 |
# انتقام أنثي ٣
قبل أي حاجه شكرا علي كل تعليق لطيف اتكتب🤍
وثانيا بقي الجدل اللي حصل المرة اللي فاتت علي مريم ونور يجدعاااان اكيد مش هخلي سيف يتجوز مريم وهي اخت نور 🙂 انتوا هجمتوا عليا هجوم .... جيت أوضح محدش فهمني والهجوم كان مستمر برضه ...مسكتوش بقي غير لما حرقت جزء من بارت النهاردة ده وقلتلكوا انها مش هتبقي اختها ....استريحتوا كده🥺 وحابة اشكر بنوتة دخلت دفعت عني وقالت اني أكيد هوضح البارت الجاي🤍🤍
*********************
اديني هوضحلكوا يكش تبطلوا هجوم عليا🙂🥺🥺
عند سيف
قد حل الليل ومازال عند مريم
سيف بخبث : بقلك يا حبيبتي ...كان في سؤال كده محيرني
مريم باستغراب: سؤال ايه ؟
سيف : انتي كان ممكن تقبلي اني اتجوزك لو كنتي اخت نور بجد
مريم : انت اهبل يا سيف ولا ايه أكيد لا انت متعرفش انه حرام ولا ايه
سيف : اومال قبلتي اني اتجوزك ليه دلوقتي مع انها بتعتبرك زي اختها بالظبط
مريم بحقد : علشان هي خدت مني كل حاجه حلوة كانت عندي لما ماما وبابا جم اتبنوني وانا صغيرة كنت عايشة مبسوطة بينهم كانت كل حاجه انا عايزاها بتجيلي لحد ما ما فجأة هي جت ...اه هي جت بعد فترة طويلة بس خدت مني كل حاجه ...خدت مني بابا وماما ...هه مهو خلاص جالهم بنتهم الحقيقية....سقطت دموعها نتيجة تأثرها بما حدث لها .....ثم اكملت فقررت اني اخد منها اكتر حاجه بتحبها بعد ماما وبابا وهي انت....ثم ضحكت ضحكة مرعبة من يسمعها لا يصدق انها سليمة بل مختلة عقلها
(كده اكون وضحت كل حاجة يعني هي ولا تقرب لنور حاجه سواء من امها او ابوها زيها زي اي واحدة غريبة فهمتوني)
سيف بخوف من ضحكتها ومنها : آه آه فهمتك طيب بقلك ايه انا ماشي علشان نور متقلقش
ثم رحل بسرعة من أمامها وهو يقول بداخله : دي اتجننت علي الآخر
ركب سيارته ثم انطلق الي بيته الاول
*********
ومن ناحية اخري
كانت نور تضع اخر لماستها فقد عادت من عملها وبدأت بتنفيذ خطة آدم
سمعت أصوات مفاتيح فعلمت انه سيف..... أسرعت لتستقبله.....فتح سيف الباب فوجد ان نور في أبهي طلتها ولكنه شك في الأمر لان هذا ليس من عادتها معه ...ولكنه قرر ان يجاريها
احتضنته نور ثم قالت: حمد لله علي السلامة يا حبيبي
ثم قبلت خده
سيف باستغراب: ده ايه الرضي ده كله
نور بمرح: امبارح حمادة والنهارده حمادة تاني خالص
سيف : و ايه السبب بقي
نور وهي ترفع كتفيها: من غير سبب هو لازم يبقي في سبب وبعدين انت مش هتدخل ولا ايه هنفضل واقفين بنتكلم كده يلا يا حبيبي ادخل خدلك دش وغير هدومك اكون انا سخنت الاكل انا عملالك الاكلة اللي انت بتحبها
كان سوف يتحدث سيف ولكن قطعته نور بدفعها له : يلا بقي انت لسه هتكلم
ذهب سيف ثم ذهبت نور الي المطبخ لكي تجهز الطعام
ولكن قبل أن تفعل شئ ارسلت رسالة لآدم كان محتواها * تم *
بعد فترة قصيرة
كانت تضع الطعام علي الطاولة بعد أن جهزت له الطاولة بشكل رومانسي عندما أتي سيف
سيف: ايوة بقي ... جو رومانسي وشموع
ابتسمت نور ثم جلسا يتناولا مع بعضهما وكلا منهما لا ينوي للآخر علي اي خير
بعدما انها الطعام
كانت تجلس وهي تضع رأسها علي صدره
نور بهدوء : سيف كنت عايزة اقلك علي حاجه
سيف : ايه
نور : انا رجعت الشغل تاني عند بابا
سيف : وانتي بقي جايه تعرفيني ولا تستأذنيني
نور : الاثنين ومتقلش ازاي
سيف : امممم ماشي يا نور انا موافق بس علشان عارف انك عندك وقت كتير فاضي
شكرته نور ثم ذهبا معا للنوم فكلا منهما لديه يوم متعب غدا
استيقظ سيف اولا ثم ذهب الي عمله ....اما نور استيقظت بعده ولكنها اتصلت علي آدم لكي تطمئن علي ما يحدث....ولكنه أخبرها ان كل شئ في وضع جيد
ثم سألته عن سيف وذلك لانه يراقبه..... فاخبرها انه ذهب الي الشركة مباشرة.....
أغلقت معه ثم قامت لكي تستعد للذهاب الي الشركة
************************
وصلت نور الي الشركة
ثم دخلت الي مكتبها مباشرة.....وبدأت بعملها بعد أن طلبت طعام لكي تفطر ثم بعد فترة وصل الطعام قامت وذهبت الي مكتب سيف
طرقت الباب ثم أدخلت رأسها
نور بمرح: ممكن ادخل
سيف بضحكة : اكيد طبعا انتي بتستأذني
نور ببراءة :علشان تعرف بس اني مهتمة بيك ....طلبت ليا وليك
سيف : طب يا ستي شكرا
نور بعملية : العفو يا فندم
سيف بضحك علي طريقتها : اقعدي بقي كلي معايا
نور وهي تقوم : لا يا عم انا ورايا شغل قد كده هاكل وانا بشتغل كمان ...اسيبك انا تأكل وتكمل شغلك
ثم خرجت ....وكاد سيف ان يبدأ بالأكل الا ووجد نور تدخل
نور بمرح : بقولك ايه يا جوزي انا عايزة اكملك النهاردة في حاجة كده بس بعد الشغل ...نبقي نتكلم في اي كافيه بعد الشغل يلا باي
...ثم خرجت
ضحك سيف علي طريقتها ثم كاد ان يبدأ بالأكل الا و وجد نور تدخل رأسها من الباب
نور : جوزي اوعي تنسي يا جوزي
سيف : يست مش هنسي انا هروح معاكي اصلا
نور : اوكيه باي
ثم خرجت ....ولكن هذه المرة بقي سيف ينظر للباب وهي يعرف ما سوف يحدث
نور وهي تدخل رأسها مرة اخري
نور بضحكة : اوعي تنسي ميعادنا يا سيف يا جوزي
سيف : عارفة يا نور ان دخلتي تاني هعمل ايه فيكي
نور بضحكة : ولا حاجة طبعا
سيف وهي يقوم : امممم طب تعالي نشوف كده
نور وهي تخرج : لا يا عم علي ايه انا خارجة
ثم ذهبت نور الي مكتبها.....
اخذت طعام طلبته لآدم معها
ثم ذهبت الي مكتبه وطرقت الباب ودخلت
نور وهي تمد له الطعام : انا عارفة انك مبتحبش تفطر دلوقتي فعلشان كده عملت حسابك معايا مش علشان تفطر وكده لا علشان انت مبتحبش كده بس وانا عارفة انك مش هتكسفني ثم رمشت عدة مرات ببراءة : ثح يا آدم
آدم بضحكة علي طريقتها: ايه ده انتي لسه فكرة...افنكرتك نسيتي علي العموم يستي شكرا مش هقدر اقولك لا طبعا ...اي حاجة تيجي منك مينفعش متتقبلش
نور باحراج : طب خد افطر بقي ....انا رايحة اكمل شغل.....ثم خرجت ولكن كان هناك من يراقبها ورأها وهي تخرج من مكتب آدم .....
لم يكن سوي سيف
سيف بخبث: انا دلوقتي عرفت مين اللي بيساعدها ماشي يا نور ان ما وريتك مبقاش سيف
*********
بعد انتهاء ساعات العمل
ذهبت نور الي سيف
نور : خلصت علشان نخرج
سيف بابتسامة خبيثة : ايوة خلصت يلا بينا يا حبيبتي
ثم ذهبا ودخلا كافيه
سيف : ها تشربي ايه
نور : هات اثنين ليمون علشان هتحتاجه
سيف : امممم ماشي
نور بجدية : بص بقي يا سيف من غير لف ودوران كتير .....انا ......
ثم حكت له عندما تبعته وعلمت بأنه يملك عمارة و لم يعلمها بأنه اشتراها
سيف بابتسامة: وانتي بقي كنتي بتراقبيني علشان فاكرة اني بخونك بس اكتشفتي حاجة تانيه... هه كويس كويس اوي
طب تعالي نتكلم في مكان تاني انا اعرف مكان خلو هناخد فيه راحتنا
نور باستغراب : ليه وماله ده
سيف وهو ينهض: يلا بس وانتي هتفهمي كل حاجه بعدين
نور : ماشي .....روح ادفع الحساب طيب
ذهب هو ثم اجرت مكالمة بسرعة قيل انا يأتي حيث ان المكالمة لم تستغرق وقت كثير
سيف : يلا
تور بإيماء: يلا
ركبا السيارة .....ثم انطلق بها سيف
نور : انت هتودينا فين
سيف بشر : هتعرفي دلوقتي متستعجليش علي رزقك
ثم اكمل كنت عايزة تعرفي بقي انا عملت الحاجات دي من وراكي ليه ....ثواني وكان يمسك بشعر نور
سيف : انتي هتستهبلي يا بت انتي مفكراني معرفش بخطتك انتي والزفت بتاعك ليه شايفني اهبل ثم شد قبضته اكثر علي شعرها ....ثم اكمل : ده انا هطين عيشتك وحياة امك لأوريكي النجوم في عز الظهر
نور بألم وهي تمسك يده القابضة علي شعرها : سيب شعري يا حيوان
سيف بابتسامة: هتشوفي الحيوان ده هيعمل فيكي ايه
ثم خبط رأسها في السيارة امامه لتفقد الوعي مباشرة
ثم انطلق بها الي مكان ما ...
# يتبع
البارت المرادي ١٢٢٢ كلمة اديني بطوله اهووو يكش ملاقيش حد يقلي طولي البارت زي المرة اللي فاتت تاني 🌚😂😂
By : kenzy Mohamed🤍
تعليقات
إرسال تعليق