 |
السلام عليكم..
انا اسمي تقي عندي 36 سنهه مش متجوزه مدرسه لغه عربيه انا اصلا عامله ماجستير ادارة اعمال بس ملقتش شغل غير مدرسه او زاي ما بتقولوا هيوظفوا مشوهة للشركه ازاي اي مكان يقبل بيااا طلع عيني عشان اشتغل مدرسه اه نسيت اقولكم اني مشوهة اه😅تقريباً الحاجه الوحيدة اللى مش بنساءها من معايرت النااس وشي مشوهة كلوا بجسمي جلد جسمي عبارة عن جلد مسلوخ متقطع متمزق بعيد عن بعض فيه حفرات كتيره في وشي وجسمي. كلوا ده لو حد رما عليا ميه نار كان هيبقاا ارحم من كده 😅💔 وشي عباره عن حفرات بشكل مقزز اللهم لا اعتراض مش معترضة ع شكلي لكن تعبت من التنمر هل هيحصل معجزه في يوم من الأيام تعوضني عن الاهانة دي بيقولوا اللي بيصبر ربنا بيديلوا هديه كبيره انا قاعده مستنيه هديتي من ربنا وبستعجلها لاني صبرت كتيرر وعانيت كتيرر هل هستاتي هديتي من خلق الكون الان ام ماذا اللهم لك الحمد حمدا كثيراً ولا اعتراض ع حكم اني وكلتك امري
سميره ام تقي....... عملت اي يا ام ياسر
ام ياسر بلاوي بوز....... مش لاقيه يختي هلاقي فين عريس للمشوهة بنتك
سميره بزعل....... متقوليش علي بنتي كده
ام ياسر...... مانتي شايفه يختي محدش قابل بيها ولا راضي مين اللي هيقبل علي نفسوا كده كده
سميره....... شوفي تاني يا ام ياسر نفسي افرح ببنتي الكبيره
ام ياسر....... طيب يختي ولو لقيت تبحبحي ايدك شويه
سميره..... عيوني الاتنين بس عاوزه افرح البت
ام ياسر....... طيب يختي حاضر حاضر
ووقتها انا وصلت البيت ورنيت الجرس.
سميره ....... ايوا جايه وفتحت الباب
تقي وهي بتدخل وتبوس ايد امها...... السلام عليكم يا ست الحبايب
سميره وهي بتحط ايدها ع راسها...... وعليكم السلام اتاخرتي لي يا بنتي
تقي........ معلش يا ماما امتحان في المدرسه وكده
سميره...... ربنا معاكي تعالي سلامي ع ام ياسر
تقي..... يا ماما بس
سميره.... تعالي بس
ودخلنا اوضه الجلوس.
ام ياسر بخضههه...... سلاما قولا من ربي الرحيم
سميره..... في اي يا ام ياسر
ام ياسر...... رغم اني عارفه بنتك بس كل ما اشوفها جتتي بتتلبش متها وبتخرع كده ربنا معاكم والله استغفر الله العظيم معلش يابنتي شكلك صعب
تقي بدموع...... ولا يهمك عن اذنكم
سميره بحزن ع بنتها...... لي كده يا ام ياسر
ام ياسر...... يختي غصب عني بنتك شكلها بيخضني اوي
سميره..... الله يسامحك
ام ياسر...... طب استاذن انا بقا علشان ابو ياسر زمانوا ع وصوب
سميره...... ماشي اتفضلي
ام ياسر..... يلا افوتك بعافيه
سميره.... وعليكم السلام
سميره دخلت الاوضه لتقي..
سميره........ متزعليش نفسك يا بنتي ام ياسر هي كده انتي عارفها كلامها دبش بس قلبها ابيض
تقي بدموع...... مبقاش يفرق يا ماما اتعودت
سميره...... يابنتي صلي علي النبي كده انتي مش بتقولي انوا ده اختبار من ربنا ليكي وقولتي انك هتصبري
تقي وهي بتمسح دموعها..... ونعمه بالله بس الكلام بيوحعني
سميره...... انتي قولتي محدش بياخد اللي عاوزه بسهوله يا بنتي
تقي....... فعلاً يا ماما هقوم اتوضا واصلي العصر
سميره....... ربنا يتقبل منك يا حبيبتي وانا هسخن الاكل عبال ما ابوكي يجي زمانوا قرب هو واخواتك ابقي تعالي ساعديني لما تخلصي صلاه
تقي بطاعه....... حاضر يا ماما
سميره..... هقوم انا بقا
تقي قامت واتوضت وصلت وهي ساجده باخر ركعه...... يارب اجبر بخاطري وبخاطر قلبي وعوض صبر خير يا ارحم الراحمين وبعد ما خلصت صلاه طلعت تساعد امها.
سميره..... حرما يا بنتي
تقي..... جمعا ان شاءلله
سميره..... خدي حطي الاطباق دي علي السفره
تقي بايماء.... حاضر وبدات تساعد سميره.
سمير وصل ابو تقي وعادل اخوها وريهام.
سمير...... السلام عليكم
سميره وتقي..... وعليكم السلام
ريهام وهي بتدخل اوضتهااا..... اوووف انهارده الجوو زفت خالص بجد حاجه تقرف يلعن ابو كده
تقي بمقاطعه...... احم حرام تلعني اي حاجه لانك كده بتلعني ربنا
ريهام...... ونبي يا ست الشيخة خليكي في نفسك
تقي بهدوء....... انا مش شيخه بس بعرفك الصح من الغلط
سمير بحده..... خلاص يا ست انتي بقاا دي عيشه زفت
تقي..... اسفه
ريهام دخلت اوضتها وهي بتافف علي اختها...... غبيه مفكره نفسها مين المشوهة دي
اما عادل قرب من تقي وحضنها..... حبيبت اخوها اخبارها اي
تقي ببسامه...... الحمدلله اليوم كان كويس انت اخبارك ايه
عادل....... كلوا تمام والله
تقي..... مش اتفقنا نحمد ربنا ع كل حاجه
عادل بضحك..... حاضر يا قلب اخوكي الحمدلله اليوم كان كويس جدا
تقي...... طيب روح اتوضا وصلي عبال ما اكمل حط باقي الاكل
عادل....... حاضر يا ست الكل
ع الاكل.....
ريهام....... احم بابا
سمير....... نعم
ريهام........ كنت حابه اطلع رحلة انا وزميلي في الكلية و..
عادل بمقاطعه....... مينفعش لاني مش فاضي عشان اروح معاكي
ريهام...... اولا دي رحله كلها بنات مش ينفع تيجي معايا اصلا غير كده انا بابا وعدني لو نجحت في تالته بمجموع كويس هيخليني اطلع رحلة
سمير........ ومصاريفها كام
ريهام....... بص انا معايا مبلغ يعني هات انت2000 جنيه وهاخد الف من عادل واهوا هدبر نفسي
عادل بصدمه...... ليي كل ده
ريهام...... دي رحلة في شرم وعاوزين نغير جوو ونبي يا بابا وافق
سمير..... طيب يا بنتي ماشي
عادل...... وانا موافق وهديكي اكتر بس بشرط
ريهام...... اشرط براحتك
عادل...... تقي هتروح معاكي عشان تغير جووو شويه
ريهام بصدمه...... نعمممم عاوزني اخد المشوهةة دي عاوزني ابقا مسخره وسط زميلي والناس كلها لا طبعا
تقي وهي بتاكل سمعت الكلام ده وبصت بدموع لعادل.
عادل بص ليها ولريهام.... خلاص مفيش مرواح
سمير بغضب...... وهيا هتستاذن منك وانا لسا عايش وبعدين تقي هتروح فين بشكلها ده
ريهام...... قولوا ونبي يا بابا
سميره بدموع ع ابنتها...... مالها تقي ان شاءلله ما هيا اهي مفهاش حاجه
سمير بقرف..... مشوهة يا هانم
تقي بالم ودموع تحاول اخفاءها مواجهه كلامها لعادل... مفيش داعي انا اصلا مش فاضيه عندي امتحانات في المدرسه وشغل كتيرر
عادل بصلها وفهم قصدها اي..... اللي يريحك يا تقي
تقي وهيا بتقوم من ع الاكل..... شبعت الحمدلله اللهم لك الحمد حمدا كثيراً
وقامت دخلت اوضتها
سميره لريهام...... اي اللي قولتيه لاختك ده
ريهام بلامباله...... قولت اي يعني مهيا عارفه انها مشهوهة وشكلها بشع
عادل بغضب...... مفيش حد مشواه وبشع غيرك انتي في البيت ده وقام وساب الاكل
سمير بغضب لسميره........ حلو اللي عملتوا ست البنات تقي ع الاكل ده
سميره...... عملت اي هيا مقالتش حاجه خالص كل العمايل من تحت ايد الاستاذه ريهام
ريهام....... يوووه وانا مش عاوزها في مكان انا فيه بخاف منها وبقرف
سميره بنرفزه...... زوديها اوي متنسيش انها اختك الكبيره
ريهام...... وانا مش مصره استحملها ولا استحمل شكلها ده مش كفايه مش راضيه تخليني انام بواضه لوحدي وطول الليل شايفاءها قدامي شايفه عفريت
سميره...... اظاهر الكلام معاكي ملهوش فايده ربنا يهديكي ويديكي ع قد نيتك دي
ريهام بلا مباله.... طيب طيب
سميره قامت وهي متعصبه..... استغفر الله العظيم يارب ع البنت دي
ريهام لسمير..... موافق يابابا صح
سمير..... موافق يا قلب بابا
ريهام وهي بتحضنوا..... بحبك بحبك يا بابا اموواه وطلعت تجري مسكت فونها قالت لصاحبها انوا باباءها وافق
تاني يووم الصبح لبست وجهزت نفسي عشان المدرسه..
تقي وهي بتخرج من الاوضه...... صباح الخير يا ماما
سميره لسا هترد.
سمير بغضب....... انا مش قولتلك الف مره متطلعيش قدامي علي الصبح مشوفش وشك خالص عشان اليوم يعدي علي خير انتي نحس ع البيت بشكلك ده مليون مصيبه هتحصل انهارده عشان اصتبحت ع زفت شكلك غور ع اوضك يلا
تقي بدموع...... ع عندي مدرسه دلوقتي عشان كده خرجت بدرس
سمير بعصبيه..... علي اوضك يلا
تقي دخلت اوضتها وهيا بتعيط جامد....... اللهم لا اعتراض علي حكمك ارجوك عوض صبري خير باسرع وقت ولا تدري بان دعواتها قد استجابت.
سميره...... اي اللي عملتوا مع البت ده
سمير...... عملت اي في غول يطلع علي الصبح كده
سميره..... ما غول الا انت حرام عليك كسرت بخاطر البت
سمير...... علي اساس انها بتحس قوي
سميره..... حسبي الله ونعم الوكيل دي بنتك الكبيره
سمير..... بتحسبني عليا عشان المشوهةة دي دلولا اني واثق فيكي وعارف انتي مين كنت قولت انها مش بنتي وانها بنت حرام
سميره بصدمه ولطم علي خدها..... حرام عليك حرام عليك اي كلامك ده
سمير بقرف..... انا هغور علي الشغل ولا اقعد في وش الغوريلا دي
سميره بحزن...... الله يسامحك
دخلت سميره اوضه تقي وربطت علي كتفهاا.... اهدي يا حبيبتي طنشي كلام اي حد سييك منهم المهم انتي خاليكي واثقه في نفسك
تقي بغضب.... واثقه في نفسي ازاي بشكلي ده الناس بتقرف مني وتبعد عنييي لييي مختارتش ابقا مشوهة مختارتش ابقا وحشه نفسي ابقا كويسه وحلوه زايهم
سميره..... معترضة علي امر ربناا
تقي بمراره... لا بس انا معملتش حاجه عشان ربنا يعمل فيا كده
سميره بتنهيده..... دي اراده ربنا يا بنتي وربنا اختار ليكي كده بلاش تعترضي احنا مش قد غضب ربنا علينا احنا نصبر ونحمدوا عشان يزيد علينا نعموا وهيوضك يا حبيبتي هيعوضك خير بس انتي اصبري
تقي بتعب.... ياااارب يااااااارب
سميره.... قومي يا حبيبتي اتوضي وصلي ركعتين لله واستعيذي من الشيطان الرجيم عبال ما اصحي عادل يروح معاكي واحطلك الفطار
تقي بايماء..... حاضر
سميره.... يحضرك الخير دايما يا حبيبتي
تقي.... يارب
مشت سميره علي اوضه عادل عشان تقوموا من النوم.
تقي.... اعوذ بالله من الشيطان الرجيم استغقرلك يا الله واتوب اليك اللهم لا اعتراض... وقامت واتوضت وصلت
في اوضه عادل..... صباح الخير يا ماما
سميره.... صباح الهنا قوم افطر يابني عشان تلحق تروح شغلك وتوصل اختك معاك
عادل بتنهيده.... ليي الساعه كام الست ريهام اتاخرت تاني
سميره.... لا مش ريهام دي تقي
عادل بايماء.... حاضر حضري الفطار يا غاليه وانا هجهز نفسي
سميره.... ربنا يسعدك يا بني ويفرح قلبك زاي نا بتفرحها
عادل بزعل..... هو انا بتصدق عليها دي اختي والكلام النااس ميهمنيش دي اللي ربتني بلاش كلامك ده يا ماما لو سمعتوا هتزعل
سميره..... والله مش قصدي ازعلها
عادل.... طب يا ستي روحي جهزي الفطار بقا
سميره... حاضر يا بني
عادل جهز نفسوا ودخل اوضه تقي..... صباح الورد علي حبيبت قلبي
تقي بابتسامة.... صباح السعادة يا حبيبي
عادل وهو بيقعد جمبها..... حبيبتي زعلانه ليي
تقي... مش زعلانه
عادل..... عليا برضو بس مش هجبرك تحكي
تقي... مفيش حاجه بجد
عادل.... طيب يا ستي فاضيه انهارده
تقي.... ليي
عادل.... هنخرج سووا يا ستي
تقي.... لا لا بلااش عشان شكلك قدام الناس
عادل بعصبيه.... في اي يا تقي شكلي مالوا واحد هو واخته خارجين سوا مش حاجه عيب ولا حرام
تقي... عشان انا انت هتبقاا
عادل بتفهم..... تقي انتي مفكيش حاجه غلط او عيب او حتي بتعملي حاجه حرام خايفه منها انا اتبرا منك لو عملتي حاجه تغضب ربنا غير كده فانتي تاج علي راسي بالنسبة لكلام الناس فالناس مش بتبطل كلام وحودايت وكلامهم علي بعض
تقي..... فعلاً معاك حق بس
عادل... مبسيش جهزي نفسك ماشي
تقي... حاضر
سميره.... مش يلا عشان تفطروا بقا
عادل..... جابين اهوا
فطرت تقي هيا وعادل ووصلها للمدرسه....
سلمي صديقه تقي الوحيدة.... اي يا توتو فينك اتاخرتي ليي
تقي... المواصلات وعادل اصر انوا يوصلني
سلمي... اه يا حبيبتي طب يلا احنا هنبقا في لجنه واحده شوفتس الصدف
تقي.... طب كويس عشان محدش ينزعج
سلمي.... طيب يختي جبتي اكل
تقي... اه جبت
سلمي... معلش انتي عارفه بقاا مبلحقش افطر بالبيت
تقي......
لاا عادي ولا يهمك
سلمي.... ماشي يا حبيبتي بينا ع الفصل
تقي.... بينا
بعد نهاية اليوم تقي وسلمي ماشين سووا..
سلمي... اااه رجلي يبنتي وقفي تاكسي خلينا نروح
تقي... مانتي شايفه محدش راضي يركبنا معاه
سلمي.... عشان شكلك وكده اووف يعني هناخدها مشي
تقي بزعل من كلام صاحبتهاا... لا لا اركبي انتي وانا هكمل
سلمي.... اي يا حبيبتي انتي زعلتي مني انتي عارفه اني مقصدش بدب الكلام وخلاص
تقي.... اه عارفه
سلمي بابتسامة... طيب يا توتو اه صحيح
تقي... اي في ايه
سلمي.... معلش محتاجه 500 جنيه سلف بس عشان المرتب خلص ومش عارفه امشي نفسي ازاي وبابا شادت عليا
تقي باحراج.... اه معايا اتفضلي
سلمي..... حبيبتي يا تقي والله
تقي..... عادي احنا اخوات
سلمي.... اه اخوات يالهوي اي ده اتاخرت معلش يا توتو هطر اركب انا عشان الحق ارجع البيت كملي انتي مشي اشوفك بكره متزعليش
تقي..... لا لا مزعلتش
سلمي... باااي
مشت سلمي وتقي كملت مشي وفي طريقة بنت ماسكه في اتنين وبتضربهم....
تقي شهقت.... يخربيتها اي ده
البنت..... وربنا ما هسيبك هو انت مفكرني ضعيفه وهعيط والكلام ده الاتنين جنيه يا حرررامييييي
راجل من اللي واقفين..... انتي مشفلطه الراجاله عشان اتنين جنيه
البنت.... وانت مالك يا جعره وربنا اسيبهم وامسك فيك
واحد من اللي واقف..... ابعد عنها يا عم شكلها مجنونه
البنت..... نعمممم يا روح امك مين المجنونه
الراجل من اللي هيا نازاله ضرب فيهم.... كفايه بقا خودي فلوسك كلها مش عايز حاجه
البنت.... نعمممم لي بتصرف عليا ولا بتبقشش عليا بلا قرف خد حقك اهوا اما بالنسبة لابنك اللي عكسني وربنا الكعبه ما هخليه ينفع لا لطبله ولا مزمار اللي معرفتش تربيه دي
الراجل.... خودي فلوسك اهي وكملي تربيه فيه انا ماشي
البنت وهيا بترمي الراجلين.... اسفوخس عليكم رجاله عره وبعت ابنك كمان بلا قرف ومشت وسابتهم..
تقي بضحك.... وربنا بنت راجل يستاهلوا وكملت طريقها والبت راجعه تجري تاني خبطت في تقيي
تقي.... اااااه
البنت..... ما تحاسبي يا موزمزيل
تقي.... اسفه والله مخدش بالي وانتي كنتي جايه جري فمشوفتكيش ملحقتش يعني
البنت.... عارفه عارفه انا فعلاً كنت بجري جامد انا اسفه
تقي.... لا لا ولا يهمك
البنت.... تعالي اعزمك علي قهوه بدال مانا مش لاقيه حد
تقي باحراج..... مش هقدر والله لازم ارجع للبيت
البنت.... خلاص يا موزه ربنا يستر طريقك
تقي بضحك... يارب
فين باقي الرواية
ردحذفدوسي على تكملة الروايه من هنا تصلي الأجزاء التاليه
حذفعايزة البارت ١٨
ردحذف