 |
🖤 الباااااااارت الااخير🖤
✨ رواية #جحيم_الجاسر✨
فريدة بتصحي جاسر من النوم وهي بتتوجع وبتصرخ
فريدة بألم وصراخ : اه الحقني ياجاسر تعبانة اوي شكلي بولد
جاسر قام مفزوع وخايف كل اللي بيفكر فيه
ياترا هيشوفها تاني ولا لا أصعب شهر عدي عليه هو الشهر التاسع مكنش بينام كويس على طول سرحان وقلقان من اللي هيحصل في يوم الولادة
جاسر بقلق : طب طب يلا ياحبيبتي نروح المستشفى
فريدة بصراخ : اااه مش قادرة ياجااااسر هموووو"ت اااه
جاسر بخوف : اهدى ياروحي ان شاء الله هتقومي بالسلامة
جاسر شال فريدة ونده على زينب وركبت معاهم في العربية واتصلت على محمد وسلوي علشان يروحولهم عند المستشفى....
جاسر كان بيسوق بسرعة كبيرة والخوف واضح عليه
وفريدة كانت بتصرخ مكنتش قادرة تتحمل الألم وزينب بتحاول تهديها
لحد ما صلو المستشفى والدكتورة أعطت فريدة مهدا وجهتها للولادة
فريدة بعياط : بن بنتى ياجاسر أمانة عوضها عن غيابي..
جاسر بمقاطعة والدموع في عينيه : متقوليش كدا ياحبيبتي هتقومي ان شاء الله ومحدش هيربيها غيرك
فريدة وهي داخلة أوضة العمليات بعياط : بنتى ياجاسر كون ليها الام والاب.....
وصل محمد وسلوي ومصطفى اللي كان رجع من السفر المستشفى وباين عليهم القلق
🤎 بعد فترة 🤎
طلعت الممرضة ومعها بنوتة زي القمر واعطتها لجاسر
الممرضة : مبروك المدام جابت بنت زي القمر
جاسر شالها بين ايده بابتسامة حب وكبر في ودنها
جاسر بقلق للممرضة : طب وفر فريدة عاملة ايه
الممرضة بتردد : ادعولها هي حالتها صعبة جدا دلوقتي
زينب شالت البنت وجاسر قعد على الأرض منهار ومصطفى قعد يواسيه
وسلوي بتعيط ومحمد واخدها في حضنه وبيهديها والدموع في عيونه
مصطفى : متخفش ياصاحبي فريدة قوية وهتقوم
جاسر بعياط : يارب يامصطفى يارب انا مقدرش اعيش من غيرها هيا كل حياتي
فضلو قاعدين وقت طويل قدام أوضة العمليات وخوفهم بيزيد
✨ بعد فترة ✨
بيطلع الدكتور من عند فريدة وباين عليه التعب بيجرو عليه كلهم
جاسر بخوف : فر فريدة عاملة ايه يادكتور هي كوكويسةصح
الدكتور : للأسف المدام حالتها صعبة جدا والقلب ضعيف
مكنتش لازم تحمل احنا عملنا اللي علينا عملنلها العمليه والباقي على ربنا
🥺 صرخات ام علي وشك فقدان بنتها
اب بنته بين الحياة والمو"ت 🥺
وجع اخ 🥺
حبيب روحه بتتسحب منه ممكن في اي لحظة يخسر حبيبته🥺💔
أصعب ليلة مرت عليهم كلهم مش على لسانهم غير الدعوات لفريدة
جاسر صحي الصبح على صوت أقدام الدكاترة والممرضين اللي بيجرو على أوضة فريدة
قام بخضة وزعق فيهم
جاسر بزعيق : فريدة فريدة مالها انطقوا
ممرضة : ضربات قلبها مش منتظمة...... ومشيت
بعد فترة صغيرة يطلع الدكتور من الأوضة
جاسر : فريدة مالها يادكتور...... انطق
الدكتور : هيا حاليا حالتها مستقرة وفاقت بس القلب لسه عليه خطر منقدرش نحدد غير لما يعدي ٤٨ ساعة
هيا طالبة تشوفكو كلكو دلوقتي حاولو متخلوهاش تتكلم كتير
دخلو كلهم لفريدة وجاسر شايل بنته في ايده شافها حالتها صعبة اوي متوصلة بأجهزة كتير محاليل باين عليها الضعف ياااه
ولا مرة شافها في الحالة دي وهو مش قادر يعملها حاجة
فريدة بتعب : بن بنتى
جاسر راح عندها وقرب البنت منها فريدة شافتها عيونها دمعت وباستها وحضنتها حضن كبير اوي كانها بتودعها
جاسر : حمد لله على سلامتك ياحبيبتي البنوتة قمر شبهك
فريدة بدموع : خد بالك منها ياجاسر اهتم بيها بنتى أمانة ليكو كلكو متحسسوهاش بغيابي
سلوى : بس يافريدة متقوليش كدا متوجعيش قلبي عليكي يابنتى
جاسر : محدش هيربيها غيرك ياروحي ابوس ايدك متقوليش كدا ان شاء الله هتقوميلنا بالسلامة
مصطفى : قومي بقى يافري بطلي دلع انا مش متعود عليكي ضعيفة كدا
محمد دموعه خانته شايف بنته الوحيدة قدامه ضعيفة
فريدة : مالك يابابا بتعيط ليه
محمد : يعني انتي مش عارفة بعيط ليه مش سامعة انتي بتقولي ايه
فريدة بدموع ولكن تخفيها بابتسامة : يابابا المو*ت علينا حق
جاسر خلاص بقى يافريدة بطلي كلام الدكتور منبه متتكلميش كتير
الجهاز بدا يصفر وفريدة بتاخد نفسها بصعوبة وتتكلم بتقطيع
فريدة بتعب : بنت بنتى أمانة عندكو اهتمو بيها
متحسسوهاش بغيابي حبها ياجاسر كون ليها الام قب قبل الاب عاملها بحنية بن بنتى
غمضت عينيها
كله واقف بيصرخ جاسر مش قادر يستوعب الدكاترة جريوا على الأوضة بتاعتها طلعوا كلهم
وحاولو يطلعوا جاسر وهو بيقاوم
جاسر بعياط وزعيق : فريداااااة لا متسبنيش ارجوكي لااا يافريدة قومي ابوس ايدك
الدكتور : طلعوه برة بسرعة وجيبولي جهاز صدمات الكهربا
جاسر طلع بعد عناء طويل ووقف يبص عليها من الزجاج بتاع الغرفة
مع كل صدمة من جهاز الصدمات بتاعت القلب قلب جاسر بيوقع معاها وفريدة قلبها مش بيستجيب ودموع جاسر زي الشلال
الدكتور شال الأجهزة من على فريدة وطلع وعلى وشه علامات الحزن
جاسر بخوف : فريدة كويسة صح انت شلت الأجهزة ليه هيا مبقتش محتاجهم هيا بقت كويس صح
الدكتور بتنهيدة حزن واسي : للأسف البقاء لله شدو حيلكم
جاسر انفعل ومسكه من قميصه : انت ازاي تقول كدا فريدة عايشة هي وعدتني مش هتسيبني
سلوى اغمى عليها 🥺
ومحمد ومصطفى بيعيطو 🥺
وزينب شايلة الطفلة وبتبكي 🥺
جاسر دفع الدكتور بعيد وجرى على أوضة فريدة لاقيها نايمة مفيش أجهزة وشها باهت راح مسك ايديها وهو بيعيط
جاسر : ليه لييه سيبتيني ارجوكي قومي متعمليش فيا كدا
محتاجلك اوي ملحقتش اشبع منك والنبي ماتسبيني مش هقدر والله ماهستحمل غيابك
روحى انسحبت مني طيب قومي علشان بنتنا يافريدة قومي فريداااااااااة آآآآآآه يااااارب
فريدة طلعت من المستشفى وعملو ليها مراسم الجنازة وكلهم منهارين
واكترهم جاسر اللي كان في عالم تاني اول مرة يظهر بالضعف دا....
روحوا كلهم على بيت جاسر
مصطفى : الورقة دي فريدة كانت مديهالي وقالتلي اعطيها ليكو لو حصلها حاجة
جاسر بصوت مبحوح : اقراها يامصطفى
مصطفى بألم : " بابا ماما جاسر مصطفي ماما زينب لو انتو متجمعين وبتقروا الرسالة دي يبقى اكيد انا روحت عند ربنا عارفة انكو زعلانين عليا
بس انا عايزاكم تكملوا حياتكم عادي بس لما تفتكروني اترحموا عليا
بابا حبيبي انا بحبك اوي يااحلى اب في الدنيا تعبت اوي علشان كنت تتمنى اني احقق حلمك وانك تشوفني دكتورة ناجحة بس مليش عمر بقا متزعلش يابابا انا في مكان احلي بحبك
ماما روح قلبي ست الكل أقرب صاحبة ليا هتوحشيني اوي اوعي تعيطي دموعك غالية .... سامحيني ان كنت زعلتك في يوم من غير مآ اقصد بحبك اوووي ياست الكل
صاصا اخويا الصغير سندي ومخزن أسراري انت حقيقي أجمل اخ ف الدنيا كلها بحبك
زوزو القمر بتاعتي وامي التانية خدي بالك من جاسر كويس وخليه يكمل حياته واهتمي ببنتي بحبك يازوزو
جاسر حبيبي اول حب ليا والأخير اوعي تزعل او تضعف ياجاسر
علشان بنتنا انا عارفة انك بتحبني وانك بتحاول تعوضني عن اللي حصل زمان بس انا سامحتك من من زمان من قبل مااسافر اسكندرية
لاني مقدرش ازعل منك انت روحى خد بالك من بنتنا ياجاسر واوعى تزعلها او تحسسها بانها يتيمة الام في يوم بعشقك ياجاسر
حافظو على بنتى كلكو ومتنسونيش زروني من وقت للتاني لاني بخاف اكون وحيدة اترحموا عليا ولو ضايقتكم في يوم سامحوني هتوحشوني اوي مع السلامة "🥺💔
لحظات صمت بتعم المكان مفيش غير صوت عياط ووجع على فراقها قلوب بتتقطع وروح بتتسلب
🥺🥺🥺🥺🥺🥺🥺🥺🥺🥺🥺🥺🥺🥺
ياااه العمر بيعدي بسرعة اوي بس لما يكون اللي بتحبه جنبك او لما يكون غايب الايام بتعدي زي السنين كل يوم وجع واشتياق والم ودموع حقيقي الحياة صعبة💔💔
خمس سنين مرو علي مو*تها جاسر سمي بنته فريدة على اسم حبيبته
عايش علشانها وبس
سلوى ما"تت مستحملتش غياب ضانها محمد صحته اتدهو"رت مو"ت بنته وبعدها مراته
مصطفى اتألم خسر اخته وخالته اللي هيا امه التانية
زينب شايفه حال ابنها مبهدل نفسه شغل بيحاول ينسى بس مفيش فايدة وبيرجع من الشغل يقعد مع فريدة الصغيرة اللي هيا كل حياته
وبعدها بينام ودموعه مغرقة المخدة وقلبه بيوجعه من ألم الاشتياق
.......... عند قبر فريدة..........
جاسر بدموع : فريدة حبيبتي
فريده بنتنا النهاردة عيد ميلادها هتم الخمس سنين مطلعة عيني شقية اوي بس بموت فيها شبهك اوي ياحبيبتي
هعمل ايه هيا الوحيدة اللي مصبراني على غيابك بحس بالعجز لما تيجي تسألني بابي هو انا ليه مش عندي مامي زي صحابي 🥺💔
بحاول اعوضها تعبت اوي في غيابك يافريدة انا عايش علشان خاطر بنتنا مستني اللحظة اللي اطمن عليها فيها واخلص الأمانة اللي كلفتيني بيها علشان اجيلك ياروحي
انا عايش جسد بس يافريدة مفيش روح انتي لما مشيتي اخدتي روحى معاكي وحشتيني اوي
يلا مش هقعد معاكي كتير النهاردة علشان فريدة الصغيرة هتقت*لني علشان اتأخرت على الحفلة بس وعد هجيلك بكرة في نفس معادنا مع السلامة ياروحي بحبك🥺🖤
🤎🤎🤎🤎🤎🤎🤎🤎🤎🤎🤎🤎🤎🤎
🖤الحب الصااادق مش بينتهي حتي لو نصك التاني مبقااش معاك كفاايه انو عايش جوااك 🥺🖤
🤎 *تمت بحمد الله*🖤
الكاتبه المجهوله ✨?
قصه جميله وممتعه
ردحذف