 |
بارت ٨
حور الأسر
في الصباح عند حور.......
فاطمه : حور بت ي حور يلا علشان تفطري
حور : ماشي ي ماما هغير و هاخد دش وانزل
فاطمه : ماشي بس بسرعه علشان الفطار هيبرد
حور : ماشي يا ماما
وبعد فتره نزلت حور...
حور : فين ي ماما الاكل
فاطمه : اقعدي وهحطهولك اهو
حور : ماشي وجلست حور وبعد دقائق نزل ياسر
ياسر : صباح الخير ي حور
حور : صباح النور وكانت لسه هتقوم
فاطمه : اقعدي كملي فطار يبنتي
حور : خلاص شبعت عن اذنكوا
ياسر : حور عاوز اتكلم معاكي
حور : بس انا مش عاوزه اتكلم مع حد وتركته ودخلت غرفتها
ياسر بنفاذ صبر : طب اعمل ايه اصالحها ازاي وهي مش راضيه تكلمني دا حتى مرضتش تكمل اكل علشان انا نزلت
فاطمه : خد الفطار وروح صلحها وكملوا فطار مع بعض
ياسر : ايه ي فطومه الأفكار الحلوه دي
فاطمه : ياواد يا بكاش دلوقتي بقيت فطومه
ياسر : طول عمرك فطومه مش دلوقتي وبس
فاطمه :طب اخلص قوم صالحها
ياسر : ماشي بس لو مارضيتش انا هخطفها هههه
فاطمه : ربنا يخليكوا لبعض
ياسر : يارب
عند أسر طب اعمل ايه دلوقتي هشوفها تاني ازاي انا احسن حاجه اروح اشوف الأول هي بتعمل ايه بعدين ابقى افكر اكلمها ازاي
عند حور ياسر بيخبط على غرفه حور
ياسر : ممكن ادخل
حور : اتفضل
ياسر : حور انا اسف
حور : على ايه
ياسر : حور والله العظيم ندمان
حور ببكاء : اسف على ايه على ضربك واهانتك ليا قدام الكل ولا على عدم الثقه فيا دا انا مخبتش عليك حاجه طول حياتي وفي الاخر طلعت مش محل ثقه انا نفسي افهم انا عملت ايه في حياتي وحش عملت ايه انتوا ليه بتعملوا معايا كدا لييييه
ياسر وهو ياخذها في حضنه : اهدي ي حور اهدي ياقلبي
حور وهي تبعده عنها : اهدي ايه انتي شايفني مجنونه ابعدوا بعيد عنيييي ابعدووووو
ياسر : والله ي حور انا مكنتش عاوزك تعملي حاجه بس عمك ومراته هما اللي أصروا
حور : عمي ومراته اللي رشت الدكتوره علشان تقول ان انا مش بنت تقدر تقولي يا ياسر لو كانت الدكتوره قالت ان انا مش بنت وسمعت كلام طنط عائشه كنت عملت ايه ياسر :.....
حور : رد عليا يا ياسر متشكتش كنت قتلتني ولا طردتني من البيت واتبريت مني كنت عملت ايه رد يا ياسر رد ياسر بدموع تنزل من عينه وهو يفكر في كلامها : مش عارف يحور كنت هعمل ايه بس مكنتش عاوزك تعملي كدا دي مرات عمك اللي أصرت والعائله كلها وافقت
حور : مرات عمي مين وعائلته مين اللي اعرفه ان انحنا ملناش دعوه بيهم وهم مين علشان يدخلوا في حياتنا انا اللي اعرفه ان عائلتي هما انت و ماما بس بعد بابا الله يرحمه
ياسر : بس يحور....
حور بمقاطعه : خلاص ي ياسر بلاش نفتح الموضوع دا تاني
ياسر : ماشي بس سامحيني
حور : عاوزني اسامحك ازاي بعد اللي عملتوا فيا
ياسر : يحور انا عارف ان انا غلطت وندمان والله
حور : ماشي يا ياسر سامحتك
ياسر : بجد طب يلا نفطر
حور : ما احنا فطرنا
ياسر : بس مش خلصنا فطار يلا بقا
حور : ماشي ياسر بس الثقه لما بتنكسر مش بترجع تاني ياسر وهو يهز راسه يقول لنفسه : والله هعمل اي حاجه علشان توثقي فيا يا حور تاني
حور : ياسر انا كنت عاوزه اقولك حاجه
ياسر باستغراب : حاجه ايه ي حور
حور : انا عاوزه ارجع الدروس تاني وارجع لحياتي الطبيعيه وعايزه اشتغل
ياسر : عاوزه ايه هو احنا مقصرين معاكي في حاجه
حور : لا والله بس عاوزه افك عن نفسي وأخرج اللي جوايا
ياسر بتفهم : ماشي بس هتشتغلي ايه وانتي لسه صغيره كدا
حور : سكرتيره في مكتب
ياسر : ماشي حلوه الشغله دي بس هتلاقيها فين دي وانت مش مخلصه تعليمك
حور : مش عارفه خلاص بص انا هدور على شغلانه حلوه واقولك
ياسر : ماشي
حور بلهفه : يعني موافق
ياسر : ماشي بس بشرط
حور : ايه هو
ياسر : دا مش يأثر على مذاكرتك
حور : موافقه بس اقنع ماما
ياسر بضحك : ماشي
حور : طب يلا علشان اغير علشان عندي درس
ياسر : ماشي انا كمان هلبس اهو
حور : ليه عندك شغل
ياسر : بعد كدا انا هوصلك و اجيبك
حور : ماشي يلا
عند أسر كان يراقب من بعيد
أسر : حلو اوي هنشتغل سكرتيره بس عندي ي حوري
زين : هتعمل ايه ي مجنون
أسر : هشغلها
زين : ربنا يستر
أسر : في ايه ي زين متجمد كدا
زين : هو انا عملت حاجه أسر سيب البنت في حالها
أسر : لا دي بقت بتاعتي خلاص بقت ملكي
زين : لا ي أسر مش ملكك ممكن حد يتقدم ليها وعائلته هتوافق هتعمل ايه ساعتها ولا حاجه علشان حور هتبقى ملك لشخص تاني
أسر بعصبيه : لا مانا مش هخلي دا يحصل دي ليا انا وبس ليا انا
زين برعب من شكل أسر : هتعمل ايه يا أسر
أسر : هشغلها
زين : لا ربنا يستر بحد
أسر : متخفش يا زيزو
زين : لا دا انا اخاف وكتير كمان بقولك ايه انا مليش دعوه باللي هتعمله ده
اسر : كدا يا زين دا انت طلعت ندل بجد
زين انا ندل وكبير كمان سلام
ومشي زين وهو خائف من اللذي سيفعله أسر
عند حور....
حور : الو يا نيره انتي فين انا وياسر واقفين بقالنا ساعه
نيره : جايه اهو سلام
حور: سلام
وفجأه خبطت نيره في شخص ( الشخص دا كلنا عارفينه طبعا اللي هو زين)
نيره : اسفه
زين بعصبيه : انتي عاميه مش تخدي بالك وانتي ماشيه
نيره بزعيق : قولتلك اسفه مخلاص
زين : وطي صوتك يبنت انتي.. انتي مش عارفه انتي بتكلمي مين
نيره : لا ومش عاوزه اعرف اصلا دا انا شبه زعيم المافيا
زين : مين دا اللي شبه زعيم المافيا
نيره : انت وسلام بقا اصلي اتاخرت
زين وهو بيشدها من ايديها علشان تبصله : انتي مجنونه انتي ازاي تمشي قبل ما اخلص كلامي
نيره بعصبيه : اولا انا خلصت كلامي وغير كدا اتكلم معاك ليه كنت مين
زين : هقولك انا مين انا...
نيره بمقاطعه : اولا انا مخلصتش كلامي علشان تتكلم
زين : زين انتي مجنونه ولا ايه يبنت انتي
نبره بعصبيه : دي تاني مره تقولي مجنونه وانا ساكته تعال بقا أوربك الجنون على حق
زين : هتعملي ايه يعني
نيره : انا هقولك هعمل ايه وفجأه قفزت عليه وظلت تضرب فيه وتشده من شعره وتعضه
زين : اااااااه يبتن المجنونه انزلي من عليا احنا في الشارع وفجأه استلمت الناس
راجل : عيب يا بنتي اللي بتعملي ده
نيره : واحد بثقل ادبه عليا ويتحرش بيا اعمل ايه يعني
الراجل : ليه كدا يا ابني اعتبرها اختك انت تقبل حد يعمل مع اختك أو امك كدا
شخص آخر : دول مش بيفهموا كدا دا لازم يتعلم الأدب وبعدين نسجنه
زين : استنوا بس والله يعمي بس دي مراتي وانا علشان زعلتها عملت معايا كدا وكمان مش راضيه تسامحني
الراجل : عيب يابنتي اللي بتعمليه مع جوزك دا وسامحيه يابنتي هو اعتزلك وبعد كدا حلو مشاكلك ا في بتكوا
زين : اسفين والله ياجماعه وبص لنيره اللي لسه مصدومه يلا يحببتي اسف بقا سمحيني
نيره : انت قولت ايه انت واحد قليل الادب قال ايه مراته
زين : مش انتي اللي بدأتي
نيره : نننننني انا مش فاهمه حاجه هو انت زعيم مافيا ولا جوزي
زين : زعيم مافيا وبقتل الناس ولو عاوزني ابقى جوزك انا موافق
نبره : يعني انت زعيم مافيا
زين : اه
نيره وهي تحاول أن لا تبين خوفها منه : وايه يعني ما انا كمان ممكن اقتلك ويلا يا شاطر العب بعيد
زين : يبت لمي نفسك انا ساكتلك من الصبح
نيره : هتعمل ايه بعني
زين وهو بيقرب منها : هقولك هعمل ايه
نيره : متقربش خطوه واحده والا....
زين : هتعملي ايه هتصوتي وتلمس الناس وانا اقولهم دي مراتي وحبيبتي
نيره : حبك برص وعشره خرص وتركته وذهبت
زين : يخربيتك شبر ونص بس جامده ولسانك أطول منك
#يتبع
#بقلمي الكاتبه ايه جميل
تعليقات
إرسال تعليق