 |
كنت لسه خارج من الامتحان وكالعاده ماحلتش حاجه قولت انزل اتمشي ع الكورنيش شويه ببص لقيت بنت بتعيط بحرقه
_والنبي ماتسبنيش والله هعمل اي حاجه انت عايزها محمود انا ماليش غيرك طيب انت تعرف انك ابني وبابا طب ف اب بيسيب بنته هتكسرني ليه انا مش فاهمه انا عملت ايه والنبي رد عليا انا قلبي مش بايدي متكسرنيش انت عارف اني مش حمل كسره بعد حب اربع سنين افتكرت اني منفعكش ابوس ع ايدك فهمني ف ايه انا معرفتش معني اني عايشه غير ع ايدك انت ال خليتني احب الحياه
_بصيت ع البنت ولقيت الشاب بيرد عليها
_انا قولتلك مش هينفع نكمل انا مابقتش حاسك افهمي بقي شوفي حياتك انا مش هكمل انتي فاكره نفسك حلوه دا انا كنت بشفق عليكي انتي محدش يحبك
_انت حياتي يامحمود انت كل حياتي
_فوقي بقي يابنتي انا مبقتش بحبك ولا هقدر كفايه اني سايب شغلي علشان اجي اسمع هبلك دا يلا انا لازم امشي
_ابوس ع ايدك يامحمود خليك والنبي هعمل كل حاجه انت عايزها ماتسبنيش هموت من غيرك
_اششششش بس رغي محدش بيموت من غير حد وياريت ماتتصليش بيا تاني انسبني انا مش ناقص زنك
_البنت كانت ماسكه ايده ولا كأنها ماسكه ايد باباها بجد فضلت اراقب هتعمل اي لقيتها طلعت الهاند وفضلت تعيط بحرقه
_تلقائي لقيت نفسي بجري عليها واخدت منها الهاند وقولتلها ع فكره مايستهلش انك تزعلي وتعيطي دا ماحبكيش ال بيحب مش بيكسر البنت ال بيحبها دا ذلك يابنتي
_مين حضرتك وبتكلمني كدا ليه اصلا
_حضرتي واحد الدنيا رمته ليكي ف الوقت دي علشان يسمع كل الحوار ال دار دا
_كانت مكسوره اوي ومحتاجه حد يخرجها من كل دا
_احكيلي مالك يمكن اعرف اخفف عنك
_لا شكرآ انا عايزه ابقي مع نفسي
_سبتها وكنت براقبها من بعيد لقيتها بتحضن نفسها بنفسها وعياطها زاد كانت شبهه الملايكه وهي بتعيط
_هو انا فعلا وحشه يعني شكلي وحش
_انا معرفكيش بس انتي زي القمر والله هو اعمي دي انتي عيونك لبني واموره اوي
_بس ممكن اسألك سؤال اي يخليكي تنزلي نفسك وتعصي اهلك مع واحد زي دا احكيلي
_هو كان احن واحد عليا هو ابني تعرف اما قلبك يكون بيكبر قدامك محمود بقي كان قلبي
هو كان صاحب اخويا وانا كنت عيله ف اولي ثانويه مكنتش بعرف اعمل اصحاب كنت ف حالي كل البنات كانت بتشوفني عايش اكبر من سني علشان بلبس خمار فجأةظهر محمود انا عمري مكلمته لقيته بعتلي رساله بيقولي انتي اموره اوي وكلام كتير اوي وفضل يكلمني كان كل كلامي سطحي معاه وسكتت
_امممم وهوب لقيتي نفسك اتعودتي
_لا انا ماتعودتش هو ال عودني عليه كان بيهتم بكل تفاصيلي كنت باخد رأيه ف كل حاجه كنت بكلمه وكأنه صحبتي الانتيم كنت بحكيله عن تفاصيل يومي وهو كمان كان بيحتاج فلوس ياخد مني كان بيحتاج حاجه يلاقيني موجوده لحد ماف يوم قالي بحبك كنت طايره من الفرحه تعرف اما قلبك يكون طاير كان كل حياتي هو مش وحش هو زهق مني اه زهق ماهو برضوا بشر
_ليه مطلبتيش منه يتقدملك
_اتقدم كلم ماما وكلم اهلي كانت خطوبتنا من كام يوم صحيت من النوم لقيته بعتلي انه زهق وانا مش عايز يكمل تفتكر العيب ف مين وكان رافض ينزل يشوفني انا اقنعته بالعافيه انه ينزل انهاردة انا روحتله الشغل وعند بيته انا بس كان نفسي يقولي هو انا عملت ايه علشان يعمل معايا كدا تعرف ان دا حب عمري
_لسه هرد عليها لقيتها بتعيط وبتجري
استني ياااااااه
دي نست تقولي ع اسمها ياتري هنتقابل تاني
يتبع
البارت التاني حب الصدفه
ممكن متابعات كتير معلش
_لسه هرد عليها لقيتها بتعيط وبتجري
_استني يااااااه دي حتي نست تقولي ع اسمها ياتري هنتقابل تاني
_سرحت بخيالي شويه وافتكرت منه وطريقتها ال سابتني بيها معقول فيه بنات صادقه ف حبها اما منه ليه سابتني وانا كنت هعمل المستحيل علشانها انا كنت بحبها كنت مستعد ابيع الدنيا كلها علشان تفضل معايا ليه تسيبني انا وتتخطب لواحد غيري انا كرهت الحب والبنات وكل حاجه فوقت من شرودي ع رنه الفون ايه دا امي بتتصل
_الو اي ياماما
_الو يايوسف انت فين يابني قلقت عليك جامد كل دا ف الامتحان
_معلش ياامي حقك عليا كنت بتمشي ونسيت اطمنك
_نسيت ايه يابني دا انا قلبي هيقف من الخوف عليك يلا تعالي بسرعه
_من عيوني ياست الكل ربع ساعة واكون قدامك
_ماشي ياحبيبي ربنا يسترها عليك
_رجعت بسرعه البيت وانا عارف اني غلطان علشان ست الكل ال قلقانه عليا دي امنيه اختي اكيد هتعملي حوار
_انت ياستاذ فين الحاجه الحلوه بتعتي
_بس يابابا اكبري بقي ف واحده ف اولي جامعه تستني حاجه حلوه من اخوها
_يعني ماجبتش حاجه حلوه شكرا
_طب اسأليني عملت اي ف الامتحان الاول
_لا مش هسألك وزعلانه منك ومش بكلمك
_خلاص خلاص خدي ياست المصاصه اهي انا اقدر ماجبش مصاصه لبنتي الصغيره
_بحبااااااك ياحلي اخ ف حياتي خد بوسه
_هبله بس بحبها مفيش غيرها بقي
_اكلت ودخلت انام لاني فصلت طول اليوم صحيت ع صوت عمي بيزعق ل امي برا
_ابنك دا مش هيتعدل هيفضل عيل وسخ كدا لامتي
_ابن انا والله انت ظالمه ابني انا مش بيعمل كده ابني متربي كويس ولا عمره يشرب سجاير
_ف اي يامي ع الصبح انت مفيش حاجه ف حياتك غيري
_انت ازاي تشرب سجاير وترميها تحت البلاكونه عندنا
_هههههه والله ضحكتني يعني مش عمر ابنك هو اللى بيشرب طلعت انا
_اخرص ياكلب عمر مين اللى بيشرب سجاير انت مش لاقي حد بتحطها ف عمرابني
_عمي معلش ممكن تطلع برا بيتنا مش كفايه موت بابا جاي تعمل كده علشان تموت ماما اطلع برا
_ببص لقيت ماما نزلت ع وشي بالقلم عيب يايوسف دا عمك مايصحش تكلمه كدا حتي لو كداب
_مايصحش اي ياماما انت نسيتي ان دا ال موت بابا واخد ورثنا وداس عليه بتضربيني علشان واحد زي دا دا انتي اول مره تمدي ايدك عليا وسبتها ونزلت
_نزلت اتمشي ع الكورنيش هو مكاني المفضل اصلا نزلت لقيت نفس البنت قاعده حاطه الهاند فري وبتعيط اول ماشفتني طلعت تجري عليا
_انت كنت فين كل دا انا جيت دورت عليك
_اششششش اهدي مالك بتعيطي ليه تاني
_محمود وحشني اوي وحشني كلامه هو غبي واناني
_وحشك ازاي بعد ال عمله فيكي
_انت تعرف اني صحيت من النوم لقيته عاملي بلوك من كل مكان عملي تعرف انا مزعلتش انه عملي بلوك انا بس نفسي اعرف انا عملت اي انا دخلت عنده من عندي صاحبتي لقيته بيهزر وبيضحك عادي
_تشربي حمص الشام
_نعم
_اي ماسمعتيش
_لا سمعت بس بستغرب بقولك اني مخنوقه ف لقيتك بتقولي كدا
_ياست مخنوقه اي انا كمان مخنوق فقولت اجيب حاجه نشربها لحد ماتهدي
_وفعلا جبت وفضلنا نتمشي ونتكلم وانا نسيت اني كنت مخنوق بسبب عمي واني عاكك الدنيا ف البيت
_يانهار احوس
_ف ايه يابنتي مالك
_الوقت اتأخر اوي وماما هتقتلني
_طب استني اوصلك لحد البيت
_لا شكرا وسابتني وطلعت تجري
_كانت شبهه الملاك كنت تخطف القلب بهبلها وطفله اوي
_تاني يوم كنت نازل الامتحان وبذاكر ف المواصلات ومش مركز ف حاجه
_هو انت بتطلعلي منين
_ياحول الله انتي اي جايبك هنا
_انا عندي امتحان
_وانا كمان وانتي بقي ف سنه كام
_انا ف اولي تربيه جامعه عين شمس
_وانا رابعه تمريض
_والله انت تمريض يعني ملاك رحمه
_اااه ياااه انا لسه معرفتش انتي اسمك اي
_اوبا انا نازله هنا
_ولسه هتقوم مش عارفه تتحرك
_بعد ازنك الدريس
_ماله حلو اوي فيكي
_٠ياعم حلو اي الدريس
_لا مش ضيق
_ياعم الدريس انت قاعد عليه مش عارفه اقوم
_اه مش تقولي
_انا اديلي ساعه بقول وانت مش واخد بالك
_هشوفك تاني ياه
_يسر اسمي يسر
_ياني ع القمر كانت يسر وهي يسر قالتها ونزلت تجري
_عدا اسبوع وانا اتخنق انزل اروح اتمشي ومابشوفش يسر ياتري هي فين او حصلها اي طب هي كويسه اي حصلها مش معقول كل الغيبه دي وفجأة لقيتها قاعده ف مكانها بتعيط
_كنتي فين كل دا
_هو انا وحشه
_مين قالك كده
_ماما قالتلي ان محمود سابني علشان انا وحشه ومتحبش
_لا انتي تتحبي اوي كمان انتي قمر وضحكتك حلوه وتخطف القلب ومتغبيش تاني
_بجد والنبي انا حلوه
_تشربي حمص الشام
_نعم
_اي بحب اشربه معاكي
_وكنا بنضحك فجأة لقيت صوت واحد جاي علينا بيقولها عرفتي بقي سابك ليه علشان انتي شمال ودايره مع غيره.........
#حب_الصدفه
#للكاتبه_غاده_رجب
_
تعليقات
إرسال تعليق