 |
البارت السادس ❤️🔥
#وعد_الحر 💛
وصل فارس وسيف المكان اللي سايب فيه كارمن ... حط المفتاح في الباب وفتح
داخل فارس الاوضة ووراه سيف .. وكانت الصدمة
بص يمين وشمال ملقاش كارمن .. رفع عينه وبص على شباك الاوضة لقاه مكسور
اتصدم وبرق للشباك
سيف : يانهار اسود ومنيل
ايه العمل دلوقتي ؟؟
فارس بيستعيد أعصابه بعد لحظات : متقلقش ياسيف انا عامل حسابي على كل حاجة .. المهم اللي عايزه منك دلوقتي تضرب الأرض تطلع الكلب اللي إسمه سليم
سيف : وبعدين يافارس .. نفترض ان لقيته هتعمل ايه يعني
فارس : هتساعدني ولا اشوف غيرك ياسيف ؟؟
سيف : خلاص ياعم هساعدك .. والله انا ما بقيت فاهم مين فينا الاخ الكبير 😒
فارس : مش وقت كبير وصغير ياسيف يلا الله يباركلك بلاش تضييع وقت
سيف : تمام
خرج سيف علي برا .. قعد فارس على السرير وسرح شوية
فارس : بقي كدا ياكارمن ؟؟
سنة كاملة من عمرك تمسحيها في ثواني !
تمسحي جوزك وتمسحي بنتك وتمسحي ذكريات ومشاعر كنت فاكر أنها حقيقية ...
طب وحياة بنتنا ياكارمن ، وحياة وعد اللي إسمها كان وعدي ليكي إني أحافظ عليكي لا هدفعك تمن كل اللي خليتيني أعيشه دا
استعد وقام وقف خرج على برا ..
💛💛💛💛💛💛💛💛💛💛💛💛💛💛
*في بيت الحر *
*تحديداً في أوضة كارمن وفارس *
جميلة قاعدة على السرير ساندة دماغها لورا وبتعيط .. أمنية جت من برا خبطت
جميلة: ادخلي ياحبيبتي
دخلت أمنية قعدت جنبها وبصتلها .. وبعد لحظات انهارت جميلة في العياط اكتر
أمنية بتاخدها في حضنها وبتطبطب عليها
جميلة : قلبك واجعني اوي ياامنية .. قلبي واجعني ومش قادر يستوعب اللي بيحصل
لا قادرة افهم كارمن ليه تسيب كل حاجة وكل النعم اللي عايشاها وتمشي .. ولا قادرة أفهم كلام فارس دا معناه ايه بالظبط وايه اللي وصله يقول كلام زي دا
نفسي اشوفها .. نفسي اخدها في حضني واشم ريحتها والنار اللي جوايا تطفي وبعدها نحل اي مشكلة
أمنية : انا عارفة إن يمكن الصلة اللي بيننا بعيدة اوي بكوني ابقي سلفة بنتك .. بس بحكم أني بعتبر كارمن اختي وبحكم إن أمي ماتت وهي بتولدني فانا معتبراكي .. ياريت انتي كمان تعتبريني كارمن وتعتبري انك دلوقتي في حضنها
عمري ما هوفي مكانها عارفة والله بس ع الأقل تخيلي يمكن التخيل دا يريحك
خصوصاً لما اقولك إن كارمن بنتك مستحيل تغلط واكيد اللي حاصل دا ليه سبب .. واكيد كلام فارس كمان ليه سبب او سوء تفاهم
بتبعد عنها وتمسك وشها : حضرتك واحدة مؤمنة ياامي وعارفة إن ربنا عمره ما هيعمل حاجة وحشة خصوصاً واننا ناس غلابة ماشيين جنب الحيط
جميلة بتبتسم وبتطبطب عليها : امك اكبر خسارة خسرتها انها ماتت قبل ما تشوفك .. كان لازم تشوف بنتها ايه وقلبها ابيض وجميل ازاي
ربنا يحميكي لشبابك يابنتي ويرضيكي ويراضيكي
أمنية : يارب ياامي
يلا انا هقوم اغير لوعد عشان تقريباً عملت بيبي 😹 واخدها بالمرة اوديها لدكتور الأطفال عشان التطعيمات بتاعة اول أسبوع
💛💛💛💛💛💛💛💛💛💛💛💛💛💛
فارس ماشي في الشارع بالعربية بيدور على كارمن في كل مكان ممكن يلاقيها فيه .. تليفونه رن رقم غريب
فارس : الو ..
= مساء الخير يااستاذ فارس
فارس : مساء النور .. مين معايا ؟
= حضرتك لحقت تنساني ! 😹
انا سلمى مديرة أعمالك الجديدة
فارس : اهااا ازيك ياسلمى .. معلش مش مركز خالص
سلمى : ولا يهمك يااستاذ فارس .. عموماً انا بكلم حضرتك عشان تسجل رقمي
وعشان اقولك إني حليت مشكلة العامل اللي اتصاب إصابة عمل وراضيت أهله والرد الأخير ليهم إنهم هينتظروا اول ما يبدأ يتحسن ويرجع الشغل تاني
فارس : واو .. دا انتي داخلة في الموضوع بقلبك بجد بقي ؟
سلمى : عيب عليك يااستاذ فارس انا مكنتش ببيع بليلة بردو 😹
فارس : طالما كدا يبقي مفيش داعي من أستاذ فارس بقي .. خليها فارس بس
سلمى : 😹😹 اللي حضرتك شايفه
فارس : تمام انا في ايدي حاجة بخلصها وهرجع أكلمك عشان نحدد كام نقطة كدا
سلمى : اتفقنا
قفل معاها فارس وبص للتليفون باستغراب .. وبعدين قفله وكمل سواقة
💛💛💛💛💛💛💛💛💛💛💛💛💛💛
سيف بيخبط على باب شقة
شاب من سنه بيفتح الباب : مين حضرتك ؟
سيف : سليم هنا ؟؟؟
الشاب اتوتر وجاي يقفل الباب في وشه بسرعة سيف زق الباب وزقه ودخل يجري على جوا
ولسة هيتكلم شاف تليفون سليم محطوط على السفرة ومفتوح على شات بينه وبين كارمن
كارمن : انا كارمن .. بكلمك من تليفون في الشارع .. هبعتلك لوكيشن تعالالي حالا
سليم : ايه دا انتي اختفيتي فين وايه اللي وداكي المكان دا !!
كارمن : خلصني وتعالالي قبل مااغير رأيي وساعتها نروح في داهية كلنا ومش هبقي باقية علي حاجة
سليم : جايلك
سيف ماسك التليفون بيقرا المحادثة ومبرق .. ساب التليفون من ايده
سيف : سليييييييم .. انت ياززززززفت
اطلعلي ياابن امك دا انا هطلع عين ا*لك
سليم في الاوضة اللي في آخر الشقة اول ما سمع صوته قام وقف واتوتر ولسة هيفكر في مخبأ لقي باب الاوضة بيتفتح وسيف داخل
سليم بيرجع لورا : ايه اللي جابك هنا ياسيف !!
سيف رايح عليه : ولما انت مش عارف ايه اللي جابني هنا خايف وبترجع لورا زي النس**ان ليه ؟!!!
سليم : انا مش خايف ولا عملت حاجة أخاف منها أصلا واقدر اقوم ب١٠ زيك
سيف : طب ما تقوم كدا توريني
*سيف بيديله بالرجل في بطنه بيطيره من قدامه*
ولسة هيقرب منه ويكمل عليه ضرب جه صاحبه من ورا ضرب سيف بالفازة في دماغه .. سيف اتوجع وحط ايده على دماغه بسرعة وعلى ما فاق تاني ومسح الدم اللي نزل على وشه كان سليم وصاحبه اختفوا من قدامه
قام سيف بسرعة طلع تليفون يتصل بفارس
💛💛💛💛💛💛💛💛💛💛💛💛💛💛
بعد نص ساعة
كارمن ماشية في شارع فاضي متوترة جدااا وهتموت من الرعب .. حست بحد جاي من وراها
بدأت تسرع خطوتها من غير ماتبص وراها لحد ما مادخلت جنينة .. حست بحد بيحط ايده على كتفه
كارمن بتتلفت : سليم ؟؟
فارس بيضحك بسخرية : لا ياحبيبتي للأسف الشديد اللي قدامك مش سليم .. وللأسف الأشد منه إن اللي قدامك دا عزرائيلك
كارمن بتبرق : فار...
وقبل ماتكمل الكلمة فارس لطشها قلم طيرها من قدامه .. وقعت على الأرض وبوقها جاب دم
وطى مسكها من شعرها : تصدقي بالله .. انا بقيت بستحقر نفسي كل ماافتكر إني حبيتك او في يوم من الايام لمستك
انتي اللي زيك المفروض يعيش يتعذب ويتهان وبس ... ودا اللي انا هتعيشيه من هنا ورايح
كارمن بتعيط وبتمسك ايده اللي ماسك بيها شعرها : فارس انت بتوجعنننني
فارس : بوجعك !! ياروحي 🥺
تصدقي زعلتيني *بيشد شعرها أجمد* طب بمناسبة الوجع ماتيجي نتخيل مع بعض انتي بتوجعيني كام مرة في الثانية ؟؟؟؟
اقسم بالله لو ماخليتك تبكي بدل الدموع دم مبقاش من دم الحر ياكارمن .. ووعد الحر دين عليه
بس الوعد دا غير الوعد اللي فات
اداها بالدماغ اغم عليها .. قام شالها وراح بيها على عربيته حطها فيها وبدأ يتحرك
💛💛💛💛💛💛💛💛💛💛💛💛💛💛
*في أوضة أمنية وسيف *
أمنية واقفة قدام التسريحة بتسرح شعرها .. سيف داخل من باب الأوضة دايخ و حاطط ايده على دماغه وفيه دم نازل على وشه
أمنية اتلفتت بخضة .. اول ما شافته بالمنظر دا برقت وعينيها دمعت
أمنية بتجري عليه : سييييف .. ايه اللي عمل فيك كدا في ايه ياسيف ايه اللي حصل
سيف : اهدي اهدي ياامنية الموضوع بسيط
أمنية : بسيط ااااايه بس بالدم اللي نازل دااا
سيف : طب جهزيلي هدوم ادخل اخد دوش ولما اخرج هحكيلك كل حاجة
أمنية بتشده : دوش ايه اللي تاخده تعالى اقعد هنا
جريت فتحت الدرج جابت منه علبة الاسعافات ورجعتله .. فتحتها وطلعت القطن والمطهر
بلت القطنة بيتادين وبدأت تطهر الجرح وهي دموعها نازلة من خوفها عليه
سيف بيمسك ايديها : مالك ياحبيبتي بتعيطي ليه
أمنية بتعيط : ايه اللي حصلك ياسيف
سيف : والله خناقة بسيطة اتخبطت فيها .. خايفة اوي ليه كدا ياحبيبتي
أمنية بتعيط اكتر وهي بتلف الجرح
سيف قام وقف وخدها في حضنه : اهدي ياحبيبتي دا موضوع صغير وتافه والله
أمنية : كلهم كانو بيقولولي مواضيع صغيرة وتافهه لحد ما لقيت نفسي لوحدي
سيف بيحط ايده على وشها : ومن يوم ما ارتبطت بيكي ودخلت حياتك وعدتك انا اللي هفضل جنبك علي طول
أمنية : ربنا يخليك ليا ياحبيبي .. طب احكيلي بقي ايه اللي حصل
سيف : تمام هحكيلك
💛💛💛💛💛💛💛💛💛💛💛💛💛💛
في بيت الحر 🏯
فارس وصل بالعربية .. نزل شال كارمن وطلع بيها من الباب الخلفي .. مشي في الطرقة لحد آخر اوضة بعيدة ومنفصلة عن البيت نفسه
دخل بيها الأوضة .. رماها على السرير بغضب
رجع لحد باب الأوضة تربسه كويس وقفله بالمفتاح
لف وشه وبصلها
💛💛💛💛💛💛💛💛💛💛💛💛💛💛
*في أوضة فاطمة *
فاطمة قاعدة على سريرها وماسكة وعد حفيدتها بصالها بنظرة عميقة جدا ... وبعد دقايق
فاطمة : عارفة انا استنيت قد ايه لحد ما وصلت للحظة دي ؟
طبعاً مش عارفه .. بس مع كل يوم هتكبريه هتعرفي انا بحبك قد ايه وعملت ايه عشانك
لدرجة إن هييجي عليكي اليوم هتكرهيني زيهم كلهم لمجرد إني حطيت حياة كل واحد فيهم على كف عفريت عشان احافظ على حياتك انتي
ودا لأن اللي انا شوفته في حياتي خلاني اخد عهد على نفسي مخليش بنت من دمي تعيشه
بتبوس دماغها وايديها
💛💛💛💛💛💛💛💛💛💛💛💛💛💛
كارمن بتفتح عينيها .. لقت نفسها قاعدة على كرسي ومتربطة فيه ايد ورجل ، رفعت عينيها بصت لفارس اللي واقف قدامها بخوف
فارس : صباح الفل
أخيراً صحيتي يا.... مراتي
كارمن : ايه اللي انت عامله فيا دا يافارس
فارس : هو انا لسة عملت حاجة ياقلب فارس !!
دا لسة التمهيد
ومن هنا هتبدأ الأحداث تخش في الجد 🔥🔥🔥🔥🔥🔥🔥
تفاعلوا ووصلوا البوست ل1k شجعوني أكمل بقي❤️❤️❤️❤️
اللي عاوز السابع يعمل متابعه من هناااا
البارت السابع من هنااااااا
تعليقات
إرسال تعليق