 |
:ابعدي انت لزقه كده ليه.
: بس يا احمد انا قلتلك بحبك.
أحمد: وانا قلت اني مش بطيقك بدمك البارد ووشك المبهدل حبوب ده.
: لأ يا أحمد انت وعدتني واحنا صغيرين انك هتتجوزني وقولت انك بتحبني.
أحمد: كان كلام يا دنيا كنا صغار خلاص كفايه.
دنيا: ماشي يا أحمد وشكرا.
مشيت من عنده وأنا مكسورة طيب حتي كنت رجعت زي ما جيت.
وانا خارجه اتزحلقت ووقعت.
دنيا: اااااه.
: مالك يا انسه.
دنيا: ايه مالك دي مش شايف اني واقعه.
: لأ وانا ايه عرفني.
دنيا: انت صدقت اني واقعه تؤ عيب دا أنا قعدت علي الأرض بس.
: مجنونه انت.
دنيا: ما تقول لنفسك يا أستاذ.
: ايه ده لأ ربنا يكملك عقلك غلطان اني قلت اساعدك.
دنيا حاولت تقوم لكن مقدرتش.
دنيا: اااااه.
الراجل رجع تاني.
: هاتي ايدك.
دنيا بدموع: مش قادرة.
الأستاذ شالها ووداها المستشفي.
: رجلك اتكسرت ومحتاجه راحه.
دنيا: لأ دا قلبي اتكسر وطغي علي رجلي.
: انت اسمك ايه وكنت ليه في شركتي مش موظفه فيها انت.
دنيا: هي شركتك انا كنت عند ولد خالتي. عموما اتشرفنا واسمي دنيا. وانت؟
: أنا سالم، واتشرفت بيك.
دنيا: طيب أنا عايزة اروح.
: يلا هروحك بس تديني رقم الوالد.
دنيا: الله يرحمه مكنش معاه تلفون علشان يكون معاه رقم.
: هبله انت.
دنيا: لأ يا سليمان باشا حاشا لله.
: يا بنتي اسمي سالم مين سليمان.
دنيا: سيدنا سليمان بن سيدنا داوود ايه مش مسلم.
: لأ كافر واسمي سالم أحمد.
دنيا: أنا مش عايزه اسالمه انا عايزه احاربه.
: يلعن ابو خفه دمك يا شيخه.
دنيا: مهو ابوها مات برضه.
: وانت مين قالك.
دنيا: مش بابا مات.
: انت بتقولي.
دنيا: يبقى خفه دمه اللي هي ابو خفه دمي ماتت مع بابا الله يرحمه.
: اللهم مطولك يا روح.
دنيا: والله يا حظها البت روح تلاقيها كد النخله.
: ليه بقي يا فيلسوفه عصرك.
دنيا: ابقا اقلك بعدين اصل انا لسه مرفوضه ومش حابه استظرف.
: كويس والله كل ده ولسه مستظرفتيش انا ماشي.
دنيا: طيب يا سليمان باشا وانا هتسيبني حرام عليك.
الاستاذ سليمان جه خدني وروحني بس نفسي لعرف خد رقمي ليه.
بعد ما طلعت كل الطاقه السلبيه بتاعتي روحت نمت اه يعني هعمل ايه وصحيت تاني يوم علي اتصال من غريب....
دنيا: ألو....
: ايه يا انسه مش هتيجي.
دنيا: اجي فين.
: الكباريه في ضيوف مهمين مستنينك.
دنيا: انت مين يا عم وكباريه ايه انا اه بعرف ارقص بس مش لدرجه كباريه.
: ايه مالك خايفه ليه دا احنا حتي صحاب.
دنيا: انا حاسه اني سامعه الصوت ده قبل كده بس مش فاكره فين.
: ايه سلام بقي لأني ورايا شغل.
دنيا واخيرا افتكرت صاحب الصوت: دقيقه يا استاذ سليمان.
: قولت اسمي ساااالم.
دنيا: يا عم مفرقتش خلاص هقلك يا جدو.
: جدو ليه دا تلاقيكي اكبر مني..
دنيا: علشان حبوب وشي صح انت ليه كلكم بتعايروني بيها حتي هو انا بكرهكم كلكم.
: بس ايه بلاعه اتفتحت وبعدين حبوب ايه دي.
دنيا: سلام يا جدو.
:انت قادرة تمشي.
دنيا: اه الحمد لله احسن من امبارح.
: طيب تعالي الشركه بتاعتي انهارده.
دنيا: ليه.....
: قولت تعالي...
وقفل.
#الدنيا_الكاذبه.
: تعالي الشركه بتاعتي انهارده.
دنيا: طيب ليه.....
: قولت تعالي...
وقفل.
...................................
قمت لبست مش عارفه ليه بنفذ طلبه يمكن خايفه منه أو يمكن عايزه اشوف أحمد بس لأ هو اهاني مينفعش كده ايه الناس تقول ايه علي كرامتي.
روحت شركة الأستاذ سليمان.
وسألت موظف عليه قالي انه مستنيني في مكتبه ودلني عليه.
سالم: اتفضلي يا دنيا هانم.
: انت عايز ايه.
سالم: أنا عرفت كل اللي حصلك امبارح وطبعاً حابه تنتقمي منه.
: انتقم من مين يا عم.
سالم: من أحمد ولد خالتك مش كده.
: لأ مش عايزة هو مش حبني انتقم ليه مهو الانسان مش مسئول عن قلبه.
سالم: خلاص يا ستي مهو بقا أنا محتاج سكرتيرة لو ينفع تقبلي الوظيفه.
: بجد والله وظيفه جات في وقتها اهي تطلعني من مود الحزن ده.
سالم: بس بقا انت تعرفي كام لغه.
: عربي وانجليزي وفرنسي والماني وتركي واسباني وهندي.
سالم: دول بس.
: محسسني تعرفهم انت.
سالم: naturalmente .
: دي طبعا بالبرتغالي متخفش اعرف اكتر من اللي قلتهم.
سالم: وبقا ليك خبرة عمل كسكرتيرة قبل كده ولا لأ.
: لأ أنا أول مرة حتي ادخل شركه.
سالم: بصي انت خريجه ايه طيب.
: أنا خريجه كليه تجارة.
سالم: تمام انت ممكن تتواصلي مع السكرتيرة السابقه تتعلمي منها كل حاجه.
: طيب وهي مشيت ليه.
سالم: خطوبتها قربت وحبيبها مش عايزها تشتغل.
: تمام ممكن رقمها أو اي حاجه اتواصل بيها معاها.
سالم:أنا هبلغها وتتقابلوا في مطعم تحت الشركه ويا ريت تكوني جاهزة ومن بكرة تبدأي شغل.
: احييه ليه بس طيب ما ساعه كفايه.
سالم: تمام ساعه وتكوني جاهزة للشغل.
: له انت بتصدق بسرعه كدا ليه يابني.
سالم: انجزي.
: تمام سلام.
...........................
طلعت وطبعا.....
لا يا جماعه انا قابلته بس موقعتش.
أحمد: برطمان الغرا بيعمل ايه هنا.
دنيا: مجتش علشانك متخفش.
وسالم يخرج:دنيا...... مالك يا حبيبتي واقفه ليه مع ده. وغمزلها
دنيا: مفيش يا قلبي ده ولد خالتي.
أحمد: قلبي دا انت لسه كنت لامبارح بتقولي انك بتحبيني.
دنيا: مهو صراحه يا أحمد انت امبارح رفضتني وسالم صحبي كان بيحبني وانا اكتشفت اني بحبه بسبب رفضك.
أحمد: اهاا ناويين تتخطبوا ولا....
دنيا: لأ لسه لما علاقتنا تستقر.
أحمد: اه يا ريت كنت هتتخطبوا كنا عملنا خطوبتنا مع سوا.
دنيا: خطوبتنا !
أحمد: هي ماما مقلتلكيش اه طبيعي ماما نسايه، أنا وصحبتي هنتخطب قريب وطبعا لازم تكوني أول الحاضرين.
سامعين الصوت ده، دا صوت رجلي اتكسرت تاني.
بقلمي "كيآان خالد".
دنيا: اااه رجلي.
أحمد: مالك يا دنيا.
سالم: بعد اذنك ابعد.
سالم شالني وروحني بيتي.
سالم: انت ليه زعلانه.
دنيا: ما هو هيتجوز ليه مع انه عارف اني بحبه.
سالم: بصي خلاص نحركله مشاعره تجاهك.
دنيا: بقولك مش بيحبني خلاص.
سالم: نجرب ونشوف.
دنيا: بس يلا علشان الحربايه اللي هقابلها.
سالم: حربايه !
دنيا: اه دايما السكرتيرة بتكون حربايه ولبسها قصير ومحزق وملزق.
سالم: يلهوي انت وصفتيها..
دنيا: شوفت.
سالم: الا صحيح ايه نظريه حور النخله دي.
دنيا: بعدين يلا علشان.....
سالم: صافي اسمها صافي.....
دنيا: حتي اسمها زي الرقصات.
سالم: يلا يا بت يلا.
#الدنيا_الكاذبه2
تكملة الروايه من هناااااا
تعليقات
إرسال تعليق