 |
#الاول
#مريضه_نفسيه
١٠٠٠جنيه كويس
هو بإستغراب: افندم
هى بدموع:١٠٠٠ جنيه كويس وتيجى تمثل انا هتخطبنى
هو:انتى اكيد مجنونه
هى بدموع:انا عندى ٢٥سنه ولسه متخطبتش وبنت عمى اللى عندها ١٧ سنه اتخطبت واهلى عمالين يعايرونى بدا
هو:انا مش فاهم ايه المشكله فى انها تتخطب وانتى لا
هى:اهلى صعايده و عندهم البنت لازم تتجوز صغيره
هو بتفهم:اه طب انتى اسمك ايه
هى:نيره اسمى نيره
هو:عاشت الاسامى يا نيره وانا يوسف
نيره:ها هتساعدنى
يوسف:نيره انا مش شايف مشكله اصلا انتى اللى خالقه مشكله
نيره بيأس:تمام انا اسفه عن اذنك
يوسف بتسرع:استنى هساعدك
مش عارف قولت كدا ليه يمكن الفضول هو اللى خلانى اقول كدا عايز اعرف حكايتها الاول
نيره بإمتنان:شكرا
يوسف بإبتسامه:العفو هاتى بقي رقم والدك والعنوان
وبالفعل خدت رقم والدها والعنوان وكلمته وقولتله انى عايز اتقدملها وخدت معاد معاه وبالفعل روحت
والد نيره:انت متأكد يا بنى انك عايز تخطب نيره
يوسف:ايوه يا عمى
والد نيره:يعنى انت عارف انها مريضه نفسيه
يوسف بصدمه:نعم
يتبع....
#التانى
#مريضه_نفسيه
والد نيره:يابنى أنت متأكد انك عايز تخطب نيره
يوسف:اه يا عمى
والد نيره: يعنى أنت عارف انها مريضه نفسيه
يوسف بصدمه:نعم
والد نيره بحزن:هى دى الحقيقه
يوسف:ودا حصلها من ايه
والد نيره:من ساعه ما اختها الكبيره ماتت وهى كدا بيتهيأله حاجات مش حقيقيه
يوسف بترقب:هى عندها كام سنه
والد نيره:١٧
يوسف:بس هى قالتلى ٢٥
والد نيره:دا سن اختها اللى ماتت الله يرحمها
يوسف:طب انا عايز اتكل
بتقطع كلامه نيره وهى خارجه
نيره بصوت عالى ودموع:انت ايه ياخى جرام عليك هتبطل كدب امتى بقي مكدبتش وانت عمال تقول الكلام دا وبعين اختى مما'تتش انت اللى قتلتها متنساش دا
والد نيره بتوتر:انت انتى بتقولى ايه يا بنتى
نيره بعصبيه:متقلش بنتى انت مش ابويا
يوسف بهدوء:نيره ميصحش كدا متنسيش انه ابوكى
نيره بدموع:مش ابويا والله ما ابويا دا جوز امى دا راجل قا'تل
يوسف:يعنى هى مش بنتك
حمدى(زوج ام نيره) بتوتر:صح هى بنتى بس يعلم ربنا امى بعتبرها بنتى وان نسيت موضوع بنت مراتى دا واكمل بدموع تماسيح بس هى اللى مش بتعتبرني زى ابوها
(يوسف مكنش مصدق حمدى وحاسس انه بيكدب ودا كان باين على طريقه كلامه وردود فعل نيره يوسف اساسا طبيب نفسي فعشان كدا فوافق يساعد نيره وكان عايز يعرف حكايتها)
نيره وهى تضع يداها على اذنيها:كفايه حرام عليك كفايه ومن كتر الضغط بتفقد وعيها
بيروح يوسف نحيتها عشان يساعدها بس بيفتكر انه مينفعش يلمسها
يوسف بجمود:روح ساعدها على ما اجيب الدكتور
حمدي:حاضر
وبالفعل بيروح حمدى يساعد نيره ويدخلها الاوضه وبيروح يوسف يجيب دكتور
وبعد مرور وقت بتفتح نيره عنيها بوهن
حمدى بشر:واخيرا صحيتى
نيره بخوف: انا معملتش حاجه
حمدى وهو يف'ك الحزام الاستعداد لض،ربها:ومال هعرفك دلوقتى عملتى ولا معملتيش
ولسه هيض،ربها بيلاقى اللى مسك الحزام منه
حمدى بتوتر:انت جيت امتى
يوسف:اعمل حسابك ان كتب كتابى على نيره النهارده
اول ما بتسمع نيره الجمله بتفتع عيناها على مصرعيها
نيره بصدمه: انت بتقول ايه
بقلمي نورهان اشرف
يتبع....
ياترا إيه حكايه حمدى
وياترا هو فعل قت،ل اخت نيره
وياتر نيره بالفعل نيره مريضة نفسيه
وهل يوسف هيتجوزها فعلا
توقعاتكوا
#التالت
#مريضه_نفسيه
يوسف:اعمل حسابك ان كتب كتابى على نيره النهارده
بتتصدم نيره من كلامه
نيره:انت بتقول ايه
يوسف وهو ينظر لحمدى:بقول اللى هيحصل
حمدى بتوتر:بس بس يا بنى هى لسه مجابتش ال١٨ سنه
يوسف وهو ينظر لنيره:فضلك قد ايه وتميهم
حمدى:لسه
يوسف مقاطعا اياه:انا بكلم نيره
نيره: اسبوعين
يوسف:تمام حضرى نفسك عشان تيجي تقعدى مع والدتى
نيره:لا مش هينفع
يوسف:ممكن تسيبنا مع بعض شويه
حمدي:ماشي وقبل ما يخرج بينظر لنيره بتهديد
بعد ما خرج حمدى
يوسف كان لسه هيتكلم معاها على موضوع اختها لقاها مركزه مع الباب بيبص لاحظ وجود حمدى ورا الباب قام مغير الموضوع
يوسف:اقدر اعرف سبب رفضك
نيره:مينفعش
يوسف:طب ثوانى
وقام عامل إتصال وبعد كدا رجع لنيره
يوسف:اتفضلى
نيره بإستغراب: ايه دا
يوسف:خدى كلمى والدتى
بتكلم نيره والدته وبتصر ان هى تروح تقعد معاها بس نيره بترفض فى الاول بس بعدين بتوافق
(يويف لما كان رايح يجيب الدكتور كلم والدته وحكالها عن ظروف نيره)
يوسف:احم طيب انا هنزل احضر العربيه على ما تجهزى
نيره بتسرع؛لا
يوسف: افندم
نيره بتوتر:اقصد خليك مع حمدي لحد ما اخلص
يوسف فهم انها خايفه منه فمحبش يزعجها
يوسف:تمام
وبالفعل يتجهز نيره وطبعا حمدى بيرفض وبيتخانق مع يوسف
حمدي:تروح فين انت اتجننت
يوسف:هتيجى تقعد مع والدتى لحد ما نتجوز
حمدى بانفعال:وانا مش موافق على المهزله دى
نيره:وهو مين طلب رأيك اصلا
حمدي:انا مش محتاج انى استأذنك عشان ارفض المهزله دى متنسبش انى ابو
نيره مقاطعه اياه:جوز امى وبعدين كل اللى هتقوله ولا يهمنى يلا يا يوسف
ولسه ماشين
حمدي:لو خرجتى من البيت دا منتيش دخلاه تانى
نيره بسخريه: دى الحاجه الوحيده اللي تهمك وبوجع البيت اللى اختى اتق،لت فيه مش عايزه يكون ليا مكان فيه
وبتنزل
يوسف:متمسلش يا حمدى انك خايف عليها وبهمس انا عارف كل حاجه
حمدي بخوف:عارف ايه
يوسف:عارف....
حمدى بخوف:محصلش
يتبع...
اولا حابه اشكركوا على التفاعل القمر دا
ثانيا اسفه على التاخير
تفتكروا يوسف قال ايه لحمدى
توقعاتكوا
#الرابع
#مريضه_نفسيه
يوسف: متمسلش يا حمدى انك خايف عليها وبهمس انا عارف كل حاجه
حمدي بخوف: عارف ايه
يوسف:عارف كل حاجه عارف انك انت اللى قتل،ت هاجر وانك وهمها ان امها راحت تشتغل وسايباها معاك بس الحقيقه انك قتل،تها هى كمان عشان كانت متشتكى عليك
حمدي بخوف: محصلش
يوسف بإبتسامه:لا حصل يا حمدى وقريب اوى هتدخل الس،جن وعلى ايدى
حمدى بتهديد:طب بما انك عرفت كل حاجه يا تسكت وبإبتسامه شر يا تحصلهم
يوسف:مش هتقدر تعمل حاجه يا حمدى
وبيتركه ويمشى بينزل لنيره
يوسف وهو بيفتح العربية:اتأخرت عليكى
نيره:احم ابدا
وبيدخل العربيه
نيره:احم
يوسف:عايزه تقولى حاجه يا نيره
نيره:هو انت قولت ايه لحمدى
يوسف بإبتسامه:انتى فضوليه اوى
نيره:مسمهوش فضول اسمه حب استطلاع
(احب اقولكم ان نيره دى بتمثلنى فى النقطه دى😂😂)
يوسف بضحك: معاكى حق وبعدين قال بجديه كنت بعرفه انى موجود معاكى وانى واقف فى ضهرك
نيره بخجل: شكرا
يوسف:نيره ممكن سؤال
نيره:اتفضل
يوسف:اشمعنا انا
نيره بإستغراب: افندم
يوسف:اشمعنا انا اللى اخترتيه من وسط الشباب كلها
نيره:عشان...
يوسف وقف العربيه فجأه وبصدمه:بتقولى ايه
____________________________
عند حمدى وهو بيتكلم فى التليفون
حمدي:الواد طلع مش سها وعارف كل حاجة
حمدى:مش عارف اعمل ايه
حمدى:لا منا مش هقع لوحدى فيتتصرف لان لو حصلى حاجه هقول على الكل
حمدى:اما نشوف
يتبع...
اسفه على التاخير وتعويضا هنزل واحد كمان النهارده
شكرا على التفاعل القمر دا بجد 😍😍
تفتكروا نيره قالت ايه ليوسف
وايه مصير حمدى
توقعاتكوا
#الاخير
#مريضه_نفسيه
نيره:بسبب اختى
يوس وقف العربيه فجأه وبصدمه: هاجر
نيره:ايوه هاجر هاجر اللى كانت بتحبك يا يوسف واللى انت اتخليت عنها
يوسف بدموع ووجع:انا متخلتش عنها انا اتقدمتلها وحمدى رفض عشان مش هعرف اعيشها كويس لانى كنت لسه مش معايا فلوس زى دلوقتى
نيره:بس هى قالتلك بلاش تسافر وبردوا سافرت
يوسف: سافرت عشان أجمع فلوس بسرعه عشان ارجع ونتجوز
نيره بدموع:بس هى كانت مش عايزه الفلوس تعرف طلبت منى اخر قبل ما تم،وت
يوسف:ايه
نيره بسخرية:انى افضل جمبك واواسيك
يوسف:كفايه لو سمحتى
نيره:ايه وجعتك اوى مش دى الحقيقه
يوسف بعصبيه:انا قولت كفايه مش عايز اسمع اى حاجه تاني
بتسكت نيره بخوف
وبعد مده من الهدوء والصمت بيوصلوا البيت
والده يوسف اول ما بتشوفها بتتصدم
والده يوسف بصدمه: هاجر
يوسف:لا يا امى دى مش هاجر دى اختها الصغيره نيره
والده يوسف:سبحان الخالق يا بنتى كلك هاجر
نيره: الله يرحمها
والده لمي:الل يرحمها
يوسف:خدى يا امى نيره الاوضه ترتاح
والده يوسف:حاضر يا بنى
وبتاخد نيره الاوضه وبتقعد تتكلم معاها شويه
والده يوسف:تسمحيلى يا بنتى اقعد اتكلم معاكى شويه
نيره:طبعا اتفضلى يا طنط
والده يوسف:ينفع تحكيلى عن حياتك يا بنتى
نيره بدموع:جياتى قاسيه اوى يا طنط بعد ولدتى بسنتين والدى توفى وكان اهل ابويا ناس قاسيه جدا امى مقدرتش تستحمل كانت فاكره لما تتجوز كدا هتجيب راجل يقدر يحمينا ظلمهم لينا بس جابت واحد مج،رم بمعنى الكلمه قتل اختى عشان عرفت انه بيتاجر فى المخدرات وكانت ناويه تبلغ عليه وامى مكنش اقل منه امى اساسا سابتنى انا واختى معاه وسافرت بحجه الشغل عشان مش مستحمله خيانته لينا
يوسف:كدب
نيره بإستغراب:انت بتقول ايه
يوسف:مش دا اللى حصل
نيره بسخريه: امال ايه اللي حصل يا استاذ يوسف
يوسف:الحقيقه انه عمل فى والدتك زى ما عمل فى هاجر الله يرجمها بالظبط
نيره بصدمه:نعم
يوسف: هى دى الحقيقه امك متخلتش عنكوا امك كانت ناويه تبلغ عليه بعد ما طلبت منه انه يطلقها بهدوء ومتشتكيش عليه بس هو رفض عشان كان عايز يشغلكوا معاه
نبره بسخرية:وانت عرفت كل دا منين اصلا
يوسف:احنا كنا جيرانكوا وانتوا صغيرين وبعد ما مشينا من هناك فضلت على كلام مع والدتك وكانت بتحكيلى على العذاب اللى هى وانتزا بتشفوه من حمدى وطلبت منى انى اتجوز هاجر وانى احميكى من حمدى وانا لانى كنت بحب هاجر وافقت وجيت عشان اطلبها بس حمدى رفض وساعتها كنت غضبان اوى ومكنتش برد على إتصالات والدتك بعدها بس فى يوم استغربت انها بترن عليا الساعه ٢بليل ورديت قولت يمكن فيه حاجه بس كنت ساعتها مسافر
flash back
يوسف:الو
والده نيره بصوت ضعيف: ألحق هاجر يا يوسف
يوسف:فيه يا طنط ومال صوتك
والده نيره: حمدى هيق،تل هاجر
يوسف بصدمه:انتى بتقولى ايه
والده نيره:هاجر عرفت الحقيقه وانا حظرتها وقولتلها تسكت بس انت عارفها عنيده وراحت تبلغ عليه بس انا قولتلها تفضل وهروح انا هبلغ عليه بس هو عرف انها عرفت وعايزه تبلغ عليه وحالف ليقت،لها
وهما بيتكلموا فجأه دخل حمدى على والده نيره: حمدى عايزه تبلغى عنى يا وليه
والده نيره بخوف:ايوه هبلغ عنك
حمدى: يبقى تم،وتى احسن
وبي،ضرب حمدى والده نيره بالسك،ينه كذه مره لحد ما تموت
(طبعا حمدى مكنش يعرف مين يوسف لان يوسف كان جارهم قبل جواز والده نيره من حمدى)
back
نيره بدموع:يعنى مامت مشيتش وسايتنا يعنى حمدى قت،لها وقال ان هى سافرت تشتغل عشان يدارى على الموضوع
يوسف: دا اللى توقعته
نيره بدأت تنهار من البكاء
والده يوسف: اهدى يا بنتى يعنى هو البكا هيرجع اللى راح ادعلهم بالرحمة هو دا اللى هما محتاجينه دلوقتى
نيره:مش مصدقه ان انا كنت ظالمه امى طول الفتره اللى فاتت دى كلها وان هى متخلتش عنى
والده يوسف:خلاص يا حبيبتى هى دلوقتى فى مكان احسن ادعيلها بالرحمه
نيره:الله يرحمها
وبتسيب والده يوسف نيره عشان ترتاح
بعد مرور الاسبوعين
يوسف:احم نيره انتى كدا تميتى ال١٨ صح
نسره:ايوه
يوسف:طب احنا محتاجين نتجوز عشان حمدى ميقدرش ياخدك بعد ان انا ارفع عليه قضيه
نيره:بس الغريبه انه معملش حاجه طول الفتره اللى فاتت مش من عادته يعنى
يوسف:ما هو الحقيقه دا اللى انا كمان مستغربه بس مش مهم دلوقتى اجهزى عشان نروح للمأذون
وبالفعل بتجهز نيره وبيروحه للمأذون وبعد ما بيبدؤه فى الإجراءات
الماذون:بطاقتك يا بنتى
وبتدور نيره على البطاقة مش بتلقيها معاها
نيره بصدمه:انا نسيت البطاقه
يوسف بعصبيه:هو دا وقته
نيره:انا مجبتهاش من البيت بتاعى اصلا
يوسف:انتى بتقولى ايه
نيره بخوف:نسيتها هناك
يوسف:طب يلا نروح نجبها
وبيروحوا عشان يجيبوها بس بيلاقوا فى زحمه وبوليس قدام البيت
نيره بإستغراب:هو في ايه
يوسف:مش عارف تعالى نشوف
وبيروحوا بيسألوا حد وبيعرفوا ان حصلت جريمه ق،تل في البيت
نيره:طب متعرفش مين اللى اتق،تل يا حج
الشخص:واحد يا بنتى اسمه حمدى
نيره بصدمه:حمدى
الشخص:ايوه يا بنتى
وبعد الإجراءات والتحقيقات اتسجلت القضيه ضد مجهول وتم دفن حمدى وبكدا نيره معدتش بحاجة ليوسف
بعد مرور أسبوع بتخرج نيره ومعاها شنطه هدومها عشان تمشي
والده يوسف:رايحه فين يا بنتى
نيره:هرجع بيتى يا طنط
والده يوسف بزعل:ليه بس يا بنتى حد مننا زعلك
نيره:معلش يا طنط بي خلاص حمدى مات وخلصت منه ومفيش داعى انى افضل هنا كفايه اللى انتوا عملتوا معايا
يوسف:ايه الهبل اللى انتى بتقوليه دا وبعدين مين قال انك هتمشى
نيره:معلش انا مش هقدر افضل هنا
وبيفضلوا يقولولها انها تفضل بس مع اصرارها بتمشى برضوا
(نيره حبت يوسف وكنتش عايزه تقعد فى مكان هو موجود فيه عشان متشلش ذنب وكانت طول ما هو موجود بتفضل فى الاوضه عشان متشفوش فقررت تمشي افضل)
بعد مرور ٥شهور
بتكون نيره قاعده على البحر
يوسف:١٠٠٠جنيه كويس
نيره بإستغراب:افندم
يوسف بغمزه:١٠٠٠جنيه وتوافقى تبقى مراتى وحبيبتي وام عيالى مستقبلا
نيره بضحك:افكر
يوسف بتذمر:انتى لسه هتفكرى
نيره بصحك: اممم خلاص موافقه
يوسف:ايوه كدا هى دى الاخبار الحلوه
وبيتجوزوا فعلا وبيعيشوا حياه سعيده مع بعض وبيقدر يوسف يعوض نيره عن كل اللى شافته
تمت
#بقلم_نورهان_اشرف
انا كنت عايزه اركز على نقطه معينه وهى زوج الام او مرات الاب لما تيجى تختار زوج ام او مرات اب لازم تكونوا عارفين انهم هيعاملوا ولادك بما يرضى الله ومتسمحلوهمش انهم يأذوا ولادكم بكلمه لان دا قادر يدمر حياه طفل نيره مكنش مريضه نفسيه بس هى كانت تعبانه ومحتاجه اللى يطبطب عليها وبالفعل لقيته بس مشكل الناس هتلاقي تللى يشفيلها جرحها فلو سمحتوا احسنوا الاختيار
وحابه اشكركوا على التفاعل القمر دا بجد 😍😍
وبجد هتوحشونى لحد ما العيد يخلص يا احلى متابعين بس يارب متنسونيش زى ماانا مش هنساكوا يارب يكون شهر سعيد عليكوا وتقضوه فى طاعه ربنا اشوفكم بخير بإذن الله❤️❤️
تعليقات
إرسال تعليق