 |
#جحود_اب
#بقلم_ندى_الجندى
الفصل ٢١
ساره بعصبيه قولنالك مش محتاجين حاجه خد الكارت بتاعك وامشى😡😡
وائل الله مالك حاميه علينا كدا انا كان قصدى اساعد بس وقام ساب الكارت على الترابيزه عارف انك هاتحتجينى اصل المكان مكانى
ساره خدت الكارت
وائل بص لمحمود بثقه أنها خدته
بس ساره راحت رمته فى الباسكت وقالتله هو ده مكانك روح شوفلك حد تانى تعمل عليه الشويتين دول يلا يا ميرا
وسابوه ومشيوا
محمود البت خلت منظرك وحش اوى
وائل هى شايفه نفسها على ايه دى زيها زى غيرها
ميرا ساره انتى ازاى بجد عملتى كده هو رخم ويستاهل بس تصرفك كان جامد شوفتى منظره وانتى بترمى الكارت انا بجد فرحانه انى اتعرفت عليكى
ساره شكرا اصل هو ايه قله الادب دى جاي عايز يعمل نمره قدامنا ولو احتاجتو حاجه قولولى وهو اصلا شكله فا*شل بقى دا منظر دكتور
ميرا😂😂أه والله عندك حق
ساره عمو مصطفى جه اهو نتقابل بكره باى
ميرا باى
فى فيلا مروان
ساره وصلت مروان كان لسه مجاش
الو يا ساره
ايوه
مروان روحتى
ساره اه لسه داخله
مروان طب اتغدى بقى عشان أنا هتاخر شويه باى
ساره مع السلامه
عند اسيا
دانا شيفاكى يعنى معنتيش بتعملى مشاكل مع مستر سامر
اسيا اه هو انا ناقصه أسهر تانى على كميه الورق دى دى انا ساعات كتير ببقى مفروسه وبكتم فى نفسى
دانا 😂😂مالكيش غير كده هو الواحد كان بيسلم من لسانك
اسيا يا بت متخلنيش اقوملك
سامر الو
اسيا ايوه يا فندم
سامر تعاليلى مكتبى دلوقتى
اسيا تمام
عاجبك كده ده باين جه على السيره
اسيا خبطت ودخلت ايوه يا فندم
سامر انا فرحان جدا من مجهوداتك الفتره الاخيره وكمان معدش فيه تأخير عشان كده هتترقى من المنصب اللى انتى فيه
اسيا بفرحه بجد والله العظيم انا طول عمرى اقول ان حضرتك حد محترم وذوق
سامر بسخريه اه منا عارف بأماره الطاووس والحيوا*ن
اسيا افتكرت لما سمعها وهى بتش*تمه
اسيا بإحراج طاووس بس محترم
سامر برفعه حاجب نعم
اسيا ذوق ومحترم يا فندم طول عمرك بعد اذن حضرتك وطلعت تجرى
سامر😂😂مجنونه بس بحبها
اسيا داخله المكتب فرحانه جدا
دانا مالك فيه ايه
اسيا باركى لاخوكى ابو جبل انا اترقيت اترقيت وبثقه اخيرا قدر مجهودى
دانا 😂😂😂الف مبروك انتى تعزمينى بقى بمناسبه الخبر الحلو ده
اسيا طبعا اشيك عربيه فول فيكى يا بلد وهانروح انا وانتى
دانا يلا يا جز*مه مش عايزه منك حاجه
اسيا انتى الخسرانه
فى فيلا مروان دخل لقى ساره بتضحك وبتلعب مع ماكس
مروان مساء الخير
ساره انتبهت أن هو جه مساء النور
مروان احلى كوبايتين شاى بالنعناع بقى وتيجى نقعد فى الجنينه وتحكيلى يومك بالتفصيل
ساره فرحت أنه مهتم دخلت عملت الشاى على أما هو طلع لبس ترنج بيتى وقعدوا فى الجنينه
مروان ها يومك كان عامل ازاى
ساره اول ماوقفت وشفت اسم الكليه كنت فرحانه اوى اوى لاول مره فى حياتى احس انى عملت حاجه دا اكبر إنجاز فى حياتى انى وصلت لحلمى مكنتش مصدقه أن الحلم بقى حقيقه كنت فرحانه جدا جدا طايره من السعاده
وقعدنا فى مدرج والحاجات اللى انا كنت بشوفها فى التليفزيون بقلم ندى الجندى
مروان كان فرحان جدا أنه شايفها سعيده كده وبتتكلم وهى فرحانه
واتعرفتى على حد جديد
ساره اه اتعرفت على بنت اسمها ميرا طيبه خالص انا بجد بجد مدينه ليك بحياتى انت بعد ربنا السبب فى كل ده انا كنت زعلانه جدا انى مش هكمل ومش هوصل لحلمى انا بجد لو أعدت اشكرك طول عمرى مش هايكفيك حقك
مروان متشكرنيش ولا حاجه كل اللى انتى فيه دلوقتى ده بمجهودك انتى
مروان ومحدش رخم عليكى فى الكليه اصلهم دايما بيعدوا يتريقو*ا على دفعه سنه اولى
ساره افتكرت وائل
لا لا محدش عمل حاجه مقابلتش النهارده غير ميرا
مروان ربنا يوفقك أن شاء الله فى حياتك الجديده
ساره شكرا تصبح على خير
مروان وانتى من اهله
ودخلت ساره نامت
مروان طلع فوق أوضته مش عارف ينام
مروان اووووف انا مش عارفه اعمل ايه عشان اخليها تحس بيا
مروان الو
محمد ياعم الله يخر*بيت معرفتك هو فيه ايه الواحد مش عارف ينام منك فيه ايه ياعم انتا خفاش ياسطا مبتنامش ليه
مروان مش عارف انام كل أما احاول انام الأقى نفسى بفكر فيها
محمد طب انت واحد بتحب وسهران بتفكر فيها انا واحد سنجل وبائس أسهر ليه معاك
مروان مش انت صاحبى يبقى تتحمل
محمد طب يا مروان نام دلوقتى ربنا يهديك ونتكلم بكره سلام
عند محسن نايم فى السرير مش بيتحرك
سماح يا سماح
سماح يووووه عايز ايه
محسن عطشان عايز اشرب
سماح هو ايه القرف ده مانا لسه جايبلك خد اطف*ح
محسن هو فيه ايه انتى بتكلمينى كده ليه
سماح ايه بكلمك ازاى يعنى بكلمك عادى اهو
محسن طب تعالى أعدى معايا انا قاعد لوحدى بقالى كتير زهقت
سماح لا المسلسل اللى انا متبعاه جه وبتفرج عليه بقلم ندى الجندى
طب خودينى اتفرج عليه معاكى
سماح بزهق هطلعك ازاى يعنى هجرك
محسن امال فين الكرسى اللى خدناه من المستشفى
سماح بعته مكنش فيه فلوس فى البيت بعته عشان اشترى حاجات
محسن اشمعنى ده اللى بعتيه يعنى انا هافضل طول حياتى فى الأوضاع هنا
سماح بزعيق اعملك ايه يعنى قولتلك مكانش معايا فلوس ايه انت هتحاسبنى
محسن طب عامله اكل ايه النهارده
سماح مش عامله اكل تعبانه مقدرتش اعمل اكل كفايه عليا الشغل هيبقى شغل بره وشغل فى البيت كمان
محسن طب انا هاكل ايه انا جعان
سماح اعتبر نفسك صايم مش كفايه عليا بضيع عمرى وقاعده اخدم فى واحد عا*جز ومتناديش عليا تانى عشان المسلسل جه ومشيت وسابته
محسن عيط وحس بالذل وشاف فرق المعامله بينها وبين صابرين رغم لمى كان بيتعب كان بتفضل قاعده جنبه وتخدمه رغم معاملته الوحشه ليها وعمرها ماذ*لته ابدا بقلم ندى الجندى
فلاش باااااك
محسن انا تعبان اوى يا صابرين سخن اوى ومش قادر اتحرك
صابرين قاعده تعمله كمادات متقلقش أن شاء الله هتبقى كويس وآدتله خافض للحراره
صابرين بالشفاء أن شاء الله
محسن بجد نفسك اخف ولا بتقولى ربنا بيخلص اللى هو بيعمله فيا
صابرين انا عمرى مااشمت فيك ابدا ربنا يشفيك ويعافيك انت ابو بنتى صحيح معاملتك ليا وحشه لكن انا دايما بدعيلك بالهداية وانك تفوق لنفسك كده وتعاملها حلو فاكر يوم ما جبنا ساره كانت أول فرحتنا وكنا سعداء لكن بعد اما بقيت تشرب الز*فت ده وانت اتغيرت
أنا بدعيلك على طول تبطل وترجع زى الاول ربنا يهديك ويخليك لينا
بااااااااك
محسن بدموع عرفت قيمتك متأخر متأخر اوى يا صابرين الله يرحمك معرفتش قيمه الغالى غير لمى شوفت الر*خيص
سماح بره عايزنى اخدمه دى فرصه وجاتلى انى إذ*له واخلص فيه
فى بيت محمد
محمد انا حاسس كده أن احنا هنفلس قريب
مارون ليه
محمد دى عمرها ماحصلت أننا منروحش الشركه احنا الاتنين
مروان انا كلمت السكرتيره وقلتلها تلغى اى اجتماع النهارده اسمع بقى
محمد هاااه سامعك
مروان مش عارف اعمل ايه مش عارف اقولها ازاى
انت مش بتقول عيد ميلادها كمان شهر
مروان اه
محمد خلاص هاتلها تورته واكتب عليها Marry my
مروان ايه يلا الأفكار الجامده دى يا لعيب جبتها منين دى
محمد بثقه اى خدمه
مروان بانفعال انت غب*ى
محمد بتغلط ليه يا عم طيب
مروان بقولك مش عايز اقولها بطريقة مباشره عشان ممكن تكون مش بتبادلنى نفس الشعور تقوم تقولى اكتبلها Marry me
محمد اه صحيح فاتتنى دى
مروان امال انا بهرى فى ايه من الصبح
محمد عليك وعلى الاهتمام يا معلم اهتم على طول بيها هما دائما كده يقولوا الاهتمام مبيطلبش والاهتمام هيولد الحب لمى تهتم بيها على طول ده هايخليها تحبك يعنى لما تلاقيك عارف ايه الحاجات اللى هى بتحبها ده هايحببها فيك
مروان طب اجيبلها ايه فى عيد ميلادها عايز اجيبلها حاجه كده معبره
محمد اه مش عارف ابقى فكر ساعتها مش بتقول لسه شهر
عند ساره فى الكليه
بعد المحاضره
ساره دكتور باسم لو سمحت كنت عايز اسال على حاجه فى الجزئيه دى ممكن حضرتك توضحالى
اوك تعالى مكتبى وانا هافهمهالك
ساره لا خلاص مش مشكله طالما حضرتك مش فاضى
باسم لا انا كنت هاقولهالك عادى
ساره مش عايزه تروحله مكتبه لوحدها
ساره لا خلاص اصل السواق بره عشان بس متأخرش
باسم خلاص هفهمهالك هنا
وباسم شرحلها
هاااه فهمتى
اه شكرا يا دكتور وسألته شويه اسأله وباسم جابها
باسم ماشاء الله انتى ذكيه اوى وبتستوعبى بسرعه
ساره شكرا يا دكتور بعد اذن حضرتك
ميرا ايه يا بنتى كل دى اسئله
ساره ايوه كانت حاجات واقفه معايا
ميرا ده كل البنات كانت بتبص عليكى انتى واقفه مع دكتور باسم وزمانهم بيحسدوكى
ساره ليه هو انا كنت واقفه بتصور ده انا كنت بسأله فى حاجه فى المنهج
ميرا طب يلا
وروحت ساره
بعد شهر
مروان عامله ايه يا ساره فى المذاكره
ساره الحمدلله تمام
مروان انا شايفك على طول بتذاكرى ايه رأيك نخرج تغيرى موووود المذاكره شويه
ساره تمام ودخلت لبست
ركبوا العربيه ووصلوا المطعم
ساره لقت الانوار مطفيه والدنيا ضالمه
ساره هو قافل ولا ايه
فجأه النور قاعد
ومحمد وآسيا ومروان قالوا فى وقت واحد Happy birthday ساره
ساره بصت على المكان لاقت كله بلالين طايره وشكله جميل جدا والمطعم كان كبير اوى ومافيش غير هما بس وتورته عليها شمع رقم ١٩ ومكتوب عليها القمر كبر سنه
ساره بفرحه دى مفاجأه حلوه اوى انا كنت ناسيه انتوا ازاى عرفتوا تاريخ ميلادى
اسيا شارت على مروان هذا المارو من قال لنا
ساره ضحكت على طريقتها😂😂😂
دى بجد مفاجاه حلوه اوى اوى ربنا يخليكوا
شكرا جدا
اسيا يلا عشان تكفى الشمع وغانلوها كل اغانى عيد الميلاد
اسيا يلا كله بهوف الشمع كله كان رايح يطفى الشمع
اسيا زعقت استنوا
كلهم فيه ايه
اتمنى يا ساره امنيه
ساره أتمنت امنيه فى سرها وبعدين نفخت الشمع
اسيا ساره انا عايزه اقولك سر خطير بقلم ندى الجندى
ساره ايه
اسيا بمرح انتى لازم تقوليلى ايه هى الامنيه عشان تتحقق
ساره ضحك
اسيا يلا يا شباب نفتح الهدايا وكل واحد أداها هديته
فتحت هديه اسيا كانت دريس شكله شيك اوى ومعاه الشوز بتاعه
وهديه محمد كانت مصحف وسجاده صلاه
وهديه مارو كانت بلوره كده جواها واحد واقف قدام واحده ومكتوب جواها Tiamo يعنى بحبك بالايطالى
ومعناها بوكيه ورد وسلسله شكلها رقيق اوى على شكل قلب وبرفيوم براند مشهور جدا وساعه رولكس
ساره بجد الهدايا تحفه واليوم جميل اووووى اوووى وفضلوا سهرانين يحتفلوا
مروان وساره فى العربيه وهما مرواحين
ساره انا بجد متشكره اوى اوى اوى اليوم كان تحفه بجد بس انت عرفت يوم عيد ميلادى ازاى
مروان من الورق وشهاده ميلادك لما سحبت ورقم وقدمته فى الكليه
ساره وكنت لسه فاكره مع أنه يوم مش مميز
مروان ازاى ده مميز جدا
ساره ازاى
مروان عشان انتى اتولدتى فيه انتى اللى ميزتى اليوم اليوم اتميز بيكى مش العكس
ساره اتكسفت وسكتت☺️☺️😊
عند سامر فى الشركه
هو فيه ايه هى قالت بقالى كتير متاخرتش أما أتأخر النهارده
اسيا داخله بتجرى فيه ايه هو بيزعق ليه
دانا حضرتك السبب متأخره قال أول ما تيجى تدخليله على طول
يا مامى انا هدخل لوحدى
خبطت ودخل
صباح الخير يا فندم
سامر نص ساعه تأخير ليه يعنى ايه المدير يبقى موجود وهو اللى يستنى الموظفين
Sorry
سامر نعم اعمل ايه بsorry دى
اسيا خلاص سحبتها
سامر نعم
اسيا مش هى مش لازماك
سامر بغيظ انا حاسس ان شللى هيبقى على ايدك
اسيا قول يارب
سامر ايه قصدى ياااارب ميحصلش كده أن شاء الله
اتأخرتى ليه النهارده
اسيا هو انا مقولتلكش
سامر لا مقولتيش
اصل عيد ميلاد ساره كان امبارح واحنا بقى سهرنا وكنا بنحتفل
ساره مين
اسيا هو انا مقولتلكش
سامر بضحك على والنبى ماقولتيلى
اسيا دى واحده صاحبتى انت متعرفوش بس ايه كانت حته مفاجاه جامده فكره مارو اصلا
مارو مين
اسيا هو انا مقولتلكش
سامر لا
اسيا مارو ده الله انت عمال تاخد وتدى معايا فى الكلام كده وانت مالك اصلا يا فندم
سامر ولازمتها ايه يا فندم بقى على مكتبك بسرعه بدل أما ارتكب جر*يمه
اسيا مشيت من قدامه الله انا مالى ماهو اللى بيسال هو فيه ايه
دانا مالك بتكلمى نفسك اكيد شليتى الراجل
اسيا لا لسه فيه الروح😂😂
باليل فى بيت اسيا الباب بيخبط
افتحى يا اسيا
ايوه جايه اهو جايه اهو حاضر حاضر حاضر😂😂
اسيا فتحت ايه دا مستر سامر
#يتبع
يا جماعه ياريت اللى ياخد الروايه بينشرها عنده يستأذن الاول ومايشلش اسمى ولا غلافى من عليها لان الموضوع أتكرر كتير يعنى وعيب اوى ناخد مجهود حد ننسبه لنفسنا لانى بتعب جدا فى كتابتها من حقى ماحدش ياخد مجهودى لان كده مش هنزلها تانى (ندى الجندى)
نرجع لموضوعنا اتمنى البارت يعجبكم حبايبى كبير اهو زى ما اتفقنا دمتم بخير💙💙
#جحود_اب
#بقلم_ندى_الجندى
الفصل ٢٢
اسيا ايه ده مستر سامر
زينب مين يا اسيا
اسيا ده مستر سامر يا ماما
زينب اتفضل يا ابنى
دخل سامر كان لابس بدله شيك جدا ومعاه بوكيه ورد وشوكليت
سامر ازى حضرتك يا طنط
زينب اهلا يا ابنى منور
سامر انا اسف جدا انى جاى من غير معاد بس دى حاجه مهمه
زينب لا يا بنى ولا يهمك عادى
سامر انا جاى لحضرتك النهارده عشان اطلب ايد الانسه اسيا
اسيا اتصدمت ايه
زينب طب يا بنى مش جايب حد من أهلك معاك ليه
سامر انا أهلى متوفين
زينب البقاء الله
سامر انا سامر المحمدى صاحب شركه الدعايه و الاعلانات زى ما حضرتك عارفه من اسيا
اهلى توفوا من خمس سنين ومن ساعتها وانا عايش لوحدى واتمنى حضرتك توافقى على طلبى عشان اسيا تكون ونسى فى الحياه بقلم ندى الجندى
زينب والله يا بنى انت شخصيه محترمه أن شاء الله نفكر ونرد عليك ويكون محمد ابن خالتها هنا
سامر طب ممكن اخد رقمه أكلمه
زينب ادتهوله
تمام بعد اذن حضرتك ومشى
اسيا بصدمه هو كان جاى يطلب ايدى
زينب اه الواد شكله محترم وعاقل ياعينى خساره فيكى
اسيا 😂😂عسل يا ماما
أما ادخل أكلم محمد
الو
الو يا اسيا
محمد مش انا جالى عريس
محمد لا حول ولا قوه الا بالله مين اللى عايز يفقد شبابه ويضحى بنفسه ده ويتجوزك
اسيا ده انا قمر سامر مديرى فى الشغل
محمد سامر المحمدى
اسيا ايوه هو خد رقم تليفونك من ماما عشان يكلمك عارف لو موافقتش هنفخ*ك
محمد ده انا هوافق فورا احنا ما صدقنا نخلص منك😂😂
اسيا نينينيني
باى
محمد سلام
بعدها بأسبوع خطوبه اسيا وسامر فى قاعه فخمه جدا
سامر وهو قاعد جنب اسيا
سامر انا مش مصدق نفسى انك بقيتى خطيبتى انا لاول مره بقولهالك يا اسيا انا بحبك
اسيا بجد بس انا اتفاجأت انت مكنتش مبين ليا ابدا انا متوقعتش ابدا يوم ما جيتلنا البيت انك جاى تخطبنى دا كنت بحس فى الشغل انك مش طايقنى
سامر انا بصراحه فى الاول مكنتش طايقك
اسيا نعم
سامر بقول فى الاول فى الاول اصل كنت خارج من قصه حب فاشله ومقرر انى مش هرتبط تانى بس انتى بجنانك وعفويتك ملكتى قلبى غيرتى فكرتى خالص كنتى بتغيرى مودى خالص بضحكك وكلامك من غير ما تقصدى عفويتك وطيبتك دى اسرتنى عشان كده مترددتش ابدا انى اجى اطلب ايدك يا احلى حاجه فى حياتى بقلم ندى الجندى
اسيا كل ده بتسمعه وهى فرحانه جدا جدا
جه محمد يسلم على سامر الف الف مبروووك
سامر الله يبارك فيك عقبالك
جه بعدها مروان
مروان الف مبروك يا اسيا مبروك يا سامر
سامر الله يبارك فيك
وساره سلمت على اسيا
مبروك يا قمر
اسيا الله يبارك فيكى حبيبتى عقبالك
مبروك لحضرتك
سامر الله يبارك فيكى
الموسيقى كانت هاديه وجميله جدا
جه وقت الرقصه السلو
قام سامر يرقص هو وآسيا
سامر انا حاسس انى طاير من الفرحه
اسيا كانت فرحانه جدا جدا
سامر مش هتقوليها بقى
اسيا هى ايه
سامر بهدوء وبنبره تسحر بحبك ♥️♥️
اسيا بصتله وقالت بخفوت بحبك
سامر بضحكه ايه ده مسمعتش حاجه
اسيا لا هى بتتقال مره وحده بس
سامر ضحك مش مهم اهم حاجه أنها اتقالت
زينب قاعده على الطرابيزه هى ومحمد يا حبايبى لايقين على بعض اوى
عقبالك يا محمد يا حبيبى
محمد أن شاء الله يا خالتو
مروان اسيا وسامر لايقين على بعض اوى
ساره اه شكلهم جميل جدا ماشاء الله ربنا يبارك لهم
مروان ايه رأيك نرقص معاهم
كانوا لسه بيرقصوا سلو
ساره اتفاجأت واتلخبطتت جدا
ساره انا اسفه جدا مش بعرف ارقص
مروان خلاص ولا يهمك عادى
اليوم خلص وآسيا روحت هى ومامتها سامر وصلهم
ومروان روح هو وساره
مروان طلع اوضته
وساره دخلت اوضتها وقاعده على السرير بتفكر
ساره معقول يكون قاصده حاجه لمى طلب نرقص زيهم وكمان كلمه tiamo اللى على البلوره كل دى صدف ولا هو قصده فعلا حاجه
ساره لنفسها انتى غبي*ه معقول كل ده ولسه مش فاهمه قاصده يعنى كده هو بيحبنى
اه و قال على عيد ميلادى يوم مميز وبيت الشعر اللى قاله كان واضح جدا جدا بس انا اللى مش عايزه اعترف لنفسى بده
ساره لا بس ازاى واحد زيه مشهور وغنى يحبنى انا ويسيب كل اللى من مستواه
ساره وفيها ايه هو مش انسانه انا كمان ومن حقى اتحب
ساره لا فوقى مش من حقك احنا منعرفش نيته ايه
وفضلت ساره فى الصراع اللى هى فيه ده مش عارفه تقرر حاجه لحد ما نامت بقلم ندى الجندى
عدى شهرين محصلش اى جديد غير أن اسيا اتعلقت بسامر جدا جدا وهو كمان حبها اكتر من الاول وكل يوم بيكلمها
مروان مشغول جدا فى شغله
وساره مركزه اوى فى دراستها
وطلعت الاولى على الدفعه وبقت معروفه فى الكليه
محمد كفايه شغل بقى يا مروان احنا بقالنا كتير مخدناش اجازه
ايه رأيك نخرج باليل
مروان ماليش مزاج خالص يا محمد
محمد ليه مالك بقالك فتره طاحن نفسك شغل ومضايق فيه ايه
مروان عشان عرفت رايها هى مش بتبادلنى نفس الشعور
محمد هى اللى قالتلك كده
مروان مش محتاجه تقول كل تصرفاتها بتقول كده ماعنتش بشوفها خالص مركزه جدا جدا فى دراستها مش بنتكلم خالص حتى لو اتكلمنا مره مهما المحلها بتغير الموضوع وتكلمنى عن الكليه وكل كلامها علمى بحت كل كلامها عن الدراسه كنت بقول جائز فى ثانوى لسه صغيره مش فاهمه لكن دلوقتى بقت فى تانيه كليه اهى وبرده حتى يوم لمى طلعت الاولى على الدفعه جيت أخرجها رفضت وقالت إنها تعبانه طول مانا فى البيت هى فى اوضتها مش بتطلع منها خالص بقلم ندى الجندى
محمد خلاص متضايقش نفسك انهارده فى ماتش هاجى اتفرج عليه معاك واجيب اسيا تعد تتكلم معاها وهما بنات مع بعض اكيد هتحطلها
مروان تفتكر
محمد اه خصوصا اسيا اتخطبت هتعد بقى تحكيلها فابتالى ساره كمان هاتحكيلها لو هى فى حد فى حياتها
فى فيلا مروان
محمد بيتفرج مع مروان على الماتش
اسيا طبعا احنا ملناش فى الكوره تعالى نعد سوا
فى اوضه ساره
اسيا عامله ايه يا سرسور وحشانى جدا
ساره وانتى كمان وحشانى اوى من ساعه ما اتخطبتى معادش حد بيشوفك
اسيا الحب الحب يا أمير😂😂
ساره 😂😂بجد بالسرعه دى لحقتى حبتيه
اسيا فرحت أنها فتحت الموضوع
اسيا ايوه حبيته حد بيحبك جدا جدا وبيهتم بيكى دايما ومحسسك انك محور حياته طبعا لازم تحبيه
اسيا انتى عمرك ما جربت الاحساس ده
ساره لا خالص
اسيا ولا حتى فى الجامعه محدش لفت نظرك
ساره لا
اسيا دا انتى اللى مش طبيعيه ده وانا فى الكليه كنت بكراش على نص الدفعه
ساره لا خالص عمرى ما اعجبت بحد حاسه ان كده مش طبيعيه فعلا
ساره بس لو كان حد شاف إللى انا شوفته كنتى هتعرف انا كده ليه
اسيا هو انتى مش بتعتبرينى زى اختك فضفضى وقولى كل اللى انتى عايزاه
ساره بحزن
#يتبع
#جحود_اب
#بقلم_ندى_الجندى
الفصل ٢٣🔥🔥
اسيا فضفضى يا ساره اعتبرينى اختك
ساره بحزن دايما كنت اسمع أن الأب سند وضهر وامان وهو الحبيب الاول لأى بنت كان دايما اصحابى واحنا فى ثانوى يحكوا عن معامله ابوهم ليهم وقد ايه هو سند وحنين وكل واحده نفسها فى واحد زيه هو قدوتها الا انا كنت دايما لما اسمعهم بيقولوا كده ابقى عايزه أصر*خ و اقول كفايه بقى اسكتوا ويمر قدام عينى بين اللى هما بيحكوه ده وبين اللى انا شيفاه فى حياتى اب عا*طل مش بيتحمل مسؤوليه امى هى اللى بتنزل تشتغل وتصرف على البيت وهو قاعد ومقابل ده ياريت بيعاملها كويس لا ضر*ب واها*نه طول الوقت ماما كانت حنينه واحسن ام فى العالم بما تحمله الكلمه رغم انه كان قا*سى جدا فى معاملته وأسلوبه و*حش اوى لكن ماما كانت معوضانى جدا كانت هى الاب والام والضهر والسند والحنان كانت رغم تعبها تيجى تطبطب عليا وتقولى بكره ربنا يهديه بكره يبقى كويس بقلم ندى الجندى
كانت دائما هى اللى بتدينى الامل كانت على طول بتقولى متزعليش انا مافيش حاجه تأثر فيا ولا تزعلنى غير أنى اشوفك زعلانه مكانش ليا غيرها كانت دائما بتقولى انتى لمى تكبرى وتحققى حلمك هى دى السعاده بالنسبالي هو ده اللى هاينسينى كل حاجه هو ده اللى هيفرحنى كانت دائما لما يتخا*نق معاها تدخل تلاقينى بعيط تقولى انا مش عايزه بنتى ضعيفه العياط مش هايحل حاجه قومى اتوضى ويلا عشان نصلى كان يبقى لسه ضار*بها وهى جايه تضحك فى وشى وتقولى بنوتى الحلوه ذاكرت ايه النهارده لمى كنت اجى احكيلها عن اللى صاحبى بيقوله وقد ايه انا زعلانه أن هو مش زيهم كده تقولى وانا مش كفايه انا مش معوضاكى كانت بتشجنى دائما فى كل حاجه كنت بحفظ قرأن انا وهى وتتنافس من هيسمع تفسيرات اكتر ويجى يقولها للتانى يوم ما ختمت القرآن جت باست راسى وقالتى انا لو سالونى ايه هو أعظم إنجاز فى حياتى هاقولهم بنتى دى قالتى كل الناس بتسيب فلوس لعيالها لكن انا سيبالك اللى يحفظك دايما عمرها ماشفتنى زعلانه غير لمى هونت عليا حتى كلام اصحابى معدش بياثر فيا قولت مش مشكله انا ربنا معوضنى باحسن ام فى الدنيا هى وكفى♥️♥️ بقلم ندى الجندى
لكن مقدرتش تتحمل جالها سكت*ه قلبيه وتو*فت عرفت بعدها هى كانت شايله عنى ايه طرد*نى ولا كأنى بنته مرعاش حتى كسرتى وحزنى عليها حتى لمى رحت قعدت عند خالتو جوزها برده طرد*نى وفى النهايه ما*تت بسببه
وجايه تقوليلى دلوقت حب حب ايه انا مشوفتش حب ولا حنان غير من أمى الله يرحمها
اسيا والدموع فى عينيها من كلامها وقد ايه هى مستحمله كل ده لوحدها بس مش كل الناس زى والدك يا ساره مش معنى أن والدك كده وحتى جوز خالتك كده يبقى نعمم أن كله كده ماتشوفيش الناس كلها ابوكى زى مافى الو*حش فى الحلو بقلم ندى الجندى
ساره بس انا مشوفتش غير الو*حش وبعدين انتى شايفه امانك حمايتك كده يبقى ازاى تثقى فى حد غريب
اسيا فى سرها ده مروان هيعانى
اسيا طب ومروان
ساره بلخبطه ماله
اسيا انتى قاعده معاه اهو بقالك فتره وفى بيت واحد اى حد تانى لو كله و*حش زى مانتى بتقولى مكانش هيبقى ده تصرفه كان هيستغل الظروف اللى انتى فيها هل مروان عمل كده
ساره الحقيقه لا هو بيعاملنى بكل احترام
اسيا طب وده ملفتش نظرك لحاجه
ساره حاجه زى ايه
اسيا أنه مش زيهم ومش كل الناس وحشه انتى عارفه أن مروان صاحب محمد من زمان تقريبا اخوات مش بيخبوا حاجه على بعض عارفه أن مروان شخصيه جد جدا وكل حياته شغل وطبعا رجل اعمال زيه مشهور عالميا وفى السن الصغير ده محط إعجاب للكل عمر مافى بنت مكانش عينها مش عليه اسيا بمزاح الا انا طبعا بعتبره اخويا وربنا يخليلى سامورتى😂😂
عمرنا ماشوفنا مروان بالحنيه والطيبه دى مع حد عمره فى حياته كان دايما بيتريق على الحب والحاجات دى وشايفها تفاهات لكن لما انتى ظهرتى فى حياته شوفنا فى مروان جانب عمرنا ماشوفناه قبل كده
انتى عارفه أنه كان معتز دائما باسمه لانه المرو معروف أنه حجر صلب جدا اللى هو الصوان ده
مروان كان كده بالظبط حجر كنتى تحسيه روبوت كل حياته الشغل وبس فلما النوع ده يتغير ويحب فتعرفى أنه حب بجد وممكن يعمل اى حاجه عشان خاطرك
ساره بجد يعنى معاملته دى مش شفقه
اسيا انا هشد فى شعرى منك بعد كل اللى قولتهولك ده وتقوليلى شفقه شفقه ايه هايشفق عليكى ليه ما لو كان شفقه كان ساعدك ماديا وخلاص مكنش هايهتم كل الاهتمام ده انتى عارفه أنه فى السفريه اللى طلعنها كان جايبنى انا ومحمد مخصوص عشان انتى تطلعى معانا
كل الاهتمام ده محستيش أن ده حب بلاش
الاحساس عشان شكلك مش بتحسى😂😂
هو قالها اصلا صريحه
البلوره اللى جبهالك فى عيد ميلادك كان مكتوب عليها tiamo عرفتى معناها ولا جا*هله😂😂
ساره عرفت معانها
اسيا والله والواد مارو ده طلع رومانسى جدا ده انا هتصل اعكنن على سامر عشان مجاتش فى دماغه الفكره دى ومعمليش كده😂😂
انتى حولتى مروان الاسيوطى اللى الكل بيترعب منه وبيعمله حساب
لشخص رومانسى فيض حنان دى معجزه يا بنتى
ساره بجد يعنى دى مكانتش شخصيته
اسيا اطلاقا انتى اول حب فى حياته عاوزه يعمل ايه اكتر من كده عشان تقتنعى أنه بيحبك
ساره اقولك على حاجه بصراحه
اسيا قولى متقلقيش
انا خايفه خايفه اوى
اسيا خايفه من ايه
ساره انتى لسه قايله أنه عمره ماكان كده وهو غنى ومشهور زى مانتى قولتى كتير حواليه ايه اللى عجبه فيا خايفه أنه من كتر ما البنات هتمو*ت عليه شاف واحده هو بالنسبالها عادى فده اللى خلاه كده انا مليقيش بيه هو عشان لسه فى الاول اكيد بعد كده هيدرك أن هو اتسرع وأنه انا مش مناسبه ليه ساعتها انا هاعمل ايه
اسيا انتى ازاى تفكرى كده مروان مش كده خالص مروان قبل ما يبقى رجل الأعمال المشهور اللى انتى شيفاه ده كان مستواه تحت الصفر هو بس كان طاموح هو ومحمد لما عملوا اول شركه ليهم مكانش حد يعرفه مروان متولدش فى المستوى اللى انتى شيفاه ده والفلوس ماغيرتوش ولا عمره هايفكر كده انتى مش متصوره هو حزين قد ايه لمجرد انك مش حاسه بيه وبيضايق اكتر لما بيحس انك شايفه أن اللى هو بيعمله ده عطف ولا كتير عليكى انتى عارفه هو مقالكيش مباشر ليه لانه خايف خايف انك تكونى مش بتبادليه نفس الشعور وتسيبه وتمشى انتى حتى لو قولتيله انك مش بتحبيه هو مش هايبطل يساعدك بقلم ندى الجندى
انتى ماشوفتيش هو كان عامل ازاى لمى مشيتى زى ماقولتلك الشغل عنده الرقم واحد ساعتها مكانش بينام وبينزل يدور عليكى مكانش بيروح شغله ده خالص لحد مايلاقيكى مروان عمره فى يوم ما يفكر يجرحك وبعدين مروان مش مرا*هق عشان يسيبك ويكون كل تفكيره انك تكلميه وخلاص
ساره من جواها فرحانه بالكلام ده جدا لكن برده لسه خايفه خايفه جدا
اسيا هاااه اقتنعتى ولا انا فا*شله فى الاقناع ده انا ريقى نشف هاتى يا بنتى شويه المايه دول😂😂
ساره بضحك انتى بجد ازاى كده بتهزرى فى كل وقت وعسل كده وبتغيرى مود اللى قدامك
يعنى لسه من شويه كنتى عاقله كده وكلامك موزون بتتحولى ازاى كده 😂😂
اسيا ايوه طبعا امال ايه ده هوريكى عدم الاتزان النفسى اللى على حق😂😂
ساره 😂😂مش قادره انتى بجد فظيعه
اسيا الواد الوا*طى مكلمنيش النهارده خالص ولا كأنى موجوده لسه بتكمل الكلمه لقت سامر بيتصل
اسيا ياما هو سمعنى ولا ايه
اسيا الو
سامر وحشتينى♥️♥️
اسيا لا لا متضعفش موقفى فى الخناقه لو سمحت انا هتخانق دلوقتى
سامر ليه بس
اسيا مكلمتنيش النهارده اول ماصحيت وقولتلى صباح الخير
سامر بجد انشغلت خالص ونسيت عشان كده يومى كان وحش النهارده خالص عشان مبدأش بصوتك♥️♥️
اسيا هو ايه المحن ده تصديقى يا بت يا ساره عندك حق دى حاجه تقر*ف
ساره😂😂
سامر بتقولى ايه
اسيا ولا حاجه يا باشا معاك
سامر طب ايه مش بتتكلمى ليه بقولك وحشتينى
اسيا الله يخليك والله شكرا
سامر بصدمه الله يخليك شكرا
اسيا ايه مش عجباك دى خلاص تسلم يا غالى
سامر تسلم يا غالى هو انا بكلم واحد صاحبى وهو فى ايه انا هقفل سلام
اسيا سامورتى انت زعلت
سامر ايوه كده بقى
اسيا اتفلق يا حبيبى نيهاها ها
سامر مجنونه والله بس بحبك ♥️ وقفل
اسيا ياه حد يخطف قلب حد كده
ساره😂😂
مروان أنا مش عارف ازاى سمعت كلامك وخلينا اسيا تكلمها زمانها ماسبتش حاجه مقالتهاش
محمد بضحك طبعا هو انت متعرفش اسيا
ده زمان سامر ندم على قراره ده والله حذرته بس هو اللى أصر يلا يستاهل
اسيا بقولك اطلعى ناديهم يلا عشان نتغدى
ولا استنى كلامى مأثرش فيكى خالص
ساره بابتسامه لا قصر
اسيا بفرحه يعنى موافقه تديله فرصه
ساره ولو قلبى انكسر
اسيا متقلقيش عمر ما ده هايحصل مروان بيحبك جدا هاااه موافقه
ساره بإبتسامه ايوه
اسيا بفرحه مبرووك يا مرات اخويا😂😂
ساره اسكتى دا انتى فضيحه
اسيا يلا اطلعى ناديهم
ساره فى نفسها ايوه مش هيحصل حاجه لو اديته فرصه هو فعلا شكله محترم وطيب ومختلف ومن كلامها أنه بيحبنى اوى
مروان اخبار خالد ايه
محمد لسه فى بيته شكله خايف من اخر مره
مروان طبعا هو اللى يجى على مروان ده مصيره
اخر شحنه دخلت ولا لسه
محمد من زمان يا بوص
مروان قال جاى يقولى انت قلبك بقى خفيف وحنين وماعدش ينفع فى تجاره السلا*ح خليك فى الهندسه احسن
محمد اهو هو دلوقتى اللى لا بيشتغل فى السلا*ح ولا الهندسه
مروان امال مين اللى بيدير شركته
محمد مدير أعماله
مروان بس هدؤه ده مريب هو اكيد مش هايسكت الشحنه الجايه آخرها شويه وتأمن عليها جامد مش على اخر الزمن واحد زى ده يوقعنا
محمد عيب يا معلم حتى لو عمل ولا قال حاجه مين هايصدق أن مروان الاسيوطى اشهر رجل اعمال تاجر سلا*ح ده مش بعيد هو اللى يتح*بس
ساره ورا الباب بصدمه ايه تاجر سلا*ح😱😱😱
#يتبع
تكملة الروايه من هناااااااا
تعليقات
إرسال تعليق