 |
#اسكربت 4
ادهم قفل مع مراد وساق العربيه بسرعه وكان في عربيه جايه من طريق تاني بسرعه اعلى والاتنين اتصدموا ببعض ولا حول ولا قوه
______
ليلى:اي اللى قررتيه ي ملك مش فاهمه حاجه
ملك:انا هوافق على العريس ولو ادهم بيحبني مستحيل يخليني اكون لحد غيره
ليلى:يعني انتي شايفه كده
ملك:والله يا ليلى انا تايهه خالص بس هغامر وخلاص
ليلى:ان شاء الله ادهم هيجي وهيعترفلك
ملك:طيب هقفل انا بقى واروح اقول لماما اني موافقه
_________
مراد وهو بيحكي مع نفسه:يبني رد بقى
مراد:اخيرا رديت
الشخص:انا مش صاحب الموبايل يفندم..صاحب الموبايل عمل حادثه
مراد بخوف شديد:اي اللى انت بتقوله ده انت مين
الشخص:دلوقتي احنا اخدناه على مستشفى...... هو وشخص كمان
مراد:طب انا جااي بس معلش ممكن تخليك معاه على ما اجي
الشخص:طيب تمام
____________
ملك:ماما انا موافقه على العريس
زينب:اي ده انتي بتتكلمي بجد
ملك:ايوه ي ماما
زينب :طيب يحبيبتي هقولهم ويجوا
ملك:تمام
_____________
في المستشفي:
مراد قابل الشخص اللى كلمه على الموبايل
مراد:ادهم فين دلوقتي
الشخص:في الغرفه دي الدكتور معاه
مراد:طب هو كانت حالته صعبه ؟؟
الشخص:الدكتور هيطلع دلوقتي وان شاء الله يطمنك
مراد:هو اي اللى حصل بالظبط
الشخص:كان فيه ناس ماشيه في الشارع وانا من ضمنهم وشوفنا عربيتين متصدمين ببعض اتلمينا كلنا نشوف في اي وبعدها روحنا المستشفي وانت رنيت على الموبايل اللى لقيته جمب الاستاذ في العربيه
مراد:الشخص اللى كان في العربيه التانيه فين
_ في الغرفه اللى جنب دي
مراد:الدكتور طلع اهو....خير يا دكتور طمني عليه لو سمحت
الدكتور:مين حضرتك
مراد:انا صاحبه ولسه جاي دلوقتي
الدكتور:كان فيه كسر في ايده ودلوقتي عملنالها جبس وجروح بسيطه في وشه
مراد:طب ينفع ادخل اشوفه
الدكتور :اكيد
مراد:عارف ان حضرتك تعبت معانا والله وربنا يجعله في ميزان حسناتك يارب
الشخص: حبيبي ربنا يقومه بالسلامه يارب.. ده الموبايل بتاعه يدوبك كلمتك بعدها على طول فصل شحن
________
زينب: قالوا انهم هيجوا بكره ان شاء الله
ملك:طيب يا ماما
زينب:انتي متاكده انك فكرتي كويس
ملك:ايوه
زينب:طيب عالعموم الشاب محترم وهيعجبك
ملك:ماشي .انا داخله اوضتي
__________
ملك:ايوه يا ليلى
ليلى: خير في مصيبه!!
ملك:يالهوي على السمعه.للدرجه دي انا بتاعت مصايب
ليلى بضحك:بهزر معاكي طبعا.خير في اي
ملك:حاسه ان فيه حاجه غلط بتحصل
ليلى:حاجه زي اي يعني
ملك: ادهم حاسه انه مش كويس
ليلى:انتى شاغله دماغك بادهم بردو يبنتي انتي مش وافقتي على العريس ده
ملك: ادهم مكلمنيش ولا سال عليا من وقت ما مشي من هنا
ليلى:يمكن نايم يا ملك
ملك:كان على طول قبل ما ينام بيقف في البلكونه شويه بس انهارده لا
ليلى:متكبريش الموضوع ملك اكيد نايم
ملك:انا هروح البيت عند عمي اسال عليه
ليلى: يبنتي اتقلى اتقلى اومال لو مكنتيش هتقابلى العريس بكره بقى!!
ملك: يبنتي قلبي لا يتحمل اقفلى بس وانا هروح اسال عمي عليه
ليلى:طب رني عليه
ملك:رنيت من شويه بس معبرنيش
ليلى بضحك:الكرامه راحت فين يبنتي
ملك:اقفلى يا ليلى سلااام
________
ملك:ازيك يا عمووو
عبدالله:اتفضلى يبنتي
ملك:هو مفيش حد في البيت ولا اي
عبدالله:مرات عمك جوه
ملك:طب وادهم فين
عبدالله:والله يبنتي مش عارف بس يمكن مع مراد
ملك:متاكد انه مع مراد
عبدالله:انتي عاوزاه في حاجه
ملك:اي اللى بتقوله ده يعمي ادهم يخصني اصلا..استغفر الله العظيم قصدي مش لازم اسال على اخويا بردو
عبدالله:طيب هرن عليه اهو واشوفه
ملك:طيب
عبدالله:الموبايل مقفول
ملك:طب رن كده على مراد صاحبه
__________
مراد بمزح:انت عارف لو حبيبتك شافتك متشلفط كده هتخاف منك وتجرى
ادهم:اتريق اووي ي اخوياا
مراد بضحك:بس والنبي عسل بالخدش اللى على خدك ده
ادهم: يبني انت مش شايفني عامل ازاي وقاعد تتريق
مراد:اي ده اصبر علشان الحج بيرن
ادهم:والدك؟
مراد:لا والدك انت يحبيبي
ادهم:طب متقولهوش على اللى حصل
مراد:يبني كده كده هيعرف ف لازم اقوله
ادهم: يبني هيقلقوا علياا
مراد بتوتر:ازيك يعمي
عبدالله:الله يسلمك يحبيبي..هو ادهم معاك
مراد: بصراحه يعمي...............بس متقلقش هو كويس والله وقاعد بتكلم معاه
عبدالله بخوف:طب طب انا جاي دلوقتي
___""
ملك:في اي يعمي قالك اي طمني والنبي
عبدالله قص لها كل ما حدث
ملك ببكاء شديد'يالهوي انا كنت حاسه ان في حاجه احنا لازم نروحله يعمي لازم نروح المستشفي دلوقتي
والدة ادهم سمعت صوتهم طلعت وهي خايفه وبتسال في اي
والدة ادهم:في اي ي ابو ادهم اي يا ملك بتعيطي لي
عبدالله: قالها على اللى حصل وراحوا المستشفى
_________
انا كنت لابسه الاسدال ومعرفش ان كل ده هيحصل ف اضطريت اروح المستشفى بالاسدال ايوه اسدال ماما كمان ف ربنا يسترها عليا
_____
دخلنا المستشفي وسالنا وعرفنا رقم الغرفه بتاعته
دخلنا الغرفه واول ما دخلنا.....
والدة ادهم' بدموع :ابني حبيبي انت كويس ..حاسس بتعب
ادهم:اهدي يحبيبتي انا كويس والله
ملك واقفه تبكي على الحاله اللى هو فيها ومش قادره تتحرك
عبدالله:الدكتور قالكم اي ..طمنوني
مراد:كسر في ايده وخدش بسيط في وشه متقلقش يعمي
ادهم عينه طول الوقت على ملك وعينه كلها دموع لما شافها واقفه بتبكي كده
ادهم :اي يا ملك هتفضلى واقفه كده لي مش هتقولي اي حاجه
ملك:.......................
ادهم:ملك انا بكلمك
ملك بدموع:عاوز اي من ملك...بتسوق الزفته دي بسرعه لي مش تاخد بالك يعني انت مش عارف انا كنت خايفه عليك ازاي لما مراد كلم عمي
ادهم:اهدي بس ..تعالى جمبي طب.بدل ما انتي واقفه بعيد كده
مراد وهو بيهمس بلدهم:احم خد بالك ان احنا في المستشفى
ادهم بصوت منخفض:والله يبني عاوز اخدها في حضني
مراد:احمم اروح انا اشوف الراجل اللى كان في العربيه التانيه دي اطمن عليه واجي
ادهم: ربنا يسترها عليه حاسس انه اتشلفط خاالص
مراد:مهو جه تحت ايد ادهم باشا بقى ف ربنا يسترها.انا ماشي رايح اشوفه
_________
ادهم:بقولك اي يماما
والدة ادهم:اي ي حبيبي
ادهم :جايه المستشفى باسدال يماما
ادهم بيلمح الكلام لملك
والدة ادهم:فين ده
ملك:مش قصده عليكي قصده عليا انا عارفه بس قوليله انا مش جايه فرح عشان اجيلك بفستان مثلا
ادهم بضحك:طب على فكره بقى المفروض تكوني مبسوطه عشان كنتي هتخلصي مني ومن رخامتي عليكي
ملك بعصبيه ودموع:يووووه انت عاوز تموتني بكلامك ده صح لو عاوز تموتني قول
ادهم:بهزر معاكي والله ربنا يخليكي ليا
ملك في سرها:بيقولي ربنا يخليكي لياا طب اعيط ولا افرح دلوقتي
عبدالله:انا رايح اشوف الدكتور هيمشيك من هنا امته
والدة ادهم: طيب انا جايه معاك عشان عاوزه اطمن عليه من الدكتور بنفسي
عبدالله: ماشي
________
ادهم:هتفضلى واقفه كده بعيد
ملك:عارف انا كنت هموت لو حصلك حاجه بس انت معندكش دم ومش حاسس بكده
ادهم:لا حااسس بيكي وعارف..تعالى بس اقعدي جمبي هنا.انتي خايفه مني
ملك:طيب جيت اهو عاوز اي
لقيته بيحرك ايده التانيه وبيقربها من خدي وبيمسحلى دموعي
ادهم: دموعك غاليه عليا على فكره مهما حصل مش عاوز اشوف دموعك دي
ملك:طب انت كويس حاسس بتعب
ادهم:اها كويس الحمد لله
ملك:طب الجبس ده مش مضايقك
ادهم بابتسامه :لا
ملك:طب دقيقه وجايه بسرعه
ادهم:خدي تعالى رايحه فين استني
#تتبع،اعملولي فولو عشان يوصلكم اي بارت جديد بنزله♥️🍂
#حكاوي ادهم وملك
#شيماء كمال
تعليقات
إرسال تعليق