مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسد وصل بحور المستشفي ..

اسد دخل المستشفي وهو متعصب اوي وشايل حور

علي دراعه و دماغها  بت.نزف  

اسد بعصبية:  انا عايز اي زفت دكتور يجي هنا حالا 

البت بتم.ووت ..

الدكتور بحدة :  اي ده ..انت اتجننت وطي صوتك انت في مستشفي محترمة وفي مرضيي هنا 

اسد بعصبية : ده انا ه.طربق المستشفي دي علي دماغكم واحد واحد ..أنجز انت لسه هتتكلم ..بقولك بتمو.ووت في ايديا .. اي حد يلح.قها بسرعة ..

الدكتور بخضة من صوته : طيب ..حاضر ..أنت روحي بسرعة قوليلهم يجهزوا أوضة العمليات بسرعة 

الممرضة / بتوتر حاضر يا فندم ... وجريت تجهز أوضة العمليات ..

وفعلا نقلوها للعمليات ..

اسد كان واقف برا مضايق اوي علشان هو اتاخر علي البيت وكمان موبيله فاصل ..

اسد بخنقة : افففف ..هو يوم فقري من أوله ..انا كنت ناقص يعني ادخل نفسي في حوارات وقضايا 

الممرضة خرجت من الاوضة   ..

اسد بغرور : .انت يا ست.  اي طمنيني علي البت اللي جوا هتع*يش ولا اي هتموت وهتودينا في د*اهية في يومها ده 

الممرضة بستغراب من أسلوبه / معرفشي يا فندم. .بس الدكتور قال إنه جر*ح سطحي بس فقدت د*م كتير 

اسد  بزهق : طيب كويس اووي .. امشي انا بقي وربنا معاكوا .وياريت تخلوا بالكوا منها 

الممرضة مسكت أيده:  ..تمشي فين يا فندم ..انت مستحيل تمشي لحد ما البت اللي جوا دي تفووق 

اسد شال ايديها من عليه بعن*ف /..اوعي كدة انت عبيطة يا بت ولا اي  ..اوعي تلمسيني تاني ..وبعدين انا مالي بالبت اللي جوا دي انا اصلا معرفهاش .مايكشي تو*لع  افففف

فاجأه خرج الدكتور من العمليات .. المريضة محتاجة نقل د*م وللاسف فصيلة دمها مش متوفرة في المستشفي..

اسد بملل..ويا ترا اي فصيلة دمها يا دكتور ..

الدكتور:  فصيلة دمها B ..

اسد بحدة : .طيب  انا فصيلة دم*ي زيها .. ممكن انا اتبرعلها بدم*ي لو ينفع يعني ..وياريت بسرعة علشان انا اتاخرت اوي   

الدكتور بخنقة منه ومن طريقته :  ..طيب اتفضل معايا لو سمحت ..

وفعلا دخل اسد الاوضة مع حور وشافها نايمة علي السرير فاقدة الوعي ..

وفعلا اسد اتبرع بالد*م لحور. .. وخرج برا الاوضة 

وفعلا فضل فترة قاعد برا مستني الدكتور يخرج ..

وقعد علي الكرسي وبدأ يفكر مين البنت دي ..

يا ترا مين البنت دي 

#عشقت_حورية 

عايزة تفاعل بجد بليييييز 😂❤️

#عشقت_حورية

2

اسد في المستشفي 

وقعد علي الكرسي وبدأ يفكر مين البنت دي  واي اللي حصلها من ساعة تقريبا ..

فلاش باك .

في الطريق الزراعي ...

اسد في العربية بتاعته  بيتكلم في التليفوون ..

اسد بضحك/ خلاص يا ابني والله قربت اوصل اهووو .. 

حسن بحدة / اتاخرت اوي يا اسد  ..انا مش قايل لحد انك جاي النهاردة من السفر . سايبها مفاجاه وكدة كلهم هيناموا اصلا قبل ما توصل بالسلامة 

اسد /ما خلاص يا حسن  انا جاي اهوووو.. ما أنا كنت لازم اروح عند عن مسعد قبل ما اجيلكم .

اي ده 😳😳😳...

وفجاه سمع صوت واحدة بتسغيث و عمالة تصووت جامد

اسد / اقفل دلوقتي يا حسن وهكلمك بعد شوية  .. .

وقف  عربيته و طلع مسدسه و نزل من العربية وبدأ يتبع صوت الصريخ و كان بيمشي بين الزرع واتفاجاه لما شاف 

بنت مربووطة ومغم عليها وواقعية علي الزرع 

وشاف ولدين وهما بيحاولوا يعتدوا عليها 

اسد بعصبية اول ما شافهم جري عليهم وضرب واحد بالمسدس في أيده وجري علي التاني يضربه بالبوكس 

واتكلم بحدة /والله ما هسيبك يا ولاد. .. بتتشطروا علي واحدة ست ..ما انتوا شوية كلاب 

سيد / اوعي يا عم .. وضرب اسد بالبوكس في وشه واخد صاحبه وطلعه يجروا ..

اسد قام من مكانه جري و قرب من حور وبص عليها ولقي رأسها بتنزف جامد.   

اتكلم  بقلق /..انت يا بت  ..اوعي تكوني موتي ..شكلك هتوديني في داهية .هو يوم اسود من أوله انا عارف 

باك 

اسد  وحط أيده علي وشه بتعب  

اسد / يا ربي .تلاقي حسن  قلقان دلوقتي اوي عليا ..يارب تفووق علشان امشي انا زهقت منها ..أو تموت علشان مدبسي

_____________________________

في فيلا كبيرة ...

حسن قاعد في الجنينة  قلقان اوي وييفكر في اسد وعمال يرن عليه و لقه حد من وراه جيه و غمي عينيه ..

حسن بفرحة:  ..اسد انت جيت ... هو انت يا نور 

نور بضحك:  اسد !! غريبة يعني .انت بتفكر فيه ليه دلوقتي ...   وبعدين مش برضو مسافر ..ولا في حاجة 

حسن بقلق:   لا يا اختي  ما هو قالي أنه جاي النهاردة من السفر . ..

بس اوعي تقولي لحد في البيت ..احسن تبوظي المفاجاه 

نور بسعادة : ده بجد يا حسن 

 ده احلي خبر انا سمعته في حياتي ..انا اسد وحشني اووي ..انت مش متخيل انا كنت هموت واشوفه اوي 

حسن بكسرة / بعد الشر عليكي يا نور ...عموما  هو جاي في الطريق  باذن الله مش هيتاخر ..بعد اذنك انا داخل ارتاح جوة 

وفعلا حسن طلع اوضة ومسك  موبيله فضل يرن علي اسد بس لقه أن تليفونه بقي غير متاح ...

حسن بغيظ:  افففف بجد منك يا اسد ده انت مستفز بجد .وكمان قافل موبايلك 

..طب لما تيجي لو ملعبتش نيشان في وشك مبقاش انااا 

__________________________

في  المستشفي. ..

الدكتور خرج ..

الدكتور / اسد باشا ..المدام نقلناها أوضة عادية بس لسه مافقتشي .ممكن حضرتك تدخل تطمن عليها 

اسد بص حواليه بستغراب .يشوف لو الدكتور بيكلم حد تاني /. نعععععم انت بتكلم مين يا دكتور 

الدكتور بحدة / هكلم مين يعني يا فندم .هو في غيرك واقف معايا يعني ...عموما اتفضل اقعد جنبها لحد ما تفوق ..بعد اذنك وسابه ومشي 

بصله بستغراب / اي الدكتور المتخلف ده ..قال مراتي قال هو طايق أهلها اصلا علشان تبقي مراتي

انا قولت هو يوم منيل اصلا .. ودخل قعد جمب حور 

اسد بصوت واطي  / انت اي حكايتك بقي يا حاجة .

 وقرب منها ومسك ايديها

انت عارفة انك وقعتيني في مصيبة النهاردة ..بس شكلها مصيبة زي القمر .. شكلك حلو يا بت الايه 

وفجاه حور بدأت تحرك راسها و ايديها ..

حور بصوت ضعيف/  انا فين ..اه يا راسي ..راسي بتوجعني اوي ليه كدة

اسد قرب منها وحط أيده علي وشها / حمدالله علي السلامة يا قمر  ..علي مهلك علشان الجرح اللي في راسك كدة 

حور فتحت عينيها واسد اتصدم من لون عينيها اللي كان لونها عسلي صافي 

رد عليها بدون وعي / لا ده انتي  القمر بجد بقي  ..

حور برقة وتعب/  اه حاسة أن دماغي وجعاني اوي ...بس انت مين .وانا هنا ليه 

اسد / طب اكيد دماغك هتبقي وجعاكي ما هي مفتوحة 

هو انت غبية ولا ايه 

حور استغرب طريقته / انت مين 

اسد /انااااااا

فاجأه دخلت الممرضة ومعاها الدكتور وظابط ..

ممرضة تانية  / ..ده استاذ اسد جوزك يا مدام .وعلفكرة كان قلقان اوي عليكي وقلب المستشفي كلها 

اسد بارتباك و بص للضابط. /. اي ده . لا هو  في حاجة غلط علفكرة جوزها ايه 

الضابط بمقاطعة / ياريت نقعد نتكلم مع المدام علشان نفهد اي اللي حصل بالضبط يا استاذ 

حور بخوف/  تعرفوا مني ايه ..انا مش فاكرة اي حاجة خالص ..هو انا بعمل اي هنا؟  .. ما حد يرد عليا 

و حطت ايديها علي وشها بدأت تعيط جامد .

الدكتور بتفهم  / بعد اذنك يا فندم ياريت حضرتك تتفضل برا المريضة مش جاهزة لاي استجواب .. وحضرتك معاه يا استاذ اسد 

وفعلا خرج اسد والضابط برا ..

______________________

في الاوضة ..

الدكتور / ممكن تهدي بقي يا مدام ..و نتكلم مع بعض شوية ومتخافيش مني خالص .. وفعلا بدأ حور تهدي شوية ..

الدكتور / هاا قوليلي بقي انت مثلا اسمك اي 

حور بقلق / انا ... وسكتت وفضلت تفكر  ومكنتش فاكرة اي حاجة عنها ولا حتي اسمها 

الدكتور / اي روحتي فين ..انا بس بسالك عن اسمك 

حور بدموع / انا مش فاكرة اي حاجة خالص 

انا مش فاكرة حتي  اسمي اي .. وبدأت تدمع 

الدكتور/  طيب ارجوكي اهدي شوية ..

وبعدها بحوالي عشر دقايق خرج الدكتور ...

اسد جري عليه وقاله بخوف / خير يا دكتور مالها حصلها اي ... طمني عليها 

الدكتور / المدام عندها فقدان مؤقت للذاكرة .. ومش قادرة تفتكر اي حاجة و منهارة جوا للاسف 

اسد بصدمة /  نعععععم يعني اي مش فاكرة حاجة خالص ...

بدأ يتكلم في سره / يا نهار مش فايت انا كدة لبست فيها العمر كله ولا اي  ..طب الضابط ده اعمل معاه ايه ده مش بعيد يفتكرني انا اللي عملت فيها كدة 

الدكتور /. ..يا استاذ اسد انا بكلم حضرتك ..انت لازم تدخلها وتطمنها هي خايفة جدا و عمالة تعيط 

اسد بتردد / أيوة طبعا .مراتي ولازم اقف جنبها في شدتها ... بعد اذنكوا 

الضابط / أيوة بس احنا كنا محتاجين نتكلم مع حضرتك علشان نفهم اي اللي حصل للمدام .. علشان التشخيص بتاع المستشفي قال انها محاولة اعتداء 

اسد حب يهرب من السؤال وعمل نفسه متعصب /  طيب وانا بقي هرد عليك و اجاوبك علي اسالتك ولا ادخل لمراتي اطمن عليها واهديها  .بعد اذنك يا حضرة الظابط 

ودخل الاوضة عند حور 

لقاها قاعدة بتعيط ..جري عندها وقعد قريب منها وكان متعصب اوي 

اسد / بت أنت كفاية عياط ولا والله ..

 

اتفاجاه بحور حضنته جامد ..

اسد / 😳😳😳😳😳😳

يا ترا اسد هيعمل اي مع حور

#عشقت_حورية 

3

اسد دخل اوضة حور لقاها بتعيط جامد قرب منها وهو متعصب اوي 

اسد بعصبية / انت يا بت ..

اتفاجاه بحور حضنته جامد و هو اتصدم من اللي هي عملته ده و بقي مس عارف يعمل ايه .. 

اسد هدي شوية / احم ..انت كويسة مش كدة 

حور بعدت عنه واتكلمت بخوف

 / لا مش كويسة خالص .هو انت جوزي صح .

رد عليها وهو بيحاول مايبصش في عينيها 

اسد بخنقة / أيوة صح يا عسل ..انا اسد جوزك  .

حور فرحت اوي باسمه و مسكت أيده بحب 

حور / اسمك حلو اوي وحضنك كمان دافئ اوي ..بس هو  انا اسمي ايه  .واي جبنا هنا في المستشفي واي عمل فيا كدة 

انا حاسة اني تايه ومش فاكرة اي حاجة .

اسد اتخنقت اوي من اسالتها الكتيرة اوي فزق ايديها بعيد عنه واتكلم بعصبية 

اسد / ايه الرغي ده كله .ما واحدة واحدة ..افف 

عموما احنا كنا راجعين و في حبة شباب حاولوا يرخموا عليكي .فأنا انقذتك منهم و جبتك هنا لان في واحد ضربك بطوبة في دماغك ... هااااا يارب يكون التحقيق خلص يا استاذة .

حور انكمشت في نفسها لأنها خافت منه اوي .

حور / طب ممكن سؤال يا اسدي ..هو انا اسمي ايه .

اسد بشمىزاز/ اسدك انت هتصاحبيني  .. عموما اسمك ايه .... اسمك جميلة .. خلاص كدة اديني جاوبتك علي كل الأسئلة التافه بتاعتك ممكن امشي بقي .

حور خافت اوي ليسيبها .فقامت من السرير وحضنته جامد

حور بدموع  / متسبنيش يا اسدي انا خايفة اوي ..ارجوك متبعدشي عني .

اسد حس بخوفها ولقه نفسه بيحضنها / خلاص اهدي مش هتنيل أخرج و مش هسيبك لوحدك ..بس ممكن بقي ترتاحي شوية لانك تعبانة 

حور / حاضر 

وفعلا رجعت السرير تاني بدأت تغمض عينيها و تنام ..... واسد اول ما اتاكد انها نامت خرج من الاوضة للضابط ..

/ _______________________/ بقلم/ يوستينا سامي 

برا الاوضة 

الضابط / خير يا استاذ اسد ..طمني المدام افتكرت اي حاجة عن الحادثة 

اسد بحدة / لا يا حضرة الظابط ..مراتي جميلة مش فاكرة اي حاجة سواء عن الحادثة أو غير الحادثة  ..لو حضرتك حابب تاخد اي اقوال خدها مني انااا ....

الضابط /  عموما الف سلامة علي المدام .انا كنت محتاج افهم اي اللي حصل بالضبط . وفين ما يثبت انها مراتك 

اسد اتوتر اوي ومكنشي عارف يرد عليه 

الضابط بشك / خير يا استاذ اسد .. حضرتك سكت يعني 

اسد بحدة / أنا وجميلة متجوزين من شهر واحد تقريبا وكانت معايا برا مصر و للاسف كل حاجة اتسرقت مننا اول ما رجعنا 

الضابط / واللي حصلها ده كان بسبب ايه 

اسد /  محاولة اعتداء للاسف وانا اتصرفت معاهم .وبعد اذنك انا مضطر استاذن علشان مراتي تعبانة اوي ..ولازم ابقي جنبها 

وفعلا اسد ساب الضابط واقف و دخل لحور ..

بس الضابط كان شاكك في اسد و كان متاكد أن وراه مصيبة 

________________________________________

في الصعيد  ..

نعمة : .. ايه اللي عم  بتجوله  ده يا عبدالرحيم ..دوروا عليها في كل شبر في البلد ..انت لازم تلاجوها سواء حية أو ميتة .. دي جابتلنا العار 

عبدالرحيم بغيظ:  ..يا عمتي ..انا مش هيهدالي بال غير لما الاجيها واشرب من دمها ..يلا بينا يا رجالة 

عيشة .واقعة بتعيط  قربت من عمتها ومسكت ايديها

عيشة  / ابوس ايديك يا عمتي ..حور غلبانة هي عملت اكدة بس من غلبها ..ابوس ايدك ما تخليهوومش  يجتلوها دي يتيمة . .

نعمة زقتها علي الارض/ .  اخرسي يا بت ..بقي تهرب من الدوار و تقولي ماعملتشي حاجة .. ده انا لو اطول اشرب من دمها هعمل اكدة ..اخفي من وشي ..اخفي ..قطيعة تقطع خلف البنات و قرفها 

عيشة قامت ودخلت أوضتها وفضلت تعيط .. 

يارب ما يعطروش فيكي يا حور ..يارب اسندها واقف معاها. .. دول لو لقوها هيموتوها ..يارب

__________________________________________

تاني يوم في القصر

عند حسن .. كان نايم في سريره بس اتفاجاه بأن الباب بيخبط جامد اوي.  

حسن قام بفزع واتكلم بسعادة /  ..تلاقيه هو ابن المجانين وصل بالسلامة مافيش غيره همجي كدة في كل حاجة  ...ايه ده بس لو اسد كان فتح الباب  علطووول ...

وفاجاه باب خبط اكتر ..

حسن بتركيز/  أيوة حااضر .

.وقام فتح الباب ولقه  نور واقفة قدامه ومتعصبة ..

حسن بستغراب / اي يا ماما في حد يصحي حد كدة برضووو ..هو احنا فين هنا يا نور 

نور بخوف / تقدر تقولي فين اسد... وليه اتاخر اوي كدة .انت قولتلي أنه جاي في الطريق ودلوقتي الصبح طلع واسد لسه موصلشي حتي .. 

حسن بغيره/ معرفشي يا نور ... معرفشي فين اسد وبعدين هو مش عيل صغير علشان حد  يخاف عليه أو يتوووه  مثلا ... واتفضلي بقي برا علشان عايز اكمل نومي 

نور بستغراب / في ايه يا حسن .وبعدين انت من أمته بتكلمني كدة اصلا  . لعلمك بقي لما اسد يجي انا هقوله عليك وعلي طريقتك دي واخليه يربيك 

حسن بعصبية / يربيني .ما تركزي في كلامك قبل ما تقوليه

وبعدين اطمني اسد عمره ما هيعملي حاجة يا نور مش بس علشان هو اخويا وصاحب عمري لا  لأنه اصلا مش شايفك وبيعاملك زي اخته افهمي بقي ... 

نور بغرور / ايه الكلام العبيط اللي انت بتقوله ده .أنا وليد بنحب بعض .و اطمن قريب اوي هيبقي حرم اسد العقاد 

حسن فصل يضحك بستهزاء/ حرمه مرة واحدة .شكلك مش بتسمعي كويس بقولك اسد مش بيحبك انت بالنسبة ليه بنت عمه وبس وبكرة هتعرفي كلامي ده كويس اوي ... واطلعي برا بقي ...

نور بصتله بصدمة .خرجت من الاوضة وهي مضايقة اوي وقررت تدخل اوضتها تقعد لوحدهااا تفكر في كلام حسن..

__________________________ بقلم✍️ / يوستينا سامي 

في المستشفي.  ..

في أوضة حوور (جميلة ) 

حور قامت من النوم وشافت اسد نايم علي الكرسي 

حور بتعب / اسد يلا قووم بقي انا عايزة امشي من هنااا ..انا مش عارفة انام ..انا عمالة احلم بكواليس كتيرة اوي  

.( بدأ تزعق جامد )

يا اسد قوووووم بقي 

وفضلت تضرب في رجليه بس هو كان عالم تاني من التعب وكان نايم بهدوء 

حور يغضب / طب بلاش نروح . قوم نام جمبي خدني في حضنك انا خايفة اوي .

. بس وبرضو مردش عليها خالص وكان نايم ..

حور استفزت اوي  / بقي كدة يا اسد طيب انا بقي هتصرف معاك بس متبقاش تزعل.

وفاجاه قامت من علي السرير وبعزم قوتها ضربته بالقلم جامد اوي علي وشه  .. 

تفتكروا ايه ممكن يحصل ؟؟؟ 

عايزة رايكم بجد في الرواية 😘

وعايزة اعرف ليه فاكرني ولا لاااء و اللي لسه فاكرني يقولي الرواية مختلفة ولا لاااء

#عشقت_حورية 

4

في المستشفي.  ..

في أوضة حوور (جميلة ) 

وفاجاه قامت من علي السرير وبعزم قوتها ضربته بالقلم جامد اوي علي وشه  .. واسد قام مصدوم من القلم و مخضوض 

 

اسد في سره /معقول مدت ايديها عليا انا 

اسد بصلها بصدمة ومسك ايديها جامد / ..هو انت اللي مديتي ايديكي عليا وانا نايم   مش كدة.انا مش بحلم !!!  .. ( وفاجاه زعق جامد )..انت ضربتيني بالقلم ؟ 

حور بستغراب من عيونه اللي كلها شر و بدأت تخاف جامد

حور بخوف ./  انا كنت بصحيك بس  ..

اسد بعصبية و صوت عالي سمع المستشفي كلها ./.بتصحيني تضربيني بالقلم علي وشي ..انت اتجننتي ..لا عاش ولا كان اللي يضرب اسد العقاد بالقلم  هو انت فاكرة نفسك مين يا بت انتي  . 

وشدها من ايديها جامد اوي  لدرجة أن ملامح الوجع اترسمت  علي وشها واتكلم بحدة خوفتها / واضح انك مش متربية ولا شوفتي رباية وانا اللي هربيكي يا بنت الك*لب

حور خافت اوي وبدأت تدمع تلقائي / انا اسفة والله .انا كنت  زهقانة وقولت العب  معاك .

حقك عليا والله مش هعمل كدة يا اسد 

اسد بحدة /. تعملي كدة تاني ..ده انا كنت قتل...

وملحقشي يكمل ولقه حور في حضنه ومتشبثه فيه جامد وماسكه قميصه بخوف وحاطة رأسها في رقبته وبدأ تتكلم بصوت متقطع / انا اسفة والله ..اسفة ..اسفة يا  اسدي والله ما هعمل كدة تاني ..طب بص ممكن تضربني نفس القلم بس اوعي تزعل مني 

ده انا حاسة بالامان اوي في حضنك و مقدرشي علي زعلك ده ... حق .. حقك عليااا 😭😭

هو حس بخوفها منه واخد باله من نفسها و خوفها ورعشة جسمها اللي عماله تزيد ولكنه مكنشي طايقها فزهقها بعيد عنه 

اسد  بحدة  / طيب بنا اشوف اخرتها معاكي ايه .. وبعدين بقولك ايه مش كل ما تشوفيني متعصب تقربي و تحضنيني سامعة ولا لاااء 

وخرج من الأوضة وهو متعصب اوي ..

_____________________________________

في الصعيد ..

في اوضة عيشة .. 

حياه / ما خلاص بجي يا عيشة . هيفيد بايه يعني العياط .

عيشة/ امال اعمل ايه يعني يا حياه ..بت عمي هضيع و لو لجوها هيجتلوها ..وانت عارفة حور بالنسبة ليا ايه 

حياه بدموع / وبالنسبة ليا أنا كمان ..انت عارفة اني سمعت عبدالرحيم بيجول لعلي أن فرحي مش هيتاجل و هيبقي اخر الشهر ده 

عيشة / يا وجعة طين علي دماغنا كلتناااا .يعني يا ربي هي ناجصة ما كفاية موضوع حور ..

حياه / والله يا عيشة فكرت اهروب .بس بعد اللي حصل لحور ..فكرت اني اموت نفسي ارحم مني اتجوز واحد مصراوي و ظالم جتل عمي بدم بارد 

عيشة بعصبية  / اوعي تعملي اكدة انت بهيمة ولا ايه  ..واوعي تفكري أكده تاني  انت سامعة يا بت .. واكيد هنلاقيلها حل .. بس يارب تكون حور في امان الاول 

____________________________________

في اوضة حور في المستشفي .. 

حور كانت قاعدة تعيط جامد و خايفة من اسد و بتفكر ازاي تهرب من المستشفى .. وفاجاه دخل اسد الأوضة 

اسد بحدة / ايه لسه صاحية .متخمدتيش ليه يا هانم 

وقرب وقعد جمبها علي السرير بس لاحظ دموعها و خوفها 

اسد باستغراب / بس عياط بقي  .. وبعدين هو انت بتترعشي كدة ليه ؟ هو انا جيت جمبك يا بنتي ولا هو عبط وخلاص ..

حور بعياط / لا انت هتتضرني ..وشك كله عصبية وانا خايفة منك.و مش عايزة اروح معاك ..😭😭😭

اسد بملل/ اهدي طيب  

وبدأ يضمها لحضنه  / اهدي يا جميلة واتنفسي براحة خالص

أنا مش هعملك حاجة خالص ..بس بطلب عياط 

وفعلا بعدها بشوية هديت خالص ونامت في حضنه واسد استغرب ازاي هي عبيطة كدة و بكلمتين منه هديت و كمان نامت في حضنه 

اسد بزهووول /  هو انت اي حكايتك بقي ..شكلي كدة داخل في حوار اكبر مني بكتييير يا ست جميلة 

بس مش أنا  هينفع اقعد هنا معاكي ولا هينفع تيجي معايا البيت ..أنت لازم تختفي .. 

يا ترا اسد بيفكر في ايه و هل بدا يحب حور اصلا ؟

_________________________________

في الصعيد 

نعمة دخلت اوضة عيشة. و حياه 

نعمة بعصبية مسكت عيشة من شعرها / اتكلمي يا بت .فين حور .محدش غيرك يعرف مطرحها . انطقي بدل ما ادفنك تحت رجلي هنااا 

عيشة بدموع / والله يا عمتي معرفشي حاجة خالص ..صدقيني حور ماقولتليش حاجة ..

حياه/  أيوة والله احنا مانعرفشي نطرحها 

نعمة بحدة / اخرسي انت يا بت 

 وبصت لعيشة / كان علي عيني يا بنت اخوي اصدقك  كان نفسي اصدقك بس انتوا الاتنين من نفس الطينة اتفوو عليكو .. يا عبدالرحيم خدها احبسها في المخزن تحت لحد ما تقررر  بكل حاجة ..

عيشة بصريخ / .يا عمتي حرام عليكي والله ما اعرف حاااااجة .. 

وفعلا عبد الرحيم اخدها وحبسها في المخزن 

علي واقف حزين / ..يا امااا حرام عليكي عيشة اكيد متعرفشي اي حاجة عن حور .  هي ملهاش صالح بيها ..اعتجيها لوجه الله بجي 

نعمة بعصبية / أيوة يا حبيبي ..تلاقيك حنيت يا سي علي .بس بعينك والله ما هسيبها غير لما اعرف فين حور و اجبها كدة تحت رجلي واشفي غليلي منها ... غور من وشي .  .غووووووور 

_________________________ بقلم ✍️ يوستينا سامي

في اوضة حسن .. 

مراد / نفسي اعرف انت ناوي علي ايه . انت فعلا ناوي تقتله 

حسن / كلمة موت دي قليلة اوي على واحد زيه .كلب 

استوووووووب 

عشقت حورية 💥🤎

بقلم ✍️ يوستينا سامي

#عشقت_حورية 🤎💥

بقلم✍️✍️ يوستينا سامي

(5)

في المستشفي عند حور 

حور بتعب بدأت تفوق و تفتح عينيها بس لقت اسد قاعد قصادها بيبص عليها 

حور بخصة /ايه ده انت صاحي  .. وبعدين قاعد كدة ليه .

اسد ببرود / قولت كفاية قلم واحد بس النهاردة وبعدين مستني حضرتك تفوقي .. المهم انا كلمت الدكتور وقالي أننا ممكن نمشي النهاردة . انا مش بحب قاعدة المستشفيات دي الصراحة .

وجاي يقوم من علي الكرسي 

حور مسكت أيده بحب  / انا اعتذرتك كتير اوي بس انت لسه واخد علي خاطرك مش كدة يا اسدي.

اسد بهدووء / خلاص يا جميلة حصل خير .بس ممكن يلا بقي علشان انا جبتلك هدوم علشان تغيري هدومك دي و نلحق نوصل البيت .. بلاش اسدي دي

حور بحب / طيب ممكن اطلب منك طلب واحد 

اسد بزهق / اه ممكن تطلبي ..بس بسرعة علشان أنا بدأت ازهق ..ممكن 

حور/افففف طيب 😔

بقولك  ممكن تساعدني اغير هدومي علشان انا تعبانة .

اسد بتوتر / اساعدك ..اساعدك ازاي يعني ..لا طبعا يا ماما 

أنا مش شغال عندك يعني . وبعدين انت مش تعبانة اوي للدرجة دي 

حور بستغراب وصدمة من رده / في اي يا اسد مالك قافش عليل ليه كدة .. مكنشي قلم يعني .

اسد قرب منها / لا يا ماما ده مش مجرد قلم عادي وعموما تعالي اساعدك يلاااا 

وفعلا حور كانت هتخليه يساعدها بس بدأت تحس انها مكسوفة منه و رفضت تقلع هدومها .. 

اسد بخبث / اي وقفتي ليه ..ما تخليني اساعدك 

حور  بكسوف وهي موطية رأسها / .اسد ممكن تطلع برا ..بصراحة أنا مكسوفة اوي منك مش عارفة ليه ..هو انت مش المفروض جوزي برضو 

اسد بقلق / اه طبعا جوزك ..بس 

حور بستغراب / بس اي .. أنا حاسة اني مجروحة و كاني اول مرة ابقي معاك 

اسد حس بندم لانه كان هيستغل حالتها و يساعدها تغير هدومها و هو مش جوزها 

اسد بخنقة / انا هستناكي برا يا جميلة  بس حاولي متتاخريش ..ماشي 

وفعلا خرج اسد برا الاوضة وكان بيكلم نفسه 

اسد بتانيب / في ايه ما تجمد كدة يا عم اسد ..انت هتخيب ولا ايه ..ركز كدة هي مش مراتك و بعدين انت متعرفشي اي حاجة عنها اصلا ..اففففف اي اللي انا ورطت نفسي فيه ده 

والممرضة جات جمبه بستغراب / هو حضرتك بتكلم نفسك يا فندم ولا اي 

اسد بعصبية / اه يا ستي بكلم نفسي عندك مانع ولا اي ...  وبعدين انت مالك ومالي انا مجنون ابن مجانين ..غوري بقي من قدامي بدل ما اعملها معاكي دلوقتي 

الممرضة/ طيب حاضر ..انا بس كنت بقول لحضرتك أن باقي فلوس المستشفي المفروض تدفع قبل ما الدكتور يمضي للمدام علي خروج 

اسد  بعصبية / اففففف حاضر انت والدكتور الزفت ده ..نازل ادفع الفلوس ..اخفي بقي من وشي 

وفعلا اسد نزل دفع مصاريف المستشفي و الدكتور كتبلها علي خروج ..واخدها ونزلوا العربية 

__________________________________________

في اوضة ..

حسن / مراد بقولك ايه .أنت لازم تساعدني أوصله قبل ما يتهور .لان لا جدك و لا جدتك هيستحملوا أنهم يسمعوا عن موت حفيدهم  اسد العقاد 

مراد / بصراحة يا حسن مقدرشي اوعدك بس انا في حاجة في دماغي لو عرفت أنفذها.. يبقي تقريبا قول عليه يا رحمن يا رحيم .  

وفجاه الباب خبط ..

حسن / ادخل ..

دادة نعمة / صباح الخير .. عزيز باشا مستنيكوا تحت علشان الفطار 

حسن / حاضر ماشي ..احنا هنيجي وراكي .

يلا يا عم مراد احسن أنا جعان اوي 

مراد / لا يا عم روح انت افطر ..أنا ورايا شغل المفروض اخلصه 

وفعلا حسن نزل علشان يفطر 

____________________بقلم ✍️✍️ يوستينا سامي

في العربية 

اسد بيفكر يوديها فين واي رد فعل جده لما يعرف حقيقتها بس قطع تفكيرة لما لقه حور مسكت أيده وبتبتسم 

اسد بحدة / مالك يا اختي مبسوطة اوي كدة ليه .

حور / هو انت علطول  متعصب كدة .هو انا حبيتك ازاي .

اسد بعصبية / أيوة انا علطووول متعصب ..ملكيش دعوة بيا ..واخرسي خالص .  

وفعلا اخدها و اتجه للفيلا و ساب اللي يحصل ..يحصل 

__________________________________________

في الفيلا ..

علي السفرة ..

حسن قاعد ونور قاعدة قدامه وبتبصله بغيظ 

عزيز ( جد اسد و حسن و نور) : في اي يا حسن قاعد ساكت كدة ليه .هو اسد مكلمكشي النهاردة  ولا ايه .

عليا مراة عزيز وجدة اسد  بفرحة  / اي ده هو اسد قال إنه راجع يا عزيز احسن ده اتاخر اوي في السفرية الأخيرة دي .. 

حسن بزعل / أيوة المفروض يجي امبارح ..بس مش عارف اتاخر ليه كدة .

وفجاه الباب خبط 

حسن شاف اسد جري عليه واخده بالحضن . 

حسن بفرحة مصطنعة  /  اي يا ابني.  قلقتني عليك كل ده تأخير   .....مين دي يا اسد 

اسد بصوت واطي لحسن / مش وقتوا 

عزيز /  نورت بيتك يا حبيبي .. تعالي ده انت واحشني اوي 

وفعلا اسد راح سلم علي جده وجدته ..

نور بغيره / حمدالله علي السلامة يا اسد ..بس مين دي اللي جايبها معاك 

حور بستغراب / انا ... انا جميلة مراته 

نور بصدمة / ايييييه مراتك ..

استووب يا ترا ايه هيكون رد اسد عليهم ..وهل فعلا هيتعرف لجده بالحقيقة ولا هيداري عليهم 

كل ده هنعرفه البارت الجديد عارفة اني اتاخرت عليكم بس تعويض هنزل النهاردة بارت تاني 

بس لو في تفاااااااعل 😂✍️

للحصول على باقي الروايه عمل متابعه من هنااااااا

تكملة الروايه من هناااااااا