 |
سكريبت ♥️بقلم سولييه نصار♥️
-ما يالا عشان نرقص ولا هنقضيها تصقيف كده وخلاص دي خطوبتنا مش عيد ميلاد بنت الجيران يا مونيا .
قولتها لخطيبتي وحب حياتي اللي قاعدة جمبي ولابسة فستان خطوبتنا وبتصقف وبس ...
بصتلي وقالت:
-والله يا اخويا ما قادرالك روح ارقص انت أنا ركبي وجعا*ني وداهنة فولتارين ولولا أنها خطوبتي كنت ريحت في البيت
-يا لهووي عليكي ...يا بت ابتسمي شوية اظهري اي مظهر من الانبساط الناس هتفتكر انك مجبرة علي الخطوبة دي واحنا حب سنتين اصلا
-تعبا*نة يا كابتن والله
-كابتن
-وجعانة والله يا عبد الرحمن هو امتي نقط*ع التورتة عشان اروح البيت امي عاملة مكرونة بالبشاميل وانا ماكلتش منها والواد زياد اخويا ممكن يطفحها لوحدي ده يه*ودي مش بيهمه حد
حسيت اني هتشل ...أو هتنقط مستحيل تكون طبيعية حب سنتين يا ناس اخيرا أهلها وافقوا بيا وهي بتفكر في الاكل ...أنا عارف انها مفجوعة بس مش للدرجادي ...بس دي مشكلة مونيا أنها للاسف رغم أننا قصة حب سنتين إلا انها مش بتظهر مشاعرها ليا ...افتكرت أن الموضوع خجل البدايات بس ده طلع مرار طافح هيستمر لبعد الجواز...
-اهو الحمدلله
صرخت مونيا بصوت فزعني شخصيا وقالت:
-جابوا التورتة اهي ....قومني يا اخويا معلش ...
مسكت أيدها وقومتها وبعدين روحنا عشان نقطع التورتة ابتسمت ليها برومانسية قولت احسسها بأي حاجة يمكن تتلحلح وهي ما شاء الله لوح تلج...ده لو لوح تلج كان ساح ولو حجر كان اتفتت ياربي من دون البنات ايه اللي خلاني احب دي ...
قطعنا الجاتو سوا وحطيناه في طبق واحد مسكت شوكتي واكلتها حته واستنيتها تأكلني انا كمان لقيتها مسكت الطبق وقامت بيه لوحدها ...
-بت ...بت يا مونيا يخربيتك فضحتينا
-جعانة والله يا اخويا حماتك صحتني من الصبح اكلتني سندوتش قد كف الايد ومن وقتها مأكلتش حاجة ...ايه امو*ت من الجوع ...ده غير أنها مخلتنيش اكل مكرونة بالبشاميل ...
-عوض عليا عوض الصابرين
-ايه بس مالك
-حسبي الله ونعم الوكيل
بصتلي بغيظ وقالت:
-ادعي عليا ياسطا ادعي عليا عشان امو*ت وطبعا هتستغل الفرصة وتخطب غيري
-لا أنا اتدبست فيكي للاسف قلبي مهزق اعمل ايه
-العب بالية
ضحكت وقولت بصوت واطي :
-انتي بت لمضة يالا يختي نرقص اخر رقصة عشان تغوري تأكلي بدل ما تاكلي الضيوف ...
بصت لرجلها وقالت:
-طب ينفع يا اخويا اخلع الكعب حاسة أن هقع وركبتي هتتك*سر وبدل ما ادخل دنيا ادخل آخرة
هزيت راسي ومسكتها. قولت:
-لا مينفعش طبعا انا همسكك يالا .....
رقصنا مع بعض طبعا بعد ما داست علي رجلي حوالي عشر مرات وحسيت رجلي اتشلت والحمدلله عدت علي خير وخلصت الخطوبة دون أي أضرار أو علي الاقل قبل ما أنا اتجلط أو تحصلي حاجة ...
......
بعد يومين .....
كنت قاعد في المكتب بتاعي لما تليفوني رن برقم غريب ...رديت ولقيت مونيا بتبكي وتقول:
-الحقني يا عبد الرحمن أنا خب*طت ضا*بط بالعربية وحاليا اخدوني القس*م !
-يخربيت معرفتك يا شيخة!!!
يتبع
#مونيا
#سولييه_نصار
الجزء التاني♥️شكرا علي تفاعلكم السكر♥️بقلم سولييه نصار♥️
-ايه اللي خلاكي تخب*طي ضا*بط يا مونيا !!
صرخت فيها من قه*ري لقيتها بتتريق وبتقول:
-مفيش يا غالي والله صحيت لقيت نفسي متضايقة فروحت وخب*طت ضا*بط ...انت هتهزر يا عبد الرحمن ده بدل ما تيجي تساعدني
نفخت بضيق وقولت :
-يا سخي*فة ..اقصد من فين جبتي العربية وانتي بتعرفي تسوقي اصلا
-لا ...والعربية سر*قتها من بابا ...المشكلة اني دورت علي الرخص في العربية ملقيتهاش شكلي لما سر*قت المفتاح نسيت ما اخدها من محفظة بابا...الحقني يا عبد الرحمن بابا لو عرف هيطر*دني من البيت طر*دة الكلاب الجربانة
-والله ليه حق ... دي جر*يمة متكاملة الأركان خب*ط ضا*بط بعربية مفيهاش رخص لواحدة معندهاش شهادة سواقة ...تاخدي فيها اع*دام دي ...ده كتر خيره انه مستحمل حد بالعقلية دي كان الله في عونه
-ايه يا بودي بس ...بقولك تعالي انقذني ...وحياتي عندك
المشكلة انها فهماني كويس ...اتنهدت وقولت :
-طيب أنا هاجي ...قدرتي تثبتيني يا بت ....
-بس متقولش لبابا حاجة وحيات عيالك
-ده لو بقا عندنا عيال بكم المصا*يب اللي بتجبيهالي كل يوم أنا قط*عت الخلف بسببك
قفلت معها بسرعة وانا بلف حوالين نفسي وبفكر ازاي هخرجها ...ازاي ...الدا*هية دي عمرها ما تعدي يوم من غير مشاكل هتجيبلي الجلطة في يوم ...ربنا يستر عليا يارب ...يارب أنا اه*بل وعب*يط مش قدها ....
اتصلت بصديق ليا محامي وطلبت يحصلني علي القسم. . .
وروحت لزميلي وقولت يغطي مكاني
-ايه يا عبد الرحمن رايح تقابل الجو ولا ايه
قالها صاحبي بسماجة فرديت وقولت :
-خف سماجة يا احمد مش فايقلك ...
مشيت وانا بتريق في سري. ..قال جو قال ...أنا بحب واحدة تق*صف العمر ...مش هترتاح الا لما تمو*تني ....ركبت عربيتي وروحت علي القسم ...رن عليا المحامي ورديت عليه
-ايوة يا ياسر
-بقولك ايه يا عبد الرحمن احتمال اتاخر عليك
-ازاي بس يا ياسر البت هتت*حبس كده ابوس ايديك هتجوز رد سج*ون بالشكل ده ..
ضحك ياسر وقال:
-يعني هو ده اللي همك
-يالا يا ياسر أنا مش ناقص متتاخرش اكتر من نص ساعة الهي تنستر هي بلوة وانا اتبليت بيها انا عارف
-ماشي يا سيدي جاي ...
قفل معايا وسوقت
بعد عشر دقائق كنت وصلت المركز ...
دخلت ولقيت مونيا بتعيط وهي واقفة قدام الضابط ...
-مونيا
قولتها بخوف ...بصتلي وبصت للضابط وقالت:
-اهو جالك اللي هيقط*عك
قربت منها وقولت :
-يخربيتك ده الضابط
-ايوة يا اخويا هو ده الضابط اللي خب*طته شوف قاعد زي القرد ازاي ومصر يس*جنني ...بس متقدرش اهو شايف ده يبقي خطيبي قرة عيني واللي يجي ناحيتي هيق*طعه ...
بصتلي وانا حاسس اني هتشل وقالت:
-اضر*بوا يا بودي
كنت هلطم حرفيا ...يخربيتها هتحب*سنا
-دي خطيبتك؟!!
زعق الضابط ..
هزيت راسي وقولت:
-ولا اعرفها يا فندم ...
بصلي بأسف وقال:
-الله يكون في عونك يا بني ...
بص للشرطي وقال:
-خدهم يا ابني علي الحب*س ..
-ح*بس...وانا مالي يا لمبي هي اللي خب*طتك مش انا...
مسكنا الشرطي فبصيت للضابط وقولت:
-يا باشا طب أنا عملت ايه
-يالا يا ابني خدهم علي الحب*س
-حسبي الله ونعم الوكيل فيكي يا مونيا هنبقي احنا الاتنين رد سج*ون!!!!
يتبع
#مونيا
#سولييه_نصار
تعليقات
إرسال تعليق