مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-اتفضلي يا عروسة 

قالها عمر بضيق 

دخلت وانا بمسح دموعي ...قلبي كان واج*عني لأن احلي يوم في حياتي بقا أسوأ يوم ...كنت م*نهارة وبعيط ....قرب عمر مني وقال:

-اسمعيني بس ياروح امك لأن ايامك هتكون معايا سودا 

اترعبت وانا ببصله ...

شد أيدي جامد وقال:

-اولا محدش هنا يعرف اني جوزك ...ولا حابب أن حد يعرف اني متجوز اساسا ...قولي انك الخ*دامة أو اختي أو اي حاجة لكن والله لو قولتي اني جوزك لاقت*لك فاهمة 

سكتت بخوف وانا بعيط ...

قعد يهز فيا وقال:

-انطقي بدل ما اقت*لك

-ح...حاضر 

ابتسم بإنتصار وقال:

-جميل 

وكمل بصوت خشن وقال:

-تاني حاجة مش عايز المح خيالك حتي في البيت والا وديني اقت*لك مش كفاية أن جدي لبسني فيكي بس بسيطة أنا  هعيشك ايام سودا يا يمني ...

بصتله بقهر وقولت:

-حرام عليك ليه بتعمل كده 

-اسألي جدك يختي اللي لبسني في واحدة خاط*ية زيك ....

صرخت وانا بقوله :

-احنا غلطنا ...أنا وأنت اللي غلطنا مش أنا بس 

-انتي سلمتيلي نفسك !!!

صرخ وهو بيزقني 

فصرخت أنا كمان وقولت:

-ده ز*نا مش غلط وكنا احنا الاتنين مشتركين فمطلعش نفسك برئ ماشي 

ضر*بني بالقلم لحد ما وقعت علي الارض ....ونزل مسك شعري وقال:

-بتقولي ايه يا روح امك...انتي اللي فر*طتي في شر*فك ...لكن أنا راجل مليش أن حد يحاسبني زيك ...

بكيت وقولت:

-منك لله 

رماني علي الأرض بقر*ف وقال:

-هو ده مكانك الاصلي عند رجلي ...وهتبقي كده عند رجلي لحد ما اطلقك ...استحملي بقا اللي هيحصل 

بكيت وانا حاسة اني بم*وت من جوا ياريتني كنت انت*حرت وخلصت من الهم ده ...بس بكايا مأثرش عليه بالعكس ابتسم وقال:

-نيجي بقا لتالت حاجة ...اللي اعمله هنا ملكيش دعوة بيه ولا تقوليه لحد فاهمة ...

هزيت راسي بخوف 

بعدين سابني ومشي دخل اوضته ...قومت بتعب واخدت شنطتي وروحت اوضتي وانا بعيط ...قعدت علي السرير وانا حاطة ايدي علي قلبي ...قلبي كان مك*سور وروحي كانت بت*نزف ...مش مصدقة أن ده عمر اللي عشقته ... عمر كان حبي الاول وابن عمي ...كان بيحبني اووي وبيحترمني ...واتخطبنا لبعض  لحد ما في يوم جه واهلي مش موجودين وانا بغبائي دخلته ...وقتها غل*طنا سوا واهلي قفشونا ...وعشان احنا في بلد محافظة قرر جدي يتستر علي الموضوع واجبر*نا علي الجواز وخلاني اسافر مع عمر عشان شغله ...بس من وقتها عمر اتغير ...بقا يقر*ف مني ويكر*هني ...بس انا اللي غل*طانة أنا اللي سلمته نفسي ...انهارت علي السرير وانا ببكي بعن*ف ....

مرت الايام وعمر متجاهلني تماما والاسوأ من ده كان بيكلم بنات قدامي من غير ما يراعي شعوري كل اللي في أيدي كان ابكي وبس لحد ما جه اليوم ....

قومت من النوم لقيت في صوت عالي ...طلعت من اوضتي بخوف. لقيت الصوت جاي من اوضة عمر...غريبة هو عادة بيجي الفجر ....روحت ببطء ناحية الأوضة وصرخت وانا بشوف عمر في حضن واحدة تانية!!

يتبع

الجزء التاني♥️شكرا علي تفاعلكم السكر♥️ بقلم سولييه نصار♥️

-اطلعي برة ...

صرخ فيا بس البنت اللي معاه بصتلي ببرود وقالت:

-مين دي 

-دي الخدامة

قالها بصوت قاسي 

طلعت برة وانا بكتم بوقي بإيدي ودموعي بتنزل ...روحت علي اوضتي بهدوء ونومت علي السرير وانا ببكي ...اني اسمعه بيكلم البنات حاجة بس اشوفه معاهم وفي بيتنا ده قاسي اوووي ...ليه بيعمل كده ...ليه بيك*سرني بالشكل ده ...ما هو كمان غلط زيي ليه انا بس اللي بتعا*قب علي الذنب ده ...غمضت عيني وانا بفتكر اللي حصل يومها 

فلاش باك ...

-لا لا يا عمر ...بلاش نعمل كده اصبر ابوس ايديك 

قولتها وانا ببعد عنه وبروح للباب 

بصيت له بخوف وقولت:

-امشي دلوقتي ابوس ايديك اهلي زمانهم جايين 

قرب منه وشدني ليه وقال:

-انتي بتحبيني ؟

هزيت راسي ودموعي بتنزل وقولت:

-اكتر من حياتي والله 

-خلاص يبقي تثقي فيا شوية يا حبيبتي مش كده ..احنا فرحنا بعد اسبوعين 

-يبقي تستني الاسبوعين لكن ده حرام 

حسيته بعد وزعل وقال:

-انتي مبتحبنيش علي فكرة ...كنت عارف وانا شكلي هعيد نظر في جوازنا ...أنا ماشي سلام ...

اترعبت أنه يسيبني ...كنت خايفة اووي ومرعوبة ...كنت بحبه اووي ومش مستعدة اخسره ...ربنا يعلم اني مكنتش عايزة اعمل كده بس شي*طاني غلبني مدرتش بنفسي الا وانا بمسك أيده ...ساعتها ابتسم ابتسامة نصر وهو بيقرب مني وانا بسلمه نفسي بمنتهي الغب*اء ...

باك

 دفنت راسي في المخدة اكتر وانا بعيط ...الذنب ده حاساه خا*نقني ياريتني م*ت ولا عملت كده خسرت ديني واهلي ونفسي ...تأنيب الضمير بي*قتلني كل يوم ....بصلي وببكي وبدعي ربنا يغفرلي اللي عملته....فجأة اتفزعت لما الباب اتفتح ودخل عمر وهو متضايق ...بصتله بخوف لقيته قرب مني وجابني من شعري وهو بيزعق :

-انتي بتستهبلي يا روح امك ...مش قولت متقربيش مني ؟!!مش قولت ملمحش طيفك ...ازاي تدخلي اوضتي من غير إذن ...انطقي 

بصتله وانا ببكي وقولت:

-انتي جايب واحدة هنا وفي بيتنا ...يا خي قدر شعوري شوية أنا مراتك ...

-اخرسي متقوليش مراتي ...انتي مش مراتي وانا مش معتبرك كده ...انت زيك زي البنت الر*خيصة اللي جبتها ...مجرد واحدة رخ*يصة وهتفضلي طول عمرك رخ*يصة ...ش*د شعري اقوي وقال:

-وديني يا يمني لو اتدخلتي في حياتي تاني هقت*لك ...فاهمة ولا لا 

هزيت راسي بخوف فزقني ومشي ...

بعد ما مشي انهارت علي السرير وبدأت ابكي جامد ...أنا اللي عملت كده في نفسي ...انا السبب 

....

مرت الايام وبعدت عن عمر نهائي ...وبدأت اقرب اكتر من ربنا واطلب منه يسامحني وبدأت ادور علي شغل ليا عشان اعتمد علي نفسي لما أطلق ...تعاملي مع عمر كان اني اجهزله الاكل وادخل اوضتي لحد ما يجي ...مكانش حتي بيكلمني لحد ما جه اليوم اللي اللي وقف قدامي عمر وقال:

-من النهاردة مش عايزة اشوفك في البيت تاني 

بصتله بصدمة وقولت:

-ايه 

-اللي سمعتيه مش عايز اشوفك عشان انا هتجوز في الشقة دي 

كنت ببصله بصدمة فكمل وقال :

-انتي طالق!!

يتبع

الجزء التالت♥️شكرا علي تفاعلكم السكر♥️بقلم سولييه نصار♥️

-اروح فين ؟!

قولتها وانا ببكي مكانش هاممني أنه طلقني قد ما كنت بفكر هروح فين ..

-مليش دعوة دي مشكلتك 

قالها ببرود ..

-عمر انسي اني مراتي بس انا بنت عمك ...من دمك متعملش فيا كده ابوس ايديك ...أنا معرفش حد هنا وممكن حد يأذيني...وانا مش بشتغل  ومش معايا 

-اشتغلي بنت ليل ....صدقيني هتكسبي فلوس بالهبل

...محستش بنفسي الا وانا بض*ربه بالقلم وبعدين صرخت فيه:

-انت اح*قر انسان شوفته في حياتي وانا هكر*هك طول حياتي  

وشه احمر وهو بيجيبني من شعري وقال :

-وكمان بتمدي ايدك عليا يا رخي*صة وديني لاربيكي...

شد*ني من شعري جامد وفتح باب البيت وبعدين رما*ني برة وقال:

-برة اطلعي برة مش عايزة اشوفك تاني 

اتر*ميت علي الارض وانا بعيط وبعدين بصلي بقر*ف وقفل الباب في وشي ....قعدت ابكي وانا قاعدة علي الأرض ومش عارفة اروح فين ...قومت بصعوبة وانا بمسح دموعي  مكانش مناسب اقعد هنا ...طلعت علي الشارع وانا بعيط ...بحمد ربنا أن هدومي ساترة ولابسة الحجاب ...فضلت ماشية كتير لحد ما تعبت وقعدت علي الرصيف  مش عارفة اروح فين ولا اجي منين ...دماغي وقفت خلاص ...بقيت من غير بيت ولا فلوس ومعرفش هروح فين ...ومعملتش حاجة غير اني فضلت ابكي وأبكي لحد ما حسيت أن روحي هتطلع ...اتفزعت لما حسيت بإيد علي كتفي ...بصيت لقيت واحدة كبيرة في السن بتبصلي بحنان وتقولي :

-مالك يا بنتي ايه اللي مقعدك هنا ؟!

بكيت تاني ومقدرتش ارد عليها ...قعدت هي جمبي وقعدت تطبطب عليا وتقولي :

-احكي يا بنتي يمكن ربنا بعتني هنا مخصوص عشان اسمعك ...

بصتلها ومن غير إرادة حكيتلها كل حاجة 

..

بعد شوية 

-اما راجل خس*يس بجد 

بكيت وانا بقولها:

-انا والله توبت عن اللي عملته هو ليه المجتمع بيحاسب البنت بس ...هو كمان غلط معايا...ليه هو يعيش سعيد وانا ابقي كده 

-استغفر الله يا بنتي متقوليش كده ربك اسمه العدل وحقك هيجي 

-ونعم بالله 

-يالا يا بنتي تعالي معايا الشمس قربت تغيب

لسه هعترض فقالت:

-يا بنتي مينفعش تقعدي هنا اعتبرني امك تعالي معايا لحد ما يطلع الصبح واسفرك لبلدك ..

ابتسمت بإمتنان وقومت معاها ...

...

روحت مع الست اللي اكتشفت أن اسمها صابرة ...ست وحيدة اتجوزت وربنا مكتبش ليها الخلفة وعاشت مع جوزها لحد ما مات ...روحت قعدت معاها ...وقررت اني مسافرش البلد بل هشتغل لحد ما اقف علي رجلي عشان متج*برش اني ارجعله في يوم وطبعا الست صابرة فرحت ورحبت بوجودي ...

.....

-اتفضلي يا عروسة

قالها عمر وهو فرحان ...دخلت داليا وهي بتبص للشقة وقالت:

-هي دي شقتي 

-ايوة هي دي شقتك يا حياتي ...ملكك وبس 

قرب منها وحضنها وقال:

-وانا كمان ملكك والله 

.....

بعد اربع شهور 

كنت قدرت الاقي شغل في مشغل صغير وبسبب خبرتي كبرت فيه وبدأت اجهز عشان اعمل المشغل بتاعي ...وفي الوقت ده كنت عايشة مع ماما صابرة اللي حاولت بعد ما لقيت شغل اني اسيب البيت بس رفضت وحاولت اديها الإيجار برضه رفضت وقالت اني بنتها ...كنت بكبر بسرعة...كان عمر اتلاشي من ذاكرتي نهائي ومبقتش افكر فيه ...

......

جه عمر من شغله تعبان كان بيشتغل شغلتين عشان يوفر لداليا طلباتها بس للاسف تعب النهاردة ومقدرش يروح الشغل التاني لما سمع صوت جاي من اوضة النوم ...بخوف راح للاوضة واتصدم صدمة عمره لما لقي مراته في السرير مع جيرانهم !!!

يتبع

الجزء الاخير♥️شكرا علي تفاعلكم السكر♥️بقلم سولييه نصار♥️

-عمر استني هفهمك 

صرخت اسراء بفزع رجع عمر لورا وهو مصدوم وهو شايف مراته في الوضع ده ...البنت اللي حبها وفرشلها الدنيا ورد ...اللي كتب الشقة بإسمها وحققلها كل طلباتها  تعمل فيه كده معقول ...مشي من الشقة وهو حاسس نفسه مك*سور ...كان مصدوم مش قادر ينطق.. دموعه بس اللي بتنزل علي خدوده...كان نفسي نفسه يصرخ ...نفسه يرجع ويقت*لها عشان النار اللي جواه تطفي ..قعد علي الأرض وهو بيعيط كان عارف ان ده ذ*نب يمني البنت اللي حبته من قلبها وهو استغلها وك*سر قلبها ورم*اها برة البيت من غير ما يهتم هتروح فين ولا هتعيش ازاي...وهو زي ما ك*سر قلب يمني جات داليا وك*سرت قلبه ...

فضل ساعات برة بعدين رجع اخر الليل وهو مقرر يستعيد شقته ويطر*دها هي متستاهلش أنه يضيع نفسه عشانها ..

جه يفتح الباب اتصدم أن واحد غريب طلع منه 

-انت مين يا جدع انت 

صرخ عمر وهو بيمسك هدومه ...مش معقول تكون بتخ*ونه تاني ...زقه الراجل وطلعت واحدة غريبة وهي بتقول:

-مين ده يا جمال 

بصلها عمر وقاله:

-انتوا بتعملوا ايه في بيتي 

-بيتك مين يا جدع ده بيتي أنا وانا اشتريته من مدام داليا عمران بفرشة من يومين ونقلت فيه النهاردة 

رجع عمر لورا وهو مصدوم ...وتيقن أنه خسر كل حاجة. ...

....

مرت الايام وعمر بيدور علي داليا بس كأنها اختفت تماما ...وقرر يرجع البلد ويعتذر من يمني ويطلب منها ترجعله ....

.....

اخد اول اوتوبيس ...هو كان متاكد انها راحت هناك ..ميعرفش ازاي كانت هتروح وهي مش معاها فلوس بس اكيد كانت هتتصرف ابتسم وهو بيحاول يطمن نفسه أن يمني بتحبه اوووي واكيد هترجعله ...اكيد 

.....

وصل هناك وراح بيت العيلة عشان يطلب من جده يتوسطله ...بس اول صدمة كانت أن يمني مجتش هنا اصلا 

-يعني ايه يمني مجتش هنا 

زعق بخوف 

وقف جده وقال بشك:

-انت بتقول ايه يا عمر يمني معاك 

سكت عمر فمسكه جده من هدومه وزعق:

-انطق يا واد يمني فين ...

حط عينه في الأرض وحكي لجده علي كل حاجة وقبل ما يخلص ضر*به جده بالقلم ...ومسكه من هدومه وقال:

-اقسم بالله لو مجبتش حفيدتي لاقت*لك وانا جاي معاك ادور عليها 

.......

اخيرا افتتحت المشغل بتاعي كنت مبسوطة وانا بحقق حلمي ياااه من كام شهر بس افتكرت أن حياتي انتهت بس سبحان الله دي ابتدت 

....

بعد أيام ...

كنت بتعشي أنا وماما صابرة فجأة الباب خبط ...

قومت عشان افتح واتصدمت لما لقيت جدي وعمر 

-جدي 

قرب جدي وحضني وقال:

-قلقتيني عليكي يا بنتي ...لولا أن واحد حفيد صديق ليا ضابط مكنتش هلاقيكي ...

ابتسمت وحضنته وقولت:

-وحشتني اووي يا جدي 

.....

بعد شوية جابتلنا ماما صابرة الشاي فابتسمت وانا ماسكة ايد جدي وبتكلم معاه ومتجاهلة عمر تماما كأنه هوا 

-مش عارف اقولك ايه لولاكي كانت يمني اتبهدلت 

ضحكت ماما صابرة وقالت:

-دي بنتي متقولش كده ...

طبطب. عليا جدي وقال:

-عمر قالي علي اللي عمله فيكي ..

بصيت لعمر ببرود بس جدي كمل وقال:

-وهو ندمان وطالب انك ترجعيله وانا هضمنلك أنه يصونك

-بجد يا جدي تضمن أنه يصوني...تضمن أنه ميعاير*نيش باللي عملته ...تضمن أنه ميطر*دنيش من غير ما يفكر انا ممكن يحصل فيا ايه ...تضمن كده 

حفيدك قالي اشتغلي بنت ليل 

قولتها وانا بعيط...

فجأة بكي عمر وجه وركع علي ركبته قدامي وهو بيقول :

-ابوس ايديكي سامحيني أنا اتعا*قبت خلاص 

بعدت عنه وانا بقول :

-اسفة خلاص مقدرش انت بقيت من الماضي يا عمر والماضي بنتخطاه مش بنرجعله 

بصيت لجدي وقولت:

-اسفة يا جدي أنا بنيت حياة جديدة وعمر ملوش مكان فيها 

محاولش جدي يعترض ...كان فاهم أن خلاص مستحيل اسامح عشان كده مشي بهدوء بعد ما اطمن عليا وقال إن هيبقي دايما يجي وهبقي مسؤولة منه لحد ما اتجوز تاني ...وبصراحة مفكرتش اتجوز تاني الا لما قابلت كريم  وده قريب من بعيد لماما صابرة كان عايش برة ورجع ...اعجب بيا وكان عارف ظروفي وطلبني من جدي ... واتجوزت في بلدنا بطلب من جدي ولففني كريم العالم ...اما عمر فعرفت أنه اتجوز واحدة تاني وبدأ حياة جديدة وده ريحني نوعا ما ..

.....

بعد سنة كنا في باريس انا وكريم في إجازة ...حاطة راسي علي كتفه وحاطة ايدي علي بطني ومش مصدقة ...بقالي اسبوعين هنا واكتشفت اني حامل امبارح عشان كده كريم قرر نبقي هنا في بيته اللي في باريس لحد الولادة وماما صابرة تتولي امور المشغل 

باس كريم راسي وقال:

-بتفكري في ايه 

-بفكر فيك ...قد ايه عوض ربنا حلو ....

بصتله وقولت:

-كريم أنا بجد بحبك♥️

-وانا كمان بحبك يا عمري وهفضل احبك للنهاية ♥️

-حتي تحترق النجوم♥️

-حتي تحترق النجوم ♥️

تمت

#حب_وندم 

#سولييه_نصار