 |
في السيارة لطريقهم للبيت ولكن رن هاتف جنة بيرن رقم غريب
جنة باستغراب: مين دا
صقر : هاتي
صقر: ألو ثم نظر لها واعطاها الهاتف
جنة : السلام عليكم
دعاء: عليكم السلام
جنة : مين
دعاء: هو انتي مسجلتيش الرقم أنا دعاء
جنة : معلش نسيت كنتي عاوزة حاجة
دعاء: ايوا أنا عرفت إن جوزك صاحب شركة كبيرة فلو يعني ممكن يشوف ليا شغل
جنة : حاضر هشوف واعرفك
دعاء: شكرا ليكي انا فعلا محتاجة الشغل بجانب دراستي عشان اصرف علي علاج والدتي
جنة بشفقه: حاضر هحاول مع السلامه
دعاء: الله يسلمك خالي بالك من نفسك
صقر: مين دي ي جنة
جنة : دي صحبتي دعاء اتعرفت عليها النهاردة في الكلية وكانت بتتصل تشوف ليها شغل في الشركة عشان تصرف علي والدتها وعلاجها
صقر: غريبة دي واي اللي عرفها اني صقر باشا واني عندي شركة
جنة باستغراب: مش عارفة يمكن شافت معايا قبل كدا في الكلية وعرفت انك جوزي وعشان كدا طلبت الشغل
صقر بذكاء: ممكن
صقر ب
في نفسه دي أكيد لعبة من مراد الكلب بما إنه هرب بس لعبة مكشوفه اوي بس هنشوف
صقر لجنة : انا موافق انها تيجي تشتغل
جنة بفرحة : بجد شكرا اوي ي صقر
صقر: وتحب تيجي وقت لما تعوز حتي لو من بكرة
جنة : هعرفها وهي مستعجلة فأكيد هتيجي بسرعه
بالفعل أخبرت جنة دعاء لتعرفها بأن صقر وجد لها عمل في الشركة
في البيت بعد وصولهم وتناولهم الغداء وجلسوهم مع وفاء بضع من الوقت وصعدوا إلي غرفتهم
صقر: الكلية كويسة
جنة : ايوا وانا اتعرفت علي دعاء شكلها طيبة اوي
صقر بخبث: طبعا دي طيبة اوي اوي
وعشان انتوا صحاب تيجي كمان تشتغلي معايا في الشركة وتكونوا جمب بعض في الكلية والشغل
جنة : بس الكلية و...
صقر: انتي بتروحي يومين في الأسبوع ممكن أعمل ليكي ورق انك تروحي علي ايام الامتحانات بس
جنة : لاء انا هنزل الكلية للضرورة بس وأيام الامتحانات واسمع المحاضرات من الدكاترة علي المنصه كل حاجة
صقر: يعني موافقة
جنة: ايوا
صقر : طيب بكرة نروح ان شاء الله مع بعض
ويلا عشان نصلي ونام ونصحي بدري
جنة : يلا
تاتي يوم
جنة : انا جاهزة ي صقر
صقر: يلا بينا
نزلوا تحت
وفاء: علي فين كدا
جنة : هروح مع صقر الشغل من النهاردة
وفاء: طيب يلا نفطر
أثناء الفطار
صقر : انا هطلع اجيب التليفون من فوق
جنة : طيب
وفاء باستغراب: في اي ي جنة حساكي في حاجة
جنة : بصي انا اتعرفت علي واحدة امبارح في الكلية اسمها دعاء وانا راجعه مع صقر لقيتها بتتصل عليا عاوزة شغل
الغريب انها متعرفش انا متجوزة مين وشغال أي عشان محكتش ليها حاجة
والغريب اكتر إنها مسألتش عن مكان الشركة ...وصقر لما سأل عرفت منين قولتله يمكن شافتك لما كنت معايا في الكلية بتقدم الورق ليا
وفاء بعدم ارتياح: يعني اي ي بنتي
جنة : انا متأكدة إن وراها حاجة وخاصة بعد هروب مراد من السجن
وفاء بقلق: هو هرب ...ربنا يستر
جنة : ايوا هرب .وانا كنت قلقانه من دعاء لما طلبت الشغل من صقر ....بس ارتحت أكتر لما صقر عرض عليا إني اروح اشتغل معاه..حسيت اني ممكن أعرف اي اللي وراها
وفاء : انتي بنت أصول ي جنة وانا واثقه فيكي
نزل ساعتها صقر
صقر: انا كلت يلا ولا لسه
جنة : وانا كمان
وفاء: يلا عشان متتأخروش ...مع السلامه ي ولاد
تحرك صقر وجنة بالسيارة للمكتب
دخل صقر بغروره الذي تعود عليه وخلفه زوجته جنة
صقر لروان السكرتيرة: من النهاردة هتبقي السكرتيرة لجنة هانم
روان بتبص لجنة : تحت أمرك ي صقر باشا ...
جنة:بس مين اللي هيبقي السكرتير بتاعك
صقر بخبث: صحبتك دعاء
جنة باستغراب: اشمعنا
صقر: عاوز أعرفها أصول الشغل وهعمل معاها الواجب عشان صحبتك وارفع راسك قدامها
جنة بعدم ارتياح لكلامه : طيب ماشي
صقر: مكتبك قدام مكتبي اتفضلي وروان هتفضل معاكي تعرفك كل حاجة
وفي تلك اللحظة ظهرت دعاء
دعاء: إزيك ي جنة
جنة بشك منها: الحمد الله اخبارك اي
دعاء: انا تمام ثم نظرت لصقر وقالت شكرا جدا علي إنك وافقت إني اشتغل معاك
صقر: دا من واجبي عشان جنة بس
دعاء: طبعا
جنة وهي تنظر لها: قوليلي عرفتي منين طريق الشركة
صقر وهو بيقطع كلام جنة عشان هو بقي عارف ان دعاء من طرف مراد وانه باعتها عشان تأذيه
صقر لجنة : خلاص كفاية مش وقت كلام وحكاوي اتفضلي علي مكتبك وانتي ي دعاء ورايا علي المكتب
جنة بتنفخ: حاضر
دخلت جنة المكتب ورائها روان
روان : نورتي المكتب ي جنة هانم
جنة : اولا بلاش هانم
ثانيا انا وانتي سننا قريب من بعض ممكن نبقي صحاب
روان بفرح : طبعا ي جنة
جنة وهي بتشدها عشان تقعد معاها : قوليلي بقي انتي بقالك فترة هنا
روان وهي حاسة بالارتياح معاها: ايوا ٣ سنين
جنة بضحك: يواااد ي جامد انت
روان بضحك: صقر باشا لو شافنا كدا هيرفدنا
جنة : ليه
روان : أصل كله ملزوم بالعمل مش الضحك
جنة بضحك اكتر : بقولك اي احنا نطلب لينا ٢ شاورما النهاردة اول يوم تعارف مع بعض
روان : انا كدا تاني يوم شكلي هشوف شغل جديد
جنة بضحك: منا شكلي هدور معاكي علي نفس الشغل
وظلوا يضحكون وتعرفوا علي بعض
في الجانب الاخر
صقر: اهلا بيكي في مكتبي
دعاء بدلع: اهلا ي صقر اقصد ي صقر باشا
وهنا ابتسم صقر بخبث فقد تذكر ما كانت تفعله هنا والان دعاء تفعل مثلها
صقر: انا ملتزم جدا في شغلي وبحب اللي يلتزم
دعاء وهي بتقرب وبتقعد علي المكتب: طبعا وانا لازم اكون من الناس اللي بتحبهم
صقر وهو عارف هيتصرف معاها ازاي لانه فاهم سبب وجودها: طبعا
دعاء: انا تحت امرك في كل حاجة
صقر: طيب اتفضلي بقي علي مكتبك عشان ورايا ورق لازم يخلص
دعاء : حاضر لو احتجت اي مساعدة اتصل وتلاقيني عندك وبتغمز
صفر: طيب ماشي يلا اتفضلي
خرجت دعاء من مكتب صقر وذهب لمكان مكتبها ثم جاء لها اتصال من شخص
مراد بشر: عملتي اي
دعاء وهي بتلعب في شعرها لأنها مش مجحبة عكس جنة: دا شكله بيقع من قرب أي واحدة تيجي جمبه
مراد : صقر طول عمره نسونجي
دعاء: وانا جيت في ملعبه يباشا
مراد : أي غلطة افتكري صحبتك هنا ساعتها
دعاء: لاء متقلقش هو فاهم اني صاحبة مراته المغفله دي سلام
في الجانب الاخر ابتسم صقر لانه أمر أحد العمال بتركيب كاميرات تسجيل صوت أيضا أمس عندما علم طلب دعاء من جنة أن تعمل معه وها هو قد تأكد عندما وجد دعاء تحدث مراد
صقر بشر وعيون حمرا: لتاني مرة ي مراد موتك هيبقي علي ايدي
عند جنة
انا زهقت انا هروح اقعد مع صقر في مكتبه
روان : تيجي نلعب بدل ما احنا لسه مفيش شغل عندنا
جنة بمرح: اوكي يلا
روان : هاتي القماشة اللي هناك دي وانا هحطها علي عنيا ولو مسكت انتي اللي عليكي الدور
جنة : اشطا بقي دا انا هاجي كل يوم الشركة عشانك
روان بضحك : طيب يلا ي جنة انا هبدأ
جنة : أنا هنا تعالي امسكيني وبتضحك
روان وهي عيونها متغطية: انا همسكك يعني همسكك وبالفعل بعد فترة امسك روان جنة
روان: اناي اللي عليكي الدور
جنة : دا انتي مش هتاخدي دقيقه في ايدي
روان : هنشوف يلا ابدأي
جنة وضعت القماشة علي عيونها وقعدت تدور عليها شوية
جنة : روان تعالي امسكك بقي
روان بضحك: لاء لازم ادوخك شوية
بقلمي مروة موسي ❤
عند صقر سامع صوت حد بيضحك وافتكر جنة راح يشوف في اي
صقر اول لما دخل لقي روان شاور ليها تطلع وتقفل الباب
جنة : روان انتي فين .....مش سامعه صوتك ليه ...انا هفضل كدا عارفه لو طلعتي برة المكتب وسبتيني هنا ادور عليكي هقتلك وبتضحك
ثم وجدت شئ اصطدم به فأزاحت الغطاء وجدت صقر وهو ينظر لها
صقر: والله دا احنا جاين نلعب
جنة بخوف منه: لا اصل ملقتش حاجة اعملها فقولت اتسلي
صقر وهو بيقرب منها : تقومي تلعبي
جنة : مهو انا ......ثم قطعها صقر عندما وجد دعاء تقرب عليهم لان باب المكاتب زجاج إلا مكتب صقر كان مغلق لطبيعه عمله
صقر: احنا مش جايين هنا نهزر اتفضلي انا هبعتلك ورق تشتغلي فيه وحساب روان معايا
جنة : بس روان معملتش حاجة انا اللي طلبت منها دا
صقر بيتظاهر بالعصبية بسبب علمه بأن دعاء تنظر إليهم: انا مش عاوز دلع اخرسي
جنة مندهشة من تصرفه لانه بقاله فترة بيعاملها كويس: اخفظت رأسها وقالت حاضر
ذهب صقر إلي مكتبه وهو يلوم نفسه
معلش ي جنة كان لازم اعمل كدا سامحيني
ظلت تفكر جنة بكلامه إلا أن صممت علي العمل بجد حتي يبقي ليها مكانه وعدم إهانتها مرة ثانيه وطلبت من روان أن تفهمها طبيعه العمل
انتهي اليوم وذهبوا للبيت وكان صقر يحتاج الاعتذار لها لكن رد عليه بأن ما فعله هو الصح فهو مكان للعمل وليس اللعب
كانت تعمل بجد حتي اتقنت العمل خلال شهرين فقط وأصبحت مكانتها مهمه جدا بعد مكانة صقر واصبح لها مرتب مجزي مثلها مثل اي موظف يعمل بالشركة وخلال تلك الفترة كانت تعمل حتي أن دعاء كانت تقرب من صقر وكان صقر يدع ليها الفرصة فهو يريد أن تشعر بالأمان ولكن كان يحاول عدم معرفة جنة بما سوف تفعله دعاء وما تفعله حتي لا يؤذيها
بقلمي مروة موسي
وفي يوم من الأيام داخل الشركة
جنة : روان عاوزة الورق دا يروح لصقر
روان : طيب دقيقه هخلص اللي في ايدي و أوصلك
جنة : طيب خليكي انا هروح المكتب ليه و اخليه يمضي عليهم
دخلت وجدت دعاء جالسة عند صقر في المكتب
جنة بحده : عاوزة أمضي علي الورق دا
دعاء : مش في باب لازم تستأذني
جنة باستغراب من كلامها: بس انا داخله عادي وبعدين ليه كلامك دا
دعاء: انا السكرتيرة بتاعته يعني انا اللي اقولك ادخلي او لاء
جنة : مالك ي دعاء هو انا زعلتلك في حاجة عشان تقولي كدا
دعاء: لاء بس اهم حاجة عند صقر النظام صح ي صقر
جنة بصدمه: صقر؟
وكادت أن تتحدث ولكن قطعها صقر و........
يتبع اللي عاوز البارت 22 يعمل متابعه من هناااااا
البارت الواحد والعشرون
Marwa mosa ✌ ❤
تعليقات
إرسال تعليق