 |
#2
همس خلصت تنضيف وترويق طبعا تعبت جداااا وقعدت تريح شويه على الكرسي »
_ الله عليكى يا همس خليتى البيت يبرق وبقى جميل أوى أيه ده اى الهواء الساقع ده !
حتى أنا قافله البلكونه أما اقوم اعمل نسكافيه ..
قامت همس من الريسبشن للمطبخ ال كانت الوانه هاديه وكبير »
_ يووه نسيت أجيب المج بتاعى من الشنطه
خرجت تانى للريسبشن ولاقت الشنطه مفتوحه والمج على الترابيزه»
_الله أنا فاكره كويس أنى مفتحتش الشنطه ولا خرجت المج أصلاً !! وبعدين يمكن عملت كده ونسيت
خدت المج ورجعت للمطبخ تانى وهى بتعمل النسكافيه كانت واقفه تدندن فى أغنية " كايروكى _ نعدى الشارع "
| مستنى اليوم ده أنا من زمان
أفتح قلبى وأقولها كل الكلام
وأمسك أيديها ونعدى الشارع سوا . . لالالا . . عدينا الشارع ودخلنا فى تانى شارع توهنا فى الزحمه و .... |
_ الله كان بيقول أيه بعد كده نسيت يووه !!
فجأه سمعت صوت بيقول بقيت الاغنيه ...
.. وشوفنا الدنيا أحلى الشارع لينا وأول مره لوحدينا .. ده الباقى
_ ايه ده مين هنا مين فى البيت !!! أظهر بقولك ! ، أنا مبخفش هه
كانت ماسكه المعلقه وبتلوش بيها وهى ماشيه فى البيت »
.. ده المعلقه المفروض تمو تنى بس من الضحك صح ؟
من الخضه ال هي فيها المج وقع واتكسر أصلها فتشت البيت كله مفيش حد »
.. خسارة المج كان شكله حلو
_ يلهوى مين !!!
.. سيبى المعلقه بس ال عماله تلوشى بيها فى وشى دى أنتى جيبها فى عينى دلوقت .
_ أسفه أسفه . . أيه ده انا اتهبلت بعتذر للهوا لا لحظه كده انت عفريت يماما !!
.. مش كنت مش بتخافى دلوقت وعامله فيها هركليز
_ لا أنا ميمى فى نفسي متقتل نيش من فضلك ( قعدت تقول كل ال هى حفظاه فى القرآن من آيات )
.. مفيش فايده أنا لسه هنا برضو انا مش شيط ان حضرتك
_ جن عاشق !
.. عاشق لمين أنا لسه شايفك بقالى ساعه وده منظر أساسا حد يعشقه ؟
_ على أساس الواد فلقة قمر تلاقى عينك واقعه وطقم سنانك ضايع روح يعم
.. لا انا وسيم اوى خلى فى بالك
_ يولا على الثقه
.. لا ده غرور
_ يادى النيله عليا اى ال بعمله ده بكلم عفريت ( ضربت نفسها قلمين ) فوقى يا همس دى تهيؤات
.. لا يا همس مش تهيؤات ولا حاجه وانا مش عفريت عشان الالقاب تختلف معلش
_ طيب اتكل على الله عايزين ننام والله أسيب البيت وانزل هه
.. هاجى وراكى أصل انا شبح غتت
_ شبح !
.. اه انا شبح
_ وأنا مالى انا يا أستاذ شبح انا أنسانه طيوبه وفى حالى روح خوف حد تانى
.. انا مش جاى اخوفك أصلا
_ انا بس لاقيتك لوحدك زي قولت ن....
_ ن .. أيه !!
.. ........
_ يا عم يا أستاذ أبو الاشباح الحمد لله مشي الحق أنام اكيد بحلم
دخلت تنام وفعلا من كتر هدة اليوم نامت على طول وصحيت الصبح بدرى كان عندها دروس اولهم الساعه ١٠ الصبح
_ أه يا أنا الله الجو حلو أوى والبلكونه جايبه نسمة لحظه انا مفتحتش البلكونه يكونش
.. صباح الخير يا كسلانه
_ يا ساتر يارب حد يخض حد كده !
.. انا جاى أقولك أنك لازم تنزلى دلوقت حالا
_ ليه !!
.. عشان عايز أقعد لوحدى
_ أفندم أيه العفر يت البج ح ده
.. قولتلك أنا مش عفر يت وخليكى جدعه كده ومؤدبه بدل ما أخوفك ها وبعدين انا أكبر منك يبت أنتى
_ بقولك أيه متصدعنيش
.. اششش أسمعى كده فى حد فى البيت غيرك
_ أيه !
سمعت صوت رجلين فعلا وفجأه .....»
#أنا_وهو
#يتبع
#Marina_Magdy
شكرا على تفاعلكم يا قمرات واتمنى البارت ده يعجبكم بقى ومعلش انه صغير شويه هحاول أكبره المره الجايه
يتبع
اللي عاوز التالت يعمل متابعه من هنا
تعليقات
إرسال تعليق