 |
#جحود_اب
#بقلم_ندى_الجندى
#الفصل_الاول
ساره: يا بابا حرام عليك انا عملت ايه ذنبى ايه أن ماما ماتت
الاب(محسن):غورى فى ستين داهيه اللى كانت بتربيكى ماتت انا مش حمل انى اصرف على حد
ساره:طب انا اروح فين دلوقتى عشان خاطرى خلينى وانا من بكره هنزل اشتغل واصرف على نفسى
محسن:لا انا مش ناقص دوشه روحى لخالتك عيسى معاها انا مش ناقص مصاريف وقرف
ساره:خرجت وانا الدموع فى عنيا وحزينه على نفسى صدمتين فى نفس اليوم موت امى وبعدها ابويا يطردنى من البيت ارحمنى يارب برحمتك
شاب : مالك يا جميل ماشى بتكلم نفسك ليه
جريت بسرعه على بيت خالتى
رقيه:شوفوا مين بيخبط على الباب يا ولاد
احمد: دى ساره يا ماما
رقيه بصدمه : ساره ايه اللى منزلك يا حبيبي فى الوقت المتأخر دا
ساره للماء الحقينى يا خالتو بابا طردنى من البيت وبيقولى انا مش حمل مصاريف وروحى اقعدى مع خالتك اهى زى امك😭😭
رقيه: يا نهاره اسود هو اتجنن ولا ايه خشى نامى انتى يا حبيبتى وارتحاحى
دخلت نمت لأن كنت مرهقه جدا شوفت ماما فى الحلم بتقولى متقلقيش يا ساره مهما حصلك انتى قويه وهتقدرى تواجهى مشاكلك وبعد كده اختفت
صحيت على صوت زعيق جامد بره
حسن جوز رقيه: يعنى ايه يعنى بنت اختك تيجى تعيش معانا وأبوها عايش هو انا عارف اصرف عليكوا لما اصرف كمان على بنت اختك وأبوها عايش
رقيه : حرام عليك البت جوه اسمعك
حسن:ما تسمع ولا تغور فى داهيه هو انا ناقص بلاوى😡😠
رقيه : وفيها ايه لما تعيش معانا منا زى امها وبعدين هو اكلها وشربها هو اللى هيكلفنا
حسن:لا يا ختى مش أكل وشرب بس مش دى فى ثانويه عامه منين انا بقى هجبلها مصاريف دروس وقرف
ساره:قاعده فى الأوضه سامعه كل ده بس مش قادره تقوم هتقول ايه ولا هاتروح فين بعد ما ابوها طردها وقولت فى نفسى إذا كان ابويا رمانى هيجى الغريب يصرف عليا
رجعت من سرحانها والباب بيتفتح بعصبيه
حسن:اسمعى يا بت انتى انا مش هصرف عليكى مليم ومش هتقعدى فى بيتى ولو خالتك اعترضطت هتترمى معاكى بره وتعتبر نفسها طالق
خرجت من بيت خالتو بعد ما شوفت دموعها وكأنها بتقولى معلشى انا مش فى ايدى حاجه اعملها سامحيني
خرجت عماله اتمشى فى الشارع مش عارفه اروح فين بس فجأه
ياترى ساره هاتروح فين
حد حابب اكملها؟؟
*جحود اب*
البارت التانى
فجأه لقيت نفسى قدام قبر ماما قعدت أكلمها كأنها سمعانى
شايفه يا ماما انا بعدك حصلى ايه اترميت فى الشارع عمرى ما كنت أتوقع أن بابا يعمل كده صحيح هو كان دايما قاسى لكن عمرى ماتوقعت أنه يوصل بيه الجحود أنه يرمينى فى الشارع😭😭اعمل ايه دلوقتى يا ماما انا خايفه اوى ليه يا ماما مشيتى وسبتينى لوحدى انتى كل حاجه ليا كنتى انتى الضهر والسند والحنان وكل حاجه ليا فى الدنيا اللهم لا اعتراض
محستش بنفسى غير و شاب واقف بيصحينى
مروان-انتى بتعملى ايه هنا فى الوقت دا
ساره -انا كنت بزور ماما ثم انت مالك
مروان-الحق عليا انى خوفت حد يأذيكى انتى عارفه الساعه كام الساعه ٢ومينفعش بنت زيك تعد كده
ساره ببكاء انا مش عارفه اروح فين اللى كانت ليا راحت وسابتنى لوحدى أعانى من غيرها😭😭
مروان حس بشفقه عليها وعلى حالها وصعبت عليه جدا طب انتى اهلك فين
ساره ببكاء مليش حد
مروان خلاص قومى تعالى معايا
ساره بفزع انت مجنون ولا ايه اجى معاك فين هو انت عشان عرفت انى ماليش أهل تقوم تستغل الموقف
مروان كلمه كمان وهاسيبك وامشى اقسم بالله وابقى قابلى بقى هيطلعلك ايه
ساره بخوف خلاص هاجى معاك شكلك محترم
خرجوا بره مروان ركب العربيه وهى لسه واقفه مكانها
مروان خرج مالك يا بنتى واقفه كده ليه اركبى
ساره -هو احنا رايحين فين
مروان-رايحين بيتى صدقينى والله مش هاذيكى انتى زى اختى وانا عارف ربنا
ساره -هو انت عايش مع اختك
مروان-لا اختى متجوزه وعايشه فى كندا
ساره امال عايش مع والدتك
مروان -لا انا والدى ووالدتى متوفين
ساره -بصتله بخوف اكتر وبصت على مظهره وعلى لبسه وعربيته شكله غنى جدا خافت ليكون عايزها يتسلى بيها ويرميها ودا محدش هيقدر يكلمه لانه مالهاش أهل يسألون فيها
ساره-ممكن اطلب منك طلب
مروان اتفضلى
ممكن موبايلاك اعمل مكالمه
اداهولها
مسكت الموبايل وايديها بتترعش واتصلت ابوها
اول ما رد بعدت عنه شويه عشان تعرف تتكلم
اتكلمت ببكاء شديد الو يا بابا
جوز خالتو طردنى من البيت وانا دلوقتي ماليش حد اروحله ارجوك يا بابا هعمل اى حاجه وهاشتغل واجيب فلوس ومش هاروح دروس هذاكر لوحدى فى البيت بس ارجوك عشان خاطر ماما ارجع البيت
الاب بسكر هو انتى يا بت مش بتفهمى قولت لا انا مش طايق خلقتك فى البيت
ليه يا بابا انا عملت ايه
بصراحه كده انا هتجوز وهى مش راضيه أن انتى تعيشى معانا
ونبى يا بابا هبقى خدامه تحت رجليها بس مابتش فى الشارع
فى واحد عايز يساعدني واروح معاه بيته
بس انا خايفه اوى يا بابا ونبى ساعدنى انا برده بنتك وعلى اسمك وانت مترضاليش بحاجه زى كده
سمعت صوت الخط وهو بيتقفل
مروان كل ده كان سامع الحوار وعينه دمعت
ازاى دا اب يعمل فى بنته كده او يرضى عليها حاجه زى كده وهو عايش
ساره اتفضل الموبايل شكرا جدا
طيب اركبى يلا لا شكرا انا هبات مع ماما هنا اتفضل انت
انا مقدرش اسيبك فى المكان دا لوحدك
معلش انا مرتاحه كدا
دخلت تانى الترب وقعدت تبكى بحرقه
هو ركب عربيته مشى كام متر كده
وهى بتعيط سمعت صوت خروشه كدا بره جات تطلع لقت حد بيحط المطواه على رقبتها
نزلت بارت كمان عشان التفاعل الجميل دا
بشكركم كلكم حبايبى💙💙
"جحود اب"
الفصل الثالث
مروان بعد ما مشى شويه يارب طب انا هاسيبها لوحدها ازاى فى الظروف دى لوحدها
لا لاحسن اختى ممكن تتحط فى نفس الموقف انا راجعلها تانى
-عند ساره
شششششش اخرسى يا حلوه مش عايز اسمع صوت
ساره ببكاء ارجوك متأذنيش انا محلتيش حاجه تاخودها
سيد تؤ تؤ تؤ متقوليش كده امال الجمال ده ميلقيش حد يقدره ويجى المقابر متقلقيش انا هقدره
ساره ونبى متأذنيش انا ماليش حد ارجوك
سيد ومالو يا قمر ما انا هبقى ليكى كل حاجه وهاخدك شقتى بدل جو الميتين دا
ساره بتفكير بجد يعنى هتاخدنى شقتك اصل انا مش لاقيه مكان ابات فيه
سيد بضحكه خبيثه ايوه كده فكى وخلى الليله تحلو يلا بينا
اول ما سيد شال المطواه من على رقبتها ومشى جنبها أدتله بالرجل فى بطنه و طلعت تجرى وقفلت الباب من بره عليه بالقفل
سيد وهو بيرزع على الباب كده وحيات امى مانا سايبك
مروان راجع بالعربيه شافها بتجرى قام وقف
ساره جريت لحد ما وصلت له وركبت اطلع بسرعه ارجوك بسرعه بسرعه قبل ما يجى ونبى
مروان جرى بسرعه بالعربيه من غير ما يفهم حاجه لحد ما بعد عن المكان وكل شويه يبص عليها لأقها بتترعش ومش قادره تاخد نفسها
وقف العربيه
مروان انتى كويسه
ساره مش قادره اخد نفسى ااااااه
طب أهدى أهدى متخافيش احنا بعدنا خالص عن المكان أهدى مافيش حاجه وجابلها ميه من العربيه خدى أشربى واطمنى
ساره خدت الازازه منه وشربتها كلها
مروان سابها شويه لحد ما بقت كويسه
انا متشكره ليك اوى انك وقفت انا بجد مش عارفه اشكرك ازاي ربنا يخليك
مروان بابتسامه لا ابدا لا شكر ولا حاجه انا مقدرتش اسيبك ورجعت تانى
ساره بجد مهما اشكرك مش هوفيك حقك انك انقذتنى
مروان ضاحكا مش كان احسنلك تجى من الاول
ساره اكتفت بالصمت
مروان رجع ساق تانى لحد ما وصل فلته
يلا اتفضلى
ساره نزلت وهى منبهره بالمكان ومش مصدقه نفسها
ساره فى نفسها معقوله فى ناس عايشه هنا وحاجات بالجمال دا دى المساحه دى اد الحاره بتاعتنا كلها ربنا يباركله فيه ويزيده كمان وكمان يارب
مروان فتح الباب اتفضلى
ساره حاسه بخوف ومش مطمنه بس للاسف مافيش مكان تانى تروحه ماكنش ليها غير خالتها
مروان حس بترددها ده قام دخل وولع النور ونادى ماكس ماكس تعالى جه كلب جميل جدا جدا من فصيله الهاسكى وهو بيترمى فى حضنه وقاله سلم على ضيفتنا
ماكس رفع أيده وسلم عليها فعلا
ساره ابتسمت وفرحت اوى لما شافته
مروان يلا اتفضلى
دخلت ساره كانت فيلا جميله جدا مكونه من دورين
مروان شاور على اوضه وقالها اتفضلى الأوضه دى بتاعتك ومتقلقيش انا اوضتى فى الدور اللى فوق وادالها مفتاح الاوضه وقالها اتفضلى دا المفتاح عشان تطمنى اكتر
انا متشكره ليك جدا
العفو ولا يهمك
دخلت ساره الأوضه وقفلت الباب بالمفتاح اول ما دخلت اترمت على السرير وازدادت فى البكاء كأن كل طاقتها فى الكتمان خلصت فضلت تعيط كتير جدا
وبعدين شوفت باب كده جوه الأوضه فتحته لقيته حمام اتوضت وخرجت ملقتش طرحه فى المكان فتحت الدولاب وجابت ملايه لفتها على شعرها وصلت بمنتهى الخشوع وفى كل سجده بتدعى ربنا يرحمها ويخلصها من اللى هى فيه ساره وهى قاعده على المصليه بعد ما خلصت صلاه يارب يارب يا حى يا قيوم برحمتك استغيث يارب اصلح لى شأنى يارب يارب انا مش معترضه على قضائك يارب يارب ارحمنى برحمتك يارب يارب يارب حنن قلب بابا عليا يارب ويرضى يرجعنى البيت يارب فوقه من اللى هو فيه اللهم لا تجعل الدنيا اكبر همي واجعل الموت راحه لى من كل شر نامت على المصليه مكانها بعد ما حست براحه
مروان كان واقف وسامع كل ده وهو على الباب سامع توسلها لربنا وإيمانها الشديد بيه وأنها نامت واطمنت اول ما صلت رغم كل اللى حصلها مروان لما مسمعش صوتها تاكد انها نامت
طلع اوضه وغير هدومه وقعد على السرير جه ينام مش عارف
مروان اوف وبعدين بقا انا شاغل بالى ليه واحده وبساعدها وخلاص نام بقى
بس يا ترى ايه اللى يخلى اب يتجرد من كل معانى الانسانيه ويطرد بنته كده ازاى كمان يوافق انها تروح مع واحد غريب ولا أنه يرجعها بيتها ازاى اب يفكر كده الا إذا كان شخص مريض ومش طبيعى ابدا غلبه النوم من كتر التفكير
الساعه ٨صباحا
مروان اوف دا مين الرزل اللى بيرن دا
مروان بنعاس الو
محمد انت فين يا عم انت من امتى وانت بتتأخر كده على الشغل
مروان بخضه فى ايه يا حيوان سرعتنى حد يخض حد كده
محمد نعم هو انت لسه نايم اصحى يا عم عندنا اجتماع مع الوفد الألمانى كمان نص ساعه
مروان لا انا مش هقدر اجى النهارده تعبان مش قادر
محمد نعم دا احنا متفقين معاهم على المعاد دا من شهر وفى الاخر تقولى مش جاى
مروان ايوه مش جاى وكلمه كمان يا محمد وهاجر ارفدك سلام وقفل السكه
محمد باستغراب ايه ده هو قفل فى وشى ولا انا بيتهيقلى
صوت ضحك من وراه
بيبص وراه لاقه يارا ميته من الضحك لا مش بيتهيقلك هو فعلا قفل فى وشك😂😂😂😂
محمد بغيظ خلاص يختى عرفنا يلا على الاجتماع يا ختى وبعدين ازاى تبقى سكرتيرته ومتعرفيش أنه مش جاى النهارده
يارا ياسلام ما انت اعز أصحابه ومقالقش انو هو مش جاى
محمد احمد احمد ايه الإحراج دا
محمود الوفد الألمانى وصل يا فندم
محمد ايوه يا بنى الحقنى بيه بدل ما انا عمال اتكبس كده كل شويه
محمود بتقول حاجه يا فندم
محمد لا ابدا دخلهم غرفه الاجتماعات واحنا جايين اهو
عند مروان صحى ونزل فطر وطبعا فطر ماكس
مروان أخبط عليها أصحيها ضيفه عندى برده ولازم تفطر ولا لأ دا الوقت بدرى لسه بلاش ازعجعها لسه بيتكلم لقا الباب بيتفتح وساره طالعه وعينيها وارمه من عياط امبارح
ساره صباح الخير ازى حضرتك
مروان بإبتسامه صباح النور اتفضلى افطرى
لا شكرا ماليش نفس
لا لازم تفطرى
والله مش عايزه شكرا
مروان عمل سندوتش صغير وأداهولها لما حس انها محرجه طب اتفضلى دى حاجه بسيطه وقبل ما تعترضى مش هتنازل ابدا انك متفطريش
اخدته منه وهى حسه بالاحراج
مروان حب يفك الجو صحيح اسمك ايه احنا متعرفناش لحد دلوقت
انا مروان الاسيوطى مهندس معمارى وعندى شركتى الخاصه هنا فى القاهره
ساره اهلا بحضرتك
انا ساره
عندك كام سنه شكلك صغير
انا ١٨سنه
بتدرسى ايه يا ساره
ساره والدموع بدأت تظهر فى عينها المفروض أن السنادى ثانويه عامه
مروان طب وليه بتقولى المفروض
ساره عشان مش هكمل😭😭
بارت طويل اهو يا حلوين عشان بس تشجيعكم ليه اتمنى يعجبكم
دمتم بخير💙💙💙
Nada
الفصل الرابع
ساره ببكاء بس انا مش هكمل
مروان ليه بتقولى كده
ساره إذا كان مش عارفه هاعيش فين يبقى اكمل تعليم ازاى انا بجد عارفه أن مينفعش اعيش هنا بس يومين كده وهتصرف إن شاء الله
مروان انا مش مدايق من اعداتك ولا حاجه انتى تعدى براحتك حتى لو العمر كله انا هنزل اشترى شويه حجات محتاجه حاجه
ساره لا شكرا
مروان مع السلامه وخرج
عند محسن بزعيق جرا ايه يا ساميه يعنى ايه رجعتى فى كلامك دانا طردت البت عشانك وفى الاخر تقوليلى مافيش جواز
ساميه ايوه يا اخويا يفتح الله انا مكنتش اعرف انك سكرى ومدهول كده وبعدين اذا كان طردت بنتك وعاوز تتجوز بعد مراتك ما ماتت بإسبوع عشره العمر هانت عليك انا هاهون عليك
محسن امال خلتينى اطرد البت ليه لما انتى مقرره كده
بصراحه كده مكنتش بطيقها وقولت اهى فرصه اخلص منها
محسن اه طب اسمعى بقى انتى واحده ارمله وعايشه لوحدك لو مكانش الجواز الخميس الجاى هفضحك فى الحاره وتمشى من هنا مطروده
بالاذن
ساميه بعد ما دخلت وقفلت الباب دى كانت جيره سوده اروح فين انا دلوقتي
عند مروان فى اكبر مول فى القاهره
مروان دخل محل لبس سلام عليكم
الموظفه وعليكم السلام اقدر اساعد حضرتك ازاى يا فندم
كنت عايز لبس لانسه حوالى ١٨سنه كده
الموظفه طب هى تخينه ولا رفيعه وأستايل لبسها ايه
هى مش تخينه وعاوز بناطيل وبلوزات طويله
تمام يا فندم ايه رأى حضرتك فى دول
كان ١٠اطقم قمه فى الشياكه
مروان حلوين جدا عاوز ٥كمان وعاوز بيجامات بناتى برده
تمام أفضل يا فندم عند الكاشير هنا
راح مروان دفع وخد الحاجه ومشى ودخل مطعم جاب بيتزا ومشى فى الفيلا دخل مروان لاقى المكان هادى ومافيش صوت
ماكس ماكس ركض الكلب ايه طبطب عليه
وراح خبط على اوضه ساره
فتحت ساره ايوه
مروان اتفضلى اتغدى معايا
ساره لا انا مش جعانه شكرا
مروان انا مش هكرر كلامى تانى ودخل غرفه الطعام ورص الاكل على السفره
دخلت ساره وقعدت بإحراج مروان حط قدامها بيتزا وقعد يأكل عشان تبدأ هى كمان بقلم ندى الجندى
لاحظ مروان أنها عماله تبص على الشوكه والسكينه وساكته
ساب مروان الشوكه والسكينه وهو بيضحك وبيقولها تصدقى البيتزا مينفعش تتاكل غير بالايد ضحكت ساره وبدأت فى الاكل بعد ما خلصوا
مروان ايه رأيك ناخد الشاى فى الجنينه اتفضلى
طلعت ساره قعدت فى الجنينه
جه بعدها مروان وحط الشاى قدامها
مروان اتفضلى الشاى
خدت ساره منه الشاى
مروان على فكره كل الأكياس اللى جوه دول بتوعك يارب يعجبوكى بقلم ندى الجندى
ساره بإحراج انا مش عايزه حاجه متشكره
مروان هو انا ليه كل أما اقولك على حاجه ترفضى
بصراحه انا مش عايزه اضايقك واتقل عليك انا هنزل بكره ادور على. شغل واوعدك بعدها همشى على طول انا اسفه عارفه انى مسببالك ازعاج
مروان طب انتى حتى لو اشتغلتى هتمشى تروحى فين
طب معندكيش اى قرايب أوصلك ليهم
ماكنش ليا غير خالتى
طب ايه اللى حصل
جوزها طردنى وقالى مش حمل أن يصرف عليا انا كمان انا من ساعه ما ماما ماتت وانا مش مصدقه أن كل دا حصلى يارتنى موت معاها
بعد الشر متقلقيش ربنا دائما بيختبرنا عشان يعرف قوه إيمانا واصبرى على البلاء وان شاء الله يزول
ساره ممكن اسالك سؤال
اتفضلى
هو حضرتك ليه ساعدتنى
مروان عشان اى حد مكانى لو شهم هيعمل كده
متستغربيش زى ما فى الوحش فيه الحلو
انا بجد مش عارفه اشكرك ازاى
لا شكر ولا حاجه
انا هدخل انام عن اذنك
اتفضلى دخلت ساره غرفتها شافت الأكياس وفتحتها ايه دا ايه الجمال ده زوقه حلو اوى
بس انا لازم اشوف حل وامشى من هنا هو صحيح بيعاملنى كويس بس برده اتفتكرى يا ساره مش لازم تثقى فى اى حد إذا كان ابوكى طردك يبقى الغريب هيعاملك حلو نامت ساره
مروان صحى الصبح نزل خبط على ساره عشان يفطروا سوا محدش رد معقول لسه نايمه دا احنا بقينا الضهر فتح مروان الغرفه كانت فاضيه ولاقى ورقه على السرير مكتوب فيها....
انا مكنتش هنزل الروايه تانى عشان فى حد خدها وكتبها ونزلها باسمه بس نزلتها عشان خاطركم
دمتم بخير💙💙
الفصل الخامس
مروان شاف محتوى الورقه كان
انا متشكره جدا على استضافت حضرتك ليا فى بيتك وبشكرك على موقفك النبيل معايا ومساعدتك ليا
مروان رمى الورقه وهو متعصب ايه دا زمانها راحت فين دلوقت
رن موبايله ايوه يا زفت
محمد يا عم بتشتم ليه على الصبح مجتش ليه بقالك يومين ياعم
مروان أنت مالك شركتى وانا حر
محمد بجديه مالك يا مروان فيه ايه
مروان أنت كنت متصل ليه
محمد عشان اقولك أن احنا كسبنا المناقصه وكمان اتعاقدنا مع الوفد الألمانى بس انت ايه اللى مضايقك يا صاحبى
مروان تعالى بعد اما تخلص شغل على فلتى
محمد ليه
مروان اما تيجى هاقولك وقفل
يارا هو مستر مروان مش جاى النهارده ولا ايه
محمد لا مش متنيل وسابها ومشى
يارا الله مالو دا
عند ساره دخلت محل ملابس
ساره سلام عليكم
الراجل وعليكم السلام
لو سمحت مكتوب بره انكم طالبين انسات للعمل ممكن اقدم
تمام انتى معاكى شهاده ايه
ساره بحزن معايا ثانويه عامه
الراجل😂😂😂😂ثانويه عامه وجايه تشتغلى روحى يا بنتى ذاكريلك كلمتين احنا عايزين حد مخلص
ساره بسرعه لا حضرتك ماهو انا مش بدرس وهالتزم بالمواعيد والله
الراجل الله يسهلك يا بنتى
مشت ساره حاسه بالكسره دا خامس محل يقولها كده
دخلت مطعم
ساره سلام عليكم لو سمحت شفت انكم طالبين ناس للعمل
المحل ايوه طالبين كاشير و ويتر وعامل نظافه
ساره طيب انا ممكن ابقى ويتر
الراجل انتى معاكى شهاده ايه
ساره بإحراج ثانويه عامه
الراجل لا دا فى ناس ليسانس مقدمين عليها احنا ممكن نستخدم للنظافه
ساره اتضايقت اوى وحست بالاهانه
مافيش حاجه غير دى
الراجل لا لاسف
ساره طب انا هفكر وارجع لحضرتك
ومشيت
ساره يارب تلاقى حاجه تانيه ومروحش هنا
دخلت ساره اكتر من محل وكلهم رفضوها
ساره وهى قاعده على الرصيف فى جنب اووووف احنا بقينا المغرب وانا تعبت اوى ومالقتش حاجه شكلى هاروح لبتاع المطعم وخلاص
ولسه قاعده على الرصيف بتكلم نفسها لقت ست جت حطت فى ايديها فلوس
ساره ايه دا اتفضلى حضرتك فلوسك انا مش شحاته انا بس قاعده اريح رجلى وقايمه
الست بطيبه خديهم يا حبيبتي شكلك غلبان
وسابتها ومشت
ساره بصت على الخمسين جنيه اللى فى ايديها وعيطت للدرجه دى بقا دا حالى بقا بعد ما كان حلمى ابقى دكتوره قاعده دلوقتى بشحت
الله يرحمك يا ماما كنتى شايله عنى حجات كتير
قامت مشت راحت المطعم
ساره الراجل خلاص لوسمحت انا وافقت اقدر اشتغل النهارده
الراجل تمام اتفضلى
ساره هاعمل ايه ادها ادوات نظافه وقالها خشى نضفى الحمامات
ساره اول مره فى حياتى احس بالذل دا بس مقدرش اعترض
دخلت عشان أنضف الحمامات اول ما دخلت رجعت وغرقت الأرض انا مش واخده على الارف دا
الراجل دخل لقا الأرض كلها اتغرقت منها
الراجل بعصبيه ايه القرف اللى انتى عملتيه دا انا بقولك نصفيها تقومى تطينيها اكتر
ساره انا اسفه والله ماكنش قصدى همساحها
الراجل بعصبيه اكبر تمسحى ايه امشى اطلعى بره
ساره يتوسل ونبى خلاص والله هامسحها على طول ومش هاعمل كده تانى بقلم ندى الجندى.
قولت بررررا دلوقتى حالا
طلعت فضلت ماشيه مش عارفه راحه فين لحد ما سمعت العشاء بتأذن ولقيت قدامى جامع دخلت لو سمحت هو فيه هنا مصلى للنساء
الراجل اه اتفضلى فوق
طلعت ماكنش فيه غير ست عجوزه هى بس اللى قاعده
ساره سلام عليكم
ناديه وعليكم السلام يا حبيبتى
ساره لو سمحتى مافيش طرحه ألبسها عشان اصلى
ناديه هتلاقى يا حبيبتي اسدالات ورا الباب خديلك واحد رحت خت واحد ولبسته بقلم ندى الجندى
وبعد كده سمعنا الاقامه وقفت عشان اصلى والست جات وقفت جانبى فى السجود
ساره بعياط شديد يارب يا حنان يا منان يا بديع السموات والأرض يارب ارحمنا من اللى انا فيه يارب يارب اللهم انى لا اسالك رد القضاء لكنى أسألك اللطف فيها يارب ساعدنى ودبرنى اروح فين
بعد ما خلصنا صلاه
ناديه مالك يا حبيبتي بتعيطى ليه وايه اللى انتى فيه
ساره حست بطيبه ناحيتها وحكتلها كل اللى حصلها
الست بحزن على ساره يا قلبى يا بنتى ومستحمله كل ده دا انتى لسه صغيره يا حبيبتي
ساره ببكاء انا مش عارفه اروح فين
ناديه والله يا بنتى لو كان ينفع اخدك معايا كنت ختك بس انا ولادى كلهم رجاله وعايشين معايا فا مش هينفع
طب انتى سبتة الشاب اللى انتى كنتى قاعده معه ليه
ساره عشان هو عايش لوحده مش هينفع أعد معاه وكمان هو ذنبه ايه اعد واضايقه وابقى عاله عليه لمجرد أنه ساعدنى
ناديه عندك حق يا بنتى والله ربنا ينتقم من ابوكى اللى عمل فيكى كده
ساره طب هو انا ممكن ابات هنا
طب ثوانى يا حبيبتى هنزل استأذنلك الشيخ ياسين
نزلت ناديه وحكتله قصه ساره
الشيخ لا حول ولا قوه الا بالله تمام خليها تعد بس مش هينفع اكتر من اسبوع لان دا فيه ضرر عليا لو حد جه ولاقاها
متشكره قوى يا شيخ
طلعت ناديه وقالت لساره وساره فرحت اوى
ربنا يخليكى انا مكنتش عارفه هتروح فين
ناديه متخافيش يا حبيبتى وانا هجيلك بكره نصلى العشا سوا مع السلامه
سلام يا طنط
قفلت ساره وقعدت افكر فى اللى جاى
طب الحمدلله انها انحلت النهارده طب بعد كده هاعمل ايه وقامت صلت ركعتين شكر لله وبعد كده نامت
عند مروان
الباب بيخبط
مروان اتأخرت ليه يا زفت
محمد ياعم ما انت سايبلى الشغل كله ومريح بقالك يومين بقلم ندى الجندى
طب ادخل
محمد ها بقا مالك يا معلم ايه اللى معمر مزاجك
مروان حكاله حكايه ساره
محمد طب وانت مضايق ليه مانت عملت اللى عليك وساعدتها
مروان يا بنى منا بقولك ملهاش حد مش عارفه زمانها راحت فين انا لازم الاقيها
محمد دا حب دا ولا ايه
مروان حب ايه يا اهبل بقولك صعبانه عليا ولسه عارفها من يومين
محمد امال أهملت شغلك عشانها ليه وبعدين شكلها بت محترمه هى صحيح تعد معاك هنا ازاى لوحدكم بصفتها ايه
مروان مش عارف بس انت لو شفتها تصعب عليك شكلها كده بريقه والدنيا جايه عليها
وسمعتها وهى بتصلى وعماله تدعى
محمد وايه كمان يا حنين
مروان دا انت عيل رخم وبعدين يا بنتى دى بالنسبه ليا طفله دى عندها ١٨سنه وانا عندى
٣٠ سنه دا حتى اللبس اللى كنت جايبه ليها ماخدتش منه اى حاجه
محمد بس هتدور عليها ازاى يا بنى
هتنزل تدور على واحده وسط الملايين اللى فى الشوارع
مروان مش عارف بس لازم الاقيها
عند محسن نورتى بيتك يا ساميه
ايوه كده احب الست اللى تفكر مش تاخد قرارات كده وخلاص وكويس انك عرفتى مصلحتك
ايوه يا خويا منت مهددنى
محسن انسى بقا دا النهارده اول يوم لينا سوا
بعد كام ساعه ساميه قامت خرجت بره الأوضه ساميه كام الارف راجل واطى
بقى عشان اطفش البت اوقع نفسى فى الجوازه السوده دى
فى يوم جديد
صحيت ساره وفضلت قاعده التفكير هيفرتك دماغها
مش عارفه هاتعمل ايه وكل اللى شاغل بالها هتعمل ايه بعد ما الاسبوع يعدى
عند المروان فى الشركه
فى مكتبه انتى سكرتيره فاشله لما كل الورق دا يبقى متكوم عشان يومين مجتش
ايه يومين ماجيش الشركه تخرب
يا فندم كل حاجه تمام الورق دا بس متأخر لانه محتاج امضه حضرتك
مروان أنتى كمان بتردى عليا مخصوم منك ٣ايام وروحى اعمليلى فنجان قهوه
يارا بعد ما طلعت اووووف مالو دا على الصبح ايه القرف دا
محمد مالك بتبرطمى ليه
مستر مروان عصبى جدا النهارده
طب انا هدخله
انصحك بلاش
دخل محمد ايه يا مارو مالك فيه ايه
مروان بصوت عالى فيه انك معرفتش تمشى الشركه يومين من غيرى وسايب كل حاجه لما انا اجى
ياعم حاجه ايه اللى سايبها دا دا الورق اللى عايز امضتك انا مراجعه انت هتمضى بس
مروان أنت هتقولى شبه المتخلفه اللى بره
محمد مروان اوعى يكون موضوع ساره هو اللى مآثر عليك ومخليك عصبى كده
مروان بغضب محمد احترم نفسك متندمنيش انى قولتلك ومتنساش أننا فى الشغل مش فى البيت عشان تكلمنى كده
محمد انا رايح مكتبى
يارا القهوه يا فندم
مروان لاقحيها هنا
خرجت يارا
ومحمد راح مكتبه وهو متعصب
مروان هو انا مضايق عشانها فعلا
حاول ميفكرش فيها وشغل نفسه فى الشغل وكل الورق اللى قدامه
ياليل أذنت العشاء
جت ناديه
ساره بفرحه ازيك يا طنط
ناديه ازيك يا حبيبتى عامله ايه
يلا نصلى سوا
صلوا بعد ما خلصوا
خدى يا حبيبتى عارفه انك مكالتيش حاجه من امبارح دوقى عمايل ايدى
ساره شكرا يا طنط وبدأت تأكل لأنها كانت جعانه جدا
ناديه فى سرها يا حبيبتى يا بنتى
بعد ما ساره خلصت تسلم ايدك يا طنط بجد اكلك تحفه ربنا يخليكي
ناديه بالهنا والشفا يا حبيبتى
انا همشى انا بقا
مع السلامه يا طنط
متقلقيش يا حبيبتي هاجيبك تانى بكره
ربنا يخلى حضرتك
دخلت ساره نامت
بعد شويه ساره ساره اصحكى
ساره ماما ماما عامله ايه انتى وحشانى اوى
وانتى كمان يا قلب ماما وحشانى اوى
ساره ماما انتى بقيتى أموره اوى يا ماما
شفتى يا ساره آخره الصبر انا هنا فى مكان جميل اوى يا ساره
ساره طب ونبى يا ماما خدينى معاكى
لازم يا ساره عشان تيجى المكان الجميل دا معايا تصبرى يا حبيبتي
لا يا ماما انا مش قادره اتحمل اكتر من كده انا عايزه اجيبك
لازم الصبر يا ساره انا عارفه أن بنوتى قويه وهتقدر تتحمل اى صعوبات تمر بيها
اوعى تعملى حاجه غلط يا ساره
تأكدى أن ربنا معاكى فى كل خطوه ومش هيسيبك ابدا
انا فرحانه بيكى يا قلبى انك ماعملتيش حاجه غلط
بس انا مش عارفه اروح فين يا ماما
اصبرى يا قلبى
انتى ليكى مكان جميل هنا معايا
وحضنتى واختفت
صحيت من النوم ماما انتى فين
انا هسمع نصيحتك وهاصبر
سمعت بعدها الفجر بياذن
قامت اتوضت وصلته وبعدين......
اللي عاوز ومهتم بالروايه يعمل متابعه من هنا اااااا علشان توصله كامله
تكملة الروايه من هناااااااااا
جميله جدا جدا جدا
ردحذفجميلة جدا كملي
ردحذفجميله جدا كملى
ردحذف