 |
البارت47_48_49
خرج مراد ونور من المستشفي في صمت تام
ثم وصلوا الي المنزل
الجميع رحب بنور ترحيب في غاية الجمال حتي والد مراد
والدة مراد :طمنيني عليكي يا حبيبتي عاملة اي
نور :الحمد لله بخير يا امي
والدة مراد :اسمع بقي انت وهي احنا ان شاء الله اول ما ننزل مصر هنعمل فرح كبير
مراد:مفيش داعي يا امي لده
والدة مراد :بقي ابني وحيدي مشوفهوش عريس ده لا يمكن ابدا انا قولت كلمتي وهتعمل فرح يعني هتعمل فرح
مراد :انا مش معترض علي الفرح يا امي بس فين العروسة اصلا
والدة مراد :انت هتهزر ما نور اهي
مراد :انا طلقت نور
والدة مراد :انت بتقول اي
مراد :بقول طلقت نور
ثم فرت دمعة من عين نور فاخذتها والدة مراد بين ذراعيها
والدة مراد :اهدي يابنتي اهدي
والدة نور :لا انت ابني ولا اعرفك لحد ما ترد نور لعصمتك
مراد :يعني ايه ياماما هتتخلي عن ابنك علشان واحدة متعرفيهاش غير من كام شهر
والدة نور :اه يا مراد لا انت ولا اعرفك انا شوفت حبك لنور وشوفت حبها ليك انا عمري ما شوفتك مع كارولين كده ابدا انت محبتش غير نور
تقدر تقولي اي سبب الطلاق
مراد :متفقناش كفاية انها من طبقة فقيرة مش هتعرف…
صفعة نزلت علي وجهه لم تدعه حتي يكمل كلامه
تفاجئ الجميع بما حدث
والدة مراد :من اللحظة دي لا انت ولا اعرفك اللي يفكر التفكير الرخيص ده في الطبقة البسيطة او المتوسطة هو اللي يكون انسان فقر
انا عمري ما علمتك انك تبص وتعامل الناس بفوقية وتكبر
بتقول هي من طبقة فقيرة
تعرف ابوك يوم ما جه واتجوزني كان عنده اي
ولا حاجه حتي الشقة قعدنا في ايجار كان ممكن ناكل يوم وتاني يوم منلاقيش اكل او حتي. فلوس الاكل
عارف وصلنا للي احنا فيه دلوقتي منين
من عند ربنا اولا ثم ان ابوك مكنش بينام ليل نهار شغل كل بيشتغل ٣و٤شغلانات علشان عايز يعتمد عليه نفسه علشان لما تشاور علي حاجه تيجي في نفس الثانية
كلنا واحد متبص للناس من فوق لان زي ما ربنا عزك واكرمك من رزقه قادر في ثانية انه يخليك لا تملك اي شيء
والدة مراد:يلا يا عز علشان هنتأخر علي الطيارة يلا يا حبيبتي
كانت نور تشعر بصدمة كبيرة وخيبة امل مما سمعته من مراد
وفجأة وهما يسيروا تسقط نور أرضًا
مراد :نوور
بقلم الكاتبة هدير احمد ♥️
#عندماالتقينا
البارت ال ٤٩
شعر والد مراد ان زمام الامور ستخرج من يده فأعد خطة محكمه لكي لا يحدث اي شيء
والد مراد :يلا بسرعه علي المستشفي
صعدوا الي السيارة ثم اتجهوا نحو المستشفي
خرج الدكتور مبتسما
مراد :نور كويسة
الدكتور :مدام نور بخير بس محتاجه راحة علشان البيبي مبروك
صدمة الجمت مراد جعلته يفقد القدرة علي النطق
سليم جمبه مش فاهم حاجه
بينما والدة مراد مبسوطة ووالد مراد يدعي الفرح والسرور
دخل والد مراد ووالدته عند نور
سليم :مراد اهدي كده هتفضح البنت
مراد :افضحها ده انا هقتلها بايدي
سليم :مراد اهدي ومتعملش حاجه تندم عليها
دخل مراد الغرفه عند نور وعينه كلها شر
مراد :بعد اذنكم عايز ابارك لمراتي
عز الدمنهوري :اقول هديتي الاول لحفيدي
عز :الولد ده انا هكتبله كل املاكي
نور في حاله صدمة ومش مستوعبه اللي بتسمعه
خرج الجميع الي الخارج وتركوا مراد ونور في الغرفه سويا
قفل مراد الباب بالمفتاح من جوا
نور :مراد ممكن ومكملتش كلامها
هجم مراد عليها بالحز*ام وفضل يضر*ب فيها وسط صر*خات نور وصدمة الجميع بالخارج
سليم برا بيحاول يجيب اي مفتاح تاني للغرفه وبيحاول يكسر الباب
فتح الباب وهو ماسك نور من شعر*ها ووشها بيجيب د*م
مراد :الحيو*انه دي انا اتجوزتها علي الورق بس وده علشان كنت بعمل خير واللي في بطنها ده مش ابني ولا اعرفه وانا طلقتها تتساب هنا زي الكل*به واحنا هنرجع مصر ثم رماها علي الارض
والدة مراد هتدخل وعايزه تساعد نور ولكن وجدت من يمنعها
عز الدمنهوري:عمري ما كنت اتوقع منك كده يلا يا مراد يلا يا دولت
مشيوا وسابوا نور اللي فقدت الوعي بمجرد ما غادروا المستشفي
سليم :لو سمحت كنت عايز اعرف مراتي حامل ولا لا لان عندها اعراض الحمل
وبالفعل عملوا لنور مجموعه من التحاليل وهي فاقدة الوعي
وبالفعل اتاكد سليم من ظنونه وان في حد بيحاول يكر*ه مراد في نور ويبعدهم عن بعض
وعزم سليم علي معرفة ذلك الشخص
#عندماالتقينا
البارت ال٥٠
سليم راح للدكتور اللي كشف علي نور وقالهم انها حامل
سليم :لو منطقتش دلوقتي وقولتلي مين حرضك علي نور هوديك في داهية
الدكتور مش فاهم سليم بيقول اي اصلا
استوعب سليم انه في لندن مش مصر وبدا يتكلم إنجليزي علشان الدكتور يفهمه
بعد نقاش طويل بين سليم والدكتور عرف سليم من الدكتور انه ملهوش ذنب وعملوا تحليل د*م لنور وعرفوا انها اخدت دوا بسببه ظهرت عليها اعراض الحمل الكاذب
سليم راح غرفة نور ولقاها بدأت تفوق
نور عرفت كل حاجه من سليم
كان سليم بيحكيلها كل حاجه وهي بتعيط
سليم :نور صدقيني مراد ملهوش ذنب وضحية زيه زيك
نور:ايوه طبعا فاهمه
سليم:مراد اول ما يعرف هيجي يعتذر منك وهنحاسب الدكتور اللي عمل فيكي كده وكان سبب كل المشاكل دي كلها
نور :ان شاء الله
سليم :مش هغيب يا نور هجيب مراد وجاي
نور بتعب :ماشي
مشي سليم ووصل عند مراد ولقاهم خلاص هيركبوا العربية ورايحين المطار
سليم :اسمعني يا مراد في موضوع مهم لازم تعرفه
مراد:مش دلوقتي يا سليم لما نرجع مصر نبقي نتكلم
سليم :لازم نتكلم في موضوع بخصوص نور
مراد :لو عايز نفضل صحاب واخوات متذكرش الاسم ده تاني قدامي خالص
سليم سكت ومراد طلع العربية ولسه العربية هتطلع راح سليم وبدون مقدمات كسر ازاز العربية
مراد :سلييييم
سليم : مسك مراد من ياقته وبمنتهي الغضب انت هتسمعني يعني هتسمعني غصب عنك هتسمعني انا مش هسمحلك تدمر نفسك تاني مش هسمح اني اشوفك ميت وانت عايش تاني فاهمني
مراد بغضب :عايزني اعمل اي يعني اشوف واحدة خانتني واعمل نفسي مش شايف
سليم بصراخ :نور مخانتكش
ثم القي في وجهه تحاليل المستشفي ثم اكمل حديثه
سليم :في حد اتعمد انه يفرقكم وانت مفكرتش حتي تسمع البنت الغلبانه
الدكتور مأجور وكان بيديها دوا تخدير يظهر عليها اعراض الحمل لدرجة انه يخلي اشطر دكتور يفحصها ويتلغبط ويقول انها حامل
سليم :نور انضف واحده انت عرفتها في حياتك ومتستهلش كل اللي انت عملته ده
مراد :هي فين دلوقتي
سليم :هتكون فين يعني في المستشفي بعد الضرب اللي خدته حالتها ساءت تاني وهتحتاج علاج طبيعي مش اقل من تلات شهور وكمان ممكن متعرفش تمشي زي الاول
مراد ساب سليم بيتكلم وركب عربيته وطار علي المستشفي
وصل مراد المشتشفي ودخل اوضة بس اتفاجئ ان ……..
بقلم الكاتبة هدير احمد ♥️
روعه
ردحذفلماذا نور لا تستخدم ورث زوج عمتها
ردحذفماذا سوف يحدث مع نور
ردحذففين باقى الرواية لو سمحتى
ردحذف