 |
🎶 االبااارات 11🌞
🎶 رواية #احببت_بنت_الد_اعدائي✨
🎶🎶🎶🎶🎶🎶🎶🎶🎶🎶
اتجهه ادهم للمقر ودخل مكتب اللواء
ادهم:كل الي قولت عليه حصل يا باشا
اللواء سامح:حلو جدا انا بعت فرقه تف"جر المصنع ونخلص منه ونتجه للقصر بتاع الساحل
ادهم:تمام ماشي انا قلبي مش مطمن مش عارف ليه حاسس ف حركه غد"ر هتحصل
اللواء سامح:وانا كمان حاسس بكده بس نحاول نخلي عنينا مفتحه اول ب اول
ادهم:ان شاء الله يا باشا
خرج ادهم من المكتب وذهب لمكتبه
ادهم لنفسه : انا ليه حاسس ان في حاجه هتحصل يارب الاحساس دة تعبني يارب يكون احساس عادي
وجد ادهم هاتفه يرن ونظر للهاتف وابتسم واجاب
ادهم:ايه يا قلبي لحقت اوحشك
شهد بكسوف:ادهم بس بقا انا اتصلت استأذن منك اروح مع رانيا نجيب فستان الخطوبه
ادهم:ماشي يا قلبي روحي ... بقولك يا شهد افتحي الدولاب بتاعي هتلاقي خزنه افتحيها
شهد:حاضر ثانيه
فتحت شهد الدولاب ووجدت الخزنه
شهد:ادهم دي بكلمه سر
ادهم:عارف اكتبي تاريخ جوازنا
شهد اتصدمت واتكسفت: احم هو انت عاملها بتاريخ جوازنا
ادهم:ايوة ملقتش تاريخ مميز علي قلبي غير ده واليوم ده علشان دخلت احسن وانقي بنت حياتي ازاي ميكونش مميز
شهد بكسوف:كل يوم بتخليني احبك اكتر
ادهم:وانا مش عارف اوصفلك حبي ازاي يلا افتحي
شهد:حاضر
فتحت شهد الخزنه ووجدت ورق كتير وفلوس
شهد:ادهم فيها ورق وفلوس
ادهم:ااه ما انا عارف هتلاقي كريد كارد لونو اسود خديه
والباسورد اربع خمسات وهاتي لبس وكل الي انتي عايزاه
شهد بإحراج:لاء مش عايزة حاجه مش هشتري حاجه انا هروح مع رانيا بس
ادهم بيمثل الحزن:للدرجادي مش عايزة مني حاجه كدة مش معتبراني جوزك خلاص ماشي يا شهد
شهد بسرعه وبدموع:والنبي ما تزعل مني والنبي خلاص اخدتها اهو
ادهم بفرح:طب ماتعيطيش خلاص مش زعلان بس توعديني انك تشتري كل حاجه نقصاكي
شهد بإحراج:مش عايزة ابقي تقيله عليك
ادهم بعتاب:اخص عليكي يا شهد انتي تقيله عليا انتي مراتي وملزومه مني لحد ما امو"ت
شهد بتسرع:بعد الشر عليك
ادهم بابتسامه:يلا يا حبيبتي روحي اشتري كل الي نفسك فيه
شهد:تمام ماشي سلام
ادهم:سلام
(ملحووووووظه : ادهم وشهد متجوووزين قولا وفعلاا من ما اعترفوا لبعض بحبهم اشطاا ✨🎶)
لف ادهم وشه ولقي اسلام باصص ليه بطريقه مضحكه
اسلام:متقولش ان المسلسل الهندي ده خلص ... ده انا اندمجت
ادهم:مسلسل ايه!؟
اسلام بخبث:بتاعك انت وشهد
ادهم بتساؤل:انت هنا من امتي؟
اسلام بخبث:من اول الو يا بيبي
ادهم:ااه يا زبا"له بتتجسس عليا
اسلام بضحك:ده انت طلعت رومانسي اهو وبيقلد ادهم يا حبيبتي انتي ملزمه مني لحد ما امو"ت وبيقلد صوت شهد بعد الشر عليك وانفجر ضحك 😂😂
ادهم بضحك علي صاحبه: يخربيتك انت سمعت كمان هي قالت ايه
اسلام:لاء بس استنتجت هي قالت ايه واكيد قالت كده
ادهم:اوحش حاجه فيك من ساعه ما دخلت عمليات خاصه وانت بقيت لاماح جامد وبتلمع اوكر كتير 😂
اسلام:انا يا ابني شكرا علي ثقتك فيا
وانفجر الاثنان ف الضحك😂😂
ادهم:طب يا ابني موضوع المصنع حصل ايه فيه
اسلام:عيب عليك يا بج بوص بقي تراب دلوقتي كدة نقدر ننس"ف رأفت من علي الارض
ادهم بقلق:مش عارف حاسس بحاجه غريبه هتحصل هتبوظ كل حاجه مش مرتاح
اسلام حس بقلق صاحبه:متخافش يا ادهم كل هيمشي بالظبط بإذن الله
🎶✨🎶✨🎶✨🎶✨🎶✨🎶✨🎶✨
🌞عند شهد ورانيا🌞
شهد بتعب:الله يحر"قك يا رانيا رجلي هتمو"تني والله ما قادرة دة انا اشتريت كل حاجه وانتي لسه بدوري علي الفستان ااه يا اني يمااا🤷
رانيا بضحك:انتي الي مكس"حه خليكي نشيطه كدة جتك خيبه هقول لادهم ايه يعيني عليك يا ابيه متجوز واحدة انثه البطريق 🤷😂
شهد:انا انثي البطريق ... يا انثي البقرة انتي
رانيا:بس بقا عشان بتكثف الصراحه
شهد بضحك:بتتكثفي طب يلا يا اختي لما نشوف اخرتها معاكي ايه
رانيا بحب:اخرتها مع اسلام حبيب قلبي طبعا
شهد:اوعي القلوب بتطلع من عنيكي
رانيا:طبعا ده اسلام
شهد:طب يلا يا بتاعه اسلام
وضحكوا وذهبو يكملوا تسويق
✨🎶✨🎶✨🎶✨🎶✨🎶✨🎶✨🎶
🌞عند ادهم ف المقر ف مكتب اللواء🌞
ادهم:طب الشحنه قولت انها اخر الشهر جايه طب هما ليه راحو من دلوقتي
اللواء سامح:عشان عايزين يضحكوا علينا ان معاد التسليم الاسبوع ده لكن احنا هنعمل نفسنا معرفناش حاجه ونقبض عليهم ف الوقت ده
ادهم:بس يا باش..
قطع كلام ادهم تلفيونه بيرن
ادهم باستغراب:رانيا بترن ليه
اسلام بقلق:طب شوف
ادهم:الو يا رانيا
رانيا ببكاء شديد:ابيه ادهم....
ادهم بفزع: بتقولي ايه
اسلام بخوف: في ايه يا ادهم
ادهم بعدم وعي:شهد اتخطفت
اسلام بصراخ:بتقول ايه
ادهم بصراخ جامد:شهد يا اسلام شهد اتخطفت يا اسلام
اسلام بيحاول يهدي صاحبه:اهدي هنلاقيها
ادهم:هنلاقيها فين فين بصراخ .... ابوها اكيد خطفها انا قلبي كان مش مرتاح ليه
اللواء سامح:اهدي يا ادهم عشان نعرف نفكر
ادهم بصراخ: افكر ايه مراتي مخطوفه والله اعلم هي فين وبيعملوا فيها ايه اهدي ازاي
اللواء سامح:اهدي هنلاقيها الجاس"وس بتاعهم معانا هنحاول نعرف منو
ادهم قام من مكانه : انا الي هعرف منو انا مش هنام النهارده الا لما اعرف مكانها
اسلام:معلش يا سيادة اللوا انت عارف ادهم سيبو ينزلوا وانا نازل معاه
اللوا سامح:ماشي يا اسلام خلي بالك منو الصدمه وحشه عليه
اسلام هز راسه وجري ورا ادهم
ادهم عند الجاس"وس
ادهم ماسكه من هدومه : انطق خاطفها فين انطق بصراخ
الجاس"وس:والله ما اعرف يا باشا
ادهم فقد كل ذرة ف عقله وطلع المسد"س من جنبه : هتنطق ولا انطقك الشهادة انطق بصراخ
اسلام جري عليه اخد منو المسد"س وامر الظابط ياخد الجاس"وس ويحطوا ف السجن تاني
اسلام مسك ادهم بالعافيه واخدو المكتب بتاعه
اسلام:اهدي عشان نفكر يا ادهم
ادهم جلس علي الكرسي يبكي: مش قادر يا اسلام انا عايز اجيبها زمانها خايفه انا وعدتها اني هحميها من اي أذي يا اسلام
هتتأ"ذي بسببي يا اسلام هتتجن وانا اقولها معايا تنسي كلمه خوف تلاقيها خايفه دلوقتي انا فشلت ف حمايتها فشلت يا اسلام مش قادر حاسس ان قلبي راح مني بعد ما سمعت كلام رانيا
اسلام بدموع لانه برضو بيحب شهد اخته وحضن ادهم
اسلام : اهدي يا ادهم عشان نفكر طيب نجيبها ...طريقتك دي مش هترجعها وانت مفشلتش ولا حاجه هنجيبها ورحمت امي لانجيبها وهو"لع ف رأفت
ادهم:والله لاند"مه علي اليوم الي اتولد فيه بيأذ"يني فيها والمشكله انها نقطه ضعفي ومسكني من ايدي الي بتوجعني بس وربنا لقت"له بإيدي
اسلام:طب اهدي والله هنجيبها وهتنام ف حضنك والله
ادهم لسه هيتكلم تليفونه رن وجده رقم غريب اجاب ادهم علي التليفون
ادهم:الو
الشخص:ادهم باشا
ادهم قام من مكانه بسرعه و ........
يتبع ✨✨ خمنوا هيحصل ايه ؟؟ كومنتات كوتييير بقاا عشاان يوصلكم التقيل واعملوا متابعه من هنااااااا😉😌
البارت 12من هنااااا
مريم جلال ✨🎶
تعليقات
إرسال تعليق