 |
# جحيم قاسي
البارت ٢٢
في اوضه ملاك
ملاك:هو الوقت جري بسرعه كده ليه انا لسه حتي معرفتش هو انا اه ابتديت احبه بس مش لدرجه ان انا اتجوزه بسرعه كده
اسد بضحك:انتي بتكلمي نفسك ياملاكي
ملاك بصدمه:انت ايه الي جابك هنا وازاي تدخل من غير متستاذن
اسد:عادي مش هتبقي اوضه مراتي ادخل فيها براحتي واخرج منها براحتي ولا ايه
ملاك:لما ابقي مراتك ابقي ساعتها خش وبعدين انت عايز ايه
اسد: انتي نسيتي ولا ايه
ملاك:نسيت ايه
اسد: إن انا هقولك النهارده على البت الي انا بحبها
ملاك بحزن:بس انا مش عايزه اعرف واتفضل اطلع بره
اسد وهو بيقرب منها:انتي اول واحده لازم تعرف
ملاك:انت بتقرب ليه ابعد لو سمحت
اسد:البنت الي بحبها
ملاك:قولتلك مش عايزه اعرف ميخصنيش وابعد لو سمحت علشان كده حرام
اسد: انتي ياملاكي
ملاك:انا ايه
اسد بحب :انتي البنت الي بحبها انتي الي خدتي قلبي من اول مشوفتك
ملاك بصدمه:انت بتقول ايه
اسد: صدقيني انا معرفتش حبيتك ازاي انا اول مشوفتك من غير ما اعرف انك بنت عمي وانا وقعت في حبك بس ساعتها كنت بكدب نفسي واقول إن ده مستحيل يحصل لان حصل ياملاك وحبيتك كلمه حب دي قليله انا بعشقك
ملاك كانت واقفه مصدومه ومش عارفه تقول ايه معقول بيحبني
اسد: إنتي ساكته ليه
ملاك:انا مش عارفه اقول ايه انا مصدومه
اسد:افهم من كده انك لسه مش موافقه علي جوازنا
ملاك بصتله وماردتش عليه
اسد بحزن:تمام دي اكيد حريه شخصيه واكيد إن مش هقولك حبيني وبالنسبه لجوازنا احنا هنتجوز عادي وبعدين هنقول إن محصلش نصيب وهنطلق عن اذنك
ملاك:اسد انا بحبك
اسد بصلها بصدمه انتي بتقولي إيه
ملاك بابتسامه:انا بحبك
اسد:انتي بتكلمي بجد
ملاك بضحك:اه إنا برضوا مش عارفه ازاي بس انا كنت اول مشوفك قلبي يدق بسرعه ومعرفش ده بيقي تفسيره ايه لغايت اما اتاكدت من حبي ليك لما غيرت عليك من هايدي وبالنسبة لجوازنا انا موافقه عليه لاني ببساطه بحبك
اسد بفرحه:انا مش بحبك انا بعشقك ياملاكي
ملاك بكسوف:وانا كمان
اسد بضحك:انتي بتكسفي من دلوقتي امال هتعملي ايه لما..
ملاك بكسوف:اسد اطلع بره
اسد بخبث:ليه هو انا عملت حاجه
ملاك: اطلع يااسد
اسد:ماشي ياملاكي طالع هستناكي تحت
نزل اسد وهو مبسوط إن اخيرا اعترفلها بحبه وكان مبسوط اوي إن هي كمان بتحبه
في اوضه ملاك كانت فرحانه اوي وبتتنط
ملاك: اعععععع بيحبني بيحبني وقعدت تتنط على السرير قاطعها الخبط علي الباب
ملاك بصدمه: مين
فهيمه: انا ياملاك هانم
فتحت ملاك البات
ملاك: انتي ليه بتناديني هانم إحنا في سن بعض
فهيمه:ياهانم العين مترفعش عن الحاجب
ملاك:لو قولتيلي تاني هانم انا مش هكلمك وهزعل منك وبعدين انا بقولك بافهيمه بس صح
فهيمه:صح ياملاك
ملاك:ايو كده شاطره المهم كان في ايه
فهيمه: رقيه هانم كانت بتقولك انزلي علشان الغداء
ملاك:طب تمام انا نازله معاكي
نزلت ملاك وكان الكل قاعد علي السفره
ملاك: مساء الخير
الكل مساء النور
كانت لسه هتقعد بس مالقتش غير كرسي واحد جمب اسد بصت لاسد
اسد يصلها بخبث وقال:مش هتقعدي ياملاك ولا ايه
قعدت ملاك وهي مكسوفه وابتدت تاكل
حسين: ملاك
ملاك:نعم ياعمي
حسين:اعملي حسابك ياحبيبتي إن انا قدمتلك ورقك في الجامعة وهتبتدي من الاسبوع الجاي إن شاءالله
عائشه واميره: الله هنروح مع بعض الجامعه
ملاك:بجد ياعمي
حسين:بجد ياحبيبتي
اسد:جامعه ايه انا مش فاهم حاجه
حسين: صحيح انا نسيت اقولك
اسد:تقولي ايه
حسين:إن إنا قدمت لملاك في جامعه هنا وهتروح إن شاءالله من الاسبوع الجاي
اسد بغضب:بس إنا مش موافق
ملاك بصدمه:ليه
اسد بغضب:لا يعني لا انا مقبلش إن مراتي تروح جامعه وفيها شباب والله واعلم الجامعه دي عماله ازاي
ملاك: اميره عائشه بيروحو الجامعه
ملاك بدموع:بس إنا عايزه اكمل جامعتي
اسد بغضب: إنا قولت لا يعني لا واتفضلي اطلعي على اوضتك
طلعت ملاك وكانت منهاره في العياط وكانت هايدي شمتانه فيها
حسين بغضب:تعالي ورايا يااسد على المكتب
استوب 💓
بقلم:ملك يسري
البارت 23بعد عمل متابعه من هناااااااا
تكملة الروايه من هنااااا
تعليقات
إرسال تعليق