 |
#اسكربت 2
لسه جايين نمشي لقينا بنت جايه
البنت:اي ده ادهم اي الصدفه الحلوه دي
ادهم: مي ليكي وحشه يبنتي والله عامله اي
مي:الحمد لله يحبيبي والله مبسوطه اني شوفتك هنا
ملك:اي اي حيلك حيلك حبيبك مين يماما .انتي مين يبت انتي
مي بغضب:مين دي يا أدهم
ادهم:دي ملك بنت عمي اختي يعني
ملك مسكت ايد ادهم :لا يحبيبتي انا خطيبته هو ادهم مقالكيش انه خاطب ولا اي
ادهم بصوت منخفض:يارب استرها عليا انا روحت في داهيه انا عارف
مي:اي ده حصل امته الكلام ده ي ادهم.ازاي مقولتليش انك خطبت
ادهم: معلشي كل حاجه جات بسرعه
ملك:لا يبطه كل حاجه جات زي السلحفاا بس هو عزم الكل ومعزمكيش هيهيههي
ادهم بصوت منخفض:هششش يخربيتك اسكتي خالص
مي:عالعموم الف مبرووك سلام ي ادهم
ملك:مع السلامه والقلب داعيلك يقطه
ادهم: امشي قدامي خلصي امشي ليلتك سوده انهارده
ملك:لي انا عملت حاجه
___
ادهم:انتي اي اللى عملتيه ده
ملك:عملت اي
ادهم:يخربيت برودك يشيخه
ملك:انا بارده!!
ادهم:يااارب صبرني..انتي اي اللى خلاكي تقوليلها انك خطيبتي
ملك:طب ما انت خطيبي
ادهم :من امته ده ان شاء الله
ملك:مش انا بخرج معاك
ادهم:ايوه
ملك:مش انا باجي عندك البيت
ادهم:ايوه
ملك:مش انا على طول بكون اول واحده اقولك كل سنه وانت طيب في عيد ميلادك
ادهم:ايوه يستي
ملك:مش انت كنت معايا في فرح واحده صاحبتي دلوقتي !!
ادهم:ايوه
ملك:مش انا بصالحك لما بتكون زعلان
ادهم:انتي عاوزه اي يبنتي من الاخر كده
ملك:مهو لو خطيبتك واحده تانيه بجد عمرها ما هتعمل اللى بعمله ده
أدهم:يشيخه قولي كلام غير ده..
ملك:طب يلا يا خطيبي عشان نروح بدل ما واقفين بالعربيه كده وخلاص
ادهم بابتسامه: ماشي يملك اما اشوف اخرتها معاكي
___________
ملك:هي قالتلك يحبيبي صح
ادهم بضحك:ايوه قالت كده بس قالتها بعفويه والله ما في حاجه بيني و بينها.هو انا لي حاسس انك غيرانه هاا
ملك:انا!!اغير لي يعني انت اخوياااا وبعدين لو غيرت اغير من دي
ادهم:اااه اخويااا سبحان الله من شويه تقولي خطيبي ودلوقتي اخويا
ملك بابتسامه:لا مش اخوياا اووي يعني
ادهم: لا اخوكي يملك يلا بينا
ملك:اقسم بالله انت رخم
ادهم:عارف عارف
ملك:مستفز
ادهم:عارف عاارف
ملك:يووووووه
ادهم:بطلى رغي بقى سيبيني اعرف اسوق
_________
ملك:بقولك اي
ادهم: نعم
ملك:مع اني عارفه يعني انك بتاع بنات بس في واحده حبيتها بجد
ادهم:انا مبقتش بكلم بنات يملك
ملك:يراجل
ادهم:وغلاوتك عندي
ملك:اممم طب كنت حبيبت واحده منهم بجد
ادهم: السؤال ده هجاوبك عليه بس مش دلوقتي
ملك بغضب:يعني فييييه...
ادهم بضحك: بتبقى احلى وانتي متعصبه
ملك :.........
ادهم: يلاا وصلنااااا
ملك:ابقى روح نام ومتسهرش عشان تصحى بدرى للشغل
ادهم:مراتي وانا معرفش
ملك: ظريف
________
زينب:ملك اصبري عشان عاوزاكي
ملك:خير يماما في حاجه
زينب:بصي يبنتي انا واثقه فيكي وانتي عارفه كده بس مينفعش تبقى انتي وادهم كده على طول يعني ليل ونهار قاعدين مع بعض وخارجين مع بعض الناس تقول عليكم اي
ملك:انتي عارفه يماما ان انا وادهم اصحاب مش ولاد عم وبس ومتربين سوا
زينب:عارفه يحبيبتي بس الناس مش عارفه
ملك:طب واحنا مالنا ومال كلام الناس يماما
زينب:طب لي كل ما يجيلك عريس ترفضيه ؛
ملك:مش بفكر في جواز او خطوبه دلوقتي
زينب:هحاول اصدق كلامك ده يبنتي بس عاوزاكي تخلى بالك على نفسك
ملك:بصي يماما انتي عارفه اني مش بخبي عليكي حاجه انا بحب ادهم اووي يماما بس هو شكله مبيحبنيش زي ما بحبه هو لي مش بيبادلني نفس الشعور
زينب:كنت حاسه وعارفه انك بتحبي ادهم..بصي يبنتي يمكن بيحبك بس مش مدرك بكده طالما انتي جامبه كده على طول عمره ما هيعرف اذا كان بيحبك ولا لا انما لو بعدتي فتره هيحس بغيابك ده لو كان بيحبك
ملك:تفتكرى كده يماما
زينب:ايوه يحبيبتي بس مش عاوزاكي تغلطي في اي حاجه حتي لو بتحبيه احنا ناس اصول بردو ومنرضاش اي حاجه وحشه تصيب بناتنا
حضنت ماما ودخلت اوضتي وانا اكيد مضايقه حضنت المخده وببكي
يااربي بقى هو بيحبني ولا لا انا بجد متشتته اووي ومش عارفه اعمل اي
ملك:اي ده ادهم بيرن لي دلوقتي
ملك:ايوه ي ادهم
ادهم:صوتك ماله يختي
ملك:مفييش انا كويسه اهو
ادهم:هتكدبي علياا انا بردو
ملك:انت منمتش لي مش عليك شغل بدرى
ادهم:قولت ارخم عليكي شويه وانام
ملك:اممم طب يلا يبابا روح نام سلام
ادهم: ماشي يست ملك سلام بس خلى بالك انك كدبتي عليا ومش عاوزه تقوليلى مالك
ملك:صدقني مفيش حاجه
ادهم:ماشي سلام
________
في صباح اليوم التالى
ادهم:اي يبتتي خلاااص صحيييت
ملك:مهو لو مش رنيت عليك مش هتصحي
ادهم: خلاص صحيت
ملك:مرات عمو فين
ادهم: هي كمان دخلت صحيتني ومشيت
ملك:طيب
_______
ملك:الله بيرن عليا لي مع اني لسه قافله معاه دلوقتي
ملك:خير في اي
ادهم:البس اي عشان مش عارف
ملك:مش عارف!!انت بتقول كده عشان تلاقي فرصه تكلمني تاني صح..قول
ادهم:انتي عبيطه يبت
ملك:طب يسيدي انا جايه اشوفك تلبس اي اهو
أدهم:ايوه كده جدعه
________
ملك:ماما انا رايحه عند عمي خمس دقايق وجايه
زينب: قولي انك رايحه لادهم يملك
ملك:مش فارقه كتير يعني.محتاجني ضرورى ضرورى اووي يماما
زينب:خير في اي طيب
ملك'عمو بيقول أنه عنده برد شديد اووي يماما
ملك بصوت منخفض يارب سامحني يارب بعد الشر عليك ي قرة عيني
زينب:طب اصبرى اجي معاكي
ملك: لا تيجي معايا فين خليكي وانا هروح واجي اطمنك
زينب:طيب متتاخريش
ملك وهي طالعه:طيوبه انتي اووي يماما ربنا يخليكي ليا يارب
______
ملك:صباح الخير يعمو
عبدالله:صباح الخير يحبيبتي
ملك:مرات عمو فين
عبدالله:في المطبخ بتحضر الفطار
ملك:طيب ادخل لادهم اقوله على موضوع ضرورى وامشي على طول
عبدالله:البيت بيتك يحبيبتي براحتك طبعا
ملك:حبيبي يعمو
________
ملك:بخ انا جييت
ادهم:ظريفه اتخضيت انا كده
ملك: اممم وسع بقى كده عشان اختارلك اللبس
أدهم:طيب يلا يختي
ملك:القميص ده هيبقى تحفه وعلى البنطلون الاسود ده هيبقى اتحف
ادهم:اتحف!؟
ملك: لا لا متاخدش في بالك
ادهم:طيب هاتي دول كده ويلا امشي
ملك:بتمشيني بعد ما انقذتك وجيت طلعتلك لبس شيك زيي كده
ادهم بابستامه خفيفه:طب يلا يا شاطره من هنا
ملك:لا قلبي لا يتحمل بتطردني بالذوق
ادهم:انتي اي بقى الدريس اللى انتي لابساه ده
ملك:حلو صح!!
ادهم:خمس دقايق تروحي تغيرى الدريس ده وتلبسي حاجه واسعه عن كده وتيجي عشان اوصلك الجامعه
ملك:هو ضيق!!
ادهم:ايوه
ملك:بس شكله حلو اووي
ادهم:انا قولت كلمة يلا بقى عشان متعصبش
ملك:طيب
ادهم:متتاخريش عشان المحاضره بتاعتك
ملك:حاااضر
______
ملك:هااا كده حلو
أدهم:قمر يلا بقى
ملك:فطرت الاول!!
ادهم: لا مش عاوز اكل دلوقتي
ملك:طب مش همشي من هنا غير لما تفطر الاول
والدة ادهم:قوليله يبنتي اصل والله قاعده اقوله افطر الاول مش راضي
ادهم:خلاص خلصتوا كلام..انا ماشي
ادهم طلع وقفل الباب وراه وسابني جوه طلعت بسرعه وراه عشان ميمشيش ويسيبني
ملك:يعني ينفع يعسل يقمور انت تمشي وتسيبني
__________
ادهم:يلا انزلى ولا انتي ارتحتي كده ومش عاوزه تقومي
ملك:ما تلف بينا بالعربيه شويه كمان
أدهم:انتي شايفاني فاضي يبنتي!!اتفضلى انزلى يلا
ملك: حاضر يبشمهندس حاضر
ادهم:قلب البشمهندس يلا انزلى بقى
ملك:اي ده انت قولت اي
ادهم:اي يملك مالك
ملك:انت قولت حاجه دلوقتي صح
ادهم:انزلى يملك ربنا يهديني
ملك:طيب نازله اهو باي
_____
ليلى:ااه بقى واحده حبيبها بيجي يوصلها وواحده تانيه يعيني بتيجي .....
ملك:اسكتي اسكتي متكمليش هنق اهوو
ليلى:هو لسه بردو مش عاوز يعترفلك
ملك بضحك:لا وحياتك وشكلى كده هعنس جمبه
ليلى:طب يلا تعالى عشان المحاضره نحضرها ومنعملش زي كل مره
ملك:اصبري لما ادهم يمشي عشان لسه واقف د بالعربيه اهو وشايفنا
ليلى:واقف يطمن عليكي يباشا على ما تدخلى
ملك:بجد يا ليلى هييييه خايف عليا صح
ليلى:لا ده انتي مجنونه رسمي بقى
واقفه بتكلم انا وليلى حسيت بدوخه شديده اووي ومش قادره
ليلى:ملك انتي كويسه
#تتبع
#حكاوي ادهم وملك
#شيماء كمال
تعليقات
إرسال تعليق