 |
البارت التامن
نرمين بغضب:ياساتر يارب دكتور معتز جاي
شهد بضحكه صفره:طب والله دكتور عسل خالص وبصاته ليكي بتعجبني
نرمين بعصبيه:دا بتاع دمه تقيل وشايف نفسه
الدكتور معتز: ٠كفايه رغي لحد كدا ويلا ناموا بقي خدوا العلاج وناموا
نرمين: لو عايزين ننام هنام اكيد
معتز: اخركم عشر دقايق دا علشان خاطرك بس يانرمين
شهد: امممم طيب وعلشان خاطري انا
معتز: علشان خاطرك انتي هتناموا دلوقتي
نرمين: طيب واشمعنا انا
معتز: علشان انتي عندي غير اي حد
_كان بارد اوي معتز دا كان بيفضل متنحلي وبيبصلي جامد
______
نرمين: مالك يادكتور بتبصلي كدا ليه زي اللى بتشبهه عليا ولا كاني شبهه خالتك
معتز: انتي بتتكلمي كدا ليه مش يمكن اكون معجب
نرمين بعصبيه جامده: طيب بلاش تبصلي كدا احسن اطلع جناني عليك
معتز:ومين قال انك مجنونه اصلا بتبقي قمر وانتي متعصبه كدا
_سبته ومشيت وانا هتجن هو ازاي بيكلم مريضه عنده كدا انا بكرهه كل الرجاله كلهم كذابين ووحشين انا بكرهم اوي
شهد:مالك يانرمين انتي بتكلمي نفسك
نرمين:اه بكلم نفسي م انا مجنونه بقي
شهد:اهدي بس اي حصل لكل دا
نرمين:الرخم اللى اسمه دكتور زفت دا بصاته بتخوفني
شهد:تقصدي معتز طيب والله الواد قمر وشكله بيحبك
نرمين:انتي عبيطه بيحب مين بيحب واحده مريضه نفسيه واحده بتتعالج عنده واحده كارهه الدنيا والعيشه واحده مبقتش بتثق ف حد
شهد:لا بيحب نرمين البنت القموره العيله اللى عندها26سنه اللى ماشفتش حاجه حلوه من الدنيا
_______
معتز:شهد انا عايز منك خدمه لو تعرفي
شهد:اتفضل قول
معتز:انا بحب نرمين اوي ياشهد بحبها من يوم ماشوفتها ومن يوم ماجات هنا وانا عارف انها مش مجنونه هي بس محتاجه حد يعوضها حد يرجعلها ثقتها ف نفسها وانا حقيقي بحبها
شهد:يانهار فرح انا كنت حاسه والله احساسي طلع ف محله
معتز:طيب هتساعديني اني اوصلها واوصل لحبها
شهد:هساعدك بس قولي ايه المطلوب
معتز:هتعملي زي ماقولك
شهد:طبعا طبعا
______
شهد:نرمين ايه رأيك نروح نخرج ف الجنينه بتاع المستشفى بدل القعده ف الاوضه دي
نرمين بستغراب:نخرج فين انا بخاف من الناس انا مش هخرج من الاوضه دي
شهد:بس انا اتخنقت ومحتاجه اخرج اشم هوا ف الجنينه ومحتاجالك معايا
نرمين:طيب ياست امري لله هخرج علشانك بس
وفعلا خرجت لكن لقيت الجنينه كلها ورد وناس قاعده كل واحد منهم ليه قصه وحكايه كل الناس هنا موجوعه وحزينه وفجأة لقيت اخر الجنينه خيمه كدا
شهد:يلا ندخل نشوف اي هنا يانرمين
نرمين:يلا اصلها شكلها حلو وجديد
وبالفعل دخلنا الخيمه دي لقيت صورتي من زمان وصورتي وانا هنا ومكتوب تحتها انا بحبك من اول يوم شوفتك فيه حبيت برأتك حبيت ضحكتك اصلا انتي ليكي اربع ضحكات مختلفه واحده اما مابتتعصبي وواحده وانتي فرحانه وضحكه اما بتفتكري حياتك زمان والضحكه التاني هتظهر دلوقتي اول ماقولك بحبك ماتلفيش وشك وتتكسفي لانك بتبقي قمر نرمين انا حابب اخوض تجربه جديده معاكي مش كل الناس وحشه
وفجأة لقيت حد بيتكلم من ورايا
معتز:تقبلي تخوضي تجربه جديده معايا تقبلي تبقي اسعد بنت ف الدنيا تقبلي اني احبك
نرمين بعياط:بتحبني ازاي انت دكتور وانا مريضه انت عندك حياتك وانا حياتي خلصت هنا انت بتشفق عليا انت كداب كلكم كدابين انت عايز توجعني وتكسر قلبي تاني انت وحش
هو وحش ياشهد صح الرجاله كلها وحشه خليه يمشي ياشهد يلا نطلع احنا الاوضه انا قولتلك الناس دي كلهم وحشين هو عايز يخليني اشوف نفسي وحشه وقليله
معتز:بس عياط انا والله بحبك انتي مش وحشه ولا اقل من حد انتي ست البنات وست قلبي انتي مش مجنونه انتي طيبه انتي اطيب بنوته الناس مش كلها وحشه حتي اسألي شهد انا بحبك ازاي
شهد:اه والله ياشهد دكتور معتز بيحبك ومستعد يعمل اي حاجه علشانك
نرمين:حتي انتي ياشهد عايزه تخليه يكسرني زيهم
معتز:اديني فرصه طيب اثبتلك اني بحبك
عدا ع الموقف دا كام شهر وانا رافضه بشكل نهائي اي علاقه مهما كان شكلها كان معتز بيعمل كل حاجه عشان يثبتلي انه بيحبني بجد وانه مش بيكدب عليا وانه بيعوضني لكن انا من كتر الخذلان مكنتش شايفه لكن ف يوم حصلت حاجه غريبه لقيت المستشفى كلها بتعيط وبتقول
________
نرمين: ف ايه مالكم
شهد بعياط: دكتور معتز يانرمين
نرمين بخضه: ٠ماله معتز ياشهد
شهد: دكتور معتز عمل حدثه وتعبان بين الحياه والموت
نرمين: انتي بتكدبي عليا معتز مين اللى تعبان فين معتز دا مش وقت هزار ياشهد
شهد: والله مش بهزر معتز عامل حدثه
طلعت اجري ع باب المستشفى خرجوني والنبي خرجوني اشوف معتز انا كنت حاسه اني قلبي هيقف لحد ماصعبت ع تمريض هناك واخدني معاه عند معتز
______
ممكن ادخله يادكتور اطمن عليه
الدكتور: لا مينفعش حد يدخل عنده
نرمين: ابوس ع ايدك ادخل اشوفه لو لمره واحده
الدكتور: طيب دقيقه واحده ماتأخريش
نرمين: معتز حقك عليا فوق معلش انا اسفه ليك
كنت بكلم نفسي ماهو ف دنيا تاني قعد ف غيبوبه 12يوم انا متحركتش من جمبه والحمدلله رجعلي
الدكتور: حمدلله على السلامة يادكتور معتز
معتز: الله يسلمك يا دكتور
الدكتور:بس مراتك دي مسبتكش لحظه
معتز:بس دي مش مراتي دي
لقيته سكت مره واحده رديت انا ع الدكتور
_بس انا مش مراته انا حبيبته
معتز:انتي قولتي ايه
نرمين:انا حبيبتك ايه انت فقدت الذاكره ولا ايه
معتز:لا دا انتي حبيبتي وبنتي كمان
وخرج معتز من المستشفى بعد شهر لكن اللى حصل مكنش متخيل ف نفس اليوم اللى خرج فيه جالي معتز يطلب ايدي ف المستشفى
____"
معتز:تقبلي تتجوزيني
نرمين:ااه موافقه طبعا
معتز:طيب قولي افكر حتي
نرمين:لا م انا فكرت ولقيت نفسي بحبك
معتز:بس انتي مجنونه
نرمين:لا م انا خفيت
معتز:خفيتي امتي
نرمين:خفيت انا حبيتك
وبالفعل معتز عملي فرح شهدت بيه المستشفى كلها وكأنه فرحه قلبي ونبضه وكانه العوض لكل مامريت بيه بجد انا خفيت اما حبيت بجد اما حبيت معتز ونسيت وجع اهلي ووجع اللى كان اسمه كريم
#اغتصاب_ولدتي
#للكاتبه_غاده_رجب
تعليقات
إرسال تعليق