سامر : لو عرفوا مكانك هيقتلـ'ـوك
حسين : وانا اللى بقولك هاتهم
سامر بعصبيه : حرام عليك حس بيا بقى... ازاي عايزني اعمل كده
حسين: لازم الكل يعرف الحقيقة حتى لو كان تمنها حياتي
سامر: حقيقة ايه... انت مخبي عني ايه عرفني
حسين بيطلع من جيبه دفتر مذكرات : الحقيقة كلها موجوده هنا
سامر: ايه دا انا مش فاهم حاجه انت بتخرف زي كل مره صح
حسين: انا ولا مرة كنت بخرف
سامر: ارحمني بقاااا انا مبقتش فاهم حاجه
حسين: اقرا من الصفحه 460 للاخر
بياخد سامر الدفتر وبيبصله بسخريه
حسين: اقرأ يلاااا
سامر: هقرأ لما نشوف اخرتها ايه
بيفتح يامن الصفحة اللى ابوه قاله عليها وبيبدأ يقرأ بعدها بلحظات بتحتل الصدمة ملامح وشه و بيعيط
سامر بعصبيه : مستحيل.... لا... مستحيل
حسين: كمل يا سامر
سامر بيرمي الدفتر في الارض بعصبية: كدب... كل ده كدب... مستحيل
حسين: كمل الباقي
سامر بعصبية: مش هكمل حاجة... انت كداب
حسين بسخرية: وريها ليامن وهو هيعرف خط امه اكيد و ساعتها هتعرف مين الكداب الحقيقي
سامر بياخد الدفتر وبيمشي من غير ما يتكلم وبيتصل على يامن بس مش بيرد
سامر: لو الكلام ده يطلع صح انا مش هرحم حد
بيركب عربيته وبيكمل قراية المذاكرات و دموعه مغرقه وشه بيخبط بإديه على الدركسيون بعصبية
سامر بعصبية وعياط: حراااااام.... حراااااام كل ده
---------------------------
"في بيت تسنيم "
يامن بيبعد خالد عن سليمان
يامن: عيب يا خالد...ايه اللى بتعمله ده
خالد بعصبية: بسببه كل دا حصل.... هو السبب
سميح: ايه اللي انت بتقوله دا يا خالد
خالد بيبص لسليمان بقرف: قولهم... عرفهم انا قصدي ايه
سليمان مش بيرد وبيسبهم ويمشي
خالد: هيهرب عشان مش قادر يتكلم... تعالى هى يا سليمااااان احكيلهم... خليهم يعرفوا الحقيقة
بيمشي سليمان و خالد بيتعصب وبيكسر في البيت
يامن: اهدى يا خالد ايه اللي انت بتعمله
بيتجاهله خالد وبيفضل يكسر في كل حاجه حواليه ويامن بيحاول يهديه لحد ما بيقع في الارض وبيقعد يعيط
خالد بعياط: مقدرتش احميهاااا... مكنتش جمبها
يامن: اهدى يا خالد
خالد بعياط وقهرة : مقدرتش احمي اختى يا يامن
سميح: سليمان ايه علاقته بالموضوع يا خالد
خالد: روح اسأله
سميح بعصبية : في ايه هنا انا معرفهوش
خالد مش بيرد عليه وبيطلع اوضة تسنيم بيدخل يلاقيها نايمه بيقعد في الارض جمب سريرها وبيمسك ايديها وبيعيط
خالد بعياط: انا اسف يعمري
بيفتكر لما حضنته لما جاي من السفر
خالد: كنتي بتعيطي وتقوليلي انك محتجانى لما رجعت وانا كنت غبي ومش فاهم.. بس وحياتك عندي لا اجبلك حقك
----------------------------
بعد مرور يومين بتكون حاله تسنيم اتحسنت و سامر مختفي محدش يعرف عنه حاجه وخالد ويامن قالبين الدنيا على سليمان
يامن: جدي..... خالد
بيردوا الاتنين عليه: ممكن استأذنكم اخد مراتي ونسافر شويه نغير جو
خالد: تسافروا لوحدكم؟
يامن: ايوه... هنسافر شرم شويه
سميح: وماله يبني خد مراتك وروحوا غيروا جو
خالد بعصبية: هو ايه دا يا جدي يعني ايه ياخدها ويسافروا
سميح : خاااااالد.... دا واحد ومراته انت مالك
خالد: ياا جدي دول لسه معملوش فرح
سميح: بس مكتوب كتابهم مت .... وبعدين انت عارف ان اختك نفسيتها تعبانه خليها تغير جو
خالد بيبص لتسنيم اللى بتكون قاعدة ساكته: عايزة تروحي معاه
تسنيم مش بترد
خالد: ردي يا بنتي عايزة تروحي
بتهز راسها ب ايوه
خالد: اطلعي جهزي شنطتك طيب
بتبصله تسنيم بفرحه: بجد
خالد: اخلصي جهزي شنتطك قبل ما اغير رأيي
بتقوم تجري ناحيه اوضتها بس بترجع تبوس خالد من خده
وبتمشي
خالد: هتسافروا امتى
يامن: النهارده بليل انشاء الله
خالد: دا انت مجهز كل حاجه بقى
يامن: احم... طيب هقوم اجهز شنطتي انا كمان
خالد :سامر مختفي بقاله يومين متعرفش حاجه عنه
يامن: لا مكلمتهوش
خالد: ممكن يكون عارف مكان ابوه
يامن: معتقدش بس حتى لو عارف مكانه مش هيسلم ابوه بإيديه
خالد: عندك حق... طيب روح يلا جهز حاجتك عشان متتاخرش
يامن: تمام
---------------------
" في ڪافيه "
سليم بغيظ : مسافرين شرم لوحدهم؟
زينة: ايوه... بعدين مالك مصدوم كده ما هو جوزها
سليم بيبصلها بغيظ ومش بيرد
زينة بتمسك ايده : سليم انساها وشوف غيرها... في ناس تانيه بتحبك بجد وتستاهلك
بيشد ايده من سوسن حناكه، اقصد زينه😅😂
سليم: هو انتي جايباني لحد هنا عشان تقوليلي انها مسافرة شرم
زينة: احم... يعني قلت اشوفك ونفكر هنعمل ايه
موبايل زينة بيرن باسم خالد ومش بترد
سليم: هنفضل قاعدين كده كتير
ببرن الموبايل تاني ومش بترد برضو
سليم: ما تردي يبنتي
زينة: عادي... حد مش مهم
سليم: طيب انا همشي عشان عندي شغل
زينة: خليك شويه
سليم: بقولك عندي شغل لازم امشي
زينة: احم... طيب
بيمشي سليم وهي بتفضل قاعده وبتسرح
فلاش بااااااااااااااااك
بيكون منة وزينة قاعدين في كافتيريا الجامعة
منة: انا كتبت المحاضرة لتسنيم عشان كانت موصياني
زينة: والله كتر خيرك يا منوش. دي معاها برد هيموتها
منة: طيب ما دام عارفة انها تعبانه مكتبتيش انتى المحاضره ليه
زينة: ما انا خطي وحش بعدين البركة فيكي
منة: اه يا صحاب مصالح
بيرن موبايل زينة و اول ما بتشوف اسم سليم بترمي الموبايل
منة: في ايه
زينة بدهشة: داااا... داااا سليم
منة بتضربها بالاسكتش: ما تردي يا غبيه
زينة: مش عارفه اخد نفسي
منة: براحة خدي نفس و اهدى
بتعمل زينة زي ما منه قالتلها وبتمسك الفون
منة: يلا ردي
بتيجي ترد الفون بيفصل
زينة: المدة خلصت
منة: م الصبح بقولك ردي
بيرن الفون تاني و كان هيقع من ايد زينة بس بتلحقه
منة بتشجيع: يلااااا
زينة: ا... الوووو
سليم: انسه زينة ازيك
زينة: الحمدلله
سليم: اسف اني اتصلت بس انا كنت عايز اقابلك
زينة: ت... تقابلني انااااا
سليم: ايوه لو مفيش مانع يعني
زينة بتبص لمنة
منة: قولي ايوه.... يلااا
زينة: ط... طيب مفيش مانع
سليم: كويس خالص... طيب تحبي نتقابل فين
زينة: في المكان اللى يناسب حضرتك
سليم: بلاش حضرتك دي..... طيب نتقابل في كافيه***
زينة: تمام ماشي
سليم: تمام... سلام يا قمر
بيقفل سليم الخط وبتكون زينة في حالة ذهول
منة: قالك ايه
زينة: قالي يا قمر
منة: الله الله... عايز يقابلك وقالك يا قمر كدا الموضوع اتطور
زينة: تفتكري عايز يقابلني ليه
منة: ممكن يكون عايز يتقدملك
زينة بفرحة: يتقدملي اناااااااا
منة: ليه لا
بعد وقت بتكون زينة قاعدة في الكافيه ومستنية سليم
زينة لنفسها: يا ترى عايز يتقدملي بجد... يااااا حلم بعييييييييد
بيجي سليم: هو ايه اللى بعيد بتفوق من شرودها على صوتهزين
زينه بخضة : هاااا
سليم بيضحك على شكلها: مالك في ايه
زينة: انت هنا من امتى
سليم: لسه جاى
زينة بارتياح: طب الحمدلله
سليم: هو ايه
زينة:لا متخدش في بالك
سليم بضحك: طيب
زينة: ممكن اعرف حضرتك جايبني هنا ليه
سليم بارتباك: احم... هو يعني... هو موضوع حساس شويه وخايف انك تفهميني غلط
زينة لنفسها: شكل كلام منة صح
سليم:انتي سرحتي في ايه
زينة: هاا... لا معاك.. كمل في ايه
سليم: بصي انا مش هلف وادور عليكي هقولك الصراحة
زينة بابتسامه: قوووول
سليم: انا بحب تسنيم وعايزة اتجوزها وكنت عايزك تساعديني اني اعرف رأيها عشان لو موافقة اروح اتقدم
بينزل الكلام على زينة زي الصاعقه و بتتبدل ملامحها كلها لحزن بس بتحاول تسيطر على نفسها
زينة: بجد... مبروووك
سليم بضحك : مبرووك ايه بس هو احنا لسه عملنا حاجه... انا عايزك تعرفيلي رأيها عشان يبقى فيها مبروك والجو دا
زينة بتضحك بكسرة: تحت امرك طبعاً... هكلمها واعرفلك رأيها
سليم: بجد شكرا يا زينة..... انتي بالنسبالي اخت والله وكنت عارف انك مش هترفضي طلبي
زينة: اختك...."بتكمل بابتسامه" اه طبعا اختك.... طيب انا لازم امشي دلوقتي عن اذنك
سليم: استنى اشربي حاجه الاول
زينة بتقف وبتاخد شنطتها: مرة تانية عشان اتأخرت عن اذنك
بتمشي ومش بتستنى منه رد.... بتطلع برا الكافيه بتلاقي الجو بيمطر و بتجري وهي بتعيط تحت المطر
بااااااااااااااااااااااااك
بتفتكر زينة وبتمسح دموعها اللى نزلوا من غير ما تاخد بالها
زينة : بحبڪ💔
----------------------------------
عند تسنيم ويامن بيكونوا راكبين في العربية ومسافرين
تسنيم: انا بحب اوي السفر بالليل
يامن: ما عشان كده رتبت اننا نسافر بليل... احنا كدا على حسباتي انشاء الله نوصل على الفجر بالظبط
تسنيم بابتسامه: احلى سفرية دي ولا ايه
يامن بيبوس ايديها : هي فعلا هتكون اجمل سفريه في حياتي
تسنيم: ركز في السواقه يا دكتور
يامن بضحك: حد يركز وانتى معاه برضو
تسنيم: لا ما انت ركز عشان نفضل سوا و منتقلبش دلوقتي
يامن بضحك:حاااضر
بيشغل اغنية لاليسااا وبيغنوا معاها سوا
"ڪل ليلة بتتعاش جمبڪ بالنسبالي خيااااال.... جوا مني غلاوتك دايماً قلبي على دا الحاااااال... انت اول حب واخر حب هعيش وياااااه واللي بيني وبينڪ احسااااس اجمل م الاحلاااام♥"
يامن: تسنيم انا بحبڪ اوووي
تسنيم بابتسامه: وانا كمان بحبك اوووي
بعد وقت بيوصلوا وبيطلعوا الشاليه بتاعهم
و اول ما بيدخلوا بيترمي يامن على السرير بتعب
تسنيم: يااامن هو مفيش اوضة تانيه في الشاليه
يامن بتعب : لا يا روحي دا حاجه اقتصادية كدا يعني اوضه وصاله وطبخ وحمام بس
تسنيم: انت بتهزر صح
يامن: نامي بقا واطفي النور عشان انا تعبان
تسنيم: حلو جميل اديك قولت نامي... انااااااااام فين دلوقتي بقى اناااا
يامن بنوم : على السرير يا روحي
تسنيم: جمبك؟
يامن: اااااه
تسنيم: مستحييييييل
يامن مش بيرد عليها
تسنيم: طيب الكنبه اللى هنا صغيرة هنام عليها ازاي برضو
يامن لارد
تسنيم بعصبية: يامن رد علياااا
مش بتلاقي رد من يامن وبتقرب منه وبتهزه
تسنيم: انت نمت
بيشدها يامن و بتقع في حضنه، بيضفي النور من زرار الابچورة اللى جمبه
تسنيم: اييييه دااااا
يامن بيحاوضها بأيده وبيدفن راسه في رقبتها: نامي يلا يا روحي
تسنيم بتحاول تزقه بس مش بتعرف
يامن: نااااامي بقاااا
تسنيم: ابعد طيب
يامن: تؤ تؤ
تسنيم بتحاول تبعد عنه كتير بس مش بتعرف بعد فترة بتستلم و بتروح في النوم
----------------------------
" يوم جديد "
بتكون ريم قاعده في اوضتها وبتقلب في موبايلها بمللل
ريم بحزن : من يوم ما جه اتقدم وهو مكلمنيش تاني
بتفتح الشات بتاعهم و بتفكر تكلمه بس بترجع في كلامها تاني
ريم:لااااا لاااااااا مينفعش اكلمه... خليه براحته بقااا
بتدخل مامتها: ما دام بتحبيه كدا رفضيته ليه يا بومة
ريم بعصبية: ماماااا انتى مش هتبطلى تتجسسي عليا
اميرة: يبت احترمي نفسك انا امك
ريم: اسفة يا ماما بس انتي عارفه إني مش بحب كدا
اميرة: انا ببقى عايزة اتطمن عليكى
ريم بسخرية: قصدك عايزة تتفكي. مني
اميرة: لاااا... لا يبنتي والله ابدا... ملكيش دعوة بكل الكلام اللى خالك قاله
ريم بعياط : بس هو كلامه صح
اميرة بتاخدها في حضنها: لا مش صح... وانا مش بفكر زيه انا كل اللى عايزاه إني اتطمن عليكي و اشوفك مع حد بيحبك ويستاهلك بجد.... وانا شايفه ان سامر دا بيحبك بجد ويستاهلك
ريم: انا كمان بحبه يا ماما... بس خايفة
اميرة: مش معنى إنك مريتي بتجربة جواز فاشلة يبقى كل الرجالة كدا ولا كل الجواز كدا.... بالعكس إنتى اديكي كنتي شايفه انا وابوكي الله يرحمه كنا بنحب بعض ازاي وكانت حياتنا جميلة وهادية... ادي نفسك فرصة تاني يا حبيبتي
ريم: انتي شايفه كده
اميرة: ايوه... سامر يستاهل انك تديله فرصة
-----------------------------
" عند خالد وزينة "
خالد: ايه رايك في المصنع
زينة: جميل جداً و مكانه مناسب كمان
خالد: بجد يعني عجبك
زينة: ايوه جميل اووي
خالد: عقبال ما نتفرج على شقتنا ياقلبي
زينة بضحك: بطل محن
خالد: يبنتي انتي مش بتعرفي تردي بكلمه حلوة ليه
زينة: معلش ادينا بنتعلم
خالد بضحك: طيب يلا بينا انا عازمك على الغدا النهارده
زينة: مش هينفع
خالد: مفيش اعذار النهارده يلا بينا
زينة: يا خالد ارجوك
خالد: يلا قدامي مفيش اعذار
بياخدها وبيمشوا لحد ما بيوصلوا على البحر
زينة: هو انت مش قلت هنغدا ولا غيرت رأيك وهنقضيها عصير
خالد: لا يختي متخافيش هنتغدا
زينة بضحك: اين المطعم انا لا اراااه
خالد بيشاورلها على مطعم صغير بيطل على البحر البحر: دا اجمل مطعم ممكن تروحيه في حياتك
زينة: كنت قول انك مفلس من الاول
خالد بضحك : لا ياختي دا اغلى من ماك اصبري بس اتقل تاخد حاجه نضيفة
زينة: لما نشوف
خالد: يلا بينا
زينة: يلاااا
------------
عند كتاكيت الحب بتوعنا يامن وتسنيم 😂❤
بتصحى تسنيم من النوم مش بتلاقي يامن جمبها
تسنيم: يااااامن انت فين
بتلاقيه داخل وفي ايديه صنية فطار: هنااااا يا روحي
تسنيم بابتسامه : صباح الخير
يامن: صباح الورد والفل والياسمين وكل حاجه حلوه
تسنيم بتضحك
يامن: بالضحكة دي انا قلبي متعلق
تسنيم: يامن صوتك وحش متغنيش
يامن: تصدقي انا غلطان ت
تسنيم: لا يروحي مش غلطان
يامن: والله انتي اللي روحي.... يلا نفطر بسرعة عشان يومنا طويل
بيفطروا وبعد وقت بياخدها وبيخرجوا
تسنيم: مقولتليش هنروح فين
يامن: هنطلع سفاااري
تسنيم: بتهزر صح
يامن: ايه مش عجبك ممكن نغيير عادي
تسنيم: لا عاجبني طبعاً
بيقضوا النهار كله هناك
تسنيم: انا جعانة
يامن: يلا ادينا مروحين اهووو
تسنيم: بص بقا هنتعشى اندومي و بيبسي و هنتفرج على فيلم لشاروخان
يامن: اندومي يا تسنيم
تسنيم: ايه مش عاجبك
يامن: لا عاجبني عاجبني
تسنيم: اشطا يلا بينا بقى
يامن: طيب نروح السوبر ماركت نجيب اندومي الاول
تسنيم: انت صح ... في هايبر ماركت اهو يلا بينا
بياخدوا عربية تسوق وبيدخلوا الماركت
تسنيم بتبص على الاندومي الكوري الحراق وبتضحك
يامن: مستحييييل... اوعي تفكري حتى
تسنيم بتبصله ببراءة زى الاطفال: عشاااان خاطري
يامن: متحلميش
تسنيم: عشان خاطري.... عشان خاطري
يامن: هتولعي فينا
تسنيم: انا بحب الاسبايسي
يامن: ما دا مش اسبايسي دا مطبوخ في جهنم
تسنيم: يلا بقا عشان خاطري
يامن: يلا يا اخر صبري
بعد وقت بيكونوا وصلوا البيت وواقفين بيطبخوا سوا
يامن: انا واقف جمبك وعيني بتحرقنى امال لما ناكل بقى
تسنيم: استنى بس دا تحفه... بعدين انا عملت كيسين من البارد عشان لو مقدرتش تستحمله
يامن: كان ماله الكيس ابو 3 جنيه بس
تسنيم بتضحك: يلا بقى انا هغرف وانت روح شغلنا الفيلم
بيقعدوا قدام الشاشه وبشغلو الفيلم وبيبدأوا ياكلو
يامن بياخد اول معلقه و بيقوم يتنطط
تسنيم بضحك: بقى معلقة تعمل فيك كدا
يامن : يالهوووي يا تسنيم ايه دا
تسنيم: خليك انت في البارد تعالى
يامن: انتى بتاكلى كدا ازاي
تسنيم: دا متعه والله
يامن:متعة ايه بس
تسنيم: تعالى جرب كمان معلقه
يامن: مستحيل
تسنيم: طيب خد دي من ايدي
بياكلها يامن وهو بيبص لتسنيم وسرحان في عيونها
تسنيم: اشمعنا المرة دي مقومتش تتنطط
يامن: عنيكي
تسنيم: ايييه
يامن بيكمل اكل وهو باصص في عنيها
تسنيم: يا سلام يعني كده مش بيحر'قك
يامن: تؤ
بيخلصوا اكل ويامن بياخدها في حضنو وبيتفرجوا سوا على الفيلم لحد ما بيناموا مكانهم، بتصحى تسنيم تاني يوم وبتلاقي يامن قاعد بيتفرج عليها وهي نايمه
تسنيم بنوم: صباح الخير
يامن: صباح النور
تسنيم: انت بتبصلي كده ليه
يامن: انا من ساعه ما صحيت وانا سرحان في ملامحك مش مصدق انك معايا
تسنيم بتبتسم بخجل
يامن: يلا عشان نفطر
تسنيم: يلا
بيفطروا وبيقضوا النهار كله برا، بيروحوا وبيناموا شويه بتصحى تسنيم بليل و مش بتلاقي يامن جمبها بتنادى عليه بس مش بيرد بتلاقي جمبها علبه على السرير ووردة حمرا ورساله بتفتح تسنيم الرساله وبتقراها "البسي الفستان دا و لما تخلصي هتلاقي عربية بسواق مستنياكي برا"بحبڪ" "
بتبتسم تسنيم و بتفتح العلبه بتلاقى فيها فستان احمر جميل جدا وسيمبل بتجهز نفسها وبتلبس و بتطلع تلاقي العربية مستنياها بتركب فيهاا وبتمشي
--------------------------
"عند سامر"
بيكون قاعد في شقته بقاله كام ومش بيخرج بيكون نايم وباب شقته بيخبط بيفتح وبيلاقيه خالد
خالد: ايه يبني مختفي فين
سامر: مشغول شويه اليومين دوول
خالد:و مالك بتتكلم كده ليه
سامر: بقولك ايه ياخالد انا مش فايقلك
خالد: انت بتكلمني كدا ليه
سامر بيدخل الاوضة وبيجيب دفتر المذكرات وبيرميه في وش خالد
خالد:ايه دا
سامر: اقرأ وانت تعرف
خاالد: طيب عرفنى دا ايه
سامر: اقرا من 460 للاخر
خالد بيفتح الدفتر وبيبدأ يقرا ومش بيدي اي رد فعل
سامر بيبصله باستغراب وخالد بيكمل قراية
سامر بشك : انا كنت عارف؟
خالد بيهز راسه ب ايوه
-----------------
عند تسنيم ويامن
بتوصلها العربيه للبحر وبتلاقي يامن مستنيها قدام اليخت اول ما بيشوفها بيبتسم
يامن:الفستان طلع اجمل مما كنت متخيل
تسنيم :ما انا اللي محلياه
يامن: طبعاً يا اميرتي
بيمسك ايديها وبيساعدها تطلع اليخت بعدها بيربط على عيونها شريط اسود
تسنيم: ايه دا بقا
يامن: خاطفك شوية بعيد عن العالم
بيمسك ايديها وبيمشي بيها لحد ما بتوصل الترابيزة العشا بيفك الشريط من على عيونها
بتلاقي المكان كله ورد وشغال فيه ميوزك رومانسي واضاءة هادية
يامن بيمدلها ايده: تسمحيلي بالرقصة دي
بتبسم وبتمسك ايده وبيبدأو يرقصو
يامن: تعرفي إني نفسي اخبيكي بعيد عن عيون النااس
تسنيم: ليه بقا
يامن: عشان بغير مش عايز حد يشوف الجمال دا غيري
تسنيم: يا سلااااام... و ايه كمان
يامن: نفسي اكمل الباقي من عمري كله معاكي... انتى اجمل حاجه حصلتلي فى حياتى نعمة بشكر ربي عليها
يامن بيبوس جبينها :بحبڪ
بتخلص الرقصة وبيقعدوا على السفرة وبيتعشوا
تسنيم: بس جامدة مفاجأة الافلام دي
يامن: عجبتك
تسنيم: جدا
بيقضوا سهرتهم في اليخت و بيرجعوا اخر الليل
تسنيم: ايه رأيك نمشي لحد الشاليه
يامن: يلا بينا
بيتمشوا سوا وبيكون مقربين يوصلوا فجأة الدنيا بتطمر عليهم
تسنيم: ايه دا... بتمطر في شهر 5
يامن: احنا نحس
تسنيم: المطر خير... انا بحبه
بتقف تسنيم تحت المطر وهى مبسوطة بيشلها يامن وبيلف بيها
تسنيم بتبو'س خده: بحبك
يامن: حاسس إني بحلم
تسنيم: وانا كمان
يامن بيبص للسما: يارب لو دا حلم ف انا مش عايز اصحى منه طول عمري
بيفضل شايلها لحد ما بيوصلوا الشاليه
تسنيم: نزلنى بقا
يامن بينزلها على السرير وبيقرب منها وبيبو'سها وتسنيم بتتجاوب معاه بيفك زراير القميص و......
تصمت شهرزاد عن الكلام غير المباح
بعد فترة
يامن بصدمه: تسنيم انتي بنت!!
يتبع.. توقاعتكم ايه للي جاي +بارت طويل خاااااالص اهووو يارب الاقي تفاعل بقااا♥♥♥
#حطمني_العشق
#البارت_الثامن
تعليقات
إرسال تعليق