرحيم / انا عايز اعرف حور روحت مع مين .ومين الراجل اللي اتجوزها ده
الممرضة بخوف / يقصد البنت اللى جات ودماغها مفتوحة و مشيت مع جوزها اللي أسمه اسد تقريبا
الراجل اللي معاه البيانات / بس انا مش هقدر اطلع اي بيانات لاي حد يا فندم .ده ممنوع
عبدالرحيم بدمون مقدمات وجه المسدس علي رأسه / لو مقلتليش عنوانهم ايه هفرغ المسدس ده كله في راسك ..
الراجل بخوف / حاضر يا باشا ..حاضر
وفعلا طلعلوا كل المعلومات اللي كانت في بطاقة اسد وكمان عنوان الفيلا ..
بااااااااااك..
عبدالرحيم/ ما تخافيش أنا قربت اوي اعرف مكانهم .و هجتل اللي اسمه اسد ده و عشرين من دمه ..
والله اسد ده صعب عليا اوي والله كلوا عايزه يموت 🤔
________________________________________
في اوضة اسد ..
حور جريت عليه اول ما دخل الأوضة .
اسد / في ايه بتجري كدة ليه يا بنتي كنت هتقعي علي فكرة
حور بعصبية / اسد متستهبلشي و قولي الحقيقة
هو. أنا مش مراتك ..رد عليا ماتسبنيش اكلم نفسي
اسد قرب منها و حضنها / طب ممكن تهدي شوية علشان ممكن تتعبي .. جميلة أنا فعلا مش هقدر استغني عنك
سبق و قولتلك انت ملكيش غيري و انا كمان ماليش غيرك
حور / بس ده مش رد علي السؤال يا اسد ..أنا عايزة اعرف أنا مراتك ولا لاء
اسد / اه مراتي ..بس اتجوزنا غصب .أنا مكنتش اعرفك
ولا حتي انت تعرفيني علشان كدة قولت كلمة أن انت مش مراتي .. صدقيني
حور اترمت في حضنه و فضلت تعيط .
حور / اسد أنا تعبانة اوي ..حاسة أن عمري ما هفتكر اي حاجة أنا طول وقت خايفة .
اسد / اوعي تخافي وانا معاكي .اوعي انت مرآة اسد العقاد
فاهمة ولا لاااء .. بقولك اي أنا هدخل اخد شاور و اول ما اخرج نطلع نتغدي برا ..هاااا
حور ببتسامة حزن / ماشي ..
وفعلا اسد دخل الحمام و حور قررت انها توصل الأوضة بتاعته و تشيل هدومه بس لقت في جيب الجاكيت
سلسلة مكتوب عليهاااااا ..😔🤔
تفتكروا ايه ..
#يوستينا_سامي
عشقت حورية 💥🤎
#عشقت_حورية (14)
بقلم ✍️ يوستينا سامي
اسد خرج من الحمام لقه حور واقفة قدامه ..
اسد بضحك / اي يا بنتي مالك واقفة كدة ليه .
حور طلعت السلسلة قدامه و رفعت حاجبها بستفسار
حور / مين حور دي يا اسد وقبل ما تكدب انا لقيت السلسلة دي في بنطلونك ..فاحسنلك تقول الحقيقة .
اسد بصدمة والتوتر زاد علي وشه / في بنطلوني أناا .
حور بعصبية / اه في بنطلونك انت ..وبطل استعباط يا اسد لو سمحتي ..مين حور دي .
اسد بهدوء / طب ممكن تهدي علشان اعرف افهمك السلسلة دي انا كنت جايبها ليكي اول ما اتجوزنا ..كهدية.
حور بستغراب / لا ازاي يعني .انا اسمي جميلة مش حور .. انت بتكدب عليا يا اسد مش كدة .
اسد ابتسم / بس بالنسبة ليا انت حور من الجنة و بس
ولعلمك بقي انا عمري ما قولت الكلام ده لحد .
حور اتصدمت من كلامه ولمست الصدق قلبها وحضنته
حور /. اسد علشان خاطري اوي بتكون بتكدب عليا ..أو تكون بتخوني .
اسد بضحك / اخونك مرة واحدة والله العظيم انت عبيطة
انا اخر واحد ممكن يخون ..
جميلة جريت اترمت في حضنه بحب / انا اسفة يا اسدي .انا شكيت انك بتخوني مع بنت اسمها حور .. بجد حقك عليا .. وانا كمان بحبك اوي اوي .
اسد بمناغشة / خلاص ممكن بقي ناجل اي كلام بكرة الصبح علشان الوقت اتاخر وانا عايز اخدك و افسحك .
حور وهي بتبوسه من خده / موافقة يلا بينا .
اسد بيحاول يتماسك قدامها و بيفكر في عواقب اللي ممكن تحصل لو ضعف قدامها وفعلا حور دخلت الحمام علشان تغير هدومها و اسد قعد يفتكر حوار السلسلة ده ..
فلاش باك
في المستشفي ..كان قاعد مستنيها برا
الممرضة خرجت وفي ايديها السلسلة / اتفضل دي المريضة كانت لبساها يا استاذ
اسد بللمبالاه / سلسلة اي .وقرف ايه هاتي واخدها وحطها في جيبه منغير ما يفكر حتي يبص عليها ..المهم هي تخرج امتي من العمليات
الممرضة بانزعاج من عصبيته / معرفشي يا فندم ..
بااااك
فاق اسد من تفكيره وكلم نفسه ../ بجد غبي حتي مفكرتش ابص في السلسلة .. اكيد اسمها نفس الاسم المحفور علي السلسلة .. ايوة اسمها حور انا لازم اقعد اقري الملف اللي جابوا يوسف ضروري .
بس فاجاه الباب خبط و دخل حسن ..
حسن بضحك / صباح الفل يا كبير ..الخدامة قالتلي انك عايزني انت تامر بس وانا انفذ .
اسد/ يسلام وده من امتي بقي الحب ده .. عموما يوسف قالي ان رقية مخطوفة ..حد فيكم ليه يد في الموضوع ده .
حسن اتوتر اوي / احم .لا طبعا انا معرفشي اي حاجة
بس قولي يوسف المنشاوي كان عايزك في ايه .
اسد بحدة / مافيش يا حسن ..واتفضل بقي مع السلامة ..انا كنت بس عايز اتاكد ان محدش ليه دعوة بخطف البت دي .
حسن باحراج / مايبقاش قلب اسود يا اسد مراد مش قادر ينسي اللي حصل زمان ..انت لازم تعذره وبعدين انت اللي ضربته بالقلم قدام الموظفين .وانا كان لازم اعمل كدة واقول الكلام اللي انت سمعته ..انت لازم تعذرني
اسد قاطعه في الكلام بعصبية / انا مش هعذر حد يا حسن علشان مافيش حد فيكم عذرني في اللي انا عملته ..ولوسمحتي اقفل علي الموضوع ده سامع ولا لاااء
حسن /.انا اسف يا اسد .انا عارف ان مش وقته عموما انا قايم رايح الشركة ...
وفعلا خرج وساب اسد لوحده
اسد بقلة حيلة وحزن بدأ يكلم نفسه / انا مكنتش السبب في اي حاجة حصلت ..انا مكنش قصدي اصلا اضرب عليه نار .هو اللي كان عايز يموتني
اففففففف بقي ربنا يسامحك يا حسن بجد ربنا يسامحك ليه بتفكري باكتر حاجة بتوجعني تاني ..
قام اسد و غير هدومه و قال لحور انه رايح مشوار عقبال ما تجهز و مش هيتاخر ..
_________________________________________
جاسر قاعد في الاوضة بتاعته مضايق اوي و عمال يفكر في طريقة علشان يقدر يفض بيها الخناقات غير قتل اسد ..
حياه بحدة / وووه انت مشربتش القهوة .دي زمانها بجت ساجعة زيك يا اخينااا .
جاسر / اللهم طولك يا روح .. ابعدي عني يا حياه انا علي اخري اصلا ..
حياه / يسلام . علي اخرك ليه بجي . وبعدين دي اوضتي زيك بالضبط ولا يمكن نسيت يا ابن الفيومي .
جاسر / افففف بقولك اي .انا مش طايقك اصلا فغوري برا الاوضة دي احسنلك بدل ما والله اطلع كل خنقتي دي فيكي.
حياه/ طب خلاص مش هتكلم واصل بس جولي الاول
هو مين اسد دي .. وليه حسام بيكره اكده .
جاسر بوجع/ اسد .. ده يبقي اقرب واحد لحسام او بمعني اصح كان اقرب واحد لحسام قبل ما يغدر علينا و يكسرنا
حياه / طلاما حسام بيكره اوي اكده ليه لسه محتفظ بصوره
اصل انا شوفته بيتفرج علي صور بس ملحقتش اشوف شكله
جاسر / علشان صعب يا حياه تنسي من عمرك عشرين سنة
ويمكن اكتر كمان ..
حياه / هو انت معاك صورته يا جاسر ..اصل عايزة اشوفه
اوي
فعلا جاسر طلع البوم كبير من الدرج و فتح الالبوم و كان كلوا صور ليهم بس المشكلة ان حياه لما شافت صورة اسد صوتت بذعر ....
جاسر بخضة / مالك يا حياه في ايه ..😳😳
________________________________________
في عربية اسد مسك تليفونه وكلم حور
اسد بتعب / الو يا جميلة ..جهزتي انا خلاص اهو قربت من الفيلا
حور / والله بجهز اهو يا اسد. طب بذمتك في حد يتاخر كدة ..اومال لو مكنتشي اول خروجة بينا
اسد ضحك بتعب / معلشي والله بس انا كان ورايا مشوار مهم بجد يا جميلة ..
حور بحب / حاضر والله ..بس علفكرة بقي انا هبهرك نور ادتني هدوم من عندها وبجد يارب تعجبك عليا
اسد ببتسامة / انت اي حاجة حلوة عليكي ..يلا اقفلي انا داخل علي الفيلا اول ما اوصل هكلمك يا حبيبتي
وفعلا اسد وصل قدام الفيلا و رن علي حور علشان تنزل. ...
وفي نفس الوقت ده كان عبدالرحيم ورجالته وصلوا قدام الفيلا بتاعة اسد ..
تفتكروا ايه ممكن يحصل ..تفتكروا عبدالرحيم هيقدر ياخد حور من اسد ولا اسد هيقدر يحميها
استووووب ..التفاعل وحش اووي و انا بجد احبط اووي
وعلفكرة زعلانة اوي 😭🤎😂
#عشقت_حورية
15
وفعلا اسد وصل قدام الفيلا و رن علي حور علشان تنزل. ...
وفي نفس الوقت ده كان عبدالرحيم ورجالته وصلوا قدام الفيلا بتاعة اسد ..
حور خرجت من الفيلا و كانت لابسة فستان عريان اوي و كان شكلها حلو جدا وركبت عربية اسد
وفي نفس الوقت اللي كان عبدالرحيم ورجالته بيسالوا أن دي الفيلا ولا لاء ومحدش اخد باله منها وخصوصا أن شكلها متغير تماما
_________________________________________
في العربية ..حور ركبت العربية بتاعة اسد
حور / اي يا حبيبي اتاخرت عليك ولا ايه .. هو انت وصلت من بدري. .مالك يا اسد وشك محمر كدة ليه .
اسد بصلها بصدمة / ايه اللي انت مهبباه في شكلك ده يا جميلة. انت ازاي تنزلي كدة اصلا من اوضتك . انت عبيطة ولا ايه .
حور اتكلمت بخوف / في ايه يا اسد . ده الفستان اللي نور ادتهولي علشان البسه وقالتلي أنه هيعجبك
اوي علشان كدة لبسته ..هو وحش عليا ولا ايه .
اسد مسك ايديها بعصبية / يمكن قصدها تلبسيهولي في اوضة النوم مش تنزلي بيه الشارع كدة يا هانم ..انت اكيد جرا في دماغك حاجة .. ده انت يومك اسوود النهاردة .
حور فضلت تعيط جامد / والله انا مش معايا هدوم اصلا يا اسد ودي هدوم نوور أنا ماليش ذنب في اي حاجة ..هي اللي اختارته ليا وقالتلي اني اعمل زي البنات اللي انت تعرفهم علشان محدش يخطفك مني .
اسد كان بيسمعها و متغاظ اوي من شكلها
اسد / وانا بقي متجوز واحدة غبية .معندهاش مخ اي حد يقولها حاجة تنفذها منغير ما تفكر حتي .
وقرب منها و مسك وشها بعصبية وغيظ / امسحي المكياج المقرف ده و هنروح دلوقتي نتنيل نجيب هدوم بس لما نرجع والله يا جميلة ليكون عقابك عسير .انت و المتخلفة اللي كل هدومها عريانة اللي اسمها نور دي .
واتحرك بالعربية لأقرب محل ملابس ..
________________________________________
عبدالرحيم ورجالته في العربية
عبدالرحيم بيقول الراجل اللي سايق / اجف اهنا نسال حد من الرجالة اللي واقفة علي باب الفيلا دي ...
وفعلا نزل عبدالرحيم ومعاه الرجالة وسأله الأمن وقالولوه اه اسد العقاد ساكن في الفيلا مع جده ..
عبدالرحيم ضرب بتوع الأمن / يلا يا رجالة كتفوولي الناس دي . عجبال ما ادخل الفيلا اشوف اللي اسمه اسد ده فينه
وفعلا دخل عبدالرحيم و باقي الرجالة ومعاهم سلاحهم
عزيز اول ماشافهم دخلوا الفيلا قام وقف بسرعة / انتوا مين وبتعملوا ايه هنا . وازاي اصلا تدخلوا هنااا .
عبدالرحيم / اهدي علي نفسك يا حج .احنا لينا عندك أمانة هنخدها ونمشي بس مش هنخدها لوحدها .
عزيز بعصبية و زعيق / انت بتتكلم بالالغاز ولا ايه
انت شكلك مش عارف انت في فيلا مين . وانا ممكن اعمل معاك ايه .. انا بتليفون واحد مني اوديك ورااا الشمس.
عبدالرحيم بدأ يقلق من كلام عزيز بس خبي خوفه واتكلم بعصبية / وانا مبخافشي انا جاي اخد حور وامشي من هنا علطووول ..
عليا بحدة / حور مين يا جدع انت ..انت غلطت في العنوان ..احنا مافيش واحدة عندنا اسمها حور اصلا .
عزيز / اسكتي انت يا عليا وخدي نور واطلعي فوووق .
نور / لا طبعا يا جدي انا مستحيل اطلع واسيبك ابدا لوحدك مع البلطجية دوووول ..احنا لازم نبلغ البوليس حالا .
عبدالرحيم / ومالو يا اموورة اطلبي البوليس علشان المسدس ده يفجر دماغك ..وبعدين اتكلمي معايا زين احسنلك .
عزيز بعصبية وهو بيقف قدامه / اتكلم علي قدك يا ابني انت .. وانتوا محدش فيكوا يتكلم واطلعوا فووق حالا .
وفعلا عليا شدت نور في ايديها وجاية تطلع بس عبدالرحيم ضرب ناااار في الهواء
عبدالرحيم / محدش هيتحرك من اهنا غير لما الاقي حور واللي اسمه اسد ده .
نور بخوف / اي دخل اسد في الموضوع يا استاذ انت .
عبدالرحيم / ما هو اللي خطف خطيبتي حور واخدها معاه مصر .. وقال في المستشفي انها مراته .. والله لو طلعت مراته والله لاقتلهم هما الاتنين .
عزيز بصدمة / انت بتقول ايه يا جدع انت ..اسد عمره ما يعمل كدة ويخطف واحدة من أهلها وبعدين اسد متجوز جميلة مش حور اصلا . .انت شكلك مجنووون أو جيت عنوان غلط .
عبدالرحيم / اللهم طولك ياروح . وانا هكدب ليه يا جدع انت بس ..طيب انا هوريك صورتها هتلاقي أن جميلة اللي بتقول عليها دي هي حوور خطيبتي الي هربت مع المحرووس .
وطلع فعلا صورتها و عزيز شافهاا وظهر علي وشه ملامح الصدمة ..
عزيز / معقول اسد يعمل كدة من ورايا ..انا مش مصدق.
نور / لا يا جدي ماتصدتقشي دي تلاقيها هي اللي رمت نفسها عليه علشان وراها بس مصيبة وهو حب يستر عليها مش اكتر .. ما انا عارف ان اسد طيب و بيحب يعمل خير مع ناس شحاتة زي دي .
عبدالرحيم وجه مسدسه في وشها بعصبية / انت غلطي كتير ..والمرة دي انا مش هفوتلك .. اتشهدي يا حلوة
_____________________بقلم ✍️ يوستينا سامي
اسد في العربية ..
اسد بعصبية / يلا ادينا وصلنا لمحل لبس .. امشي قدامي انت لسه هتبصيلي كتير.
فعلا حور نزلت من العربية و كانت دموعها علي وشها ودخلوا المحل ..
اسد بيتكلم بحدة مع البياعة / انا عايز هدوم واسعة. طويلة للمدام ..وياريت بسرعة مش عايز تأخير
وبص لحور بعصبية / وانت روحي معاها و غيري القرف ده باي هدوم محترمة .. امشي يلاااا
حور دخلت الغرفة اللي هتقيس فيها و البنت البياعة جابتلها الهدوم و حور اخدتها منها ولبستها ..
البياعة لحظت دموعها وحزنها حطت ايديها علي كتفها بزعل / يا مدام انت كويسة .. هو الانسان الهمجي اللي برا ده تعرفيه ولا خاطفك ولا ايه .
حور بدموع / لا للاسف ده جوزي ..بس هو عصبي شوية معلش علي طريقته معاكي .
البياعة / الصراحة الله يكون في عونك ده بني ادم لايطااق حقيقي .. نصيحة مني بجد تطلقي منه .
حور اضايقت اوي من كلامها علي اسد فبصتلها بحدة
حور / انت بتتكلمي عنه كدة ليه ..اوعي تغلطي فيه تاني ..انت متعرفيهوش اصلا واتفضلي بقي جيبيلي باقي الهدوم
البنت استغرب اوي / طيب حاضر. . انا اصلا غلطانة اني بدخل انا مش فاهمة بتدافعي عنه ليه ده مبهدلك .
وفعلا البنت جابت لحور كل الهدوم اللي هي عايزاها وحور خرجت لاسد اللي كان واقف علي ناره وكانت لابسة فستان محترم وطويل
اسد بملل / اخيرا خلصتي ..اي كنتي بتشتري المحل كله ولا ايه ... يلا بينا .
وفعلا اسد راح حاسب علي الهدوم واخد حور وركبوا العربية ..
__________________________________________
في الفيلا عند عزيز و عبدالرحيم ..
عزيز / نزل مسدسك ده واوعي تنسي نفسك ..
نور كلمي اسد حالا وقوليله يجي هو ومراته ويصرف نفسه مع عيليتها .
عبدالرحيم / لا متقولشي مراته هي مش مراته يا عم انت .
عزيز / لحد ما حفيدي يقرر أنها مش مراته ..هتفضل علي اسمه و عمرها ما هترجع معاك ابدا .
وفجاه دخل حسن ومعاه رجالة كتير ومسكوا رجالة عبدالرحيم ...
حسن وجه مسدسه علي عبدالرحيم / اقعد علي الارض بسرعة قبل ما اتهور عليك وهقتلك عادي ...
وفعلا عبدالرحيم قعد علي الارض/ احنا فينا من غدر يا عزيز باشا ولا ايه ..
عزيز / علشان دخلت بقلة ادب ..يبقي هتتعامل بقلة ادب. .. اقعد بقي كدة وفهمني الحكاية بالتفصيل ..
من طقطق لسلامو عليكوا و فعلا عبدالرحيم حكي كل حاجة
حسن بعد ما سمع كل حكاية من عبدالرحيم اتسحب و فضل يرن علي اسد بس مكنش بيرد فكلم مراد وقاله كل حاجة..
________________________________________
في العربية..
و موبيل اسد كان عمال يرن .. اسد مسك تليفونه بعصبية / الوووو يا مراد عايز اي دلوقتي ..عمال ترن من الصبح ..ايه
مراد / انت عيل غبي ولا ايه .. بقولك ايه اوعي تروح الفيلا حسن قالي أن فيه ناس هجموا عليها من الصعيد و بيدورا عليك وعلي بنت اسمها حور وتقريبا كدة حور دي جميلة مراتك .
اسد بصدمة و خوف / يا نهار اسود طب في حد في الفيلا حصله حاجة يا مراد.. طمني عليهم .
مراد / لا حسن شاف اللي حصل في الفيلا عن طريق الكاميرات وراح هناك ومسكهم ..بس المهم انت ماتروحشي دلوقتي هناك خالص .. ونصيحة مني
حاول تستخبي في اي داهية لأن حسام بيدور عليك وعايز يقتلك .
اسد قفل التليفون في وش مراد وكان مصدووم ومش عارف يعمل ايه وحط أيده علي وشه بتعب
حور قربت منه وحطت ايديها علي كتفه بخوف / انت كويس يا اسد ..مالك تعبان ولا ايه .
اسد / في مصايب كتير اوي .. احنا مش هينفع نرجع الفيلا تاني .. احنا هنروح. مكان تاني موقت يومين تلاتة كدة لحد الدنيا ما تتظبط
حور / مش هنرجع الفيلا ليه بس يا اسد .هو حصل ايه لكل ده
اسد / مش وقته يا جميلة .. بعدين هفهمك يلا بينا ..
احنا لازم نتحرك دلوقتي
وفعلا اسد اتحرك بالعربية في اتجاه شقته اللي محدش يعرف مكانها غير حسن بس
___________________________________________
في اوضة حياه و جاسر.
حياه كانت بتصوت اول ماشافت صورة اسد .
جاسر خاف عليها اوي و اخدها في حضنه ولقاها عمالة تترعش بس مكنشي فاهم مالها / اي يا حياه مالك بس .اهدي يا حبيبتي.. اهدي هو انت تعرفي اسد
حياه بصوت متقطع / ايوة اعرفه يا جاسر ..هووده اللي جتل عمي ..ابو حور .. بعد ايديك عني .. بعد
دم عمي في ايديكم ..حسبي الله ونعم الوكيل فيكم .
____________________________________________
في بيت اسد
اسد / يلا يا جميلة تعالي ..ادخلي باذن الله الشقة هتعجبك اوي بجد .
بس فااااااجاه سمعه صوت ..
واحد قاعد علي الكرسي في الشقة / الصراحة الشقة هتعجبك اوي اوي .. اسد طول عمره اختياراته تجنن ..لا وحتي عفشها متين اوي .
اسد بصدمة / انت ...
يا ترا مين ده ودخل الشقة ازاي ..
اللي عاوز تكملة الروايه حالا يعمل متابعه من هنااااااا
تكملة الروايه من هنااااااااااا
تعليقات
إرسال تعليق