 |
الجزء الخامس ♥️شكرا علي تفاعلكم السكر♥️بقلم سولييه نصار ♥️
-انتي واعية للي بتقوليه يا جودي...انتي بتب*تزيني؟!!
زعق فيا ...رفعت راسي وقولت:
-وانا مش هوقف حياتي عشانك يا مروان وده هيبقي اختيارك
-انتي عايزاني اطلقها وارم*يها عشانك ؟!!
قلبي وجعني ...حسيت نفسي وح*شة بس برضه اتمسكت بوجهة نظري وقولت :
-وانا مقبلش ضرة يا مروان ...واحدة غيري مكانتش بصت في وشك لكن أنا اهو بديك فرصة ومتفتكرش اني بضغط عليك ...أنا بقولك عشان لما تشوفني مع يوسف ابن عمتي في الكوشة متقولش اني خو*نتك ...
سكت وهو بيبصلي ...كان متلخبط ...ولخبطته حرق*ت قلبي محستش بنفسي الا ودموعي بتنزل وقولت:
-شكلك مش عايز تتخلي عنها تكونش حبيتها ...
بصلي بصدمة كأني فاجئته ...حسيت بالرعب وانا بشوف ردات فعله كنت مجر*وحة من جوه وخايفة انه يكون كون مشاعر ليها ....
-حبيتها يا مروان ...حبيتها ...مش دي اللي اهلك فرضوها عليك ...
اخدت شنطتي وقولت:
-انا هقابل يوسف ابن عمتي وهوافق عليه وصدقني انت اللي خسرت ..
مشيت وانا بعيط وبفتكر رد فعله...ليه مش قادر يتخلي عنها ...طب ليه يعلقني بيه وبعدين ير*ميني بالشكل ده ...هو قلبي لعبة بين ايديه ...ازاي يوهمني اني اهم حاجة عنده وبعدين يتخلي عني بالسهولة دي ...ازاي يفضلها عليا ...قعدت علي البحر وانا بعيط اوووي ...قلبي كان واج*عني وانا بفتكر كلامه ازاي كان بيقولي انه بيحبني ...ازاي علقني بيه وخلاني اعشقه ...قلبي مش متقبل حد غيره وخايفة افضل كده متعلقة بيه واوقف حياتي ...ومن جهة تانية خايفة اوافق علي يوسف واظل*مه ...
-انا بكر*هك يا مروان ....بكر*هك
حطيت ايدي علي وشي وبدأت اعيط تاني ...
اتنفضت لما حسيت بحد لمس كتفي بصيت ولقيته يوسف مبتسم ليا ...اتوترت وقومت وانا بمسح دموعي وبقول بإرتباك:
-يوسف...يوسف ازيك ..
ابتسم وقال:
-بتعيطي ليه...معقول دي دموع الفرح لاني اتقدمتلك
كان بيهزر ومن غير ما احس ضحكت بس فجأة انفجرت بالبكا ...
اتنهد وهو بيطلع منديل وادهوني وقال:
-الحياة صعبة مش كده ...
هزيت راسي وانا بمسح دموعي فقال:
-اهلك غاص*بينك عليا صح ؟!!
بصتله بصدمة فقال :
-باين علي وشك علي فكرة ...
بصيت علي الأرض وقولت:
-انا مش عايزة اظلمك ..
-ليه فاكرة أنك هتظلميني
بصتله والدموع في عينيا وقولت:
-عشان قلبي متعلق بحد تاني ....حد مستحيل يكون ليا ...حد ك*سر قلبي ومشي كأني ولا حاجة...
قرب وقال:
-انتي كل حاجة وهو اللي خسران
ابتسمت ليه كلماته كانت لطيفة اووي ..فابتسم هو وقال
-علي فكرة أنا Sweet talker اووي يعني او اتجوزتيني يا سعدك يا هناكي هتكوني اسعد انسانة في العالم ...
اتوترت وسكتت بس هو قال:
-يالا اروحك البيت وهشتريلك المشبك اللي انتي بتحبيه ...
وبعدين مشينا سوا ...
......
رجع مروان البيت وهو متضايق ...كانت مشاعره ملغبطة ...مش عارف ماله ولا عايز ايه حاسس بالتشتت ..
-حورية...
نادي عليها بس ملقاش رد ...اتوتر وقلبه وقع في رجليه ودخل دور عليها في كل الاوض ملقهاش ...حط ايده علي دماغه وافكار كتير بتدور في عقله....خرج من شروده لما لقي تليفونه رن ...خرج تليفونه بسرعة لما لقي رقم غريب رد بسرعة وفجأة وشه بهت وهو بيقول بصدمة:
-ايه ...مراتي عملت حا*دثة!!!!
يتبع
الجزء السادس♥️شكرا علي تفاعلكم السكر♥️بقلم سولييه نصار♥️
-حورية !!
قالها مروان بصدمة ...وقع التليفون من ايده ومن غير ما يحس بدأت دموعه تنزل ...كان حاسس ان قلبه واج*عه ...فجأة فاق وبدأ يمسح دموعه ....مفيش وقت للانهيار لازم يروح يلحقها ...طلع من البيت بسرعة وراح المستشفي ...
......
كان بيجري في المستشفي بفز*ع لحد ما راح لموظفة الاستقبال ....وسأل علي مراته وعرف انها في اوضة العمليات ....جري هناك ووقف قدامها وهو مرعوب ...دموعه بتنزل وهو مش مصدق اللي بيحصل ...ده أكيد كابوس ...حس ان قلبه بي*نزف وعقله بدأ بفتكر ذكرياتهم سوا ...افتكر قد ايه كانت بتحاول ترضيه وهو بيصدها ..حتي لما استسلم وقرب منها ...غلط وحب واحدة غيرها واداها الاهتمام في الوقت اللي كان مفروض يدي الاهتمام ده لحورية بس خلاص هي تقوم بالسلامة بس وعمره ما هيزعلها ... طلع تليفونه وقرر يتصل بالعيلة عشان تيجي من البلد ويكونوا معاها ومعاه هو ...
......
وصلني يوسف تحت البيت وقال بلطف :
-اطلعي انتي دلوقتي يا جودي .
كنت ماسكة المشبك وانا بقوله:
-مش هتطلع فوق ؟!
ابتسم وقال:
-شوية كده هاجي عشان حابب اتكلم معاكي ونحط النقط علي الحروف ...
اتوترت شوية بس ابتسمت وقولت:
-اوكي سلام ..
-سلام يا جميلتي ...
ابتسمت وانا بسمع اسم الدلع اللي هو كان بيقول ليا من أنا وصغيرة وهزيت راسي وطلعت بسرعة ...
دخلت البيت وانا مبتسمة....بعد اللي حصل مع مروان مكنتش قادرة اصدق ان مودي يتحسن بالطريقة دي ..
-شكل غزالتك رايقة كنتي فين ؟!!
لقيت امي واقفة في وشي وبتبصلي بحزم ...اتنهدت وقولت:
-قعدت علي البحر شويا وقابلت يوسف وهو اللي وصلني وجابلي مشبك ...ولو مش مصدقة اتصلي بيه واسأليه
ابتسمت امي بأمل وقالت:
-يعني انتي موافقة عليه ؟!!
بهتت شوية وقولت:
-انا بحب مروان يا ماما مش هحب غيره ...
-يا بنتي انسي مروان ده متجوز افهمي بقا ...
الدموع ظهرت في عينيا وقولت:
-متقلقيش يا ماما طلع بيحب مراته واتخلي عني ...بس برضه مش هوافق علي يوسف ...أنا مقدرش اظل*مه ...
وروحت علي اوضتي من غير ما اسمع ردها حتي ..
......
طلع الدكتور من اوضة العمليات فوقف مروان وهو بيقول بخوف وبيمسح :
-مراتي يا دكتور اخبارها ايه ؟!
-اهدي يا بني الحمد لله بمعجزة من ربنا هي والجنين بخير ...
-الجنين ؟!!
قالها بصدمة فرد الدكتور بإبتسامة وقال:
-ايوة هي حامل في الشهر التاني ...بس هي نزفت كتير ومحتاجين دم وللاسف فصيلتها مش موجودة هنا ...
اتوتر مروان وقال:
-طب ..طب هنعمل ايه ؟!!
-هي فصيلتها Bموجب هنحاول نتواصل مع بنك الدم و .
بس قاطعه مروان وهو بيقول بلهفة :
-انا فصيلة دمي B موجب
-جميل يالا بسرعة ...
......
نام مروان علي السرير وهو متوتر ...هو بيترعب من الحقن بس عشان خاطرها قرر يتحدي خ*وفه ... حصله رعب لما شاف الابرة بإيد الممرضة وكان فعليا هيهرب بس غمض عينيه بأ*لم لما الابرة انغرست في دراعه ....
.......
تم عملية نقل الدم بنجاح ...
ونقلوا حورية اوضة عادية ...
...
بعد ساعات ...
كان ماسك ايد حورية ومستنيها تفوق ...كان بيبوس ايديها بحب لحد ما حس بيها بتفوق ...
بصتله حورية وهي مش مركزة من البنج وقالت:
-ابني ..
باس راسها وقال:
-ابننا بخير يا حبيبتي اهدي انتي بس ...ايه طلعتي من البيت كنت همو*ت من الرعب عليكي ...
ابتسمت بتعب وقالت:
-عيد ميلادك قرب وكنت هجيبلك هدية
لسه هيرد ويقولها انتي اجمل هدية ليا دخل عليه جده وابوه ...وقف مروان احترام ليهم بس اتصدم لما جده ضر*به بالقلم وصرخ فيه:
-هي دي البنت اللي امنتك عليها ...أنا غلطان اني جوزتهالك...بس هصلح غلطي فورا ..حورية هترجع البلد وانت هتطلقها !!!
.....
-ليه مش موافقة عليا ...ليه مش عايزة تديني أي فرصة يا جودي ..
قالها يوسف بتعب بعد ما ماما سابتنا لوحدنا ...
قولتله وعينيا فيها دموع :
-مش عايزة اظ*لمك ...ابوس ايديك افهمني ...
مسك ايدي وقال:
-طب اديني فرصة...لو مرتاحتيش يبقي خلاص هسيبك براحتي ...فكري يا جودي محدش هيحبك قدي..
اتنهدت وقولت:
-موافقة ...
ابتسم يوسف وقال بصوت مرح:
-زغروطة يا جماعة
ولقيت امي بتزغرط من ورا الباب !
يتبع
#زوجة_حبيبي
#سولييه_نصار
تعليقات
إرسال تعليق