 |
سكريبت♥️بقلم سولييه نصار♥️
-عجبتك صور جوزك وهو في حضن مراته الجديدة
جاتلي الرسالة دي علي الواتس مع صور لجوزي شريف جمبه واحدة تانية في حضنه مزة بصراحة ...يا ابن الايه يا شريف وقعت عليها فين دي ...الغريبة أنها بصتلك واتجوزتك وبت*حارب عشانك دي عب*يطة دي ولا ايه ...يالا اللي رمته الهانم تاخده مساحة السلالم أنا مالي ....
فجأة عينيا توسعت وانا ببص وقولت:
-يا ابن الك*لب يا شريف مقعدها في الشاليه اللي دفعت نص فلوسه ....يالهوووي دي لابسة بيجامتي الزرقا يع أنا مبحبش حد يلبس مكاني ...وديني لاربيك يا ع*رة الرجالة ...ازاي تخليها تلبس بيجامتي ...مصيبتك سودا لو خليتها كمان تشرب من مج كرة البعبع اللي أنا اشتريته ....ده انت يومك رمادي معايا وكل الالوان الغامقة ...لبست هدومي بسرعة ونزلت وانا مقررة اخد اول اتوبيس واروح الغردقة قابلتني سهير اختي علي السلم عشان هي عايشة تحتي ...
-بسم الله الرحمن الرحيم ...رايحة فين كده يا مجنونة ...
قعدت أنهت واقول :
-شريف اتجوز عليا حر*باية بشعر اصفر لابسة ...
قاطعتني وهي بتص*رخ وبتمسك أيدي وتقول:
-يق*طعه الوا*طي ...عيطي يختي متكتميش في نفسك ....كلهم مصطفي ابو حجر ....
نفخت بضيق وقولت وانا بزقها :
-ابعدي انتي كمان بلاش دراما ....عايزة الحق البيجاما الزرقا والمج بتاعي
وبعدين جريت ...وقفت سهير وبصت بصدمة وقالت:
-بيجاما ومج ...هو ده اللي هامك...عوض عليا عوض الصابرين يارب ...
.......
ركبت اول اوتوبيس رايح الغردقة وبعد ساعات وصلت ... اخدت تاكسي وروحت علي الشالية بسرعة ....رنيت علي الجرس جامد لحد ما شريف فتحلي
-اه يا حيو*ان ..
قولتها وضر*بته علي وشه لحد ما رجع لورا بصدمة وصرخ وقال:
-يا بت المجنونة....
ولسه هدخل....
مسك أيدي جامد وهو بيضحك بإنتصار وبيقربني منه ...وقال:
-ياه اخيرا
بصتله بحيرة ...مجنون ده ولا ايه بالضبط ...مش باين عليه الخوف مني جديدة دي. . بس الحق عليا أنا اللي اتهاونت معاه ...كان لازم اديله علي دماغه من الاول عشان يعرف مين هي نادية ...بس عشان أنا طيبة بيعمل معايا كده !!!
-مالك يا عم سيبني
ابتسم وقال:
-اخيرا ...اخيرا شوفت غيرتك عليا كنت عارف ان مش هيخليكي تغيري الا انثي زي كارمن عشان كده اتجوزتها ...
زقيته وقولت:
-يا عم اتنيل أنا جاية هنا عشان البيجاما بتاعتي الزرقا ...
بعد عني وقال بصدمة:
-يعني انتي مش غيرانة ...
-يا عم ابعد بقا اشوف الس*حلية اللي لابسة البيجاما بتاعتي دي !!
زقيته وانا بدور علي الحر*باية اللي اسمها كارمن ...ايه كارمن ده اسم صابون؟!!
فجأة لقيتها خارجة من اوضة النوم وهي بتتاوب بس بهتت لما شافتني بعدين ابتسمت بخبث وقالت :
-ايه ده انتي جيتي هنا ...اهلا يا حبيبتي ...بجد لطيف منك انك تيجي وتباركيلي يا نادية شريف قال إنك صاحبة واجب ...
بصيت بصدمة لبيجامتي اللي لابساها وقولت :
-وكمان لسه لابسة بيجامتي وبهدلتيها ...
وبعدين جبتها من شعرها وقعدت اض*رب فيها
-لا اله الا الله
صرخ شريف بخوف. هو شايفني بفت*رس كارمن !!
يتبع
الجزء التاني♥️شكرا علي تفاعلكم السكر♥️بقلم سولييه نصار♥️
-سيبيها حرام عليكي
صرخ شريف وهو شايفني بضر*ب فيها بعن*ف ...بس مسمعتش كلامه وانا بصرخ :
-لسه لابسة البيجاما بتاعتي يا حي*وانة انتي تلاقيها اتبهدلت من عرقك يا معف*نة ...
-اه سيبي شعري يا متو*حشة انتي
ضحكت بش*ر وقولت :
-اسيب شعرك ايه ده انا هنتفه زي الفرخة يا حيلتها ...لفيتي علي جوزي قولنا ماشي ...اتجوزتيه قولت كل*ب وغا*ر وانا الكسبانة والله يكون في عونك ...سكنتي في الشاليه بلعتها...لكن بيجامتي لا ده انا اصور قت*يل هنا ...فاكرين انك انتو وأبو سحلول ده هتأكلوا حقي اكمني طيبة ومليش ولا قريب ولا حبيب ولا غريب ...لا يا حبيبتي ده انا اضر*بك انتي وجوزك ...
جه شريف وحاول يشليني زقيته جامد لحد ما وق*عته ورأسه اتخبطت في الترابيزة .....
مسكت شعر كارمن تاني وقولت:
-بت انتي هتخلعي البيجاما
-حاضر والله
قالتها وهي بتبكي ..
-وكمان هتغسليها
-حاضر بس سيبيني بو*ظتي شعري لسه كوياه ...
مسكت شعرها الأصفر بقر*ف وقولت.:
-وايه يا اختي اللون الفاقع ده عاملة زي لمبة الفرح ....ماله الشعر الأسود نفسي اعرف ...
بكت ومردتش عليا من الأ*لم ...مصمصت شفايفي وقولت:
-بعدين ايه كارمن دي
-ده اسمي
زعقت فيا
-مسم اسمك ده ولا اسم صابون مواعين
-لا اسمي ولو سمحتي قومي أنا بنت ناس كفاية كده...
قومت وانا بشدها تقوم تقف وقولت :
-يالا بقا اخلعي البيجاما ...
مسكتها بخوف وقالت :
-حاضر هدخل اخلعها
-وتطلعي تغسليها علي ايدك وانا هشرف عليكي فاهمة
هزت راسها بخوف...
دخلت جري فروحت لشريف ومسكته من هدومه وقولت:
-فين المج بتاعي
-ايه ؟!!
-فين مج كرتي البعبع اللي اشتريته بمية جنيه لاصور قت*يل هنا
خاف مني وقال:
-والله ما حد لمسه قاعد في النيش
روحت اشوفه في النيش وطلعته بصيت ليه بحب وانا بشوف رسمه كرة البعبع بوسته براحة وقولت :
-الحمدلله يا حبيبي محدش شرب منك ...
روحت رجعته مكانه ... وانا رايحة للحر*باية الصفرا عشان تغسلي البيجاما ...
.....
بعد شوية كنت واقفة وانا باصلها بشر وهي بتغسل البيجاما في طبق الغسيل
-اغسلي كويس يا كرم انتي
-اسمي كارمن
-What ever
-كده كويس ...
عرضته عليا وهي بتبتسم بتوتر ...رفعت حواجبي وقولت:
-فيه بقعة صغيرة علي الكم اغسليها كويس وحطي داوني عشان تبقي ريحته حلوة ..
-حاضر
.......
بعد ما غسلت البيجاما بتاعتي راحت تنشرها وانا رن تليفوني ولقيتها اختي سهير
دخلت اوضتي عشان اكلمها براحتي
-ها يا بت طمنيني عليكي ...قلبي واجعني عليكي يا نادية
-متقلقيش يا سوسو حليت المشكلة من غير أضر*ار المج متشربش فيه والبيجاما اتغسلت ...
-مج ايه وبيجاما ايه يا بت متشلنيش....جوزك اتجوز عليكي وتقولي مج وبيجاما ...مين الاهم بالضبط
-البيجاما
-ايه
-ايوة البيجاما بتاعتنا بس شريف مش بتاعنا
-سلام سلام ده انتي هتجيبلي الشل*ل...
قفلت سهير ...وطلعت علي المطبخ عشان اشرب لقيت كارمن واقفة علي الحوض ...لسه هسألها اتصدمت لما لقيت الحوض مليان مواعين ودهون والمج بتاع كرتي البعبع عليه
-ايه ده ...المج بيعمل ايه هنا
صرخت بفزع ...حسيتها اتفزعت وقالت بخوف :
-انا شربت نسكافيه فيه وبعدين هغسله...
بصتلها
وبعدين مسكتها من شعرها ودخلت رأسها في الحوض!!!!
وقولت:
-يا بجاحتك!!!
يتبع
الجزء التالت♥️شكرا علي تفاعلكم السكر♥️بقلم سولييه نصار♥️
-بتشربي من المج بتاعي
زعقت فيها بشر*اسة وانا بدف*س وشها في الحوض ...حسيتها هت*موت مني ...سيبتها فلقيتها واقعة علي الأرض واغمي عليها ووشها مدهن ومزيت ....
-يع
قولتها وانا قر*فانة بعدين بصيتلها لقيتها مش بتتحرك
-يا مصيبتي دي شكلها ما*تت!!
قعدت جمبها وقعدت اهزها وانا بقول :
-بس يا كارمن اصحي يا بت متلبسنيش مصي*بة ...اصحي وهديكي البيجاما الزرقا خالص مش عايزاها...طب هديكي فنجان كرتي البعبع ابو ميت جنيه مش خسارة في أهلك ....
بس برضه مكانش فيه اي رد فعل ...يا مصيبتي ياني يامه...البنت شكلها ما*تت...هروح الس*جن يالهووي ....ازاي هنام في الس*جن ومفيش تكييف هم*وت من الحر كده ..
قعدت اهز في كارمن وبقول :
-اصحي يخربيتك اصحي مش عايزة انام في الحر
شوفت عينيها بترمش ودمي فار الهانم بتضحك عليا بس قررت أمثل وقولت بحزن:
-خلاص مفيش امل غير اني اعملك تنفس صناعي
ولسه هقرب عليها قامت صرخت وقالت:
-لا يع ...يع متعمليش
مسكت الشبشب ونزلت فيها ض*رب وقولت:
-بتمثلي عليا يا بت بعد ما طفحتي من مج كرتي البعبع
-لا خلاص والنبي اخر مرة والنبي ما تضر*بيني
جه شريف جري وهو بيشيلني من عليها وبيقول :
-هت*موتي البت يا مف*ترية حرام عليكي منك لله
-شربت من المج بتاعي.
-قولنا اسفة الله متقر*فيناش
قالتها وهي بتزعق أثناء ما هي نايمة علي الأرض ووشها متبهدل
-دي بتتنرفز عليا
صرخت وانا بحاول أفلت من شريف بس هو مسكني كويس وقال:
-حرام عليكي اتقي الله
-تغسل المج
-هتغسله
-وتطهره كويس عشان انا بقر*ف افرض بوقها مليان أمراض ولا حاجة
قامت كارمن وقالت:
-ليه أن شاء الله شايفاني جر*بانة
-انتي اسكتي ...أنا بتكلم معاه....شريف تغسلي المج احسنلها والا هقص شعرها الحر*باية الصفرا دي
-هتغسله يا حبيبتي بس اهدي شوية
بصتلهم بقر*ف وقولت :
-رايحة ارتاح من السفر لاني تعبت ويارب حد يصحيني
-روحي يا حبيبتي ربنا ياخدك
قالها شريف بصوت واطي
بصتله بشك وقولت :
-بتقول حاجة يا حبيبي
-لا يا حبيبتي بقول ربنا يكرمك روحي ارتاحي...
روحت انام وسيبتهم ...
...
قرب شريف من كارمن وقال:
-بجد انت آسف ...أنا
زقته وصرخت :
-ابعد منك لله انت ومراتك
وبعدين قامت فزعق شريف وقال:
-جرا ايه يا كارمن هو انتي اتلسعتي من الشوربة وجاية تنفخي في الزبادي ايه الافت*را ده ؟!!!
-انت تسكت كل ده بسببك ...يا بابا دي مينفعش معاها غيرة دي جبلة ده المج اغلي منك الله يعينك بصراحة ...أنا هلم هدومي يا ابن الحلال وامشي من هنا انا غلطانة اني عملت المسرحية السخيفة دي معاك ....تغور شغلة السكرتيرة اللي انت ذ*الل اهلي بيه ...
ولسه هتمشي ... مسكها شريف وقال:
-اهد...
بس هي مسكت غطا الحلة وضر*بته علي رأسه واغمي عليه ....
-يا مصيبتي قت*لت الراجل ....ناااااادية الحقيني أنا قت*لت شريف!!
يتبع
#شرسة
الجزء الاخير♥️شكرا علي تفاعلكم السكر♥️بقلم سولييه نصار♥️
-انا قت*لته!!!!!
كنت لسه هنام لما صرخة كارمن خليتني انط من السرير ...طلعت من الأوضة جري لقيت كارمن بتجري في الصالة وهي بتلطم ...مسكتها وقولت:
-مالك يا بت
-قت*لته يا نادية ...قت*لته
-قت*لتي مين
-شريف
لطمت وقولت :
-هتدخلي الس*جن يا منيلة
قعدت كارمن تبكي وتلطم . فمسكت أيدها وقولت:
-متخافيش يا بت احنا س*تات زي بعضينا والن*ساء للن*ساء برضه مش هرضالك الاذ*ي....
مسحت كارمن دموعها وقالت:
-هنعمل ايه طيب نطلب الإسعاف
-اسعاف مين يا ه*بلة عايزة تودينا حبل الم*شنقة ...لا احنا هنجيب ساط*ور وكياس سودا
-بس متكمليش ..
-استني بس هنق*طعه ونحطه في كياس
-يا مصيبتي السو*دة يا ناس
قالتها كارمن وهي بتنط وتلطم وتقول:
-وقفت في واحدة سا*يكو ...يا ولية ده جوزك
-الله وهو قدر يعني ده لبسك البيجاما بتاعتي الغالية وهو عارف اني بحبها انتي عارفة دي بكام جبتها ب٣٠٠ جنية وكانت عرض معاها شبشب بوردة وتوكة
-ايه ده بجد ...تعرفي أن خامتها حلوة اووي ورخيصة كمان أنا اشتريتها بأكتر من كده ب٤٠٠ باين لجهازي بس مكانش معاها شبشب ولا توكة...
-بجد لا دول ضحكوا عليكي ده الشبشب بتاعه خطير متعرفيش انتي مريح كده بالذات لو بتغسلي مواعين وفي وردة كبيرة لونها موف بجد حلو للاسف حاليا في القاهرة والله كنت ورتهولك ...
ضحكت كارمن وقالت:
-يا ستي ازورك واشوفه
مسكت أيدها وطبطبت عليا:
-حبيبي يسطا والله تنوري في اي وقت بس نخلص من الج*ثة الاول عشان الكلام اخدنا
-جث*ة ايه
صوت شريف اللي جه جمبنا خلانا نصرخ ونجري ...بصينا لشريف وقولتله :
-انت مم*وتش
-انتي كنتي ناوية تتخلصي من جث*تي
-ايوة اكيد يعني مش هنسييها هنا الشالية يتو*سخ
مسك شريف قلبه وقال:
-اه علي اللي هتمو*تني ناقص عمر...يخربيتك أنا جوزك ازعلي شوية ...طب ازعلي حتي اني اتجوزت عليكي
-يا اخويا أنا الكسبانة ...
هز شريف رأسه وقال:
-والله ما مصبرني عليكي غير اني انا بحبك غير كده كنت طلقتك وخلصت منك ...
-يالا طلقني وادفع المؤخر فيه شوية اطقم هموت عليها
بعدين بصيت لكارمن. قولت:
-مقولتلكيش بقا علي شوية الفساتين اللي عيني عليهم حلاوة حاجة كده خيال تعالي معايا وننقي مع بعض ...
لسه كارمن هترد بحماس ...صرخ شريف وقال:
-اخرسوا انتوا الاتنين
بعدين راح لكارمن وقال:
-يا بت أنا متفق معاكي انك تخليها تغير ايه اللي بتهببيه ده يخربيت امك ...
-ما هو ...
-اسكتي خالص ...
ابتسمت بإنتصار وقولت:
-والله كنت عارفة أنها لعبة من العابك يا شريف ...يا بني اهمد واعرف اني مخي اكبر من كده
-كان نفسي احس بحبك يا نادية ...احس اني مهم ...
ابتسمت وقربت منه ومسكت ايديه وقولت:
-طيب ما انت مهم والله عشان كده عارفة أن دي لعبة منك ...أنا حافظاك يا شريف اكتر منك ...يالا نقعد ونسمع فيلم...فيلم hitman زمانة جه دلوقتي علي mbc2 نتفرج عليه مع بعض اي رايك
ضحك وقال:
-عمرك ما هتتغيري
صرخت كارمن من الفرحة وقالت :
-اخيرا وانا رايحة احضر الفشار ...
وجريت علي المطبخ ...
بصيت له وقولت:
-مين دي صحيح
-دي بنت غلبانة جات عشان تشتغل سكرتيرة في شركتي وعرضت عليها المسرحية دي عشان تشتغل
-وانت ناوي تشغلها
-اكيد
-برايي عذ*بها شوية
-ليه يا مف*ترية
-شربت من المج بتاعي
ضحك شريف وشالني وقال:
-يا ستي مش مشكلة أنا هجيبلك مج غيره لكل شخصيات ديزني
-هيييه بحبك يا كرتي البعبع ♥️
-وانا اكتر يا شعنونتي♥️
تمت
#شرسة
#سولييه_نصار
تعليقات
إرسال تعليق