 |
_للأسف الجنين ما'ت
مسعد بجنا'ن قرب عليها وعيونه مبتبشرش بالخير: أنتِ بتقوليه ايه هاااا قتل'تيه مش هرحمكوا كلكوا وبدء يصرخ ابنننني
زكريا قرب مسكه وحاول يلجم حركاته وبغضب: ورحمة أمي حركة كمان وهكون دا'فنك تحت رجلك فااهم
مسعد: أبعد عني وزقه بكل قوة عنده، وبانهيار طفل ابني راح الحاجه الوحيدة اللِ كانت هتربطني بيها العمر كله راح رااااح وهي كمان هتروح
الدكتورة: ي أستاذ هي كده كده الحمل مكنش هيكمل بالمشاكل اللِ كانت عندها بس دلوقتي احنا مش قادرين نسيطر علي النزيف فمحتاجين إذن حضرتك عشان للأسف هنضطر إننا نشيله
مسعد هجم عليها: انتي اتجننتي مش هيحصل إلا علي جثتي
زكريا فصل بينه وبين الدكتورة بعد ماضر'به لكمة فِ وشه: واحنا مش محتاجين إذنك ولا زفت أبوها موجود
ندهت الدكتورة للأمن وخرجتوه بره، وتمت العملية وخرجت
★*******★
ف اوضة بدأت تفوق
زكريا بفرحة: قسم انتي كويسة ي يااا ي دكتوره
جات الدكتورة كشفت علي قسمت وبعد يومين كتبت ليها علي خروج أخيرًا
★********★
وصلوا البيت
قسمت بتعب: بابا محتاجة أتكلم معاك
#دعاء_زينة
أبوها: ي عيون أبوكي أنتي ارتاحي بس وبعدين نقول اللِ أنتِ عاوزاه
قسمت بعند مسكت إيديه: دلوقتي ي بابا
أبوها: مدامك مصرة سامعك
قسمت: كنت قايل إن
قبل ما تكمل قاطعها: أنتي بنتي واللِ يفكر يإذيكي أمحيه من علي وش الدنيا
قسمت بدموع: بس أنا زعلتك كتير
أبوها: ولو شليت من جلدي رقات هفضل أبوكي وهتفضلي زرعت عمري يا هبلة
قسمت وطت باست إيد أبوها اللِ رفعها ليه فورًا فاترميت فِ حضنه: ربنا يديمك ليا يا رب
زكريا: ترتاحي بقي شوية
قسمت باستغراب: مين ده
صدمة حلت علي زكريا
قسمت بضحك: جاي معاك ده يا بابا
أبوها: ولا أعرفه
قسمت: تبعك يا ماما
أمها: جرا ايه ي بت أنتي هو أنتي وأبوكي عليه
زكريا: عارف ماليش غيرك ي عمري
قسمت باستنكار: عومري طيب ي عمره أنا جعانة
أمها: ارتاحي بس ونص ساعة والأكل يكون جاهز
#دعاء_زينة
★********★
مرت الأيام بين هزار وضحك ووجع ل قسمت بتحاول تتخطاه، لحد ما جه ميعاد الجلسة بتاعت القضية
وقبل ما القاضي ينطق حكمه الغيابي، دخل مسعد
مسعد: استني ي حضرة القاضي أنا عارف أنك هتنطق بالحكم لصالحها ولف ليها بس أنا بحبها يمكن هوس مش حب ومن كتر هوسي بيها ده كنت عاوزاه تخلف النهاردة قبل بكرة وكمل بدموع كنت عاوز حاجه تربطني بيها العمر كله لأني عارف أني حياتي معاها كده كده قربت علي نهايتها أنا أذ'تها وعذ'بتها كتير نسيت كل اللِ عملته ليا، عيرتها بكل حاجه عملتها وكانت سبب فِ أننا نجتمع وكمل بشحتفة عيل صغير بس خلاص كل حاجه راحت واللِ ممكن يربطني بيها كمان استحالة يجي أنا بحبك ي قسمت وعندي استعداد اعمل اي حاجه لأجل تكوني قريبة مني
قسمت بصيت ليه باهتمام: اي حاجه
هز رأسه بإيجاب
قسمت بقوة: يبقي تطلقني أرمي عليا اليمين وحررني وحرر نفسك من علاقة مؤذية بالشكل ده علاقة فيه أنا الطرف اللِ بيدي وأنت اللِ بتاخد وبتتحتكر كل حاجه لصالحك
مسعد بحزن وكسرة: أنتي طالق ي أجمل قسمة ربنا كتبها ليا ومحفظتش عليها
خدت زفير بقوة وكأنها كانت فِ كهف ضلمة مفيهوش هواء وخرجت للنور مرة تانية عشان تشبع رئتيها
★********★
استمرت الأيام فِ المرور قسمت بتحاول تتعافي من كل اللِ حصل ليها، يومها مبيخلاش من مناغشتها هي وزكريا
قسمت: متجوزتش ليه لحد دلوقتي
زكريا: مالقتش واحدة ترضي بيا
قسمت: ي راجل بقي مفيش ولا واحدة اتصت فِ نظرها وقبلت بيك
زكريا بضحك: تخيلي الوحيدة اللِ كانت ممكن تتص أتجوزتك
قسمت بشفقة مصطنعة: ي حرام ربنا يعوضك
زكريا بحنين: ماهو شكله هيعوضني قريب
قسمت باستفهام: إزاي
زكريا: ما هي أطلقت
جات تقوم تمشي
زكريا مسك إيديها: أنا شاريكي
قسمت: وأنا منفعكش
زكريا: محدش ينفعني غيرك وافقي وأنا أعوضك وأعوض قلبك عن كل الحزن اللِ شافه أديني بس فرصة
قسمت: خايفة مقدرش أديكي حاجه مقابل حبك ده
زكريا: حبي ليكي يكفيني ويكفيك والله وأنا مش عاوز حاجه غير أني أبقي قربك وبس
قسمت: ماشي ي زكريا كلم بابا وشوف هيقولك ايه
وقد كان كلم زكريا عمه ووافق وتم كتب الكتاب ببساطة، وفرحة علي الجميع، عشان تمر سنة فِ التانية زكريا بيحاول يعمل المستحيل عشان يأكد ليها حبه اللِ بيزيد كل يوم عن اللِ قبله فِ التالتة
★********★
قسمت: وبعدين ي زكريا مفيش فايدة أنت لازم تتجوز تشوف حياتك وتخلف وأنا راضية باللِ ربنا كتبه
زكريا: وأنا راضي بيكِ ومستكفي
قسمت بنرفزة: زكريااا
زكريا حط صباعه علي بقه: عيون زكريا أهدي وريح قلبك ودماغك لو عليا كفاية عليا انتي طلفتي الأول وبنتي البكرية
قسمت ابتسمت رغم عنها، وشالها مرة واحدة
قسمت بخضة: علي فين
زكريا بغمزة: هقولك كلمة سر وأحطلك قطرة أصل عيونك مش عجباني
ضحكت أكتر وحطت رأسها فِ التجويف اللِ بين رأسه وكتفه وقلبها حاسه خف الريشة بتحمد ربنا أنه رزقها بيه بعد كل اللِ حصل
#دعاء_زينة
★***********★
وفِ يوم نايمين صر'خت قسمت
قام زكريا مفزوع: فِ ايه مالك
قسمت بطني بتتقطع يا زكريا مش قادرة اهااااااااا
خدها وجري عالمستشفي، دخلت اوضة الكشف، وزكريا وأبوها وأمها برة مر'عوبين عليها برة خرج الدكتور
زكريا بقلق واضح علي وشه: طمني ي دكتور
الدكتور: أطمن حضرتك جوزها
زكريا: ايوة مالها
الدكتور: اطمن ده عادي للِ فِ حالتها
زكريا: إزاي يعني مش فاهم
الدكتور بعملية: مبارك المدام حامل وحملها من النوع الصعب وده واضح جدا ويفضل أنها لو مع دكتور تسمتر معاه لأنه أكيد فاهم حالتها أكتر
#دعاء_زينة
زكريا بدموع مش مصدق حضن الدكتور: يا ماانت كريم ي رب مفهوم ي دكتور مفهوم
ودخل حضنها بكل قوة ربنا ادهالوا وافتكر بعد ما طردوا مسعد من المستشفى من ٣سنين
فلاش باك....🍂
الدكتورة: ده مش معقول اللِ حصل ده معجزة
الأب: يعني ايه ي دكتورة بنتي مالها فيها ايه
الدكتورة: بنت زي الفل والحمد لله قدرنا نتفادي إزالة الرحم وبكده هي تقدر تخلف بعد العلاج وده هياخد شوية وقت
#دعاء_زينة
الأم بفرحة: ي ماأنت كريم ي رب اللهم لك ألف حمد وألف شكر
باااك...🍂
قسمت بتعيط فِ حضن زكريا: أنا بحبك بحبك حب لو اتوزن قصاده أهل الأرض وكل كلمات الشعر والشعراء مش هيكفي حبي ليك أنت رجعت ثقتي فِ نفسي حببتني فِ الدنيا بعد ماكنت كاره الحياة بما فيها
زكريا: هشش الحمد لله مش عارف أعمل ايه قدام كرم ربنا عليا غير إني أشكره وأدعيه يديمك ليا
قسمت اتنهدت براحة: ويديمك ليا
★********★
بعد تسع شهور فِ المستشفي خرجت الممرضة بطفلة أقل ما يقال عنها ملاك
زكريا بلهفة: قسمت عاملة ايه
#دعاء_زينة
الممرضة: مبارك ماجالك المدام زي الفل اتفضل شوف القمر بتاعك
زكريا عيونه عالباب العمليات: أما أطمن علي قسم الأول
عند قسمت أول مافاقت طلبت بنتها، الممرضة دخلت عليهم بيها: الأستاذ مرضيش يشوفها غير اما يطمن عليك الأول
قسمت بصت ليه بامتنان وحب بيكبر مع الأيام حركت إيديها علي وشه: بحبك
زكريا: هنسميها ايه
قسمت: عاوزين إسم يكون فيه عوض عن كل اللِ حصل
فكروا شوية وبعدين الاتنين فِ نفس واحد
/فرح
ضحكوا الاتنين عشان يدخل أبو قسمت وأمها: مبارك ي أبو فرح
وفِ الخلفية ''فارس قطيرية''
""هيجيلي اللِ يقدر قلبي.....
وده ثقة فِ الله مش فِ الأشخاص....
علشان أنا لما بحب بصون وبكون موجود مش صوت وخلاص....🦋""
#قسمت_قسم_لها_الفرح_أخيرًا3والأخير
بقلم
#دعاء_زينة
رأيكم وياريت لو حد هياخد حاجه ليا تكون باسمي ي شباب رجاءًا....😊
تعليقات
إرسال تعليق