 |
#زواج_القاصرات_والصعيد2
شمس بعشق. بحبك وهفضل احبك لآخر يوم في عمري
نجمه بسعاده. وانا بمو"ت فيك ولو اتولدت من اول وجديد وخيروني.... هتختارك انت عمري يا شمس وحياتي كلها... عارف انا عمري ما هندم على اني قابلتك ولا هندم على كونك معايا... لما بفكر في كل اللي حصل بعرف اني مقدرش اعيش من غيرك... ولو سوزان ومدحت رجعوا تاني وحاولوا يفرقونا والله ما هيقدروا ولوا اتعاد كل اللي حصل هفضل واثقه فيك
شمس. ااااممم طب بقولك ايه اليخت بتاعنا موحشكيش
نجمه بصوت واطي. شمس اسكت لو سمحت
شمس بغمزه وهو بيشدها لحضنه بتملك. طب ايه رايك نخلع ونسيب الولاد
نجمه. والله طب وجميله وعز
شمس. انا بصراحه موافق على طلب عاصي
نجمه بخوف. لا طبعا يا شمس انت اكتر واحد عارف عاصي وسهراته و سفريات مصر كل شويه. انت عارف انه يعرف بنات
شمس. لاني عارف كل دا موافق على طلبه عاصي محتاج حد ينجده من كل المصايب دي والجواز اسلم حل له
نجمه وهي بتزقه وتقعد ادمه. انت كدا بتضحي ببنتي عشان ابن اختك
شمس بحده. انتي بتقولي ايه جميله تبقى بنتي زي ما هي بنتك يا نجمه. من أمتي واحنا بنتكلم كدا.. انتي عارفه ان جميله أغلى ما عندي في الولاد
يبقى ازاي اضحي بيها
على العموم تصبحي على خير. ونامي بدل ما يحصل حاجه نندم عليها احنا الاتنين
وسابها وراح نام على الناحيه التانيه من السرير وهو مديها ضهر
نجمه كانت بتبصله وهي عايزه اعيط عشان مش متعوده على زعلاه
راحت شدت الغطا و نامت وهي مستنيه يتدير ليها لكنه معملش كدا راحت قايمه من على السرير
وراحت بصتله وهو نايم وابتسمت وبقيت تزقه وتنام على صدره وحضناه بقوه
نجمه بهمس. انا بس متضايقه لكني مش خايفه انام لوحدي فأنا هنام النهارده في حضنك وبكرا نكمل خناقتنا.... اوعي تكون بتخو"ني في حلمك يا شمس
هو انت بتحلم بواحده غيري؟ شوف انا هنام بسرعه عشان ادخل لحلمك وابقى انا لوحدي في أحلامك...
بعد شويه نجمه كانت نامت
شمس فتح عنيه وابتسم. عشان كدا بحبك.. بحب الطفله البريئه اللي جواكي. تصبحي على خير يا قلبي
...... 🌺🌺🌺🌺🌺🌺.....
عند عشق
كانت بتتفرج على الاوضه بانبهار
عشق. يارب انا تعبت اوي مش عايزه ارجع للغجر تاني.. ارجوك
بس هتبقى مصيبه لو اللي اسمه منير عرف مكاني... اعمل ايه دلوقتي
اتنهدت بضيق وراحت نامت على السرير اللي اول مره تحس بأنه ناعم على جسم"ها مش زي الخيش اللي كانت بتنام عليه في منطقه الغجر
غمضت عنيها وبسرعه جدا راحت في النوم من التعب
في مكان بعيد عن أرض الواقع
او بالأخص في حلم عشق
عشق كانت بتجري بسرعه جدا بخوف وفي صوت كلا"ب وراها و صوت رجاله.... وشعل نا"ر باينه في الجو.. وهي بتجري بسرعه جدا وشعرها على وشها
بتوصل لآخر الشارع
مش بتبقى عارفه تعمل ايه غير أنها تبكي
واحد. هتروحي فين يا مزه؟ مفيش مفر
تاني. الغجر مالهمش مكان برا ارض الغجر ولا نسيتي عفاف
منير. عشق انتي ملكي انا وحدي
عشق. حرام عليكم انتم عايزين مني ايه سيبوني في حالي
منير بيبتسم بخبث وهو بيقرب منها لكن بسرعه جد باب بتفتح و شخص بيشدها و يجري وهو ماسك ايديها
وهي بتبصله وتجري
لكن فجأه وقف وشدها من خصرها وقبل ما تتكلم كتم بوقها وهو بيبص يشوف في حد وراهم ولا لاء
عشق بتبصله بخوف لكن تاهت في سواد عينه... بل أقسمت انها ترى الظلام في ليله غاب عنها القمر... ساحره جدا... بصت لملامح وشه واد ايه هو وسيم
وقال كلمتين مفيش غيرهم
... هحميكي متخافيش....
🌺🌺🌺🌺🌺🌺🌺🌺🌺
في صباح اليوم التالي
في غرفه رحيم
ملاك صحيت على صوت قفل الدولاب . بصت بخفه لقيت رحيم بيقفل رزاير قميصه مرضاش تقوم و فضلت عامله نفسها نايمه لحد ما يخرج لكنها لقيته واقف مبتسم بخبث أدامها وهو مربع ايديه
رحيم بابتسامه جميله. ااااممم مفيش داعي تمثلي انك نايمه على فكره
ملاك فتحت عينيها بتوتر وارتباك
رحيم بابتسامه جانبيه . يعني صاحيه يا مزتي
ملاك بتوتر. اه صا صاحيه ياله اتفضل انزل بقى وانا هحصلك
رحيم بخبث. ودا ليه بقى مش هنزل من غيرك ياله قومي
ملاك. رحيم عشان خاطري اخرج
رحيم بلا مبالاه شالها
ملاك. نزلني لو سمحت
رحيم وهو بيطبع بو"سه خفيفه على شفايفها. ياله خدي شاور عشان ننزل سوا
ملاك بخوف. هو انت ممكن تحب عشق يا رحيم؟
رحيم نزلها ووقفها اصاده وهو بيد"فن راسه في رقبتها يستنشق رائحتها باستمتاع.. ممكن تنسى لو سمحتي انا مش هحبها ولا عمري هفكر فيها كزوجه ليا انتي وبس اللي هتكوني في حياتي
ملاك. اومال انا خايفه ليه؟ ليه قلبي وجعني؟
رحيم وهو بيتنهد بحزن وهو لسه على وضعه. انا اسف انا السبب في الحيره اللي انتي عايشه فيها دي لكن والله يا ملاك انا مكنش اصدي اي حاجه
ملاك. بس هي أجمل مني؟
رحيم. ولو كانت ملكه جمال العالم انا لا يمكن احب واحده ر"خيصه زيها
ملاك بابتسامه جميله. خالص بقى اخرج وانا شويه وهنزل وراك
رحيم. تؤتؤ انا هفضل هنا ياله ادخلي خدي شاور عشان ننزل
ملاك بسعاده. حاضر
... 🌺🌺🌺🌺🌺🌺🌺....
عند جميله
في الموبيل
جميله. عاصم انا عايزه اشوفك لو سمحت؟
عاصم بجديه. في حاجه حصلت يا جميله؟
جميله. لا بس عايزه اشوفك لو سمحت
عاصم بجمود. انتي كويسه؟
جميله. لما تيجي هقولك
عاصم. اوكي ام نشوف
.... 🌺🌺🌺🌺🌺🌺🌺.....
عند عشق
صحيت من النوم وهي حاسه بصداع لكن لسه شايفه العيون السود اللي شافتها في الحلم
عشق بابتسامه ساخره. ايه مفيش حاجه دا حلم يا عشق بطلي اوهام محدش هيقدر يحميكي
قامت اخدت شاور وغيرت بعد ما فتحت الدولاب ووقفت مبهور بالهدوم اللي في الدولاب
اخدت دريس ابيض منقوش بدون دراعات
ولما شعرها ديل حصان وسابت كم خصله نزليني على وشها بجاذبيه
اخدت شوز ازرق خفيف لابسته ونزلت
في المطبخ
عشق. اساعدكم في حاجه
كبيره الخدم. لا يا هانم اتفضلي على السفره وشويه والقطار هيكون جاهز احنا مش عايزين نتعب حضرتك
عشق بابتسامه. لا تعب ولا حاجه
اخدت منها صنيه كبيره وراحت حطيتها على السفره و رجعت اخدت صنيه عليها الشاي
لكن وهي ماشيه كعب الشوز اتلوي والصينيه وقعت من ايديها
بتبص ادامها اتصدمت كانت هتقع لكن ايد الشخص دا كانت أسرعت وحاوطتها
عشق بصدمه. معقول!!!
بسرعه سابها وبعد عنها وهو بيز"قها بعيد عنها
بحده.... هو في خدم بالو"قاحه دي
محدش يحكم عليها لو سمحتوا لسه في أولها لان النفسيه في ذمه الله
حرام اللي بيحصل ده يا جماعه محدش لسه يعرف الروايه بتدور على ايه و بوظتي الجزء الأول
اوعدكم اوقفها
ملخص الجزء الاول
بدأت الحكايه لما مصطفى الشرقاوي اجبر اخواته البنات
(زهره ونجمه) انهم الاتنين يتجوزوا من عيله الانصاري
(زين وشمس) عشان كان عايز يتجوز بنتهم( فيروز) ودا كان شرط عيله الانصاري عشان يوفقوا على الجوازه
لكن هم كانوا رفضين لأنهم قاصرات ولانهم ميعرفوش الشباب
وطبعا لان زين باشا سمعته سبقه زي الز"فت وبتاع بنا"ت واخر هبد
ولأن نجمه اول مره شافت شمس كان بيضر"ب شخص
الشخص دا كان حر"امي لكن نجمه مكنتش تعرف عنه حاجه
عشان كدا كانت خايفه
🌹🌹🌹🌹🌹🌹🌹🌹
🌺🌺🌺🌺🌺🌺🌺🌺
تقوم أذكى أخواتها ست زهره
تفكر هي ونجمه انهم يهربوا من الصعيد
زهره عرضت على نجمه انهم يروحوا لوالدتهم في مصر لكنها رفضت لسبب هنعرفه كمان شويه
وهما بيهربوا شمس خبط نجمه بعربيته
ولأن بطلنا قلبه بسكوتايه وقع من اول نظره في غرام نجمته
لكن لحظ امهم الفقر او بصراحة لحظهم الحلو
اخوهم يعرف انهم عايزين يهربوا
فيروح يستناه في المحطه وهيتقابلوا هناك وطبعا يرجعوا معه واخدوا عل"قه زي الفل
🌺🌺🌺🌺🌺🌺🌺🌺🌺
جيه يوم الفرح
وطبعا زهره مكنتش طايقه زين
فعملت عليه لعبه واخدت دواء يعمل هبوط و اغمى عليها
بالنسبه لشمس فهو طبعا واحد ابن ناس محترم مش زي اخوه الصا"يع زين... فطبع مقربش لنجمه وعدوا الليله على خير بين الطرفين
.. 🌺🌺🌺🌺🌺🌺🌺🌺🌺🌺🌺🌺🌺🌺🌺
يا جماعه دا ملخص يعني تسريع للاحداث
بيجي بعد كم يوم بيسافروا اسكندريه هما الاربعه
وهناك نجمه وشمس بيقروا لبعض ويفهموا دماغ بعض اكتر ونجمه بتحب شمس لانه متدين وطيب و ليه هيبه غريبه
(جنتل مان من الاخر)
لكن في نفس الوقت
عند الصا"يع اللي ملقاش بربع جنيه تربيه زين باشا
زهره كانت دايما رافضه ودا كانت مخليه زي الحيو"ان وكمان اغت"صب مراته زهره
لكن مش احنا اللي نسامح بسهوله
زهره عملت خطه انها ما"تت
وطبعا دا بالاتفاق مع امها
وفعلا زين كان ندمان ونجمه كانت حالتها صعبه لان دي توامها وهنا اكتشفنا فعلا ان شمس بعشق نجمه من الموافق اللي كان بيعملها عشان يفرحها
(وهنا نقول مننا لله في حظنا الهبا"ب لان مفيش شمس في الواقع)
🌺🌺🌺🌺🌺🌺🌺🌺
زهره مش بيكفيها دا فبتقرر تنتقم منه فبترجع بشخصيه بنت اسمها عائشه منقبه
وتخليها معه طول الوقت على أنها جارته لدرجه انه بعشقها
لكن في ميزه انه كان حاسس انها شبه زهره وقالها دا
وبعد كدا بتختفي تمام
وهو بيجنن عشانها
لكن بتظهر فجأه وتقلب كل الموازين وتقوله انها كانت عايزه تنت"قم منه لكن حبيته في الفتره اللي كانوا فيها مع بعض
ورجعوا سوا الصعيد لكن هناك بتكون المصيبه
🌺🌺🌺🌺🌺🌺🌺
نجمه اول ما بتشوف اختها عايشه وأنها عملت كل دا من غير ما تفكر فيها انهارت بس طبعا بطلنا كان دايما جانبها
عدا فتره و نجمه سامحت زهره
لكن ظهرت حيه جديده في الروايه
🌺🌺🌺🌺🌺🌺🌺🌺
سوزان بنت خاله شمس
كانت عايشه برا مصر وكانت بتحب شمس وفعلا رجعت عشانه وفضلت تعمل مقالب لكن كانت بتنقلب ضدها لان شمس بيحب نجمه بجد
ونجمه كانت بتحبه
.. 🌺🌺🌺🌺🌺🌺🌺🌺
سوزان حطت منوم لشمس في القهوه وأخذته على اوضتها عشان تمثل ان حصل بينهم شي
لكن في نفس الوقت نجمه شافتها وكلمت زين اخو شمس اللي دخل بعد ما سوزان نامت واخدها ودخلها اوضه تانيه ونجمه هي اللي نامت جانب شمس
وفلت من المشكله دي
. 🌺🌺🌺🌺🌺🌺
شمس في الوقت دا كان داخل مناقصه كبيره وحاطط فيها كل فلوسه
🌺🌺🌺🌺🌺🌺🌺
كان في شخص اسمه مدحت بيحب نجمه لدرجه الهوس وكان منافس شمس في الشغل
اتصل بسوزان عشان يتفقوا سوا ضد شمس
وان نجمه هتبعد عن شمس وطبعا سوزان زي الغبيه وفقت
. 🌺🌺🌺🌺🌺🌺🌺🌺
حاولت بعد كدا تبدل معلومات مهمه في المناقصه دي عشان يخسرها
لكن شمس كان أذكى منهم وكشفهم ودا حصل في المانيا في الشركه اللي عامله المناقصه
وشركه شمس نجحت ووصلت العالميه
بتعدي تلات سنين على ابطالنا🌺🌺🌺🌺🌺🌺🌺🌺
وهما لسه مع بعض
نجمه وشمس كانوا في الساحل وعاشوا أجمل أيام
لكن عرفوا ان سوزان هربت
ودول كانوا اخر خمس بارتات
باقي الأحداث تابعوها في الروايه
وطبعا في كتير كملوا الروايه للاخر
المغز من الروايه
ان الثقه اهم شي في اي علاقه
بقلمي/دعاء احمد
اللي عاوز تكملة الروايه يضع تعليق في المدونه ويعمل متابعه من هنا
البارت الخامس من هنااااا
تعليقات
إرسال تعليق