 |
❤️الباااارات 8🎶
🎶 روايه #احببت_بنت_الد_اعدائي✨
🎶🎶🎶🎶🎶🎶🎶🎶🎶🎶🎶
عاد ادهم لمنزله
واول ما دخل البيت لقي شهد طالعه تجري عليه
شهد : اخيرا جيت
ادهم باس جبينها: حبيبتي مالك ف حاجه دايقتك
شهد وهي تنفي برأسها:لاء بس اتأخرت 12 دقيقه علي فكرة
ادهم ضحك:انتي حسباها .... انا اسف المرة هاجي بالظبط
شهد بضحك:ماشي عفونا عنك
ادهم بإبتسامه: وحشتيني .... عايز اول ما ارجع من الشغل تستقبليني كدة
شهد بكسوف:حاضر ... بس انت أتأخرت وانا خوفت يتصل عليا وانت مش موجود
ادهم وهو بيقرصها ف خدها : معلش كان ورايا شغل
كل ده حصل تحت انظار رانيا وام ادهم
ام ادهم ف نفسها وبأبتسامه: ربنا يخليكوا لبعض... ادهم اتغير علي ايديها
رانيا مقاطعه لهم:ف ايه بقا راعو ان في سناجل معاكوا
شهد تذكرت انها فعلت هذا وهم موجودين ف خجلت بشدة وادهم خجل لما عرف ان اللي عمله ده كان قدام امه واخته
ادهم بخجل:احم معلش نسيت انكوا هنا
ام ادهم بضحك: ولا يهمك يا حبيبي مراتك وبراحتك معاها طبعا بس معلش اللمضه دي انا هعرف اربيها
ادهم بضحك:لاء هي لمضه
رانيا:بس بقا يا جماعه عشان بتكسف
الكل ضحك😂😂
ام ادهم :انا طالعه انام
ادهم:لاء استني يا امي عايزكوا شويه
ام ادهم: خيرجلس الجميع ف الصالون
ادهم :انتي عارفه ان اسلام كان خاطب واحده من اسكندريه
ام ادهم:ايوة يا حبيبي ف حاجه
ادهم حب يشوف ردت فعل رانيا : ااه هو فسخ الخطوبه
رانيا بإندفاع وفرحه:حقيقي والله
ادهم بمكر:مالك فرحتي كده ليه
رانيا بتوتر :لاء مفيش دة انا زعلت ليه فسخوا دول كانو ليقين علي بعض
ادهم بمكر:ااه جدا واسلام كان بيحبها جدا
رانيا بحزن والدموع بدأت تظهر ف عنيها:ااه ما احنا عارفين
ادهم اتأكد ان رانيا بتعشقه: خطيبته هي اللي فسخت الخطوبه عشان ابن عمها رجع من المانيا ومعاه فلوس واسلام يعني مش غني أوي
رانيا بغضب:هو الحب كان امتي بالفلوس واحدة غبيه خسارة فيها الحب اساسا
ادهم اطمن انها راضيه تعيش معاه بأي ظرف
ام ادهم:اخص عليها ده اسلام ونعم الرجوله والله راجل يعتمد عليه
ادهم بابتسامه:عشان كده انا قاعد بكلمك
ام ادهم باستغراب:تكلمني علي ايه مش فاهمه
ادهم بابتسامه:اسلام طالب ايد رانيا
رانيا بعدم تصديق:بتقولي ايه يا ابيه
ادهم بابتسامه:اسلام طالب ايدك
رانيا بفرحه:حقيقي يا ابيه اسلام عايز يتجوزني
ادهم بمكر:ااه بيحبك جدا وكان خاطب البنت دي عشان كان خايف يطلب ايدك لحسن ازعل منو انه بيبص علي اهل بيتي وانه مش ف مستوانا المادي بس طلع مش هو بس اللي بيحبك 😉
رانيا بكسوف جدا من اخوها:مش قصدي والله
ادهم قام وقعد جنبها واخدها ف حضنه: بتحبيه يا رانيا
رانيا بخجل ومعرفتش ترد
ادهم بابتسامه:مش عيب ولا غلط ولا هزعل منك لو قولتي يعني ها يارنيا
رانيا بخجل:ايوه
ادهم :طب كده تمام خطبتكوا علي اخر الاسبوع
رانيا بصت لاخوها بكسوف وطلعت تجري علي اوضتها
ام ادهم:لما اشوف اسلام هخلع ودانه من مكانها بقي خايف نرفضه عشان ظروفه الماديه ده انا كنت بتمناه لرانيا
ادهم:هو جي بكره الصبح عشان هنطلع علي مكان كده الاول ابقي ولعي فيه براحتك يلا انا طالع اوضتي يا امي يلا يا شهد
✨🎶✨🎶✨🎶✨🎶✨🎶✨🎶✨
🎶وطلع هو وشهد علي الاوضه🎶
ادهم:مالك يا حبيبتي ساكته كده
شهد بحزن:ساكته لاني معرفش اي حاجه عن اللي انتو بتقولوه حاسه اني غريبه وسطكوا احساس بيوجعني لما ببقي قاعدة وسطيكوا ومش عارفه انتو بتتكلموا علي مين حتي انا معرفش اي حاجه عن ماضيك عن بباك وانت المفروض جوزي بس الي اعرفه ان الاحساس ده بيوجعني
ادهم وجعو كلامها وحضنها:انتي عمرك ما كنتي غريبه عننا بس انتي دخلتي فجأه والله .... وبعدين حاضر يستي هغير هدومي واي سؤال عن اي حاجه عن اي شخص انا جاهز
شهد بابتسامه: حقيقي
ادهم:ااه يا حبيبتي حقيقي
غير ادهم ملابسه واخد شهد وقعدوا علي السرير:هااا يا ستي اتفضلي قولي
شهد بتفكير:بباك فين
ادهم:بابا تو"في وانا ف اولي كليه بابا كان لواء ف الدخليه ودة السبب الي خلاني ادخل كليه شرطه وكان نفسو يفتخر بيا لما اوصل للمكانه دي بس ملحقش بس انا حاسس انو مفتخر بيا
شهد ببكاء:انا اسفه يا ادهم اني فكرتك والله ما اقصد بص خلاص مش هسأل تاني
ادهم:لاء مش كل سؤال نعيط كده لاء اسئلي عادي دة حقك يا حبيبتي
شهد:تمام ماشي .... طب مين اسلام دة وايه علاقته ب رانيا وخطيبتوا الي كان خاطبها ف الاول مش فاهمه
ادهم حكي لشهد كل شئ يخص اسلام وخطيبته ورانيا
شهد:يحرام صعب عليا خطب واحده وهو مش بيحبها وسابته ف الاخر
ادهم:اسلام ده مش صاحبي بس اسلام ده اخويا اتعرفت عليه من وانا ف سنه سته ابتدائي وطلعنا بنفس الحلم بس هو حب يدخل عمليات خاصه وانا بقيت مقدم بس انا وهو مع بعض ف كل العمليات بس كده
شهد:تمام ربنا يخليكوا لبعض وفضلت بصاله فترة وسكتت
ادهم:اسألي يا حبيبتي الي ف بالك
شهد:هاا لاء مفيش
ادهك:اسألي بقولك
شهد:انت كنت بتحب واحده قبل كده
ادهم ضحك:كل ده عشان تسألي السؤال ده
عموماا لاء يا ستي انتي اول واحده تدخل حياتي انا عمري ما دخلت ف علاقه قبل كده
شهد بفرحه:حقيقي
ادهم:ااه والله انتي اول شهد ف حياتي
شهد: امال ليه عرفت انك بتكر"ه الستات
ادهم:لاني كنت بشوف صحابي وهما كل يوم مع واحده شكل ف انا اخدت فكرة انت البنات بتاعت فلو"س وبس بس لما دخلتي انتي حياتي غيرتي كل افكاري
شهد بكسوف:عايزة اقولك حاجه بس خايفه اقولهالك تطلع مش زي
ادهم باستغراب:ايه هي طيب وبعدين طول ما انتي معايا مسمعش كلمه خوف
شهد بكسوف وقربت من ودنه وهمست: انا بحبك جدا جدا يا ادهم انت اول راجل ف حياتي وهتبقي اخر راجل حتي لو مش بتحبني
رجعت بصت لادهم لقتو متصنم ومصدوم
شهد بحزن:مش لازم تبادلني شعور الحب بس اللي عايزاك تعرفه اني بحبك حتي لو مش بتحبني ماتسألنيش حبيتك امتي بس معرفش حسيت معاك بالامان مش لازم تحبني عادي انا عارفه اني شغل وبس بالنسبالك
ادهم مقاطع لها:انا عمري ما أعتبرتك شغل انا أول ما شوفتك وانا حسيت انك مسئوله مني إزاي معرفش بس الي عايزك تعرفيه اني بحبك جداااا بردو
شهد بفرحه:حقيقي يا أدهم
أدهم بإبتسامه:حقيقي يا قلب أدهم
شهد حضنته من فرحتها:كنت خايفه لتكون مش بتحبني اصلك انت الوحيد الي عاملتني حلو
أدهم بضحك:عشان تعرفي اني طيب وكيوت
شهد حضنته وضحكت: حبيبي كيوت أوي
ونامو وهما فرحانين لأنهم أخيرا أعترفو لبعض .......
يتبع ✨✨اللي عاوز التاسع يعمل متابعه من هنااااااا
مريم جلال ❤️🎶
البارت التاسع من هناااااا
تعليقات
إرسال تعليق