 |
انا عاوزه اعرف انت هتسيب الكرك.وبه دي امتي انا مش قادره استحمل اكتر من كده
بصلها بحب...بتغيري علياا خلاص كلها يومين وافشكل الخطوبه بس متزعليش انتي بس وبعدها نتجوز
ابتسمت بخبث...طيب اذاا كان كده ماشي مش هتطلبلي اكل ولا ايه
مراد بهدوء وحب..اه طبعاا
فجاءه تليفونه رن
بص للمتصل بانزعاج
مايا بضيق...هي الكركوبه دي ورايا ورايا اقفل الزفت ده
مراد..قفل الموبايل مافيش ثانيه ورن تاني
مراد فتح الموبايل
نور.. بقلق... مراد انت كويس قولي فيه حاجه
مراد بجديه واسلوب حاد...فيه حاجه يانور انا كويس
نور...بزعل وقلق... الحمدلله قلقت عليك عشان مبتردش عليااا بعد كده ترد علياا علطول طب هتيجي امتي بابا عزمك علي العشاا النهارده
مراد بغضب...يعني انتي متصله بيااا عشان كده اقفلي الموبايل
وقفل في وشهااا
مايا بضيق..كانت عايزه ايه ست الحسن والجمال
مراد..كانت بتطمن عليااا
مايا..بسخريه..بتطمن عليك ليه وانت صغير انا مش عارفه خطبتها ليه
مراد.بجديه..قولتلك خطوبه مصلحه وانتي عارفه ماما هت.موت وتجوزني نور واناا مش قادر ازعلها خصوصا انو هياا مريضه
ماياا..بضيق.. اووف بص انت تسبها بقي والا انا الي هسيبك
مراد بتوتر...لاا انا قريب اووي هفشكل الخطوبه دي
---------
ام نور...قالك ايه هيجي
نور بابتسامه مزيفه...للاسف عنده شغل كتييير اووي ادعيلو ياماما
ام نور بضيق..بصراحه يابنتي ده مش اسلوب ولا بيكلمك ولما بيكلمك بحسه بيطلع في الروح لما بيكلمك وبيعاملك وحش ليه التعب ده كله يابنتي
نور بتهرب..لا انتي فهماه غلط ده بيحبني اووي ده حتي وسط مشغاله افتكر انو عيد ميلادي النهارده وقالي كل سنه وانتي طيبه وكمان جبلي هديه وهقابله بكره ده حتي قلي سلميلي علي ماماا
ام نور...مش عارفه عموما انتي حره دي حياتك
وخرجت من الاوضه
اما نور اترمت علي السرير وبدات تعيط بتعب وحزن
ياربي اعمل اييه انا بحبه اووي ومقدرش اسيبه هوو حبي الوحيد اناا عمري ماحسيت بحنان الاب ولا حد كان حنين عليااا فكرت انو هحس معاه بالامان حبيته من وانا عيله صغيره واتمنيت انو يكون حلالي في يوم ويوم الخطوبه قالي انو بيكر.هني وعمره ماحبني وانو خطبني عشان ماما خديجه كانت عاوزه كده..وقالي اني ارفض بس اناا مردتش وكنت مفكره هخليه يحبني بس للاسف مش كل الاحلام بتحقق
-------
مراد دخل من باب الشقه
قابلته امه....
خديجه...اممم انا قررت انو كتب كتابك علي خديجه كمان اسبوع ايه رايك
مراد بسخريه...وبتساليني ليه مانتي قررتي كويس انك فتحتي الموضوع ده انا مش هتجوز نور وهتجوز ماياا وده اخر كلام عندي دخل اوضته
-----
في الصباح
خديجه فتحت الباب
انتي مين
مايا..انا ماياا عاوزه اقابل مراد
خديجه بضيق..اتفضلي
يامراااد يامراااد
مراد...نعم ايه ده مايا في ايه
ماياا بدموع وبصت علي خديجه
مراد.. تعالي في المكتب
-----
رن الجرس
خديجه راحت فتحت...لقت نور وفي ايديها شنط وبوكيه ورد
نور بحب ازيك يماما عامله ايه وحشتيني اوي
خديجه بحب وخوف...وانتي كمان وحشتيني يانور تعالي ندخل جوه في اوضتي ونتكلم براحتنااا
نور بحب يللا
في الاوضه
خديجه...انا هجبلك حاجه تشربيها
نور..لاا متتعبيش نفسك انا هقوم انااا
خديجه بخوف... ماشي
نور كانت رايحه للمطبخ سمعت صوت من المكتب عرفت انو مراد هنااا ابتسمت بحب وفتحت الباب...لقتت
مراد قاعد جمب مايا وبيمسح دموعها
اناا خلاص هفشكل الخطوبه واجي لطلبك من اهلك
نور..بدموع...مراد
#تجاهله_لي_اتعبني💔
بقلم...#Nada_Abdel_Hady
ملحوظه....نور ومراد عيال خلات 🤧
اسكريبت 💜 الجزء الثاني
مراد بهدوء. وهو بيمسح دموعها.انا خلاص هفركش الخطوبه واجي اطلبك من اهلك
نور بدموع....مرااد
........................--&&&&
قاعده في اوضتها وضمه رجليها لصدرها وبتبكي بحرقه وكسره نفس
ليه يحصل فيااا كده ليه الشخص الي أحبه اكتر حاجه في حياتي يكون بيك.رهني اصعب شعور في الدنيا انك تعرف انو حبيبك بيكره.ك
كل مافتكر كلامه معاياا وقتهاا واستهزاءه باهتمامي بيه بزعل علي نفسي اكتر
انو ضيعت عمري كله علي امل انو يكون فيه ذره حب في قلبه ليااا انا دلوقتي بقيت بقايا انثي
___
ام نور...ينفع الي عمله مراد ده ياخديجه
خديجه بزعل...اناا السبب اناا السبب انا عايزه اشوف نور
ام نور..قافله علي نفسها ومش راضيه تاكل ولا تشرب وعنيها احمرت من كتر العياط
خديجه...هيااا اكيد اول ماتسمع صوتي هتفتحلي...
خديجه...نوررر يانور اناا اسفه سامحيني افتحي
نور من وراا الباب...ليه مقلتليش انو مبيحبنيش عيشتيني في وهم فاكره من عشر سنين لما وعدتيني انك هتجوزيني مراد وقلتلي وقتها انو بيحبني بس انتي كنتي عارفه انو مبيحبنيش وبيحب واحده تانيه واجبرتيه عليااا حرااام عليكي امكن لو كنت عرفت من بدري مكنتش هبقي كده........
_____________
ماياا.بضيق..هو انت هتفضل مبوذ كده خلاص فرحناا بكره
مراد بضيق وزعل...امي زعلانه مني اووي ومبتكلمنيش خالص
ماياا بهدوء... احنا خلاص فرحنا بكره والايام بتنسي
مراد بتصديق وتوتر...تمام ماشي يلااااا
_______
فلاش باك......
نور.... مراااد
مراد قام وقف ببرود وحط ايده في جيبه... كويس انك سمعتي وشفتي وفرتي عليااا الكلام
مايا بصت بضيق وغيره...انتي بقي نور بصراحه كان معاك حق يامراد دي متتحبش ومش لايق عليها اسمهاا خالص المفروض يكون اسمك سواد
نور كانت كل نظراتها موجها لمراد..كانها مش مصدقه الي بيحصل
قربت من وحضنته...حاول يبعدها عنه..
ليييه حراام عليك اناا بحبك اوعي تسبني اناا.ام.وت فيهااا وانت عارف كده كويس
مراد بعدها...عنه بقوه..واناا اسف زي مانتي بتحبيني انا كمان بحب مايااا
بااااك
_______
فتحت نور باب الاوضه
بصت علي السفره لقت كارت دعوه فرح مراد ومايا وفيه ظرف جمبه
فتحت الظرف
(انا عارفه انك زعلانه عشان خدت حبيبك منك بس انتي عارفه برده انتو ولاد خالات وقرايب وانا بدعيكي لفرحي واتمني كمان تيجي معاياا الكوافير وتكوني جمبي في الفرح زي صاحبتي.
قطعت الظرف بحرقه وبكاء بصت علي الدعوه ببكاء
قامت بسرعه جابت سكي.نه وقربت من شراينها بتردد وبكاء
ام نور...بصدمه.نورر
نور بصتلها وضحكتلها وحطت الس.كينه علي ايديها وووووو
_______
#تجاهله_لي_اتعبني💔
بقلم...#Nada_Abdel_Hady
الجزء الثالث 💜
نور.. بصت لامها بابتسامه وقربت السك.ينه من ايديها بس بعدت بسرعه ورمت السكينه علي الارض
وقعدت تعيط بصوت عالي
امها حضنتهاا... اهدي ياحبيبتي اهدي هو ميستهالكيش اهدي
نور ببكاء...بحبه اووي ياماما مقدرش اعيش من غيره هو ليه عمل معايااا كده وهو عارف انو اغلي حاجه في حياتي
امها...بحزن...كل واحد بياخد نصيبه مافيش حد بياخد كل حاجه انتي مش عايشه في الدنيا لوحدك
______________"
بعد مرور شهر
وبدات نور تخرج من حزنها ومراد ومايا اتجوزو
مراد بضيق...ايه ده يامايا انتي لسه معملتيش الاكل
مايا بلا مبالاه....مليش نفس اعمل حاجه
مراد...يعني ايه انا جي من الشغل تعبان فلازم اجي الاقيكي محضرالي الاكل دي اقل حاجه تعمليها
مايا بضيق...بص بقي انا مش الشغاله الي جبتهالك مامي فاهم ....
فلاش باك
نور بتتصل علي مراد
مراد...في ايه يانور
نور بابتسامه...اناا عملت البيتزا الي انت بتحبها ابقي وانت مروح من الشغل تعالا كلها
مراد بملل...تعبتي نفسك ليه
نور..بخجل..اصل ماما خديجه في البلد وانت مابتعرفش تطبخ فاناا عارفه انك بتحب البيتزا وعملتها وبعدين انت بتيجي تعبان من الشغل وبتبقي هلكان
.......باااااك
____________
زهره.بحزن علي نور..هو انتي هتفضلي كده المفروض تشوفي حياتك
نور بياس...اشوفها ازااي
زهره..انتي ناسيه انك دكتوره ولولا مراد الي كان منعك انك تشتغلي كنتي بقيتي حاجه كبيره
نور...مش فارقه كتييير
زهره... لأ بقي ماهو انتي هتشتغلي يعني هتشتغلي يلااا اناا هكلمك مدير المستشفي الي بشتغل فيها وتتعيني معاياااا اهو تسلي وقتك
نور.. بتفكير...ماشي انا موافقه
الا قوليلي صحيح عامله ايه معااا حسام
زهره.بضيق.متفكرنيش انتي عارفه جابلي ايه في عيد ميلادي
نور بضحك...جبلك ايه
زهره بضيق...جابلي ورد وعربيه
نور بفرحه...بجد...يابختك ده حسام طلع بيحبك بجد...انا مكنتش اعرف انو زوقه حلو اووي كده
زهره بضيق وقرف....بس انا كان نفسي يجبلي شاورما وبيبسي وبيتزا وماكدونس
نور..بصدمه... ضربتها بالمخده...قومي من وشي بقي كل البنات تتمني حد يعبرها ويجبلها ورد وانتي تقولي شاورماا منك لله رفعتيلي ضغطي
________________
زهره.مالك.متوتره ليه
نور...بتوتر...اسكتي انا ايه ال خلاني اسمع كلامك انا كان مالي ومال المرمطه دي
زهره...بطلي كلام يلاا وادخلي اهه يلاا ادخلي
نور دخلت وهيااا متوتره
وبصه في الارض اول مارفعت راسها
نور بصدمه وحزن...مرااد
#تجاهله_لي_اتعبني💔
#Nada_Abdel_Hady🍒
شكراً على التفاعل يابنات 💜💜❤️❤️
رايكم ❤️
#يتبع
الجزء الرابع 💜
نور بصدمه...مراااد
مراد بصلها باستغراب بس تجاهلها
المدير..بعمليه..انتي نور دكتوره زهره كلمتني عنك انتي هتكوني تحت التدريب لمدة شهر ويلاا علي الشغل يادكتوره نور زهره هتفهمك الشغل
نور بجديه...حاضر يادكتور عن اذنك
وخرجت اما المدير بص لمراد
بجديه...تمام اتفقناا انا عاوز التصميم ده عجبني اهو يغير من دكتور المستشفي
مراد بجديه...حاضر يافندم
_________
نور خرجت واتنفست براحه
زهره بحماس...هااا عملتي ايه
نور..بفرحه..اتقبلت وقالي هبقي تحت التدريب لمدة شهر
زهره بحب... اخيراا هنبقي معااا بعض
وفجاءه مراد طلع من الباب
زهره بصت علي نور..لقت ملامحها جاده وطبيعية
مراد... ازيك يانور
نور بجديه... الحمدلله وماما خديجه عامله ايه
مراد الحمدلله كويسه
نور...عن اذنك يلاا يا زهره
"____________
زهره بسعاده
...انا فرحانه اووي
نور باستغراب... ليه
زهره... عشان لماا شفتي مراد بصيت في عينك وملقتش اي تعابير تدل علي انك لسه بتحبيه او زعلانه وفرحت انك تخطيتي الموضوع بسرعه
ونستيه
نور...بس اناا عمري مهنساه يازهره
زهره بصت بمعني مش فاهمه
نور...مش هنسي انو احنا كنا بنلعب معاا بعض واحنا صغيرين ومش هنسي انو كان تجربه حلوه في حياتي هيااا اه كانت قاسيه بس اتعلمت منهاااا حاجات كتييير.....
وفجاءه اترمت كره في وش نور
زهره بصدمه...نورر
جه طفل وبص لنور بخوف....انااا اسف جت فيكي من غصب عني
نور بصت لطفل باستغراب...لقيته بيرتعش وخايف جدااا وشويه وي هيعيط
نور حضنت الطفل...بهدوء...خلاص انا مش زعلانه بس متخفش كده
الطفل بصلهاا بفرحه... يعني انتي مش هتضربيني
نور....لااا طبعااا...انت اسمك ايه بقي
اياد..اسمي اياد
نور...اسمك جميل يااياد
انت بتعمل ايه هنااا لوحدك
اياد...لا انا مش لوحدي
انا معاياا بابا
جه صوت من وراهم
اياااااد
اياد...بفرحه..بابااا
نور بصت لمصدر الصوت
بصدمه وحست انو الزمن بيعيد نفسه من تاني
وانو الماضي هيفضل يطاردها طول عمرهاا
_________
#تجاهله_لي_اتعبني💔
انتظروا الجزء الأخير...لو لقيت تفاعل هنزله بسرعه ❤️واعملوا متابعه من هناااااااا
#Nada_Abdel_Hady❤️
تعليقات
إرسال تعليق